影片
更多
2018-02-25
84 瀏覽
改名真係好重要，一間鋪頭嘅名會否容易令人記得都可能會影響咗生意。好似最近見到有間火鍋店個名幾特別，叫「蚊蚊豬」，所以都留下左印象，再加上見到有朋友喺介紹過呢度有條鯉魚造型嘅牛油，用嚟放入呢個麻辣鍋裏面，呢個令我個印象更加深刻👍🏻今晚就約咗朋友嚟呢度打邊爐，當中仲有朋友係成年冇見嘅添。你間鋪頭位於太子地鐵站附近，相當容易搵，呢度主打特式火鍋有，湯底有麻辣，雜菌，豬骨同雞煲等等。價錢屬於中等檔次，店嘅面積唔算大，不過應該有2樓嘅，但我哋冇上去睇過就唔知有幾大啦😆我哋叫咗個鴛鴦湯底，麻辣同豬骨。店員重會將一條鯉魚造型嘅牛油啦放入麻辣湯底入邊，增加香味😍我地點左大概10款嘅食物，當中推薦手切牛頸脊，新鮮鵝腸，炸響鈴同埋手打三寶丸。手切牛頸脊例牌$198由於我哋唔知個質素如何，所以只係叫咗例牌，嚟到就覺得賣相已經唔錯，大約有10多片，食落口果然幾諗身，又有牛味，下次可以叫大碟呀🤟🏻新鮮嘅鵝腸同雪藏嘅係差好遠，口感完全唔同，新鮮嘅會連埋一啲肥膏，但係食落口絕對唔會覺得肥。炸響鈴大大條，粗身有好多圈，而且新鮮炸起熱辣辣，就算淨食都好香口好食，再放入麻辣湯底，索晒啲湯汁更加無得頂😀手打三寶有墨魚丸蝦丸
你間鋪頭位於太子地鐵站附近，相當容易搵，呢度主打特式火鍋有，湯底有麻辣，雜菌，豬骨同雞煲等等。價錢屬於中等檔次，店嘅面積唔算大，不過應該有2樓嘅，但我哋冇上去睇過就唔知有幾大啦😆
我哋叫咗個鴛鴦湯底，麻辣同豬骨。店員重會將一條鯉魚造型嘅牛油啦放入麻辣湯底入邊，增加香味😍
我地點左大概10款嘅食物，當中推薦手切牛頸脊，新鮮鵝腸，炸響鈴同埋手打三寶丸。
手切牛頸脊例牌$198
由於我哋唔知個質素如何，所以只係叫咗例牌，嚟到就覺得賣相已經唔錯，大約有10多片，食落口果然幾諗身，又有牛味，下次可以叫大碟呀🤟🏻
新鮮嘅鵝腸同雪藏嘅係差好遠，口感完全唔同，新鮮嘅會連埋一啲肥膏，但係食落口絕對唔會覺得肥。
炸響鈴大大條，粗身有好多圈，而且新鮮炸起熱辣辣，就算淨食都好香口好食，再放入麻辣湯底，索晒啲湯汁更加無得頂😀
手打三寶有墨魚丸蝦丸同魚丸，每款有四粒總共12粒，配以日式旋轉樓梯造型，相當吸睛。雖然較為細粒，但夠鮮味同尚算彈牙，加上價錢唔貴，值得一試。
其餘配料都係正常水準，唔會差，計起平均每人＄250左右，價錢公道，值得回訪☺
張貼
