蘇媽.蘇媽馬來西亞茶餐室

營業中

休息中

蘇媽.蘇媽馬來西亞茶餐室 (旺角)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•高佬麵配仁當牛肉•甲必丹咖哩雞扒飯•椰香咖央多士•椰汁班蘭冰•凍馬來西亞拉茶••••••••••••••••••••••••••••••♥️食評：相信蘇媽蘇媽好多人都食過！！旺角呢間又就腳，裝修又靚仲好多位，一想食馬來西亞菜就會諗起佢！今次一於試吓比較少食嘅菜式，睇吓同我最愛嘅肉骨茶有冇得一較高下！高佬麵麵質幾滑，一啲都唔油同時夠濕潤，怕辣嘅朋友可以好似我咁，將醬另上，就可以因應自己嘅接受程度加辣，辣醬夠香，加埋流心蛋、花生同魚仔好好味～仁當牛肉都好出色，牛筋好軟淋同時好重骨膠原～好好味！甲必丹咖哩都係第一次食，不過唔食辣嘅朋友要小心，因為都幾辣吓！有大概譚仔小辣咁上下，但都好惹味，薯仔入口即溶，雞排都煎得香口，一啖又一啖咁好快食晒！椰香咖央多士差唔多係每枱必點嘅小食，雖然好邪惡，但一定唔會令你失望。香口酥脆嘅多士配上重重嘅牛油同咖央醬～好好味🤤飲品我非常推介椰汁班蘭冰，好重班蘭味，而且有細細粒好似珍味嘅配料，配比較重口味

🐯旺角無限添飲肉骨茶，你又識唔識混醬🐭 ⭐️按「更多」睇詳細食評😋懶惰二人組去旺角間唔時都會經過「蘇媽.蘇媽」，今日終於入去食返個lunch。《大雜錦》 $148餐牌話係3-4人份。有一字骨、五層肉同埋豬肚。肉骨茶好香濃！甜甜地又有啲藥材香！肉既份量都好多！大舊得黎又唔會好難咬開！2人食既話，再叫個菜都剛剛好！重點係無限加添肉骨茶既湯！加肉骨茶時，店員問我地點解唔點醬。佢教我地將枱上既四款醬料都加埋一齊！黑鼓油同頭抽既比例係，黑鼓油多過頭抽，加埋蒜同辣椒。《玻璃魷魚通菜》$72通菜幾爽，玻璃魷魚仲爽！同醬料、配料好似炸蒜等撈埋一齊真幾香口！《桔仔話梅冰》$30都幾清新，不過少甜都仲係甜左少少。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整體 ❤️食物味道好好，份量都好合理，性價不俗。💚環境充滿馬拉風情，有檳城既壁畫，懷舊磚地板。餐廳裏面位置都算係幾多，整齊清潔。💛服務方面，用手機掃QR code點菜，店員有禮。樂意幫手加湯，仲教我地點混醬添！Rating： 懶惰鼠😻😻😻😻懶惰虎 🤩🤩🤩+0.5📍蘇媽.蘇媽馬來西亞茶餐室 旺角上海街618號地下G01號舖💰人均消費：$125⏰營業時間：11:30-2

自從由馬拉返黎後，都幾掛住個邊d野食味道，所以今日就搵下有咩馬拉餐廳好食啦，今次去到位於旺角 618 嘅蘇馬蘇馬，聽聞佢係正宗味道，咁就要食下啦。1.馬拉沙嗲串燒/3串串燒分別叫左豬、牛同雞，佢係正宗燒出黎，而唔係坊間咁炸完再燒，所以食落唔會太肥膩，而且一d都唔會乾，肉質非常嫰滑，沙嗲醬入面有好幼細嘅花生碎，食落好惹味，串燒點埋佢個沙嗲黎食，真係好有馬來西亞風味2.馬拉燒蝦(半打)燒蝦係幫你去埋殼先上枱，依個非常好！蝦肉食落爽口，而且味道足夠，食完真係想食多幾隻3.椰汁班蘭冰椰汁味濃，但又有班蘭嘅香味，飲落唔會太甜，好好飲，食完濃味食物飲返啖真係好夠膩4.檸檬薏米水飲落清新，唔會太甜，感覺飲馬拉當地飲嘅味道一樣，正整體黎講餐廳食物質素高，有地道風味，好岩鍾意食馬拉野嘅朋友仔

🌗招牌砂煲老鼠粉 $88平時食開嘅銀針粉都係白雪雪淡而無味，呢度嘅老鼠粉單睇外表已經知道佢味道十足，甚至可以推介俾重口味人仕！砂煲老鼠粉材料豐富，肉眼所見已經見到有蝦米仔、魚乾仔、肉碎、乾蔥等，拌勻後嘅老鼠粉口感豐富，蝦米同魚乾仔比較硬嘅口感同老鼠粉嘅軟滑有較大對比，而且煲底焦脆嘅老鼠粉唔會黐牙，連平時唔鍾情飯焦嘅我都大有好感。🌖椰汁班蘭冰 午市套餐+$18椰汁味香濃，味道唔會太甜；底下切碎成粒狀嘅珍多，口感有別於一般嘅珍多冰，值得一試。🌖榴槤芝士蛋糕 $49蛋糕又淡淡嘅榴槤同芝士味，兩者味道調和得幾好，誰也不搶誰。食落質感香滑，唔會太膩，食完老鼠粉都可以輕鬆完成到一件，面頭嘅榴槤蓉份量都唔少，比IKEA榴槤雪糕嘅一球榴槤蓉份量更多，算係物有所值。

位於旺角的馬來西亞茶餐廳「蘇媽 . 蘇媽」今天經過有機會試下聽講佢地既肉骨茶好出名👍店內環境裝修比較中國風地方寬敞 坐得很舒適Lunch hour 時段亦都唔算太逼夾午市套餐好抵食最貴肉骨茶套餐都唔過$100仲有叻沙、飯類、撈粉麵都吸引最後我揀左肉骨茶（三層肉），配白飯油菜 $76肉骨茶含有當歸，川芎等藥材，建議視乎自己體質才進食。我一直很怕藥材的味道，但這款肉骨茶唔算勁有藥材味，甘甘地唔苦，而且感覺好補，對於經常夜瞓既我還不錯，很養生👍三層肉肥美適中，有啲似東坡肉，唔韌，配埋豆腐卜、金菇，加埋肉骨茶，味道好夾，餸飯一流飲品我揀左美祿暴龍究竟美祿恐龍同美祿暴龍有咩分別？答案係暴龍有雪糕😂美祿勁濃郁，正！甜品叫左班蘭椰絲卷好香班蘭味，好特別，鍾意食班蘭一定唔可以錯過

深水埗蘇媽好出名一直都好出名，但可惜成日都要等號耐先有位。自從旺角開左分店之後，我就成日都幫襯旺角嗰間，地點方便又大間，而且裝修都好有特色。百吉爹肉骨茶（大雜錦）黎到蘇媽當然要試個肉骨茶，可惜晚市去嘅時候，得返大雜錦。不過唔緊要，肉骨茶最緊要個湯底。個湯底飲落唔會有好重嘅藥材味, 非常容易入口，最正嘅係個湯係無限添飲。大雜錦就乜都有D，豬肉幾淋且味濃；豬手口感爽脆；三層肉帶油香，仲有油炸鬼響鈴等索湯食材。紫菜肉鬆咖央多士多士烘得香脆，咖央醬係厚厚咁鋪滿成層。幼滑嘅央醬加上紫菜肉鬆，鹹甜交織，非常特別。

#20241007 🤍📍 #蘇媽蘇媽馬來西亞茶餐室 @semuasemuahkg 旺角上海街618號地下G01號舖 🍽️深水埗｜沙田｜荃灣均有分店➖➖➖➖➖➖➖➖➖➖➖➖➖➖➖➖➖#百吉爹肉骨茶 #大雜錦 $148💭 有幾款肉骨茶揀，叫左款咩都有既，入面好多料，有一字骨、豬腳灣又有三層肉，但唔知點解啲一字骨都係連住啲肥美既三層肉🤣如果要全部食晒啲肉都幾肥膩下，配料有啲金菇、豆卜，然後會有幾舊油炸鬼同響鈴點湯，唔使驚啲湯好快無，因為啲湯係任飲架🤩不過啲湯係用當歸同川芎呢啲藥材去煲，奉勸都係唔好飲咁多🍲.#辣死你嗎配仁噹牛肉 $72💭 擺盤都幾打卡able📸有綠色既椰漿飯，椰漿味唔出但無左白飯既香，仲有青瓜🥒花生🥜乾魚仔🐟蝦片🦐蛋🥚再有個參巴醬，而個仁噹牛肉就好似平時食開既巴東牛肉咁，老實講唔係好特別🙈.#特製辣椒板麵 $66💭 反而呢個有啲驚喜，板麵唔係好淋果隻有啲咬口，配料有豬油渣、蝦乾、肉碎、魚仔等等，將啲配料同埋個溫泉蛋撈埋，可能個蛋汁有溝淡既作用，食落又唔係好feel到郭辣，但整體尼講係惹味唔錯既🍜.#旺角美食 #🐷在旺角 #深水埗美食 #🐷在深水埗 #沙田美食 #🐷在沙田 #荃灣

返工返到好攰，即刻去呢間好有馬來風味嘅餐廳慰勞吓自己🤤🍽️ 馬來老鼠粉話說食咗咁多次呢間馬來西亞嘢食，都未試過佢哋招牌嘅老鼠粉，今次就試一試佢廬山真面目，原來老鼠粉嘅意思係客底銀針粉，仲有大量馬來西亞風味嘅配料，細魚仔呀，鮮蝦米啊🦐真係夠晒滋味！Lunch Set仲可揀一杯馬來西亞拉茶，夠晒幼滑！ 🍽️ 榴槤多士配雪糕好太耐冇嚟呢間馬來西亞餐廳，估唔到佢哋而家多咗好多甜品，食好啲～食豪啲，即刻叫多個榴槤多士🍨仲有雪糕🤤估唔到外型咁吸引成個香蕉船咁大，每個班戟包住厚厚嘅嘅榴槤肉🤤仲有雪糕，女人真係有第二個胃食甜品！

喺旺角行完街，突然想食馬來西亞菜，於是就入咗蘇媽，今次星期六中午時間嚟到，依舊坐滿食客。裝修上最有特色係牆上有一架單車，真係好似去咗馬來西亞咁。我哋一行兩人，叫咗以下嘅食物：🌸辣死你媽配烤雞髀（ $68 ）：烤雞髀烤得外皮香脆，入面雞肉唔會鞋口，不過略嫌調味不足，須沾上旁邊嘅辛巴醬先較為濃味，不過有少少辣，椰漿飯搭配乾魚仔及烤花生一齊食，整體搭配不錯👍🏻🌸椰香咖央多士（ $42 ）：多士烤得外脆內軟，一咬落口脆卜卜，入面嘅咖央醬亦十分足料，充滿甜甜的椰香味，值得一試。🌸似水榴槤飲品（$48 ）：杯上插咗一支孔雀嘅牙籤，雖然飲到有榴槤味，但味道唔算濃郁，同埋有啲稀，有進步的空間。總結兩個人埋單百零蚊👍🏻

咁啱去開旺角食嘢，見到四點幾嗰陣蘇媽蘇媽出冇人排隊入去梗係要入去試吓。入到去裝修好有馬來西亞特色同埋入邊好寬敞點咗個辣死你媽牛肉飯同高佬麵配雞。味道同喺馬來西亞食一樣，美中不足係咖喱唔夠辣，同埋嘢飲要散叫。價錢$60-70 一個飯到。

位於旺角上海街的「蘇媽.蘇媽馬來西亞茶餐室」，係一間裝修充滿馬拉風味的餐廳🍴店內樓底高，空間感充裕，予人感覺舒適餐牌圖文並茂，種類繁多，定價適中檳城福建蝦米粉湯底濃郁微辣，散發着鮮蝦香氣～米粉幼滑爽口又吸湯，正呀！配料有鮮蝦、豬腩肉、雞蛋、魚片、通菜及芽菜，味道同口感都好豐富檳城白咖喱海鮮米線奶白色的湯底，帶陣陣椰香；配上惹味香辣特色參巴醬及軟滑彈牙米線，滋味絕配✨當中仲有：青口、蜆肉、魚蛋、豬紅、鮮蝦、雜菜腐皮卷、豆腐魚蛋等等配料，新鮮又美味椰香咖央多士餐廳招牌推薦👍🏻麵包多士烤得香脆可口，中間夾着充滿椰香的咖央，甜而不膩，好好食怡保白咖啡以低溫方式烘焙的白咖啡，味道香醇，別有風味

夏天天氣熱辣辣， 想去東南亞旅行又實在太熱。如果想食地道嘅馬來西亞菜式， 超級推薦呢一間《 蘇媽蘇媽 馬來西亞茶餐室》。餐廳位於旺角上海街， 鄰近旺角朗豪坊，行過去都只係幾分鐘。餐廳裝修走懷舊風， 地下的一磚一瓦都非常有風味。 而且舊式唐樓樓底相當高， 空間感十足。呢間馬來西亞餐廳嘅食品相當地道，風味十足。一坐低就梗係叫返杯《凍怡保白咖啡》， 所謂的白咖啡，就是在炒咖啡豆的時候加入砂糖，令咖啡豆充滿焦香，口味獨特。 由於用拉沖嘅方式去炮製一， 所以充滿著氣泡， 口感綿密細滑。呢一碗《 檳城阿參叻沙》， 最啱就係鍾意酸酸辣辣嘅朋友。 呢碗米線用料相當豐富， 有味道帶咸鮮嘅魚蓉， 爽脆嘅青瓜同洋蔥，另外加入了辣椒，同埋秘製醬汁，食起來味道酸辣過癮。另外餐廳的《馬拉沙嗲串燒》亦同樣好味， 六串的串燒可以選擇雞牛羊各兩串， 肉類醃味充足，帶點咖哩香氣。 燒起來火喉十足，那一碟沙爹醬更是畫龍點睛， 味道帶甜， 帶有花生粒。 呢間《蘇媽蘇媽》仲有好多特色嘅美食， 真係實黎足十次八次， 先至可以將自己想吃的全部試到。餐廳地點方便，裝修又有特色，最緊要食物好食， 係我心目中馬來西亞餐廳number o

🍚蘇媽.蘇媽馬來西亞茶餐室 (旺角)講到要喺香港食馬來西亞菜，第一間就諗起蘇媽！款式選擇多之餘價錢又合理，絕對係親民嘅馬拉菜之選！今日夜晚我又嚟到蘇媽度食嘢，叫咗幾款平時食開嘅菜式～椰汁斑斕冰（$38）飲落淡淡香濃嘅斑斕味，再加埋厚滑嘅椰汁冰，清涼好飲，充滿東南亞嘅感覺。椰香咖央多士（$42）絕對係必點嘅小食之一，見到幾乎每台都會叫一碟多士，作為招牌菜，呢個多士絕對好味又抵食，兩塊多士烤得黃金香脆，夾住椰香同斑斕味比例平均嘅咖央醬，再配上半融嘅牛油，令到成份多士嘅味道同口感都一流檳城白咖喱海鮮麵（$68）今餐嘅主菜！海鮮料好足，鮮蝦大隻鮮甜、仲有青口同埋彈牙嘅魚蛋，同香濃嘅白咖喱湯底簡直係絕配📍旺角上海街618號地下G01號舖

今次同朋友聚會嚟到蘇媽食馬拉菜～店內裝修好有馬來西亞特色，懷舊感覺～～菜式選擇非常多，每樣食啲叫到成枱野食～玻璃魷魚配通菜，鮮嫩通菜配上爽彈魷魚～椰香咖央多士，幾脆口，重椰香味～百吉爹肉骨茶，一字骨，香濃嘅藥材味，一字骨非常軟腍，點黑醬油好食，仲加配咗油炸鬼可以浸湯食，可以免費加湯，非常暖胃～叫咗蜜糖燒雞翼同馬拉沙嗲串燒，燒得唔錯，幾有風味～～辣死你嗎配烤雞髀，啖啖肉大雞髀，非常抵食！砂煲老鼠粉，幾有鑊氣，炒得香口，豐富口感！食到超飽，滿足嘅一餐～

今日七點到竟然唔使等😍我地一行四人可以嗌多啲嘢食😋嗌咗個一字骨肉骨茶，另外加多份油炸鬼😚肉骨茶十分之重藥材味 😛一字骨唔似煲湯排骨咁嚡口，肉質都算嫩，重點係肉骨茶飲完可以無限再加湯😍小食方面仲嗌咗燒雞翼同埋燒雞髀，燒雞翼做到出面串燒鋪咁出色，雞髀配嘅Nasi Lemak辣死你媽亦都好濃好夾💯朋友想食個菜，嗌咗玻璃魷魚🦑通菜，魷魚夠彈牙，通菜嘅份量亦都唔少！讚👍🏻咖央多士係必嗌！多士烘得香脆，咖央醬落得十分闊綽，牛油香配合得十分完美 😍老鼠粉係砂窩上，熱辣辣！我地放咗一陣先撈 最底部有焦香嘅感覺，雖然材料好簡單，只係啲肉碎同埋脆魚仔，但係都覺得好好食🤤本身仲有甜品想嗌，但係已經食得好飽！下次有機會再同多啲朋友一齊嚟嗌多啲嘢食😍😆