蕃茄仔

營業中

休息中

兩點嚟到得一枱客，女侍應話要抹埋啲枱先比我入，叫我響門口等。 fine! 我企左出門口等。我見個女侍應清潔緊全間餐廳入邊嘅枱一共有五至六張，其實我得一個人，佢可以俾我入去坐低先，再清潔其他果幾張。於是我行入去，佢用勁差嘅態度問我你量咗體溫未，我話我已經量咗啦。跟住佢又好差態度咁問我scan咗安心出行未。呢個時候我已經冇晒心機食，因為食佢嘅勁衰態度都已經食到飽咗！我覺得呢個女侍應超級有問題，超級趕客！麻煩番茄仔注意下！你哋啲嘢幾好食都好，一個態度差到咁嘅女侍應摧毁咗你哋嘅努力!

店舖細細,二人客為主,星期五晚大約6點45到, 坐左最後一檯2人檯, 隨即客滿, 牛魔王 $78 ,有牛腱牛肩兩種唔同既部位, 配刀削麵, 有咬口.朋友+左$8要左杯伯爵茶. 其實都唔使啦, 我飲湯就得啦. 呢間野sell蕃茄湯底呀. 我飲哂, 感覺健康.蕃茄湯底係橙紅色, 呢隻色話你知佢係真材實料,係真蕃茄煮出黎既湯就會係呢種天然既顏色, 唔係出面落 茄汁/茄膏/茄醬果種好似羅宋湯既紅. 蕃茄湯唔係清湯果種, 係有蓉; 無錯,係蕃茄蓉呀. 正常放個蕃茄落去攪拌出黎果種蓉. 如果想簡簡單單,平平地係銅鑼灣食個晚餐既, 都係一個不錯既選擇, 但要夠早先唔使等, 不過男士預左係會唔夠飽.其他資訊: 即場walk-in,Scan QR code自助落單, 出面櫃檯比錢,收取現金.  

之前食過蕃茄師兄 之後已經好想試呢間蕃茄仔 因為兩間都俾評為最優秀粉麵店今日終於食到 去到1:00pm 唔算好多人 不過因為舖唔大 座位好少 最後等咗15分鐘左右Scan QR code落單 好方便選擇都係例牌揀肉 湯底 麵類 加料▶️鮮茄濃湯底炭烤風味雞扒刀削麵 ($62)成個紅卜卜咁 聞落去超級高個雞扒仲好大舊 切到一條條 望落已經流晒口水🤤🍅蕃茄湯底完全係紅豆沙咁咁’桀’ 唔知佢落咗幾多蕃茄入去呢？雖然已經見唔到蕃茄皮或任何殘餘部份另外仲落咗香料香草🌿成個湯底超級香濃 真係可以成個湯飲 根本就係西式餐湯😂好係少少甜又完全唔酸🐔炭烤雞扒都好好食 佢連皮嘅 烤到超級香脆 雞扒好厚肉滑嫩💗真材實料新鮮雞扒 超級正！🍜刀削麵雖然唔似自己削 不過麵質非常煙韌彈牙 仲好粗 所以好好咬口間中仲有幾條痴住左 口感好得意同埋比較闊 所以好掛湯 成個湯麵係完美配搭😍一定要再食-味道好好食 蕃茄湯底果然出色😋最好食嘅蕃茄濃湯 肉類都好正服務就一般般環境比較擠迫 所以唔係好舒服CP值都可以叫高 麵份量正常 肉就好足料 佢冇加一所以平均每人$70左右建議大家唔好著白色衫去食 因為當你品嘗麵同湯底至忘形時 一

雖然食物質素OK，但女侍應服務態度有待改善啊。首先想稱讚廚師，係有用心去整嘢食。電子落單頗方便，不過要小心唔好點錯嘢。因為點錯嘢，侍應不會即時幫你改，要等佢忙完先幫你改單，重新輪侯，所以要等好耐。其次，女侍應講嘢語氣無禮。可以改善一下。

呢間野喺黃店雲集嘅希雲街都開咗好耐㗎啦經常都叫佢嘅外賣特別鍾意佢嘅豬扒今次同朋友堂食午餐就試咗豚肉片蕃茄湯底依然係好濃郁同埋好多蓉次次我都會揀拉麵底同加萵筍佢哋而家都變晒自己用電話落單午餐黎計叫單送大概70至到$90喺銅鑼灣來講算係一般貴少少嘅麵食我記得佢之前午餐係有飯嘅而家就好似冇咗朋友揀咗豚三寶都好食佢除咗嘢食好食之外櫃檯通常都會擺放一啲人哋寄賣或者產品俾人試用嘅嘢聽講佢而家賣緊嗰隻炮谷都幾好食搵機會都好想買來試吓

久聞蕃茄仔大名，專登嚟試試～總括嚟講食物ok但唔會再嚟兩個人分別叫咗特級安格斯牛肩胛麵+牛𦟌麵，蕃茄湯有住家味道，似打碎咗嘅茄醬，幾清新嘅～出街唔想太油太重味精，呢度係唔錯嘅選擇牛肩胛幾香口，但就冇乜牛味，牛𦟌相對濃味啲。上海麵（幼麵）比刀削麵掛湯，幼麵同個湯會比較夾。整體食物雖然OK，但女侍應由一開始就黑面，係黑到你同佢講嘢佢另轉頭唔理你，好似殺咗佢全家嗰隻！想拎紙巾，佢黑住面晦氣咁講：等陣！食完後佢嚟收嘢，佢又係好不滿咁講：埋單出面！呢度係香港，不嬲唔會對服務態度有任何expectation，呢啲地方亦唔會要求侍應好有禮貌，但你都唔好差過茶餐廳阿叔呀？！個女侍應啲嘴臉真係得罪佢咁款喎！另一位男侍應係OK的，主要係個女仔問題。呢個態度就算你好食到曉飛我都唔會再嚟，何況你唔係。

直接跳去結論：沒有翻兜去確定味道的念頭係，係失望，事緣每次落銅鑼灣上堂，都會嘗試排隊這間 Red Object 蕃茄仔，又，每次等不到要食其他東西。昨天早一點來，也等了近 10 分鐘，自然是有期望。係，係失望。先說烏冬，要加 8 蚊，還不錯，彈牙度有；豚肉其實是好味道，入口有韓式燒肉 fu。問題是湯底，既然叫得蕃茄仔，賣點是蕃茄濃湯，上枱卻是一碗 texture 很厚、略帶丁點酸味的液體，稱為液體，是因為我覺得不能用湯水形容，簡單說，就是無味，詳細形容，就是我趕上堂抹了嘴就戴口罩沒飲水到放小息1.5小時內都沒有飲水需要的感覺，可想而知，湯底給味蕾的食慾刺激有多弱。所以，係失望。

Menu 🧸 : 特級安格斯牛肩胛烏冬 $78_________________________食物🧸 : 🍅控，🍅湯底👍🏻，我本身係勁鍾意🍅，呢間個湯底係帶酸既少甜，好濃郁，好重蕃茄味，食到落足料去煲既感覺(食到心機)，配烏冬掛麵一流。👍🏻🤤牛肩胛就睇到有油花，重有我最愛既萵筍💕。Address🧸 : 銅鑼灣希雲街5號地舖

位於美食雲集既希雲街有一間番茄湯專門店，番茄濃湯每天新鮮熬製，湯底吃得出粒粒番茄蓉，茄味十足。門外邊招牌細細,要仔細搵先搵到佢!晚上6點去到未算好多人,唔洗等位,跳起YEAH!今日阿姐就試左最受歡迎既特級安格斯牛肩胛+花蟹味噌蛋花湯底。麵類都有多種選擇,今次簡左刀削麵,同濃濃既蕃茄湯底十分相襯!就咁睇圖都睇到杰撻撻既蕃茄湯底係真材實料,特級安格斯牛肩胛牛味十足,唔會好"un"好難咬,成碗麵都好滿足呀~~唯一唔好既就係店舖比較細,坐得好逼,無計啦香港土地問題!推薦指數:8/10回頭指數:10/10番茄仔銅鑼灣希雲街5號地舖G/F, 5 Haven Street, Causeway Bay

由細到大都好鍾意飲蕃茄薯仔湯，可能呢D就係媽媽既味道🤭。睇open rice見到銅鑼灣呢間蕃茄仔評語唔錯，專登黎試下佢個蕃茄湯😁。成日都覺得蕃茄湯配粉麵係絕配👍。位置都幾隔涉，但又估唔到附近都有幾多食肆，黎到呢度舖頭細細😅，得幾張兩人細枱仔，如果人多就唔舒服。呢度係手機點餐，所以全程係無人理你既😶，我見我杯冰底可樂，放左喺吧檯幾個字都無人拎俾我，搞到D冰都溶晒。唔知係咪專登慢慢煮，真係等好耐先有得食。不過如果係好野係唔怕等既，好可惜我又覺得唔太啱我胃口😅。order左豬扒蕃茄湯刀削麵 $62期待左咁耐既濃郁蕃茄湯，真係好濃，但係濃到無左蕃茄應有既鮮甜味🙄，口感有D似西式既蕃茄凍湯，好傑嘅質地，又有少少似平時我用蕃茄薯仔打邊爐時，無加水，不停滾住，滾到好漿嗰個味道😅，唔太鍾意。個豬扒係可以既，但同成件事唔多夾，豬扒有豬扒既味，蕃茄有蕃茄既味，無溶為一體😌。有少少失望，專登黎試佢哋個蕃茄湯，但唔係我喜歡既味道，又唔可以話佢唔好食，不過覺得濃到有D奇怪😑，唔啱我既口味。

每次經過希雲街都會見到一條人龍排緊蕃茄仔🍅，搞到我放棄咗試過嘅念頭🥺 今次特登早少少去攞位，6點頭就到咗，等十分鐘就入得(*¯︶¯*)呢度基本上得一款湯底，就係自家製嘅蕃茄濃湯，鍾意蕃茄嘅朋友一定要試！~𝓞𝓿𝓮𝓻𝓪𝓵𝓵~ ✨價錢:8/10👅味道:8.3/10🌌環境:6.5/10▫️ 蕃茄濃湯•炭燒風味雞扒刀削麵 $62 (8.5/10)嚟呢度就係為咗嗰湯底！蕃茄湯底屬於偏杰身，蕃茄味清甜同自然，唔會過酸或過甜，飲得出係無落味精，飲曬成碗都唔口渴，裏面仲食到蕃茄蓉~ 雞扒炭燒味濃，雞皮煎到好脆，而且肉質仲係好juicy，有驚喜( ´▽｀) 刀削麵就正正常常，無話特別出彩，但有咬口，亦好掛湯汁▫️ 蕃茄濃湯•牛魔王刀削麵 $78 (8/10)另一碗就揀咗同樣好hit嘅牛魔王，裏面有牛肩同牛𦟌~ 兩款牛味都夠出，特別係牛𦟌切得厚身，好有口感。但呢款就無雞扒咁有驚喜🙈整體食物質素都係會令我再回訪！不過座位有啲狹窄，進食時有啲唔方便，唔會攞住好多野嘅時候去食，會無位放😂

點了招牌牛肩肉蕃茄湯底刀削麵湯好淡，而且口感有d怪,介乎渣和純湯中間，沒甚麼蕃茄味。牛肉4塊味道還可以，但好薄....，加埋汽水$12,總共要80元，覺得不值另外，店裏空間好小要不是朋友想吃這家，其實看到其他食家上載的照片吸引力都不大......朋友也點了一樣的，不過要上海麵她唔大食，但碗麵一來到，她不自禁説，嘩，麵好細扎，所以份量就真係比較小。我問她覺得湯怎麼樣，她說無咩蕃茄味我覺得一家主打蕃茄湯底的店，做出來的湯被人食完覺得沒甚麼味道，沒有被驚艷到，可能真的要內部檢討下。。。。另外，如果可以接受現金以外的付款方式會比較方便，也沒想到看似跟進潮流的店，原來只接受現金,好彩湊夠現金

作為一個茄人梗係要試吓啲蕃茄餐廳呢間想試好耐，今次放咗學就去咗銅鑼灣食下午茶時段冇乜人，所以都唔使排隊試咗推介嘅牛魔王，有牛肩同埋牛展揀咗上海麵，口感比較彈牙滿心期待就係佢嘅蕃茄湯底一上枱就見到好多茄蓉湯底比較潔，個人覺得可以稀少少同埋番茄味冇想像中咁濃郁鍾意蕃茄師兄嗰個湯底多啲不過牛展真係好淋而且份量好足，食完好飽肚

呢條街其實好多野食，平日lunch time時間大部分餐廳都要等位，呢間小店入面位唔多，大家都在出面排隊。等位期間都見到好多人叫外賣自取。我地2個人等左15-20分鐘倒有位，不過入面坐得比較迫既。首先用手機scan QR code落單，好快就有野食。叫左炭燒雞扒蕃茄湯葛絲（+$5），個湯底好足料下，好似有好多蕃茄打溶黎做。不過個人覺得可以再酸D。配呢個粉好掛湯，我差不多飲晒個湯。雞扒整得好味過豬扒。個皮煎到又簿又脆，雞肉仲Juicy 呢碗就係豬扒刀削麵加$22有3粒手工芫荽餃。個麵就好有咬口，個餃好勁芫荽味，皮簿滑do do,有驚喜👍🏻提一提呢度收cash only!

每次經過希雲街都見倒呢間小店排哂長龍，今日一於嚟試吓佢個湯底係咪真係咁犀利！👀好好彩，當日lunch time嚟到都唔算等咗好耐，大概10分鐘就入得去。掃一掃枱面嘅QR Code就可以落單，非常方便😁🍅 自家鮮茄濃湯底特級安格斯牛肩胛上海麵 $70首先梗係唔少得招牌嘅鮮茄湯底！果然名不虛傳，真係濃到好似醬咁，而且唔會好鹹，相信飲完都唔會口渴😌叫咗幾多人推介嘅牛肩胛，有三塊薄切，燒過幾香牛味亦唔算太油，冇俾蕃茄湯搶咗fo上海麵好掛湯，係腍咗少少，但碗麵熱辣辣咁擺上枱真係好加分😍🦀 是日主廚精選-花蟹味噌蛋花湯底秘製豬扒上海麵 $26+62當日嘅主廚精選係麵豉蛋花湯底，一樣都好濃郁，相比起蕃茄湯會鹹少少，不過都幾鮮😙個秘製豬扒真心有驚喜！醃得超入味，肉質鮮嫰多汁又香口，係今餐最滿意嘅菜式！🤤唔叫少麵對女仔嚟講真係好大碗，最後叫咗個外賣盒裝返屋企做晚餐🙃呢個午餐食到好飽好滿足，價錢都算合理，唔介意坐迫少少同可能要排一陣隊嘅🖐🦶不妨一試！明白店員好忙，不過都希望笑多啲，大家都會多多支持💛