蚊蚊豬老火鍋

營業中

休息中

前派天氣比較冷嘅時候我就同男朋友帶左爸爸媽媽又去食好西 天氣凍緊係去打邊爐啦~~ 而我地今次就openrice 揀左一間太子嘅店 叫蚊蚊豬 個店名都幾搞笑🤣首先想講一講依間餐廳雖然門面睇落好普通 睇落好細間(地下得五張枱) 但其實好好服務同細心 佢有個box 比你裝住個袋 有圍裙比你著以防你食到成件衫都係 佢個麻油自家出嘅 好香好特別 員工即刻攞哂啲豉油配料比你落 真係估佢唔到至於食物方面 我地就叫左鮮菌清湯同醉雞湯底 兩個湯底都好鮮甜 而且好足料 個人極力推介個醉雞湯底 因為一黎到就好香 雞就分開上 好滑好新鮮 真心好味 之後我地想食好啲叫埋個a set 有象拔蚌刺身配雪花肥牛個象拔蚌切得好薄 好清新 係一流嘅享受 個肥牛啲肥瘦位都幾平均分配 不過我地叫個個牛頸脊好味啲 好有咬口 其他平時食開嘅餸例如丸呀 粟米 菜同烏冬都好有質素 啲粟米清甜 而且個烏冬係稻庭烏冬 同個紅薯粉一樣煮完之後都索哂啲汁 容易咬 好味道總括黎講 依道雖然唔係啲咩高級餐廳 但服務好 食物好 可以再食！

一出太子地鐵站就見到個金毛女仔派傳單，睇一睇原來係蚊蚊豬老火鍋做緊推廣，本身老友sd左張相比我，話推介我去，我都想試下架啦，咁咪試一試囉。咁岩個日做緊牛魔王半價，鐘意食牛既我當然唔會放過啦。叫左個招牌紅湯，小辣加小麻，味道不錯，個牛魔王四人份糧到啦，新鮮既，有埋黑栢業係到，雲吞好正，炸響鈴實要叫，但一定要試既，係黃金炸鏝頭，哈哈，D花甲同菜都正正常常，黎緊夜晚9:30後會試試個雞煲，$48蚊雞半隻炸。

前排同公司嘅同事去咗太子附近食麻辣火鍋，入到去睇落好細間咁原來佢有兩層嘅，我同啲同事就坐下層，侍應都好好服務一座低已經沖茶，介紹我哋啲有咩係出名嘅呢間店都幾細心，因為都驚啲湯底會整污糟客人嘅衫，所以特登訂做一啲即用即棄嘅圍裙比客人佢地仲有自製嘅麻油，原來佢哋話內地人食麻辣火鍋唔興用豉油係用麻油，所以我哋都試吓內地人嘅食法先川汁皮蛋麻辣味唔算太香濃，皮蛋黃好糖心我哋都叫咗個屬於招牌嘅鴛鴦鍋，我見到麻辣嗰邊已經feel到佢嘅辣度我覺得最有特色就係呢舊牛油做嘅鯉魚，成舊牛油擺落去個麻辣鍋，直情聞到個味道已經好香牛頸脊脂肪同肉質嘅比例好平均，牛味好香煮熟左好淋有入口即溶嘅感覺，好好味蜂巢豆腐如果放落麻辣鍋度索晒啲麻辣湯，入晒味脆肉鯇魚骨腩香脆爽口，一食就知道新鮮呢間火鍋店整體質素好高，而服務都好細心啲同事今次真係冇介紹錯

上星期同朋友嚟食呢度嘅招牌牛油紅湯鍋，因為見openrice好多好平好多人都推介呢個鍋，所以專登黎試一試我哋叫咗鴛鴦，試埋個粟米豬軟骨窩個牛油紅湯鍋真係好正 勁足料，好多花椒，所以個湯好香，夠晒麻辣最盞鬼係個牛油成條魚咁，造型好特別然後店員話內地嘅麻辣鍋係會點麻油，中和一下辣味 而且香d。 又真係幾好味！！好香麻油味，罪惡感拋諸腦後呢間店好貼心，特登準備每人一條圍裙唔會彈到件衫點左一份手切牛頸脊，花紋幾靚，唔會太薄高級手打鮮蝦滑呢個都值得推介，如果放喺清湯滾，係食到鮮蝦味！豬黃喉呢個真係唔係度度都有， 食落好爽脆，煮得耐都一樣咁爽正呀！！淮山吸晒d麻辣湯汁呢間的牛油紅湯真係值得試！ 個人好鐘意呀

早排同女朋友去左太子一間叫蚊蚊豬嘅餐廳打邊爐，間餐廳位置都算比較夾攝，由太子站行過去都應該要10分鐘以上，但係以食物質素來講絕對係抵嘅。嗰日我哋大概七點鐘左右就去到餐廳，一開頭頭人流唔算好旺，大概只有幾張枱係有客人，但後尾其實都有好多人特登book咗枱嚟食嘢。首先要讚嘅就係間餐廳非常之細心，佢每個客人都會預備左一個圍裙比佢哋去着，避免佢哋因為打邊爐易整污糟件衫。之後呢，淨係調味醬都有好多款特登放喺度俾我哋揀，另外有樣好特別嘅嘢，就係佢個牛油係一個魚嘅形狀，非常有趣。食物質素亦都非常之好，牛肉、海鮮等等都非常之新鮮，我哋都叫咗好多唔同嘅嘢食對今餐都十分滿意。店員服務質素亦都幾好，好有禮貌，有陣時都會特登走過來問下我哋對食物質素嘅意見係點，唔錯。總括來講，而間餐廳我都幾滿意，如果有朋友想試吓嘅話我都會推薦。

重慶係火鍋的發源地，重慶火鍋又稱為老火鍋。今次揀咗一間別具特色嘅惱火點。本人都比較喜歡食火鍋，特別係冬天。火鍋都食得多，今次食嘅老火鍋比一般火鍋別具特色，非常驚喜。我哋揀咗鴛鴦火鍋湯底，一邊係麻辣另外一邊係豬骨。呢個麻辣湯底非常特別，唔單止辣咁簡單仲要有牛油味。係湯滾左之後店員超好服務，幫我地將一條與形狀嘅牛油放落湯底，同事都好細心教我地唔同食物嘅食法。火鍋配料方面，全部都好新鮮，份量都好足，兩個人食到抱住個肚走。另外一樣好值得一讚嘅係，火鍋店非常細心，為所有顧客都安排左圍裙同埋一盒紙巾。另外仲有一盒秘製嘅麻油，佢話係配合麻辣湯底食嘅。

之前YouTube上見到介紹，咁一於揸車去試下啦，反正果度都係周街隨便泊位置好近倫哥同蜀大俠一樣，都係用芝麻油當主要醬料，據稱會保護胃部免得太辣受傷個湯底望都知堅辣⋯所以都係要兩邊湯底輪住食⋯牛肉條⋯相信依個掛法係抄火鍋撚吧⋯⋯不過明顯人地靚仔好多。味道則尚算食到牛味，不過由於重口味緣故，牛肉味好多時都會被遮蓋。炸響鈴值得一讚，佢大大舊，比坊間大一倍，但食落無油溢味，而且豆香味濃，口感香滑，算有驚喜黃喉片，即係牛隻喉嚨部分，爽甜彈牙，伴麻油香蒜食一流全晚最欣賞就係佢個萵筍片，望落已經靚靚仔仔，成塊玉咁，短烚爽脆，長烚甘甜，必食之選蝦滑就有d騎呢，有原隻蝦係入面，不過都算係新嘗試，味道都唔算差西瓜汁，清甜解辣，不過無乜冰感整體而言，環境屬嘈雜市井風格，空間感中等，未算迫促，店員比例合理，動作算勤快有禮，不過亦有甩單情況（例如甩左蜂巢豆腐、西瓜汁要問先上），仲要有個店員不停咳但無戴口罩，流感高峰期你都咪話唔驚埋單人頭300左右，唔算貴亦唔算非常抵食吧

約左幾條佬去開飯，食既都離不開打邊爐。搬離左太子之後都耐唔時會經過舊居附近，見到呢間火鍋店開左一排，咁就4條友去左踩場。碗碟幾精緻，始終開左唔算耐，啲野都幾新下。幾個都唔想食辣，普普通通叫左個鮮菌湯底。湯底黎到散發陣陣香味~自家水餃唔錯，味道一流，我地都再encore左碟。豬肉丸唔係結哂冰出黎，所以煮完雪藏味。安格斯牛，脂肪唔算多，牛味較重，幾有咬口。手切牛頸脊，雪花紋路好平均，煮完好淋，入口即溶。我地喺兩款牛選擇下，追加多碟牛頸脊，因為真係好好味。墨魚滑好彈牙，食落都唔知係食緊墨魚粒定真係咁彈。札肉有少小辣，幾惹味。稻亭烏冬叫左兩份，分開左之後一餅都唔少，煮完煙煙韌韌幾好味!

朋友話佢屋企附近早排開左間火鍋, 個鋪頭名幾得意想去試下, 咁我見打邊爐都無乜所謂, 當試下新野.豉油配料都有齊我要既野, 太好了!!(PS. 中間嗰支係蠔油)每人仲會有樽仔自家麻油同一塊圍巾. (影隔離枱的)事關朋友唔食得辣, 所以揀左個最清既雜菇湯底都幾香菇味.個蝦滑堅有蝦味, 因為入面有仲有唔少細蝦喺入面, 所以煮完都好有咬口.雲吞都有原隻鮮蝦, 味道就同普通平時食開差唔多.響鈴好鬆化, 而且浸完索哂啲湯好好味.牛頸脊夠哂薄, 好快就變色食得, 完全唔韌.最後叫左個稻亭烏冬做總結, 煙煙韌韌幾好味.

蚊蚊豬麻辣火鍋算係香港食過比較正宗一入嚟由裝修到餐具都好有特色勁貼心咁每人都有獨立嘅圍裙紙巾同埋麻油加上醬油盤有兩個位 可以調兩款唔同嘅醬油配合返唔同嘅食物值得一讚今次湯底我哋揀咗招牌牛油紅湯鍋同埋重慶雞煲 雞煲超足料 仲要係鮮雞 食落冇雪藏味紅湯我哋揀咗小辣 但都充滿着辣椒 滾起左就可以落埋鯉魚形狀嘅牛油超正宗配料方面我哋叫咗牛黃喉 牛胸爽 蜂巢豆腐 響鈴 同新鮮田雞喺香港好少地方會有得食牛黃喉同牛胸爽但如果返重慶食呢啲一定係必點黃喉係牛嘅大血管 彈性十足 煮完之後超爽口牛胸爽就係牛胸韌帶嘅位置 睇落似係脂肪煮完入口牛味好濃 但未必個個鍾意食蜂巢豆腐同響鈴都我哋打邊爐必備 貪佢吸味又好味 響鈴即炸出嚟 大大嚿分量超多 一個等於外面兩個 蜂巢豆腐就爽口 但就要小心中間鎖住嘅湯汁燙口我地覺得最好食嘅就係新鮮田雞 呢度嘅田雞幾大隻啖啖肉 肉質結實又彈牙 而且真係食到鮮味 而且一盤都只係＄68 超抵食

趁未熱得晒約左朋友打邊爐, 佢話屋企附近開左間新野, 街坊小店又黎幫趁下.調味料醬油自行調制, 乾淨衛生.栗米豬軟骨煲, 材料夠多, 大大舊豬骨, 甜栗米同大量芹菜, 飲下湯夠晒清甜, 唔油膩.打邊爐必要肥牛, 脂肪比例較多, 入口特別軟腍, 但唔會覺得好肥膩, 而且肉味濃.牛胸爽見有推介又叫黎食下, 唔會太厚, 所以淥一淥就食得, 好爽口彈牙, 而且牛味都唔弱.豬玻璃腩片好白滑, 脂肪比例平均, 入口特別嫩, 嫩到口感似肥牛.即炸響鈴好鬆化脆口, 蛋味濃香, 卷起夠厚實, 索湯食另有風味.整體食物唔錯, 地方乾淨舒服.

第一次幫襯，店舖裝修骨子,但椅子排位略謙太擠。好彩是晚客人不多，要求換了大一點的桌子，才舒適不少。鍋底點了小辣麻辣牛油鍋併粟米豬骨鍋。麻辣鍋底香麻辣並重，與牛筋，午餐肉及紅薯粉絕配。自家炸的响鈴乾身香口，牛頸脊肥瘦相間，雲吞中的蝦又大又爽。脆鯇腩又脆又甜但不會一口油...會再幫襯

見近排又涼涼地，就諗住打邊爐，烚下烚下同老公行完街，就係太子揾到呢一間火鍋店！入到去坐位都闊落，不會太迫促，原來呢到仲有兩層的，地方舒適！一坐底就見到店員己經準備好每人一條圍裙同埋每人一罐麻油，一盒紙巾！麻油是用來取代豉油，食麻辣紅湯鍋正宗食法！但因為我同老公都食唔到辣，所以就點左個粟米豬軟骨湯底！食火鍋，醬油配料絕對唔少得，基本既生蒜，辣椒絲，蔥花等等，呢到都一應俱全 。粟米豬軟骨湯底 $98,十分足料,蘿蔔粟米十分鮮甜手切牛頸脊（例） $198，新鮮的牛頸脊，輕輕煮一陣就熟透，入口牛肉味道濃郁，感覺啖啖肉，比一般的牛肉更好味即炸響鈴 $48，又香又脆，我最鍾意整軟身，完全吸收晒湯底的精華，入口時味道濃郁非常好味鮮蝦雲吞$58，蝦身特別爽口，皮亦都做得夠薄，食落滿載既餡料湧入口中魚皮餃$38，打邊爐點少得魚皮餃，都幾出色

改名真係好重要，一間鋪頭嘅名會否容易令人記得都可能會影響咗生意。好似最近見到有間火鍋店個名幾特別，叫「蚊蚊豬」，所以都留下左印象，再加上見到有朋友喺介紹過呢度有條鯉魚造型嘅牛油，用嚟放入呢個麻辣鍋裏面，呢個令我個印象更加深刻👍🏻今晚就約咗朋友嚟呢度打邊爐，當中仲有朋友係成年冇見嘅添。你間鋪頭位於太子地鐵站附近，相當容易搵，呢度主打特式火鍋有，湯底有麻辣，雜菌，豬骨同雞煲等等。價錢屬於中等檔次，店嘅面積唔算大，不過應該有2樓嘅，但我哋冇上去睇過就唔知有幾大啦😆我哋叫咗個鴛鴦湯底，麻辣同豬骨。店員重會將一條鯉魚造型嘅牛油啦放入麻辣湯底入邊，增加香味😍我地點左大概10款嘅食物，當中推薦手切牛頸脊，新鮮鵝腸，炸響鈴同埋手打三寶丸。手切牛頸脊例牌$198由於我哋唔知個質素如何，所以只係叫咗例牌，嚟到就覺得賣相已經唔錯，大約有10多片，食落口果然幾諗身，又有牛味，下次可以叫大碟呀🤟🏻新鮮嘅鵝腸同雪藏嘅係差好遠，口感完全唔同，新鮮嘅會連埋一啲肥膏，但係食落口絕對唔會覺得肥。炸響鈴大大條，粗身有好多圈，而且新鮮炸起熱辣辣，就算淨食都好香口好食，再放入麻辣湯底，索晒啲湯汁更加無得頂😀手打三寶有墨魚丸蝦丸

過年過後依然有很多飯局，同幾個朋友揀左呢間太子嘅蚊蚊豬打邊爐，都知道呢間火鍋店一段時間，今日先第一次試我地被安排坐下層，好在一早預約左位，話哂都仲係新年期間，生意都好忙，原來佢地仲有2樓，都係見其他客上去我先知。呢幾日天氣涼番，火鍋又會再次成為大家首選。坐低後店員好快就提供左醬油盤，而本身每枱都會有麻油、紙巾同圍裙，好貼心。大家都餓喇，好快點好野食，等上菜，期間見到隔離枱點嘅麻辣牛肉同響鈴都好吸引，但我地忍住手，睇下夠唔夠先再加招牌牛油紅湯鍋配粟米豬軟骨鍋 138：鍋底上嘅時候幾吸睛，紅湯充滿辣椒，感覺好重口味，我地揀左少辣，怕太辣食唔到呢。紅湯鍋底仲會配上一條好可愛嘅牛油金魚，滾起就可以放埋入鍋。豬軟骨鍋中有幾大件豬軟骨，湯底清甜，仲有蘿白同粟米，呢個價錢都幾抵配料選擇多，我地都揀到有少少選擇困難症。手切牛 198：呢個價錢都算ok，明顯係手切，份量都算係咁，四個人食啱啱好。牛肉紋路靚，肥瘦適中，質素很好鮮鵝腸 78：很新鮮啊，入面仲有少少肥膏三寶丸 88：擺盤勁靚，啱哂相機食先有鯪魚丸、墨魚丸、蝦丸三款。丸類手打，比較細粒d，好新鮮彈牙架，特別鐘意墨魚丸，結實得來有啲咬口鮮蝦滑 6