蕃茄仔

營業中

休息中

呢間其實未食都一定上網睇過人po，雖然舖細但都不斷坐得飽，食完都明食物真係好高質，嗌左個豬三寶（有豬扒，豚肉同豬手）仲有個雞扒；呢間野既特式就係唔會太重醃料，食落都會有番食物既原味，而且都係整即（雞扒浸左湯都食得出係皮脆肉嫩，真係好少可咁多人排隊都咁有誠意！而且湯底都近乎蕃茄汁，不過就未會太杰太酸，所以鍾唔鍾意蕃茄既人都岩食！不過，呢一餐真係因為個女侍應掃哂興，佢上菜既時候其中一碗倒瀉左，用個身控住碗麵，跌左2舊肉同倒瀉左d湯可以同我講無掂到，問我加番d湯比我就算得唔得？下？！我無聽錯呀？！我拒絕之後仲聽到佢拎番廚房講：炒左車，仲要換過。下？！我無影響過你，無肺炎都唔係咁啦，咩態度呀？總括：野食很好，侍應劣！！！

蕃茄仔 一提起蕃茄湯專門店，時不時都會諗起位置銅鑼灣嘅蕃茄仔。呢間我都唔洗多講，就算當日三點幾去到，都要排隊。最高峰試過3:00就買哂😭。最近佢又喺九龍灣開咗分店，咁啱喺正大渣哥樓上，做成咗「九龍灣黃金四角」中嘅第四間黃店🥳。 呢間餐廳由80後老闆Elvis 打辦嘅，本身佢喺小西灣有間小食店叫「滑蛋仔」，主打多款滑蛋蓋飯，原來呢兩間嘅招牌都好相似，都係非常之可愛嘅。其後喺20年六月疫市開店，成為熱門店。 豚三寶$78 湯底每日以🤯30斤🤯新鮮番茄，加上豬骨同大量蔬菜，洋蔥，西芹，蒜頭等多款香料，熬足4個鐘，仲要用blender 磨粹再隔渣，其工序煩複，嘥力又嘥時間⏳。 飲落已經唔係蕃茄湯，而係番茄蓉🤣，每一啖充滿著茄蓉，質感非常之細膩，creamy又厚身。味道酸甜，温和，既有豬骨同(牛油)嘅脂香感 ，又有少少香草(basil)，檸檬葉，炸蒽蒜同葱花嘅點綴。一滴不剩，超足料。 豚三寶首先有豚肉薄片，應該係梅頭/豬肩肉嘅部位，其運動量多肌肉多。豬肉有輕微煎過吓，肉味濃郁，但呢個肉本身嘅脂肪量就少咗D，我個人就麻麻呢款肉啦，用豬腩肉就正D。 豬扒煎到有少少燶邊，本應有少少碳香感，但浸咗湯之後

**特級安格斯🐮牛肩胛配🍜上海麵($68)濃稠的蕃茄湯🍅喝落啖啖蕃茄蓉😆味道唔太酸唔太甜，食完成碗湯麵都唔覺得有味精👍🏻👍🏻👍🏻最鍾意有炸蒜蓉，香味提升咗，配湯一流特別喜歡食牛的🐮🐮可以叫牛魔王(有入口溶化的牛腩+炙燒香濃牛肩胛)其他款式有🐷豬扒🐣雞扒🐟鰻魚👀仼君選擇🍜麵款仲可以揀刀削麵,米粉(無須加錢)或者和風白麵/葛絲(+5),烏冬(+8)健康的食客可以額外加配菜🥗🌽🐥自由選雞胸(3片)/秋葵/豆腐/萵筍/鮮准山......疫情期間🩺🦠留意番小店的座位🪑本身只有十多個座位堂食用電話QR落單📱簡單方便只收現金💰

呢間人龍小店我哋想試咗好耐，不過聽講成日都排長龍，今日咁岩出開銅鑼灣，於是碰吓運氣，睇吓會唔會唔使等位就食到！我哋去到等位時已經係下午3:00 ，等一張枱下一張就到我哋，於是我哋就排隊啦！其實我覺得排隊嗰度都有啲混亂，因為個侍應全程都冇出過嚟望過我哋一眼，所以其實都唔知道佢知唔知道出面有人排緊隊。到可以入座啦，個侍應依然係全程冇望過我哋一眼，或者同我哋講嗰啲乜嘢；正想問佢拎Menu之際，見到枱上面貼咗個QR code係俾我哋自己落單。Anyway 我哋一個叫咗豬扒上海麵，一個叫咗豚肉三寶刀削麵。我覺得個湯底都幾似蕃茄味意粉汁，都幾濃，我覺得配刀削麵都幾襯，但老公話碗上海麵就唔太襯。至於個豬扒，都幾好味，煎到有少少燒燶香味，但肉質好淋唔會好韌。總括來講，我覺得佢哋味道的確係唔錯，不過個侍應態度真係有少少趕客，明白佢可能真係好忙好攰，都唔係要求佢要點樣殷勤，但起碼可以望我地一眼，講一句呢度係自助落單，咁我哋唔使咁迷惘啦。

天氣熱到不行，最啱食蕃茄，酸咪咪夠晒開胃！雖則本人係勝香園fans，但實在唔想食到大汗「揼」細汗，所以朋友推介嘅呢間餐廳就變咗近期飯堂之一。餐廳名叫得做蕃茄仔，顧名思義係以自家製蕃茄湯做賣點，味道夠濃夠酸，感覺都幾天然，起碼唔會特別口渴，令人忍唔住飲多幾啖。配料都有唔少選擇，仲可以加配健康蔬菜，唔洗淨係食肉咁單調。慢火豬手（另加配秋葵）豬手煮得腍身，仲好入味，啖啖膠原蛋白咁。特級安格斯牛肩胛牛味都幾濃，想試埋牛腩可以點「牛魔王」，即雙拼，一次試勻兩個唔同部位。

哈！咩都唔洗講野食比左個滿分，因為佢令到我會食一野本身唔食嘅野😹就係蕃茄。入正題之前要踩一踩個環境先，真心小逼嘅！如果野食為主又或者住附近嘅話 呢間真係prefect池!!!!重中之重牛魔王(雙拼)濃厚番茄湯配葛絲 9.6/10兩款牛超淋 勁有肉味 面底揀左葛絲 有少少似薯粉質地 好掛湯 湯底真係超濃 唔會好似平時出面蕃茄嘅咁酸，好啱做濃底 唔講仲以為食緊日本拉麵湯。呢個叫左套餐餐飲配左果汁，飲落去唔酸唔甜，個味好似日本買嘅蘋果咬落去嘅味！特級安格斯牛肩胛撈烏冬 8.72/10安格斯牛肩胛分量好多！配上麻香醬汁及葱油，醒胃惹味。唔會係太辣，反而重點係個麻到，連我呢個譚仔要食10少辣嘅都輕鬆carry!!!!

🍝蕃茄仔🍅話說上次去蕃茄仔壞冷氣所以無食到仲要次次去都勁多人排隊其實就係因為佢入邊嘅座位太少喇而今次終於食到啦✌︎✰︎•‿•✰︎✌︎但好可惜無冷麵提供所以都係食返佢哋嘅招牌30公斤蕃茄熬製濃湯麵既話我個人喜好刀削麵感覺會掛湯啲而牛魔王係必叫的(♡︎ꉺ.̫ꉺ)牛肩好有牛味唔會好韌牛腱夠淋我哋仲另叫咗「牛筒油」其實即係牛骨髓食落啖啖牛油香兩個人食啱啱好唔會太漏而新試嘅三味鴨都頗有驚喜煎得好香口同唔係packing貨飲品方面好多冷泡茶都賣哂(›´A`‹ )我就叫咗支清漉 x銀都冰姐樽仔奶茶因為我以前都成日幫襯過銀都冰室㗎呢啲老字號茶記真係買少見少好似遲啲要光榮結業添所以係令人懷念嘅味道(⁎⁍̴̛ᴗ⁍̴̛⁎)趁仲有得飲就要飲多啲啦

人氣旺盛蕃茄仔，每次行去希雲街都見大排長龍，今日襯佢地剛開門就即去光顧，過左20分鐘之後已經見到門外不少人等候，想食到濃濃番茄湯麵真係需要付出代價牛魔王刀削麵 $78不到10分鐘後就上菜，牛魔王分別是牛腱和牛肩，各有兩片牛肩有輕輕煎香過，食落不柴口，而且牛味十足🤤牛腱相對就比較軟腍，入口鬆化，刀判麵口感不錯，厚身又帶點韌性，掛上濃郁蕃茄湯汁，好惹味，不過牛同麵份量就有點偏少🙈豚三寶 $78豚三寶分別有豬扒、豬手和豚肉，感覺上比牛魔王豐富，豬扒表面煎到焦香😋仲保持到肉汁，豚肉片富油香，豬手軟腍但骨膠原就差少少蕃茄湯底好厚實濃稠，有好幼細茄蓉，足料之餘味道唔會過酸，最後湯好味到可以飲哂

[ 蕃茄仔🍅 | 銅鑼灣 ]I have wanted to try this restaurant for a long time due to my love for noodles and tomatoes. The feedback for this restaurant was also very positive and it became very popular very quickly, so finally found time to come to Causeway Bay and eat this for lunch. They also have one store in Kowloon Tong which is closer to me but less popular, however, I will try it someday. We arrived at 12:15 and we are very lucky as there was only 1 two-seater table left 😬. I read that there is alwa

銅鑼灣的番茄湯專門店，番茄濃湯每天新鮮熬製，湯底吃得出粒粒番茄蓉，茄味十足配料方面都有十款選擇，最受歡迎包括牛魔王雙拼及特級安格斯牛肩胛。牛魔王，牛𦟌超超超淋滑 蕃茄濃湯啖啖鮮番茄清香!又濃又香 配麵或米通都非常正!尤其牛肩，好有牛肉味又嫩滑 好重牛肉味~炭燒鷄扒，鷄皮微焦幾香口 厚身雞扒啖啖肉食得過引湯底配上大量炸蔥蒜🧄同鮮蔥粒，更加提升左佢個味道，唔會太單調刀削麵都非常爽口，而且厚度好適中好掛湯又煙韌彈牙!銅鑼灣希雲街5號地舖平均消費$150評分8/10

當日我地夜晚接近8點去到，店內鋪面唔算大，座位唔算好多，雖然前面得4組客人，但係我地都等左差唔多半個鐘先入到座，而且用餐空間都唔算好大，啱啱好放到兩個托盤🍱入座之後就可以掃枱面上嘅QR code點餐，好快店員就會送上食物啦😋🍗煙燻芝士雞柳 $72湯底非常濃同杰身，可以食到啖啖蕃茄蓉，但係就好似冇咩蕃茄嘅酸味🍅飲得出冇落味精同埋飲得出啖啖蕃茄蓉，夠哂真材實料😋平時食麵鍾意一啖麵加一啖湯咁食，但係呢個啲湯係一pat蕃茄蓉咁一齊食，食湯麵嘅話好似稀返少少送麵食會好啲😆平時食湯麵好驚湯底有味精都唔會飲，但係呢個絕對可以飲哂都得😋雞柳外皮煎到脆脆地😍好重煙燻味，肉質夠嫩滑，芝士醬係另外淋上雞柳上面，所以雞柳嘅芝士味唔算好濃，但係反而令到湯底有淡淡嘅芝士味😋配左刀削麵，口感咬牙，而且麵底夠哂掛湯🥓特級安格斯牛肩胛 $70牛肩胛應該係配埋蒜片一齊煎，煎得好香，牛肉每塊都充滿油脂同牛味，肉質好淋好好味！但係同雞肉比個人比較鍾意食雞肉多啲😋試埋佢地嘅上海麵，淋淋地咁索哂啲蕃茄湯夠哂入味，而且湯底同樣夠哂掛湯😋🧃汽水 ＋$11佢地嘅汽水係會另外比杯冰你裝住飲，咁飲落去就一定夠哂冰凍啦🧊估唔到兩碗麵最驚艶我

位於銅鑼灣嘅蕃茄仔，長期排隊。差唔多八點黎到都要等到八點半先入得，佢八點半就CUT單，太遲黎真係食唔到。入面環境細同偏窄，枱與枱之間都冇咩空間，坐得比較冇咁舒服。🍅豚三寶雞胸‧自家鮮茄濃湯葛絲 $113★★★★☆今次食先知原來有得叫加底，QR CODE落單個到係冇呢個選擇，大家可以落時同店員講想加底＋$12。蕃茄湯底好香濃，上枱已經見到帶橙黃色嘅濃稠湯汁，有D細蔥、炸蒜，湯底屬於天然蕃茄味道帶有蕃茄蓉，唔似加茄膏，食落清香得黎唔會太咸太甜，絕對可以連湯飲。但個人認為唔夠酸。葛絲唔算周圍有得叫，食落煙煙韌韌唔易斷，比起薯粉更有咬口，掛埋汁食一流。豚三寶有慢火豬手、秘製豬扒、豚肉片，豬手炆得軟嫩，正常；豬扒岩岩好，唔會太熟好鞋口；豚肉片好嫩滑。個鮮嫩雞胸都有驚喜，本身都怕佢好DRY，但食落係滑帶小小JUICY。🍅炭烤風味雞扒‧自家鮮茄濃湯刀削麵 $67★★★★☆刀削麵有咬口，滑身但唔會煮得太淋，保持住佢嘅硬度，加埋個湯底食唔錯。雞扒嘅雞皮煎到好香脆，帶少少炭烤味，雞扒滑身唔鞋口，帶小小燒烤汁味道，幾惹味！🍅特級安格斯牛肩胛‧自家鮮茄濃湯稻庭鳥冬 $78★★★★☆牛肩胛煎得好香，香濃牛味，夠

之前去過，但都排長龍，食唔到。今次夜少少時間去到見到少左好多人排隊等位，等左一陣就有枱啦。入面坐位坐得好迫下，個袋都無乜位放，同隔離枱d手袋係放埋一齊咁濟，無空間可言。食野既時候都有d辛苦，張枱太細，個塊隔開隔離枱既板又迫住隻手，搞到食得好辛苦。不過食物味道就真係好驚喜，叫左個牛魔王(牛剪+牛肩胛)，加左＄5轉左要葛絲，質感味道類似幼薯粉x粉絲咁，個番茄湯底好濃郁，係杰身個種，唔係平時食麵既普通湯底咁簡單。加上d牛肉都好有牛味，配埋一齊食，好正！好滿足～

Super satisfying dining experience for a big fan of tomato & beef such as me…it definitely worths a try

🍅人氣番茄湯專門店，番茄濃湯仲係每日新鮮熬製。平日同週末午飯時間去到都人頭湧湧，食客坐門外窗口位，需要等候10-15分鐘，不過無阻食客嘅捧場。內裏雖然有卡位，但係空間狹窄，約20 個座位。第一次堂食🐮自製鮮茄濃湯底牛魔王($78)+$8 稻庭烏冬一次過試晒牛腱同牛肩， 牛腱軟腍， 牛肩薄切，有煎過嘅香口。烏冬係不可或缺，頗有嚼勁，會吸收到蕃茄蓉嘅精髓。 蕃茄湯比較鮮甜，唔會純粹食到天然蕃茄， 係有少少蕃茄醬味/ 調味。 二次回訪- 外賣🐽豚三寶上海麵$78豚肉片 豬扒 豬手，豬扒煎得香口，火喉充足，豚肉片比較薄，豬手唔算入味，骨膠原亦唔多。雖然上海麵係唔需要額外收費，口感一般，我覺得升級到稻庭烏冬係值得嘅。🇭🇰銅鑼灣希雲街5號地舖