蘇媽.蘇媽馬來西亞茶餐室

營業中

休息中

裝潢滿滿懷舊味道，牆上壁畫 室內佈置是走馬來風座位乾淨闊落 坐得舒服，場地頗大 夜晚未到七點已經滿座，好彩早少少到🤭店員姐姐好好人 細心的介紹新菜式🔸高佬麵配仁當牛肉 $72高佬麵其實係馬來西亞特色哥羅麵，曲曲地既外表 同公仔麵有啲似 入口彈牙 好適合乾拌食，表面淋左微微辣偏甜+少少麻油香的醬汁，牛肉煮得好腍 香料入晒味 啖啖肉惹味🔸椰香咖央多士 $42多士烤得金黃香脆，咖央醬比例好好，椰香同斑蘭味兩者又出又平衡 再配合半溶牛油，口感味道都一流🔸椰汁班蘭冰 $38估唔到斑蘭味會咁香濃，厚滑的椰汁冰 滿足度及得上食甜品*不設+1服務費

今日去咗蘇媽.蘇媽馬來西亞茶餐廳食嘢,佢喺香港嘅分店愈嚟愈多,都知佢呢個價錢嚟講質素真係有驚喜！首先試咗佢嘅檳城白咖哩海鮮麵($68）,其實海鮮料好足,有大隻鮮甜嘅蝦同青口,彈牙嘅魚蛋,配搭上香濃醇厚嘅白咖哩醬汁,麵條質地’彈牙‘,好吸收咖哩嘅味道。另外試咗佢嘅椰香咖央多士($42),外脆內軟,椰香味加上咖央嘅香濃鮮味,難怪深受食客歡迎,。再嚟係蒜香青龍菜($78),今次係我第一次食青龍菜,而呢個菜式嘅特別之處在於它保留咗青龍菜原有嘅嬌嫩脆口感,同時加入咗蒜香,為呢道菜增添咗一股清新爽口的味道,真係令人大開胃口。食完青龍菜後,我又試咗兩隻蜜糖燒雞翼($48),出乎意料嘅是,雞翼皮脆肉嫩,蜜糖醬汁將雞肉醃得啱啱好,唔會過於甜膩,反而非常好入口。最後,我飲咗佢嘅檸檬薏米水($30),酸酸甜甜好開胃,解膩又清新,再嚟係新出品嘅白咖啡蛋糕($39),呢個蛋糕質感非常好,綿密濕潤,唔會過於乾澀,咖啡味恰到好處,無諗過連鎖茶餐廳會做到呢個質素嘅甜品。蘇媽蘇媽呢度嘅菜式都好好味,用心烹調,價錢抵得嚟品質非常出色,不愧為香港人氣十足的馬來西亞茶餐廳。

作為一個地道香港人,我最近有機會來到旺角嘅蘇媽蘇媽分店一嚐佢哋嘅道地本地小吃,以下為我對佢哋嘅食物印象:首先要推介嘅就係佢哋嘅檳城白咖哩海鮮麵。麵條Q彈,加上大大粒又肥又甜嘅蝦肉同青口,配搭上香濃滑順嘅白咖哩醬汁,令人回味無窮。每口都能感受到海鮮鮮甜嘅味道,再配合濃郁嘅咖哩香氣,實在係一絕!再來就係佢哋嘅椰香咖央多士。外脆內軟嘅多士配搭上香濃椰香同濃郁嘅咖央醬,實在是個完美組合,一口接一口,根本停唔到口。光是這一款小食已經令我垂涎欲滴。此外,我亦有試過佢哋嘅蒜香青龍菜,非常新鮮脆口,加上濃郁嘅蒜香,開胃程度超乎想像。光是聞到香氣已經覺得食慾大增。最後,我更挑選咗佢哋嘅蜜糖燒雞翼,出乎意料之外,雞翼皮脆肉嫩,蜜糖醬汁完全將雞肉駕馭到恰到好處,又唔會過於甜膩,真係令人回味無窮。光是食完兩隻就想再去拿多一份。總括而言,蘇媽蘇媽呢度嘅小吃確實好味到令人驚喜,價錢亦相當實惠。如果你有機會嚐過佢哋嘅菜式,我相信你一定會跟我一樣,迫不及待想再次光顧!

行完街街食好西，氛圍相當熱鬧「蘇媽·蘇媽」我好仲意呢道舊情懷既壁畫、特色瓦磚、藏色彩繪木櫃、茶壺等；充滿東南亞風情，並且餐廳仲有機械人送餐魚仔醬蘿蔔糕 $52成九方塊拼上，香噴噴魚香醬味，煎到外脆內軟，蘿蔔糕料仲有啲咬口，鹹香惹味檳城白咖哩海鮮麵 $68材料十足鋪蓋面層有豆角、芽菜，豆腐魚蛋、雜菜腐皮卷、魚蛋蝦、蛋，豬紅、青口、啦啦、特色參巴醬（呢個唔建議走辣）油面底配白咖哩湯唔算好濃，亦唔會好鹹味道剛好檸檬薏米水（熱） $26

「蘇媽.蘇媽馬來西亞茶餐室」在旺角上海街開左分店，我真係想去好耐，以前去親蘇媽都感受到馬來西亞的風味🇲🇾。從裝潢到菜品,都充分展現了濃厚的馬來風情。進門的那一刻,彷彿就踏進了馬來西亞街頭小店的氛圍。今次就叫左呢幾樣我的至愛：👍🏻檳城福建蝦麵（$68）：餐廳在烹調上下了很大功夫,用數小時熬製湯頭,使蝦仁鮮甜多汁,麵條彈牙爽口。這絕對是我在香港吃過最接近馬來西亞正宗蝦麵的一道菜。👏🏻椰香咖央多士（$42）：🍞外酥內軟的多士,點綴著香濃爽口的椰香,佐以濃稠可口的牛油,絕對是一道讓人難忘的經典。🥤椰汁斑蘭冰（$38）：更是絕佳的解暑良品☀️。飄香四溢的椰香與清甜可口的斑斕交織,在炎熱天氣中帶來一股清爽。有總的來說,「蘇媽.蘇媽馬來西亞茶餐室」無疑是香港最地道的馬來西亞餐廳之一。無論是蝦麵、咖央多士還是斑斕冰,每一道菜品都讓人有如置身馬來西亞🇲🇾,令人流連忘返，讓我回味起多年前在馬來西亞的美食經驗。如果您都想享受正宗的馬來西亞風味，一定要試吓啊！

好耐無食過蘇媽蘇媽了，之前有一排好多人食要排晒長龍，而家平日時間夜晚嚟到旺角呢間數蘇媽蘇媽，唔使排隊，即刻可以入座😎🔖檳城福建蝦麵（油麵）$66賣相吸引，一碗麵有兩隻鮮蝦，半隻蛋，豬腩肉，通菜以及芽菜，配料豐富。食麵之前品嚐咗啖湯，鹹香四溢的蝦醬味，雖然睇落好似好辣咁，但其實係bb辣嘅程度，油麵同湯底好夾，唔會浸泡得太淋。🔖甲必丹咖哩雞扒飯（$72）咖哩醬特別，是微甜辣的咖哩，口味特別，雞扒超大塊，雞扒煎得香脆，雞肉亦juicy唔會柴，咖哩入面嘅薯仔超入味同軟腍，好好食🤤🔖檸檬薏米水（凍）食咗辣野之後配上一杯凍檸檬薏米水感覺好fresh～餐廳裝修有心思，店舖闊落坐得舒服，價錢親民合理夾大份，推薦喜歡星馬風味嘅大家可以一試呢間餐廳

都有一段時間無黎食，諗住經開旺角就同老婆去食番個午餐。行到去見無人排隊，仲滿心歡喜唔駛等位。點知入到去坐低睇餐牌，見到食物嘅價錢貴咗好多！$48食個多士同$92 六串串燒都真係唔低食！其他野食都明顯加晒價。而且店員嘅服務態度都差咗了，又唔講清楚坐邊個位，坐低咗諗住叫店員點餐又叫我地用手機點，不禁問佢都無俾QR code 我點餐。整體黎講，食物質素下降，價錢又貴咗，服務又差咗。食埋呢一次真係唔會再黎食啦！

旺角呢間分店的樓底好高，整體的裝潢，如門框，壁畫，都有種檳城小餐館的錯覺。今日係附近做完瑜伽，我點了✨️檳城阿參叻沙呢款叻沙同平時大家認知的叻沙有好大分別，原來係檳城的名物。將煮熟的米粉放入碗中,再加入切成幼條狀的青瓜、紫洋蔥、生菜，菠蘿粒，薄荷葉和剁碎的魚肉，然後淋上亞參湯頭，辣得黎帶微酸，超級惹味，越食越過癮。✨️飲品當然要配返話梅柑桔水，解辣又清新，每次都係點佢。✨️今次佢叫左抹茶榴槤糯米糍，估唔到幾有驚喜。入面滿滿的榴槤蓉，外皮軟糯，榴槤控一定鐘意。💗餐廳的定價合理，午市套餐的選擇都幾多，而且好多標誌性的特色檳城食品，值得再訪。

Back at one of my favourite places for cheap Malaysian eats. Been here many times already back when it only had a store in Sham Shui Po. This one at Mong Kok is huge! Had the luxury of visiting during a weekday lunch, and it was very spacious 😎 Ordered my favourite beef rendang with Nasi Lemak. Always love how they serve it with some salted peanuts and fish! It’s the best mix of different textures. The beef rendang was quite spicy, so it’s perfect with the pandan rice. I also tried the laksa for

蘇媽蘇媽主打馬來西亞菜式，裝潢好有心思，高度還原馬拉茶室格局餐牌大致有飯類、湯麵、撈麵、肉骨茶、小食及甜品，款式都好吸引，價錢合理又有星馬風味🎈特製辣椒板麵好特別唔係度度食到，配料豐富🥢有豬肉碎、炸蒜、炸蔥、豬油渣、炸蝦米、乾魚仔、蔥花、蝦辣醬配溫泉蛋我地嘅麵底揀咗米粉，同配料撈勻後相當入味，味道超濃郁，炸蝦米同乾魚仔帶嚟香脆口感，好有滿足感🎈鮮油咖央多士必食！幾乎每枱都會點，香脆多士夾住厚厚一層咖央醬，特別邪惡👿 甜度剛好有淡淡咖央香味，勁正🎈馬來西亞拉茶拉茶加咗花奶煉奶，淡淡茶香口感順滑，帶點姜味，味道獨特同時好易入口

經過旺角文青雜貨店，順路來旺角蘇媽吃個晚餐，餐廳內有一個大飾櫃，叢集了很多70-80年代玩具🪀，滿滿嘅童年回憶返晒嚟，有時候會過嚟再望吓啲玩具都值得。我們點了一份咖央多士  ，咖央多算是這裏必點的，厚厚冰凍鮮牛油，邪惡但又充滿幸福感。我還點了一個檳城福建蝦麵，這道麵食的蝦子鮮甜，五花腩肉切到都幾大件，濃稠的龍蝦🦞湯汁煮油麵，超香又有口感，少辣，咸味恰到好處。夏日炎炎 點都要點杯凍飲，我就點了一杯桔仔話梅水，餐後飲帶點refresh腸胃的功效，入面有一粒原粒話梅，飲完仲可以食。在食物的品質上表現不俗，有自己的食物水準和風格和賣點，價格也相對合理平民，提供了性價比高的用餐體驗。這次的用餐經驗讓我感到很滿意，可以推薦這家餐廳給遊客及想吃馬來西亞食品的人，讓他們享受到同樣的美味和服務。

鍾意食馬來西亞嘢食嘅我同男朋友今日又出動啦，今次嚟左呢間蘇媽蘇媽試試佢，男朋友叫左三層肉肉骨茶，我叫左檳城福建蝦麵，同埋叫左份海南鴛鴦燒麵包。三層肉肉骨茶入面有肥瘦夾雜的三層肉加上索湯的豆卜同金菇，真係非常好味，肉骨茶的湯底藥材味非常濃郁，飲湯落肚成身都暖晒，而且啲湯唔夠仲可以加，真係飲湯都飲到飽。檳城福建蝦麵用蝦熬煮而成的湯頭混合特制嘅特辣參巴醬，帶啲微辣，蝦醬味道更明顯，更重鮮味。碗麵有蝦、魚片、豬腩肉、雞蛋、通菜同芽菜，都算多料。麵底配油麵加米粉的滲滲，麵底都好索湯。鍾意食咖央多士嘅我哋點會放過海南鴛鴦燒麵包，咖央多士除左普通麵包，仲有啡色嘅燒麵包，兩種都好好食，咖央醬好足料，加埋厚厚冰凍嘅鮮牛油，極之邪惡但好滿足，果然間唔中係要放縱下。我個人都幾推薦大家嚟試下呢間馬來嘢，好適合重口味嘅人同突然感受下馬來西亞Feel嘅人，值得嚟食。

逢星期五Happy Friday就要同同事出去覓食，來到呢個充滿文青嘅地方旺角618，見地下呢間蘇媽蘇媽裝修好復古😍同同事入來食個靚飯！🍽️ 馬來魚仔醬雞扒熱撈知道呢間餐廳好出名，但食就真係第一次，新鮮見到menu咩都想試就叫咗呢個熱撈！好快上碟，熱撈係粗麵，軟硬適中，個雞扒煎到金黃色好惹味，最正係個魚仔醬有花生同咸魚仔，正啊！🍽️ 檳城亞參叻沙米線食馬來野點可以唔叫佢地嘅叻沙？所以揀咗佢哋推薦嘅馬來特色叻沙米線，以魚蓉做主打，所以無海鮮等配料，同平時食開嘅叻沙好唔同😂啲配料係青瓜絲同新鮮洋蔥，有少少辣，好刺激！🍽️ 椰汁斑斕冰 & 馬拉奶茶套餐包咗一杯餐飲，一向鐘斑斕蛋糕🍰出面未試過斑斕沙冰😍🍵即刻叫咗來試，有啲粒粒薏米入面，又冰涼，夠晒解暑🧊同事試咗杯馬拉奶茶，個茶膽好重😂幾特色！

📍蘇媽.蘇媽馬來西亞茶餐廳我真係好鍾意食蘇媽，價錢親民選擇又多，如果叫肉骨茶嘅話仲可以任添湯😍不過我今日想食麵多啲所以就冇嗌啦。高佬麵配雞扒 $68雞扒超大塊！仲煎到外皮勁脆，食麵之前要將蛋同配料撈勻，講明先個醬係有少少辣嘅，唔食得辣就唔好全部撈晒落去啦。仁噹牛肉撈麵 $72有牛筋腩同薯仔，一望就知係非常飽嘅組合😹煮得好腍好入味，而底下係油麵，配牛肉嘅咖喱汁好夾🤤馬拉沙嗲串燒 (6串) $92咩都想試吓，就豬牛雞都嗌晒，個人認為雞肉最好食👍🏻另外個沙嗲醬都好出色，夠晒地道。紫菜肉鬆咖央多士🍞 $46係近排嘅新品，原本就咁已經好好食，加咗紫菜肉鬆之後中和咗啲甜味，令味道更有層次🤞🏻

我一次去蘇媽蘇媽馬來西亞茶室就係好姐妹👭同我一齊去食。食過返尋味，於是乎我今次就同我嘅小寶貝嚟食好嘢！我哋叫咗🌸怡保手撕雞湯貴刁，即係河粉咁，好滑溜嘅粉條，有爽口蝦碌，鮮味魚片，真係足料🌸蜜糖燒雞翼，燒到雞翼皮薄薄超級香脆，油脂已經溶化，但入面嘅肉依然好嫩，一口咬落去肉汁都流出嚟！真係非常之好食🤤🌸桔仔話梅水，喺咁熱嘅天氣飲番杯甜甜酸酸又帶點咸嘅桔仔話梅水，真係好消暑🌸榴槤多士餅配雪糕，香甜可口非常美味！