蘇媽.蘇媽馬來西亞茶餐室

營業中

休息中

經典馬來西亞餐廳的裝修，復古懷舊，圓桌吊扇，高樓底，空間感十足。高佬麵配鷄扒 ($72)高佬麵幾惹味。鷄扒就烤得外脆内嫩滑，唔錯。大雜錦肉骨茶 ($148) 無限添飲。用多種藥材熬製，包括了一字骨、冬菇、豆卜、腐竹、腩肉、豬肚, 豬腳，份量十足。椰香咖央多士 ($42)多士烘得金黃香脆，咖央醬啖啖椰味。馬來西亞拉茶 ($28)唔太甜，茶香味突出；飲落奶香茶滑。椰香班蘭冰 ($38)椰汁香濃，配上班蘭汁，配搭巧妙。

今日打完8號風，餓餓地就決定再去蘇媽蘇媽試吓佢哋嘅晚餐，因為之前試過佢哋嘅午餐，一直都想再食第一次！主菜方面，我哋嗌咗辣死你嗎配炸雞髀，其實就係炸雞髀飯，加啲花生同魚乾做配菜，非常惹味。炸雞髀外脆內嫩，醬汁嘅辣味同香料配搭得非常好。另外為咗健康啲，當然要叫碟菜。今次試咗玻璃魷魚配通菜，魷魚非常爽口，通菜清新爽脆，呢碟菜調味冇咁濃，食起上嚟唔會太油膩。另外，今次都想試下啲新菜式，我哋叫咗一客話知你啦薄餅配咖喱，呢個薄餅底脆而不硬，食起上嚟有酥皮嘅層次，配合味道濃郁嘅咖喱，真係一試難忘。甜品方面，我哋揀咗榴槤芝士蛋糕，榴槤味道濃郁，芝士蛋糕質地綿密，兩者結合得非常完美。上次已經試過嘅白咖啡蛋糕亦都唔錯，蛋糕鬆軟，白咖啡味道香濃，甜而不膩。最後，飲品嘅凍檸檬薏米水清爽解渴，檸檬同薏米嘅味道非常配合。今次雖然試咗好幾道新菜式，但蘇媽蘇媽嘅食物質素仍然保持一貫水準，每道菜都冇令我哋失望。值得一讚嘅係侍應態度親切友善，服務非常周到。無論係午餐定晚餐，蘇媽蘇媽都係一個值得推薦嘅好地方。

之前嚟過食下午茶，佢呢度最出名嘅就係㗎吔多士，㗎吔醬夠多，多士油夠脆口好好食。今次就嚟食過lunch，試吓佢個辣死你嗎配仁噹牛肉。呢個飯都幾多配菜，有蝦片、魚仔、青瓜同埋椰汁飯。牛肉雖然叫辣死你嗎，但對我嚟講唔係好辣，不過牛肉係好腍，好易咬開，同埋都算幾多，不過我就嫌佢醬多咗啲。蝦片睇落唔似自己整，不過都好脆，唔會有油益味，側邊啲魚仔鹹鹹地，配飯幾好食。個飯反而冇乜特別，唔太食到其他味道。下次可以再嚟試吓啲麵

上完瑜伽醫吓肚仔 就同👦去咗附近嘅蘇媽蘇媽食early dinner🥥椰香咖央多士🍞烘到金黃色再加埋燶邊 食落超脆口每啖都食到咖央 堅有椰香味🐷百吉爹肉骨茶（三層肉）去親有肉骨茶地方都會試夠唔夠料好重藥材味 當歸味幾出三層肉肥瘦分明 肉質腍另外仲有豆卜 金菇 入晒味✨️肉骨茶可以任添㗎 😄🐮高佬麵配仁當牛肉牛肉肉質軟腍 筋位比較多 口感豐富高佬麵口感彈牙 撈勻晒甜豉油×仁當牛肉汁辣得嚟帶啲啲甜 再攪爛隻溫泉蛋 又有第2個味配埋魚仔花生 軟硬兼備🦖美祿暴龍佢呢度有分美祿恐龍同暴龍問吓店員有咩分別 就係暴龍會多一球雲哩拿雪糕 😆果然無揀錯 有埋雪糕 再配埋美祿波波雙重口感之後雪糕慢慢溶喺美祿入面好似飲緊美祿奶昔咁

呢間馬來西亞餐廳，淨係門口嘅裝修已經好吸引，非常打卡，行到入餐廳，裝修好懷舊嘅感覺，樓底好高，空間感好好，座位坐得好舒服，未到一點，餐廳已經差唔多坐滿，而家嘅香港已經好少可以坐滿人🫣午市套餐有好多選擇，全部都係馬來西亞傳統美食。肉骨茶一上碟已經聞到好大浸肉骨茶味，好香，而且用料十足，真材實料，個湯仲可以無限添飲，啲肉都好好味，好夠淋，吸晒湯嘅精華，仲有豆卜金菇等等嘅配料，好夠飽。馬來西亞海鮮湯麵個湯好濃郁，好有馬來西亞嘅風味，而且啲海鮮好新鮮，有青口、蜆、蝦，個湯好好飲，幾乎俾我飲晒，味精唔重，食完都唔會口渴。

餐廳係朗豪坊附近，門口好靚，好有馬來西亞🇲🇾既格調，整體感覺好舒服，侍應好helpful，服務一流，我地十二點倒去到餐廳，坐左一陣，餐廳已經坐滿人，應該好有吸引力😍😍😍午巿套餐有唔少選擇，樣樣都好吸引，價錢都算合理，招牌肉骨茶果然係招牌茶，色香味俱全，用料足，個湯仲可以無限添飲，正！豬肉肉質好，好香，唔會硬，吸哂湯既精華馬來西亞拉茶拉茶好香，茶底好濃郁，好有馬來西亞風味，仲可以選甜度，正！

假日要係旺角搵食有啲難度，但又唔想求其搵啲快餐食，朋友就話喺朗豪坊隔離星馬菜。餐地地方夠大，食品種類又多，至啱我樣樣都想食啲嘅人。椰香咖央多士多士非常脆口，厚厚嘅咖央醬非常滿足。馬拉沙嗲串燒串燒肉質嫩滑，最正係個沙嗲醬，香濃惹味。魚仔醬蘿蔔糕有啲似XO醬蘿蔔糕，但加埋魚仔令口感更突出。檳城福建蝦麵一睇就知到非常足料，特別係個湯底，加左蝦油更鮮更濃，仲有好多種粉可以選擇。怡保手撕雞銀針粉手撕雞舖得滿滿，配上魚片、芽菜，唔食辣嘅朋友就啱哂。桔仔話梅水酸酸甜甜，食飽之後飲返杯非常消滯解膩。

雖然離家較近，跟風開業的「麥金麥金馬來西亞特色茶啡室」前陣子已經結業，幸好食物水準更高的「蘇媽蘇媽馬來西亞茶餐室」離家也不太遠，讓這晚想吃肉骨茶和吃邪惡多士的我，仍然可以解饞一番。與太太兩人再度來訪，「肉骨茶」和我最喜歡的「海南鴛鴦燒麵包」（.$48）都不少得，另外還點了一客三串，豬、牛、雞各一串的「馬拉沙嗲串燒」（$48）和一杯酸甜解渴的「桔子話梅水」（$30）做飲品，便成了這夜的晚餐。前次到來，我吃的是「三層肉肉骨茶」，今次幫襯，我就吃了蘇媽推介，價錢同樣是$88的「豬腳彎肉骨茶」。這裡可以喝完再添的肉骨茶仍然味道濃郁，是我喜歡的味道，豬腳彎雖與三層肉不同，但同樣是肥瘦俱備，蘸以馬來黑醬油或是下了紅椒和生蒜的醬油，都是適合之選，而豆卜、金菇與杞子等配料，也豐富了這肉骨茶的內容。至於我非常喜歡的「海南鴛鴦燒麵包」，是一貫的甜美可口，而「桔子話梅水」也是一貫的醒胃怡神。那三串沙嗲呢？肉質都好，軟腍不韌，蘸以多甜少辣的沙嗲醬，也不錯。打從「蘇媽蘇媽」在桂林街營業開始到了今天，大大話話幫襯了它不下十數次，它的食物水準仍能一直保持，正是我久不久便會想起它的主要原因。

豬腳彎肉骨茶：食馬來西亞野必叫既肉骨茶！鍾意佢有獨特既藥材味。今次呢款仲可以揀唔同部位既肉，不過我地唔識啲部位既名，所以求其揀左呢款🤣原來係編多肥肉。而且無且無限舉手添招牌沙煲老鼠粉（走蔥）：老鼠粉好似廣東人食既銀針粉，配料豐富，同加太陽蛋撈埋一齊👍🏽👍🏽果然係招牌推介！椰漿飯配咖喱雞肉：咖哩份量都幾多，仲有配少少魚乾仔同仲係脆既蝦片，好香口！美綠恐龍：非常多粉、非常濃味

猶記得當年蘇媽喺深水埗開第一間舖嘅時候經已一試難忘，知道佢喺旺角開咗分店好耐，今日卒之有機會嚟試下，旺角店環境更加寬敞，加上特色玩味嘅牆身擺設，配合極高嘅樓底，環境舒適之餘又有餐廳特色。桔仔話梅水，不嬲對桔仔同埋話梅呢兩個味道都唔係話十分之鍾意，但係呢一杯嘢飲將兩樣嘢夾埋竟然咁有驚喜，桔仔同埋話梅配搭喺上嚟嗰個清爽味道，令我對呢兩樣嘢重新審視。馬拉沙嗲串，沙爹串燒得相當有風味，我哋豬牛雞各揀咗兩串，牛同雞都令人有記憶點，前者有意想不到嘅牛味，而後者就盛載住嫩滑嘅口感，隨附嘅沙爹醬係比較重花生味而且有粒粒花生碎嘅版本，鍾意食花生嘅朋友大愛。高佬麵配仁當牛肉，仁當牛肉口感軟嫩，味道層次豐富，特別鍾意佢嘅筋位好多，致使口感得到極大嘅滿足；高佬麵有啲似韓式嗰隻辣雞麵，不過口感就更為彈牙，每一條都撈滿甜豉油，本身已經相當好食，食到半路撈埋仁當牛肉個汁，再加上銀魚仔、花生同埋溫泉蛋嘅加持，簡直如虎添翼，直呼點解我咁遲先發現。

餐廳座落於上海街的一幢活化大廈內，進入餐廳便能感受到濃厚的馬來風情。牆上畫上一幅幅描繪馬來西亞風貌的壁畫，再加上懷舊玩具和單車作為裝飾，地板則鋪上紙皮石，宛如時光倒流，令人勾起不少童年回憶。📌檳城白咖喱海鮮麵🍜這道海鮮麵材料豐富，包括豆角、芽菜、豆腐魚旦、雜菜腐皮卷、魚蛋、蝦、蛋、豬紅、青口和啦啦（花蛤），每一口都充滿鮮美的海鮮風味。麵條選了滲滲，即油麵和米粉的混合，使口感更加多樣。白咖喱湯頭香甜濃郁，撈上特色參巴醬，為湯底添上一抹辣味，令人胃口大開。📌百吉爹肉骨茶（豬腳彎）🫕這款肉骨茶質地十分濃厚，藥材的甘香味濃郁，當中的當歸和川弓更是滋補佳品。豆卜吸收了肉骨茶的香味，咬下去爆湯的口感爽呀。豬腳彎肉質嫩滑彈牙，含豐富骨膠原，沾上黑醬油一起食用，風味更佳，不愧為店家推薦食品。📌榴槤多士餅配雪糕🍨兩片金黃鬆軟的熱香餅夾著超香濃幼滑的榴槤蓉，搭配軟滑的雲尼拿雪糕和美祿珠珠，味蕾口感已然豐富；一冷一熱的配搭，在口腔內冰火交融，味道、質感與溫度的衝擊，令人陶醉。大力推薦一口就要有齊全部食材的食法，才能把這個甜品的精髓嘗到極至。真的一試愛上，是是夜亮點、本席的至愛 😋🤭🤭。

喺朗豪坊行完街就嚟咗呢間之前喺荃灣食唔到嘅蘇媽蘇媽，餐廳位處文物保育兼在旺區入面有些兒時陳設，勾起兒時回憶。室內環境尚算寬敞，樓底高，空間感夠大。價格都適中，唔算好貴。甜品恐龍蛋，新品推介，最早上枱，次序有D倒轉； 不過少甜ok👌嘅，健康D紫菜肉鬆咖央多士，都係新品推介，要上枱時即刻趁熱食，隔多陣就會差少勒，椰香味略少咗D。檳城白咖喱海鮮麵（ 油麵)，都係新品推介，味道尚可，也不算好辣，ok好食😋。

好耐無黎食蘇媽了都唔洗好似以前咁大排長龍唔洗等位 直入之前黎食 一坐底就會上肉骨茶 依家唔知係轉佐定點 係唔會有一細碗肉骨茶飲住先肉骨茶湯底好似無以前咁好 藥材味比較淡 唔突出試佐個新出既紫菜肉鬆咖央多 都係原味好食好多好似都KEEP唔到一開業既水準咁....

第一次嚟旺角嘅呢一間懷舊馬來西亞風餐廳食lunch，星期六12點幾嚟到已經幾乎全場爆滿，裝修好有特色，場地四四方方，樓底幾高，用餐環境舒適。～～～餐牌選擇都幾多，由馬來西亞出名嘅藥膳肉骨茶、撈粉麵、湯粉麵、馬拉咖喱、咖央多、等等的都有，價錢唔算太貴。～～～一個人黎食一碗檳城亞參叻沙米線、一杯怡保白咖啡（凍），再加個椰香咖央多士，已經食到好飽。～～～檳城亞參叻沙米線同平時食嘅喇沙都幾唔同，湯底係魚肉湯，酸酸辣辣帶有少少蝦膏味，材料有魚蓉、青瓜、生菜、紅洋蔥、波蘿、薄荷葉等等，濃郁得黎，又有啲蔬菜增添清爽感，不過整體都偏辣，唔食得辣嘅話可能要試下其他。～～～椰香咖央多士就係佢哋嘅招牌之一，多士烘得夠脆，醬嘅份量慷慨，帶濃濃椰香同牛油香、，仲有少少斑蘭香，質感有點像Mousse。～～～怡保白咖啡少甜少冰，甜度恰到好處，幾適合香港人口味，搭配椰香咖央多士好夾。～～～蘇媽.蘇媽馬來西亞茶餐室 旺角上海街618號地下G01號舖

🇲🇾【 蘇媽.蘇媽馬來西亞茶餐室 】 🇲🇾⋄ —————⧫♟⧫————— ⋄一直係「蘇媽」嘅粉絲，以相宜嘅價錢就食到正宗又好味嘅馬來西亞菜式🤎 主食、小食、飲品，連甜品都有，選擇多籮籮，一應俱全😌 每人百幾蚊已經食到好飽，性價比超高💯🦐檳城福建蝦麵雖然湯底赤紅色，但事實上係用蝦殼、蝦頭熬煮，湯頭鮮甜濃郁，適合唔食得辣嘅朋友❣️配料有鮮蝦、豬肉、魚片、水煮蛋、通菜等，超豐富❤️‍🔥 麵底可以揀米粉、滲滲、河粉、油麵、米線、老鼠粉、米通粉，非常客製化😁🐀招牌砂煲老鼠粉老鼠粉即係我哋平時食開嘅銀針粉🤍另加入豬肉碎、魚乾、豬油渣同雞蛋，食之前撈勻，調味唔錯，鹹香十足🤤🍞椰香咖央多士我的最愛🙌🏻 多士麵包香脆，塗上鮮牛油，再夾一層厚厚自家製椰香咖央，好香，好美味👏🏻🍢馬拉沙嗲串燒雞牛豬可以自由配搭，我哋各要咗一串，肉質嫩滑唔會嚡，沾上滿滿沙嗲醬，回味無窮🥰🥞榴槤多士餅配雪糕想講連個甜品都好好食😂 作為超級榴槤控，呢個durian多士餅真係跑贏💯榴槤味勁香濃，外層熱香餅鬆軟，配埋一齊食再加雪糕，簡直世一🏆☕️馬來西亞拉茶跟餐配熱飲，可以自由選擇多奶、少奶或走奶😊⋄ ┄ ┄ ┄ ┄ ❖ ┄ ┄ ┄ ┄ ⋄