最近大食左 就好想食火鍋 因為可以食好多食到飽為止^^ 所以我就同老公去左食無限時的台灣養生涮涮鍋^^ 依到環境乾淨舒適簡約 座位寬敞 好多卡位 十分適合朋友相聚 高談闊論~ 熊熊今次叫左台灣養生涮涮鍋吃到飽套餐 最平個個餐 只需要$247/位 +1(7:30pm前離座) 雖然佢肉類只包Prime Grade美國安格斯牛肉同埋西班牙無激素豬肉片 但佢其實仲有好多火鍋配料 食材種類一D都唔單調! 而且依到有非常多款湯底選擇 比較養生的可以選擇台灣養生醉雞、藥膳椰子雞、養生蟲草雞桃膠雞、藥膳姬松茸雞肉等～今次選擇了藥膳椰子雞 富有椰子香 ✨熊熊推介以下食物: 手工墨魚丸 - 十分彈牙 Q彈正方形魚腐 -彈牙too 足8吋長蟹柳  爆醬濃芝牛丸(流心) 生猛海蝦 - 新鮮 肉質彈牙 脆鯇魚片 - 脆and滑 羽衣甘藍 - 唔係好多餐廳都有既super food 飲品方面有勁多選擇！個人大推愛文芒果茉莉花茶 解渴得來又唔會太甜 餐廳勁貼心有暖櫃 內有無糖茶飲 維他奶等等 甜品方面每人可以選擇一款雪糕 有Dreyer’s, Haagen Dazs同Movenpick任君選擇 Overall 我覺得7:30之前離座既價錢都幾aceptable 食物質素不錯 款式都多選擇 食物又唔駛自己出去攞 十分方便! 值得一試!

<值得一試既Fusion Brunch> 講起食burnch, 相信大家都會諗起All day breakfast 相對Light得黎又飽肚 但係今次熊熊想介紹既係位於中環蘇豪區既一間fusion餐廳 FRANCIS west 融合左地中海同非洲風味 用阿拉伯烹飪方式烹調既brunch set 味道豐富又新穎 最啱放假想同朋友試新野同Chill既你! 首先每人㨂一個Main 熊熊同朋友就㨂左： Shakshuka - HK$140 依個係以水波蛋配番茄同哈里薩辣醬製作而成的傳統中東早餐 酸酸地好醒胃 Steak & Eggs - HK$220 依個以羊臀肉 煎蛋同哈里薩薯仔整成既經典菜式之一 蛋煎得靚 羊臀肉唔羶 而且肉質彈牙 好味 ‘Mughrabi’ Chicken Parm - HK $180 依個係巴馬臣雞扒配茄子 雞扒外層香脆 蓋以香濃芝士 口感十分好 不過熊熊誠意推介一定要加埋佢個頭盤小食 - Weekend The Big Brunch (+$150/位) 當中包括必食摩洛哥石板烘焙薄餅麵包（Stone Baked Frena）鷹嘴豆泥 Pickles 摩洛哥辣醬 牛油果菲達芝士沙律同埋招牌雪茄春卷 佢個Frena烘得外皮香脆內裡十分鬆軟，配上creamy口感厚實既鷹嘴豆泥同由慢煮蕃茄、甜椒和大蒜製成的摩洛哥辣醬 味道超好 十分推介！ 個沙律火箭菜新鮮 牛油果份量十足 春卷勁多牛肉 抵食！ 野飲熊熊就推介Sumac, strawberry, Persian lime - $50 依個味道酸甜清新 富有士多啤梨既香 好適合食完咁豐富既brunch之後消滯

🐻🐻最近去咗一間想試好耐嘅餐廳 因為之前睇微辣嘅時候佢地去過依間餐廳到玩遊戲🤣 今次我就去咗荃灣分店 其裝修富有中國特色 好靚好適合打卡📸 🐻🐻叫咗: ✨椰子雞番薯蜆濃湯鍋 $318 🐻🐻誠意推薦此湯底👍🏻 十分足料 雞件十分多 而且肉質不’孩’ 我同🐻老大食哂啲雞件._. 而且裏面仲有粟米同蜆 湯底清甜可口 🐻🐻飲咗少少湯先開始打邊爐🥰 ✨蟹黃餃-四粒 $78 皮十分薄 啖啖蟹肉 ✨頂級雪花牛肉 $338 是次牛肉雪花唔算多 但肉質的確鮮嫩 富有牛肉味 口感軟稔 ✨伊比利亞橡果豬$168 🐻🐻推介‼️此豬肉賣相吸引 仲多雪花過肥牛！ 十分肥美 此黑毛豬食橡果長大 味道較一般豬肉濃而芳香 為係豬肉界嘅和牛😋 ✨大滾友雜菜拼盤 $98 拼盤有油麥菜，娃娃菜，金菇，萵筍 蓮藕紫淮山，蕃茄，粟米 ，木耳 頗新鮮 屬正常 ✨手打鵝肝墨汁墨魚丸-四粒 $72 色澤不錯 頗彈牙 是墨魚丸肉含有一粒小鵝肝的組合 ✨自家製足料竹蔗茅根 $78 清甜解渴 不會太甜和飲完口乾 不錯不錯

🐻🐻今日想介紹下一間同牛大人有得揮嘅台式火鍋店 不但環境寬敞 服務員有禮貌而且經常主動幫我地加湯 而且無論係要order/可以係自助區拎嘅食物質素都好好 甜品十分有驚喜 ‼️真係滿足哂🐻🐻個胃❤️ 誠意推介比大家💪🏻 熊熊食咗個90分鐘晚市 牛殿品吃到飽套餐- $559/人(1830前入座) 我同🐻老大加咗$88 要咗個蟲草靈芝烏雞湯 十分足料 有半隻烏雞喺裏面 富有藥材味但不會苦澀 店員叫我地飲咗啲湯先打邊爐😋 依個餐貴就貴在有得食日本鹿兒島A4 黑毛和牛 雪花均勻好靚 入口即溶 惟有點肥啦🤣 而M9澳洲和牛肩胛肉都係另一主打 肥瘦相間不油膩 肉質嫩滑 肉味較出 🐻🐻推薦以下食物: ✨A4肥牛 ✨M9和牛 ✨棒球貢丸(富有豬肉味 好味加彈牙) ✨飽魚 (新鮮爽口 上枱時仲郁緊) ✨沙白 (清甜) ✨魚滑 (彈牙) 自助區可以攞的 ✨A菜 (台灣的萵苣, 不是很多店有) 飲品方面除咗自助區有很多選擇例如汽水/冷泡茶外 仲可以係手機加錢叫台式特飲 我哋就叫咗冬瓜茶同檸檬綠茶(少甜) 各加$20 冬瓜茶固定甜度 有點太甜 而檸檬綠茶建議不要少甜 避免味道太酸🤔 ‼️甜品出沒注意‼️ 依到有得食芋圓😋😍 仲有好多配料如紫米紅豆西米仙草比你加 鮮奶花奶糖水自己落 自製一碗啱你口味嘅三色芋圓甜品啦🤤 最後餐廳還會送上烏龍茶雪糕乙杯 為此餐劃上一個完滿嘅句號❤️

最近行開荃新天地 見到food court對面新開咗一間專門賣海南雞飯嘅鋪頭 眼見好多雜誌如新假期 飲食男女都有提及過依間餐廳 所以就走咗入去試下係咪真係咁好食🤤 🐻🐻點咗以下食物: ✨栢檔極品海南雞飯 - $64 海南雞的三色醬料中的黑醬油 甜中帶苦 久了會回甘 薑蔥挺香 不辣 而酸辣醬也不太辣 似泰色辣醬微辣版 酸甜為主 講返雞件 🐻🐻覺得真心唔錯 屬中上 肉質嫩滑冇雪味 加上肥厚嘅雞皮增添口感 就算食到雞胸肉都一啲都唔”孩” 而且雞件唔會浸得過久而太軟易爛 👍🏻 ✨秘製滷燒豬頸肉飯 - $64 依個豬頸肉🐻🐻誠意推介🤤 肉質爽脆彈牙 加上外皮香脆 就算唔點個酸辣汁都好味! ✨肉骨茶 - $52 足料 內裏有中藥如杞子 紅棗 桂圓 玉竹 和大量豆卜同多件肉排 味道富有胡椒味都不算太辣 易入口 肉排半肥瘦 軟稔易咬 下次會再encore! 🌟Overall: 4.2/5 (性格比高 屬中上)

最近同🐻老大去左太子一間小小的居酒居食晚餐食好啲~ 好彩都冇揀錯餐廳 依間叫sake禮嘅居酒屋雖然唔大 但富有日本特色 門面簡約 內裏有日本浮世繪海浪嘅餐牌 sake酒樽嘅裝飾 加上暗黃燈令餐廳十分有格調 位置空間都足夠舒適😌 我地食左: ✨小食前菜(泡菜牛舌) - $10/each 日本嘅居酒屋一般都會自動送上小食前菜比客人送酒 雖然要收費 但依個都係一個文化 而且依個牛舌粒十分易咬彈牙 泡菜酸辣醒胃 十分不錯 ✨辣味螺肉 - $38 螺肉爽口 沙律底有柚子醋 整體味道除了辣 還有酸甜 比平時好食 味醂魚乾 -$78 魚乾乾身個偏軟稔 若脆啲口感會軟好 味道甜如塗左蜜糖才燒 帶輕微酒味 松露半熟牛肉他他 - $128 這個他他是一塊塊的 上面配有洋蔥蒜茸和香蔥 口感豐富 牛肉生的部分特別爽口 雞頸肉 - $38 此肉雖然冇乜脂肪但柔軟多肉汁 都幾好食 媽媽鹹蛋豬肉棒 - $48 這個配搭不錯 但不算太重鹹蛋味 普通豬肉棒是也 極上黑豚腩 - $48 肉質鬆軟 肉味濃郁 正常發揮👍🏻 烤紫蘇三味雞肉丸串 -$48 三味分別係wasabi 明太子同埋梅醬係雞丸上 wasabi味不算辣 更似mustard 嘅味道 🐻🐻認為梅醬最好食 為食左好多肉嘅🐻🐻解膩 油甘魚鮫 - $128 啱啱燒起十分香 魚肉富有油脂十分肥美順滑 誠意推介👍🏻

就到情人節 因為🐻🐻想睇海景嘅關係 我哋就揀咗位於海港城海運大廈嗰邊嘅塚田農場到食 雖然我哋book唔到海景位 但都望到尖沙咀夜景 餐廳環境都頗寬敞舒適 🐻🐻叫咗以下食物: 吞拿魚長芋美人卷 - $68 此卷是不錯的小食 除了生菜新鮮 內裏的淮山也十分爽口 卷上嘅吞拿魚係味道嘅主要來源 點埋wasabi豉油就好似食緊吞拿魚刺食咁 唔會膩 梳乎厘玉子燒•鰻魚 - $108 這個玉子燒富有蛋香 外脆 內裏口感綿密 但味道單一 幸好加了鰻魚 味道濃郁 增添了味道嘅層次 三文魚親子鹽昆布炒飯 - $118 依個炒飯雖然食材不算特別 卻意外地好味 可能係因為店員在鐵板最熱時才加上蛋漿令到蛋在飯上十分嫩滑飯卻仍然乾身唔濕 三文魚粒同三文魚籽都頗多 飯裏微微帶有昆布嘅味道 十分不錯 抹茶雪糕最中(monaka ice cream)- $48 所謂嘅<最中> 即日本傳統上嘅甜品 是一塊薄皮烤成型後在中間加入雪糕和紅豆 今次依個就像麥當勞雪糕筒製成嘅餅夾著抹茶雪糕 味道偏甜 茶味不重 雪糕上有紅豆和金箔 顯得更高級些 💫Overall： 4/5 (食物正常 海景一流🥰)

早前喺荃新天地食過日式餐廳古今二 覺得食物質素十分不俗 琴日經過荃灣城市中心有分店 二話不説走入去食晚飯 這間分店不算大但整潔簡約 十分日系 感覺舒適 🐻🐻叫咗以下食物: 1. 龍卷風沙律🥗 - $76 沙律菜新鮮爽口 配有沙律醬同和風醬酸甜醒胃 有驚喜的位喺沙律底部有中華沙律(海藻) 加上大量的蟹柳絲同脆片 十分有口感 2. 仙台牛舌煎 - $125 有別於平時薄切的牛舌 此牛舌煎是呈粒狀 咬落去富有肉汁 口感幼嫩 味道蒜香濃厚 不錯 3. 火山 (again^^) - $128 對上一次食過 今次再食就知好味道啦 店員繼續為壽司點火 令佢成為真正嘅「火山」 哈～ 其實佢係八件有蟹柳 帶子 牛油果 青瓜嘅小卷鋪上大量有千島醬同芝士嘅蟹柳絲的製成品 味道甜美 好食又可以打卡👍🏻 4. 牛肉壽喜鍋 - $208 牛肉冇雪味 都彈牙 不過不失 菜 菇同豆腐嘅份量都幾多 內有粉絲吸哂啲汁甜而不‘漏’ 好食 惟性格比不高 💫Overall: 3.8/5 (食物有誠意嘅 價錢可接受)

最近去左荃灣廣場一間燒肉放題到食 我同男朋友食完都覺得好滿足 因為除左環境寬敞 食物種類多🥰 佢個飲品corner好正‼個到有🥗沙律bar 甜品都有好多選擇 我地揀左B餐有25款靚牛 又有8款海鮮 仲有好多小食同main course 比大家 最令🐻🐻深刻嘅係🐻🐻坐卡位有個好似日本JR列車路軌嘅自動送餐軌 十分有驚喜🤣 🐻🐻食咗: B course 燒肉海鮮放題 限時120分鐘 ($448/位) 一開始餐廳為我地預先準備圓•盛盒 上面牛肋肉 牛里脊肉 豬肉 雞肉 南瓜同冬菇 當然唔少得就係佢嘅舟•盛盒🚣🏻‍♀️上面有帶子 鮮蝦 牛肋條同牛肋肉 豬同雞😋 其他食物大家可以用QR📲落單 可以叫其他嚴選牛 牛刺身 8款海鮮如生蠔 野菜 涼拌小食 一郎料理 飯麵 湯等等 真係眼闊肚窄😍 ✨肉類 🐻🐻認為依間餐廳嘅牛肉肉味較濃 唔多雪花 但肉質嫩滑 幾高質 🐻🐻認為豬同雞都好味 牛就推介薄炙牛里脊肉 牛舌 大判壽喜燒牛里脊肉 牛外橫膈膜👍🏻 ✨海鮮 海鮮有帶子 蠔 蝦 青口等等 蠔都幾肥美 帶子正常 ✨小食 芽菜 枝豆正常 炸蠔外皮薄而脆 蠔汁熱辣辣 肉質新鮮冇腥味~ ✨Main 🐻🐻忍唔住叫左個韓式拌飯 賣相十分吸引 除左素菜配料外 肉裏仲有辣肉碎 同温泉蛋撈埋一齊十分惹味😋 海帶湯熱辣辣味道唔重口味👍🏻 ✨飲品 飲品除左softdrinks 水果汁之外 佢依到仲有4種特別嘅飲品 西班牙特飲 柑桔美人水 菠蘿青瓜美人水同埋粉紅檸檬梳打 十分清新可口 唔會太甜 ✨甜品 除左小甜品杯 依到最特別個位係除左有爆谷食之外 佢有好多唔同味嘅meji/日本🇯🇵雪條 總有一隻味道啱你❤️ 💫Overall: 4.5/5 (牛肉高質 飲品特別 甜品選擇多 係間各方面都有heart嘅餐廳)

前個排🐻🐻去咗旺角瓊華中心個到食咗燒肉 同層有一間泰國餐廳眼見都多人排隊 價錢都幾合理 所以就揀咗日去試吓呢間Thaiology 食完覺得相當不錯👍🏻 係好適合朋友聚會嘅地方 🐻🐻食咗: 晚市2人套餐 - $468 (包飲品兩杯) ✨明爐椰汁雞湯 🐻🐻都幾鐘意飲 雞件唔算多但肉質滑 都幾多菇 味道清甜唔會太重椰汁味 而且有西芹粒又意外嘅夾😉 ✨青木瓜沙律 量很多🤣 木瓜清新爽口 有沙律菜 蕃茄仔 甘筍絲 蝦乾仔增添口感 味道酸甜微辣 若撈得均勻啲會較好 ✨泰式沙爹4串 🐻🐻揀咗雞豬各2串 串燒十分大份同熱辣辣 上面仲有啲香茅格外惹味 ✨原條青檸明爐烏頭魚(+$38) 烏頭正常發揮 爐內仲有啲海鮮如墨魚仔同青口都幾特別 ✨泰式炒雜菜 🤣依個都有啲驚喜 炒雜菜都幾豐富 有豆 菇 甘荀 翠玉瓜 椰菜 粟米仔 椰菜花 十分入味 加埋炸蒜好香口 好味👍🏻 ✨泰式鮮蝦炒金邊粉 (+$28) 依個又係好大份 蝦都彈牙冇雪味 金邊粉軟硬適中 味道像泰色甜酸醬 惟有點太咸 有點重口味 ‼️必食推介‼️ 套餐+$28 嘅👍🏻椰子雪糕糯米飯 十分有驚喜 椰子殼裏面有著温熱嘅糯米飯 飯上有拳頭咁嘅嘅椰子雪糕 啖啖椰子肉粒 椰汁掛係飯上同雪糕冷熱交替 口感十分好 為依餐飯畫上咗完滿嘅句號❤️ 💫回頭率: 4/5 (餐廳寬敞適服 食物大份量 價錢合理 甜品好味😋)