蕃茄仔

營業中

休息中

📢唔知點解間中都會想走去銅鑼灣希雲街一帶行下搵下嘢食，與繁華鬧市嘅中心點有著一種對比嘅感覺 。一個找到呢間都頗多好評嘅🍜蕃茄麵店，細細嘅店舖中午時間座得滿滿，仲有條人龍等待入座，果然人氣🍅.📢開到餐牌上居然有鴨肉🦆，二話不說就即刻落單，等緊嘅同時坐喺靠窗嘅孤獨位置，看住人來人往嘅街道，感覺有點兒喘息空間，比坐在內裡嘅感覺好 。玻璃上列出各款蕃茄麵嘅餸料，原來選擇都唔少，相信可以再去試試🍅.———————————————————————————🍜輕煎三味鴨蕃茄麵🍅🦆💬超濃郁嘅蕃茄湯底，係杰身嘅口感，絕對係會掛在麵條上，啖啖都有香濃嘅蕃茄味道 。沒有查問三味鴨即是邊三種味道，相信係同三杯雞類似吧 。的確鴨肉煎過後好香口，肉嫩而且鴨皮香脆，感覺良好🍅

市面上主打蕃茄湯底嘅舖頭，除咗番茄師兄，星座冰室，勝香園之外仲有呢一間蕃茄仔（懷念佢哋以前喺小西灣嘅滑蛋仔都勁正！😋）蕃茄仔個特點係口感特別濃稠，因為佢哋每日用幾十斤嘅新鮮蕃茄🍅🍅🍅 再加大量蔬菜同香料打造而成呢碗濃郁蕃茄濃湯~湯底真係夠曬厚身掛湯，口感係用 blender 整成嘅西湯咁~ 仲可以加入乾蒜同葱重口味，正呀喂~牛魔王 - 一碗有齊牛肩胛同和牛𦟌，個人比較鍾意牛肩胛，牛味濃兼且好有油脂香~略嫌份量太少到喉唔到肺熱溶芝士厚切牛舌，有三件厚厚嘅份量都幾足料 牛舌外脆內嫩，謎之有少少鹹牛肉嘅味道~加咗啲芝士更加鹹香 🧀（但如果佢係用碎芝士再熱溶應該成個樣同味道都會更加昇華~）麵底可以選擇刀削麵，上海麵 等等。刀削麵煙靭有口感而上海麵更加柔軟索湯~如果鍾意滑韌又爽口兼且超吸汁嘅嘅仲可以試吓葛絲，更加有驚喜~

香港都有好幾間店舖出名蕃茄湯底，蕃茄仔就係其中一間，今次一於試試佢！🍜 大滿足豚三寶（$95）我嗌咗呢個係豚肉為主嘅三寶麵，揀咗自家鮮茄濃湯+ 上海麵（走蔥version），免加一。豚肉三寶有豬扒、豚肉片、豬軟骨，當中我覺得最出色係佢煎得好香，香到我覺得仲出色過佢個蕃茄湯😆 豬扒同豚肉片都煎得超香口，至於豬軟骨就一般～ 蕃茄湯底都幾濃，但我覺得配上海麵，個麵唔太掛湯，可能揀其他會好啲，但佢麵底選擇又唔多🙈 最後我都差唔多飲晒個湯😝 有機會都可能encore，但相比之下，呢間定價有啲高，難啲做到恆常食嘅舖頭～

態度差 嘢食又唔好食 蕃茄湯底冇蕃茄味 全部茄膏 執鬼咗佢 如果經過千祈唔好行入去唔係包保你一定中伏我發誓以後唔會再食呢間嘢保證一定唔會 Worst as hxll 邊個去食邊個中伏？

！大推！最愛蕃茄湯麵嘅Top3其中之一就係銅鑼灣希雲街嘅【蕃茄仔🍅】好食到每個月都要黎食一次！每次都係嗌依碗😂😂⭐️蕃茄濃湯炭烤風味雞扒刀削麵⭐️首先，個蕃茄湯真係好濃郁好好味，每次我都會飲曬啲湯🥹😋然後佢加左啲乾蒜同葱喺湯入面令到個味道再昇華左！（唔鐘意嘅乾蒜同葱嘅朋友都可以走左佢😜）雞扒方面佢燒得好香，雞肉好嫩滑，個皮又好香脆，真係不得了！刀削麵方便，好有口感，做到蕃茄湯掛麵嘅效果！成個配搭都好出色！

一直都好鍾意呢間番茄麵，同出面嘅番茄麵唔同，呢間湯底濃郁，番茄味酸酸甜甜好滋味，牛肉鮮嫩多汁，加拿大豬肉片都好好味，上海幼麵吸曬番茄湯底，好快食完一碗，大滿足！

系中午時段黎食，都幾多附近既學生黎光顧。我同frd食芝士牛舌套餐同芝士雞柳套餐，量好大份，胃比較細既可以考慮share一齊食總體而言湯得番茄湯好濃感覺無味精，系幾好飲牛舌夠厚夠味，雞柳量多，會不知不覺飲曬d番茄湯(⁎⁍̴̛ᴗ⁍̴̛⁎)食玩無會想飲水但會想漱口，因為番茄湯真系好濃好多沙🤣店內飲品雖額外俾錢但水系免費自己倒～

一如以往，間唔中都會落去食lunch或食dinner每次去都覺得個味道都維持到，起碼係我偏好既蕃茄湯味道，每次去都撞正繁忙時間，服務員白頭髮哥哥，都有明確表示門口排隊等等，有時太繁忙，就會隔住窗提示我可以入得。anyway見服務員得一個人，都體諒到服務業既辛苦

收銀哥哥仔態度惡劣…好似唔優做咁…食完隔一陣已經好口渴唔少味精😑😑個湯太杰…..味道極之一般！已過繁忙時段有個女食客坐咗四人位，俾佢話態度惡劣。其實將四人枱可以推開便二人枱何必呢？

舖頭收銀員工白髮男人奇奇怪怪，明明冇人排隊，入到去又話有其他人排隊，都算。講嘢態度極為惡劣，其他出面嘅顧客完全好似盲頭烏蠅咁唔知，連一個基本嘅等位指引都冇，但係其實舖頭裏面起碼有三成都係吉位完全冇人坐 ……………………………………………………………………………….,,,,,,,,,,,,,,,,,,,,,,,,,,,,,

-食過呢間番茄🍅濃湯麵嘅希雲街分店😛 番茄湯底係超級超級濃郁同濃稠，食得到番茄真材實料嘅沙沙哋口感🤓 不過我就唔係咁鍾意咁杰嘅湯，會有啲變咗拌麵咁🙈 牛魔王蕃茄湯麵 $90特級安格斯牛肩胛蕃茄湯麵 $81牛肉就好高質有油脂同時都有牛香味😛 嗰日咁岩冷氣壞咗好熱，而且位置都比較迫啲🫣 所以唔係好好嘅體驗蕃茄麵我都係鍾意番茄師兄多啲！📍蕃茄仔銅鑼灣希雲街5號地舖新蒲崗太子道東638號Mikiki LG樓LG7A號舖九龍灣常悅道21號Eastmark 1樓7號舖🍽️ 7.3/10

過開呢邊做野，知道附近有間出名的蕃茄湯雞扒麵，於是就行過來食。夏天熱到死，行到過來身水身汗。。。。。。係社交平台見到人推介炭烤風味雞扒蕃茄湯麵，於是就叫嚟試下！！鍾意食辣嘅人仲可以叫麻辣蕃茄湯底！等左一陣就上個雞扒麵。蕃茄湯超濃，有少少新鮮蕃茄沙嘅口感，湯底食到鮮蕃茄嘅新鮮蕃茄味道，少少酸。炭烤雞扒烤到皮脆肉嫩，雞扒肉質偏滑。另外，啲麵都係好滑嘅上海麵，麵質滑得嚟少少彈，雖然幼但係因為蕃茄湯好濃稠所以掛到好多湯。美中不足係價錢竟然唔包野飲，同埋麵食嘅份量唔算多。

今日試下呢間之前成日排曬隊既粉麵店 一直都想試下佢既番茄湯底😍😍叫左一碗番茄湯底雞扒刀削麵 ❤️❤️❤️❤️❤️佢既番茄湯底係超濃郁 係天然既番茄味 酸酸甜甜十分開胃 同埋佢個雞扒燒到層皮好脆 而且有啲炭燒味 個刀削麵煙煙韌韌好有嚼口👍🏻👍🏻🤓🤓 唔怪之得之前成日都咁多人排隊 果然係真材實料呀👍🏻👍🏻蕃茄仔 (銅鑼灣)銅鑼灣希雲街5號地舖#kamama_foodie #food #cwb #nice food

希雲街嘅長龍店。主打蕃茄湯底麵食。舖位空間狹窄，假日客人同客人肘碰肘坐。麵可選擇上海麵或刀削麵。個人較喜歡上海麵較易掛湯。主食點了麻辣蕃茄濃湯加熱溶芝士厚切牛舌。價錢跟較高檔次的拉麵店相若，簡單一碗麵食，3片牛舌已過$100。首片牛舌厚薄適中，有微炭燒香味，外脆，有驚喜。餘下兩片牛舌就有驚無喜了🥲 厚薄不一，有渣😳 質量有待改善。湯底係罐頭忌廉蕃茄湯直出。成碗麵我只能夠吃下一半就吃不下了。跟餐有汽水。𠄘惠$109 😔

嚟到蕃茄仔一定要食蕃茄濃湯麵🍅而且我發現每個麵都係分開煮咁就唔溝淡左個番茄湯啦👍🏻番茄仔果然名不虛傳，個湯有好濃蕃茄味，仲食到番茄蓉👏🏻但最令我難忘嘅係塊雞扒，真係有炭燒味架！而且係爽口架！平時食雞扒都冇食到呢種口感🥹個上海麵都好滑，而且好掛到湯，perfect match 味道：🤤🤤🤤🤤🤤/5性價比：🤤🤤🤤🤤🤤/5 菜式：- 自家鮮茄濃湯+炭烤風味雞扒+上海麵：$70