蟹仙海鮮私房．蒸氣石碢 (環海大廈)

屹立多年的「蟹仙」，因為老闆是野生海鮮入口商，自然把最靚的貨留給自己餐廳，我們就是為吃野生奄仔蟹而來，別處難求，因此，性價比高！我們二人點了專貴海鮮套餐，正值5.5折優惠推廣，原價$898，現在折實及加一後每位$510.5。項目豐富多元全部，大部分都是野生海鮮，侍應先展示六款食材，全部大大隻：大西洋野生青口拿大野生海虎蝦韓國釜山蠔黄金翡翠螺蟹皇大元貝韓國釜山野生鰻魚然後逐一替我們蒸煮，接下時間制不會過火，因為每款海鮮皆需要不同烹調時間。當中我最欣賞野生鰻魚及海虎蝦，肉質結實，確實不同。秘製原隻南非南非乾鮑是由廚房煮熟啲，30頭乾鮑雖然細細隻，但切開肉質富彈性，口感滿足。野生菲律賓奄仔蟹澳洲青年龍蝦這晚的重點到了，看到蝦膏蟹膏皆豐富，增長冷知識，原來奄仔蟹即是處女蟹，未曾生育，蟹膏軟滑，若然升級做了媽媽蟹之後，就要改名做膏蟹，蟹膏變得橙色及硬了，等於我們熟悉雌性的大閘蟹，蟹膏是比較硬的。這晚的野生菲律賓奄仔蟹，蟹膏軟滑、蟹肉鮮甜，真是極品。澳洲青年龍蝦同樣新鮮，肉質細緻結實。有機蔬菜籃之後品嚐各款蔬菜。白粥然後是盡吸精華的海鮮粥，內有粟米、芋頭、排骨及薑同煲。…Read More

# 🦀【食評】尖沙咀《蟹仙》蒸氣海鮮粥底火鍋 —— 每啖都係鮮味精華，蟹膏香到入心！ 講真，今次嘅體驗真係 **超出預期！** 平時打邊爐都係清湯、麻辣、花膠雞嗰啲，第一次試「蒸氣海鮮+粥底火鍋」，完全係另一個層次，啲海鮮鮮味真係「蒸返嚟」，啲味唔走樣又好清甜。 ---## 🏠 環境同氣氛 呢間叫《蟹仙》的店喺尖沙咀天文台圍，位置方便，轉個街角就見到。門面有啲老派格調，不過入到去坐低後就覺得幾乾淨，枱面企理、調味料齊全，有薑蓉、蔥花、蒜茸、辣椒，仲有佢哋自家秘製豉油。 火鍋用電磁爐加石鍋上蒸籠，一見就覺得好特別。 ---## 🦞 今次食 $449海鮮套餐（每位價） 成個套餐有多款海鮮，真係樣樣都睇得出新鮮、啖啖肉。 由最開始嘅鮑魚、青口、蝦、海螺，到重頭戲 **奄仔蟹** 同 **琵琶龍蝦**，都冇一樣失手。 ---### 🦪 前菜：鮑魚花椰菜 一開始先食三十頭乾鮑魚，細細隻但肉幾厚身，咬落煙韌爽口，加埋啲簡單嘅醬汁，味道幾淡雅。打開個胃先。 ---### 🦐 虎蝦 + 青口 + 翡翠螺 店員會幫我哋計時，蒸完即食唔會「老咗」。 啲蝦蒸完依然係橙紅色油亮，肉質彈牙，好似啱啱上水咁。青口汁香又多；海螺好有嚼勁，咬落清甜，完全冇腥味。 ---### 🐟 鰻魚件 魚身油亮，蒸出嚟魚皮仲keep到滑滑嘅質感，冇散，入口仲有陣清香。嗰啲魚油滲落粥底度，後面啲精華就靠佢！ ---### 🦀 奄仔蟹（必試！） 呢樣真係要重點講一下。 未上枱之前，店員已經介紹得好詳細，話呢隻奄仔蟹係季節限定，產量唔多、仲要靠運氣先有得食。 蒸嘅時候已經聞到蟹膏香，打開個蓋真係「爆膏」！嗰啲膏濃稠得嚟又唔腥，入口係純粹嘅海鮮甜味，香到停唔到口。 我食蟹咁耐，第一次覺得可以咁鮮甜無雜味，真心值得加分💯。 ---### 🦞 琵琶龍蝦 隻龍蝦都有驚喜，蒸完唔會「縮水」，肉結實得嚟唔韌，滿滿鮮味。最重要係嗰層蝦膏——真係「黃金流心級」濃郁！ ---### 🍲 粥底壓軸登場 食晒啲海鮮之後，店員會將之前啲蒸餾水聚返落去煲底嘅粥度。 嗰碗粥簡直係整晚亮點！！ 全部海鮮精華都滲晒落粥底，仲加埋豬肉粒同粟米粒，每啖都似食緊大海嘅味道，滑到入喉都唔捨得吞。 ---### 🥥 甜品：椰汁燉雪燕 最後送上椰汁燉雪燕收尾，微甜得嚟好爽滑，食完啱啱好中和返之前啲海鮮咸香。完美收場😌。 ---## 💬 小總結 | 項目 | 評價 ||------|------|| 海鮮鮮度 | 🦐🦀🦞🦪🦪🦪（爆燈） || 環境 | 舒適乾淨，蒸氣味唔焗 || 服務 | 店員好細心，會幫忙控制火候同時間 || 價錢 | 套餐$449一位，物有所值 || 整體滿足度 | ⭐⭐⭐⭐⭐（5/5，大推！） |> **一句講晒：** > 第一次食蒸氣海鮮火鍋，真係「食得健康又豪氣」， > 唔洗重口味，鮮味自己會講嘢。 > 尖沙咀想食有新意嘅海鮮火鍋，《蟹仙》真係值得一試！…Read More

想食蒸氣海鮮好耐！來呢間蟹仙海鮮私房．蒸氣石碢就可以食到各種新鮮嘅野生海鮮啦！店員會好有耐心咁介紹每款海鮮，又會全程都幫手蒸啲海鮮，服務好到位👍🏻～✨秘製原隻南非乾鮑爽口彈牙，好入味～✨野生菲律賓奄仔蟹奄仔蟹又叫處女蟹，蟹膏嘅顏色雖然冇咁橙色，但口感再幼滑啲，味道更加鮮～✨野生琵琶龍蝦琵琶龍蝦係比較稀有嘅品種！第一次食覺得好有驚喜！味道好清甜，口感同龍蝦差唔多，但肉質再緊實少少～✨韓國釜山野生鰻魚加咗薑絲一齊蒸，味道完全唔腥！肉質嫩滑冇碎骨，冇諗過就咁蒸都可以咁好味～✨韓國釜山蠔有澎湃嘅爆汁效果，充滿蠔嘅鮮味～✨大西洋野生青口青口同樣都有爆汁效果～✨加拿大野生虎蝦虎蝦嘅味道特別鮮甜，唔使點醬油食都可以食到虎蝦嘅原汁原味～✨加拿大黃金翡翠螺螺肉超爽口～✨蟹黃大元貝表面加咗蟹膏炒過嘅蟹黄醬，令到元貝嘅風味更佳～✨有機蔬菜籃有焦糖粟米、生菜同埋娃娃菜，估唔到蒸嘅菜都咁好味～✨粥底吸收晒蒸海鮮嘅精華，仲加入咗豬骨同粟米去煮，健康又美味～✨椰汁燉雪燕食埋呢碗糖水就大滿足啦～…Read More

去過「蟹仙」數間分店，海鮮同樣新鮮又抵食，多年來由我讀書到我工作咗數年，價格都幾乎冇改變。不時都會掛住「蟹仙」，一再回頭😋今次同朋友都揀咗「尊貴海鮮套餐」($449/每位)，套餐包括好多海鮮🦞最後又有粥底同奉送甜品，飽到捧住肚走🤰🏾全程由店員負責蒸海鮮，又有自動計時，可以非常安心同舒適地進食。蒸海鮮之前先上秘製原隻南非乾鮑，配上菇類，香味濃郁，好開胃！先蒸黃金翡翠螺同加拿大野生海虎蝦，兩類海鮮同樣爆多汁，非常鮮甜🦐之後蒸韓國釜山蠔，蠔肉好肥美，蒸得剛好，入口好順滑，充滿蠔嘅鮮甜🦪然後蒸同樣嚟自釜山嘅野生鰻魚，非常厚肉，魚皮非常嫩滑有彈性，膠原蛋白滿滿，加入少許薑絲蒸，完全冇腥味，原汁原味冇點任何醬汁，超鮮美，非常出色嘅鰻魚！蟹皇大元貝超足料，滿滿蟹皇，元貝肉質爽彈，橙膏又肥美又鮮甜。食完以上海鮮之後，重頭戲嚟啦🤤外型獨特嘅野生琵琶龍蝦好少地方有賣，「蟹仙」入貨都係隻隻靚貨，肉質爽彈到不得了，仲有少少膏，更加香口🦞是日奄仔蟹來自菲律賓🦀奄仔蟹又叫處女蟹，蟹膏十分軟滑，充滿鹹香鮮味🤤蟹肉一絲絲，好鮮甜，肉質又滑，勁滿足🤤粥底吸收晒以上精華，加上蔥、菜脯等等更豐富，食埋粥一定夠飽！最後仲有甜品，燉燕窩我至愛🥰…Read More

蟹仙海鮮蒸氣鍋主打野生海鮮，餐廳寬敞好坐，侍應會幫我哋蒸，唔洗自己落手，爽歪歪等食真係好。我哋揀咗「尊貴海鮮套餐」，可以食到多款野生海鮮，鰻魚入口超爽口彈牙，啖啖肉又鮮甜。琵琶龍蝦系野生，口感爽甜鮮香，龍蝦肉Q彈，蝦膏流晒出嚟，超Juicy。野生膏仔蟹，一打開蟹蓋已經見到啲膏好香，啖啖蟹肉帶點鹹香，勁鮮甜，唔需要任何調味料。野生海虎蝦，好大隻，肉質彈牙到不得了，非常鮮甜。大西洋野生青口，貝肉肥大，啖啖肉又鮮甜，完全無腥味，再加埋啲醬油點一點，鮮味即時提升。韓國釜山蠔，蠔身飽滿，超大隻，一食落去即刻爆汁，有海水嘅咸香，鮮味十足。黃金翡翠螺，螺肉好爽口，啲肉質夠彈牙，吸晒海鮮精華，加蒜蓉一齊食，好惹味。蟹皇大元貝，好大隻元貝，口感嫩滑。另外仲有機蔬菜籃，一齊吸晒海鮮精華，菜都變得好鮮甜，食落爽口又健康。最後就食粥底，系用蒸野生海鮮嘅精華一齊煲，入口鮮甜層次豐富，配埋咸菜同蔥花食仲正。仲有飯後甜品椰汁燉燕窩糖水，甜度啱啱好，椰香濃郁。…Read More