蘇媽.蘇媽馬來西亞茶餐室

營業中

休息中

呢間馬來西亞餐廳，淨係門口嘅裝修已經好吸引，非常打卡，行到入餐廳，裝修好懷舊嘅感覺，樓底好高，空間感好好，座位坐得好舒服，未到一點，餐廳已經差唔多坐滿，而家嘅香港已經好少可以坐滿人🫣午市套餐有好多選擇，全部都係馬來西亞傳統美食。肉骨茶一上碟已經聞到好大浸肉骨茶味，好香，而且用料十足，真材實料，個湯仲可以無限添飲，啲肉都好好味，好夠淋，吸晒湯嘅精華，仲有豆卜金菇等等嘅配料，好夠飽。馬來西亞海鮮湯麵個湯好濃郁，好有馬來西亞嘅風味，而且啲海鮮好新鮮，有青口、蜆、蝦，個湯好好飲，幾乎俾我飲晒，味精唔重，食完都唔會口渴。