蕃茄仔

營業中

休息中

當日我地夜晚接近8點去到，店內鋪面唔算大，座位唔算好多，雖然前面得4組客人，但係我地都等左差唔多半個鐘先入到座，而且用餐空間都唔算好大，啱啱好放到兩個托盤🍱入座之後就可以掃枱面上嘅QR code點餐，好快店員就會送上食物啦😋🍗煙燻芝士雞柳 $72湯底非常濃同杰身，可以食到啖啖蕃茄蓉，但係就好似冇咩蕃茄嘅酸味🍅飲得出冇落味精同埋飲得出啖啖蕃茄蓉，夠哂真材實料😋平時食麵鍾意一啖麵加一啖湯咁食，但係呢個啲湯係一pat蕃茄蓉咁一齊食，食湯麵嘅話好似稀返少少送麵食會好啲😆平時食湯麵好驚湯底有味精都唔會飲，但係呢個絕對可以飲哂都得😋雞柳外皮煎到脆脆地😍好重煙燻味，肉質夠嫩滑，芝士醬係另外淋上雞柳上面，所以雞柳嘅芝士味唔算好濃，但係反而令到湯底有淡淡嘅芝士味😋配左刀削麵，口感咬牙，而且麵底夠哂掛湯🥓特級安格斯牛肩胛 $70牛肩胛應該係配埋蒜片一齊煎，煎得好香，牛肉每塊都充滿油脂同牛味，肉質好淋好好味！但係同雞肉比個人比較鍾意食雞肉多啲😋試埋佢地嘅上海麵，淋淋地咁索哂啲蕃茄湯夠哂入味，而且湯底同樣夠哂掛湯😋🧃汽水 ＋$11佢地嘅汽水係會另外比杯冰你裝住飲，咁飲落去就一定夠哂冰凍啦🧊估唔到兩碗麵最驚艶我

位於銅鑼灣嘅蕃茄仔，長期排隊。差唔多八點黎到都要等到八點半先入得，佢八點半就CUT單，太遲黎真係食唔到。入面環境細同偏窄，枱與枱之間都冇咩空間，坐得比較冇咁舒服。🍅豚三寶雞胸‧自家鮮茄濃湯葛絲 $113★★★★☆今次食先知原來有得叫加底，QR CODE落單個到係冇呢個選擇，大家可以落時同店員講想加底＋$12。蕃茄湯底好香濃，上枱已經見到帶橙黃色嘅濃稠湯汁，有D細蔥、炸蒜，湯底屬於天然蕃茄味道帶有蕃茄蓉，唔似加茄膏，食落清香得黎唔會太咸太甜，絕對可以連湯飲。但個人認為唔夠酸。葛絲唔算周圍有得叫，食落煙煙韌韌唔易斷，比起薯粉更有咬口，掛埋汁食一流。豚三寶有慢火豬手、秘製豬扒、豚肉片，豬手炆得軟嫩，正常；豬扒岩岩好，唔會太熟好鞋口；豚肉片好嫩滑。個鮮嫩雞胸都有驚喜，本身都怕佢好DRY，但食落係滑帶小小JUICY。🍅炭烤風味雞扒‧自家鮮茄濃湯刀削麵 $67★★★★☆刀削麵有咬口，滑身但唔會煮得太淋，保持住佢嘅硬度，加埋個湯底食唔錯。雞扒嘅雞皮煎到好香脆，帶少少炭烤味，雞扒滑身唔鞋口，帶小小燒烤汁味道，幾惹味！🍅特級安格斯牛肩胛‧自家鮮茄濃湯稻庭鳥冬 $78★★★★☆牛肩胛煎得好香，香濃牛味，夠

之前去過，但都排長龍，食唔到。今次夜少少時間去到見到少左好多人排隊等位，等左一陣就有枱啦。入面坐位坐得好迫下，個袋都無乜位放，同隔離枱d手袋係放埋一齊咁濟，無空間可言。食野既時候都有d辛苦，張枱太細，個塊隔開隔離枱既板又迫住隻手，搞到食得好辛苦。不過食物味道就真係好驚喜，叫左個牛魔王(牛剪+牛肩胛)，加左＄5轉左要葛絲，質感味道類似幼薯粉x粉絲咁，個番茄湯底好濃郁，係杰身個種，唔係平時食麵既普通湯底咁簡單。加上d牛肉都好有牛味，配埋一齊食，好正！好滿足～

Super satisfying dining experience for a big fan of tomato & beef such as me…it definitely worths a try

🍅人氣番茄湯專門店，番茄濃湯仲係每日新鮮熬製。平日同週末午飯時間去到都人頭湧湧，食客坐門外窗口位，需要等候10-15分鐘，不過無阻食客嘅捧場。內裏雖然有卡位，但係空間狹窄，約20 個座位。第一次堂食🐮自製鮮茄濃湯底牛魔王($78)+$8 稻庭烏冬一次過試晒牛腱同牛肩， 牛腱軟腍， 牛肩薄切，有煎過嘅香口。烏冬係不可或缺，頗有嚼勁，會吸收到蕃茄蓉嘅精髓。 蕃茄湯比較鮮甜，唔會純粹食到天然蕃茄， 係有少少蕃茄醬味/ 調味。 二次回訪- 外賣🐽豚三寶上海麵$78豚肉片 豬扒 豬手，豬扒煎得香口，火喉充足，豚肉片比較薄，豬手唔算入味，骨膠原亦唔多。雖然上海麵係唔需要額外收費，口感一般，我覺得升級到稻庭烏冬係值得嘅。🇭🇰銅鑼灣希雲街5號地舖

Mcdull嘅豬朋友推介，又真係幾好食喎🐽🤤黎到銅鑼灣，打開openrice search左好耐都唔知食乜，咁多鱔稿都唔知信邊個，Mcdull就話上次同佢嘅豬朋友食過一間幾好食嘅面店，不如試下丫。心諗，好食又一餐唔好食又一餐，咪試下「唔好食」囉，低期望底下，又真係喜出望外喎。「蕃茄仔」Red Object，佢位於銅鑼灣好出名食雙腸熱狗嘅丹麥餅店附近，嗰度都真係幾多食店，對面就有榮式雞扒，側邊就有媽咪雞蛋仔，競爭都幾大。我地12:30左右等左一陣就入得，依度個好細，放得十張左右嘅二人枱，都幾迫下。店員係個細粒粒嬌滴滴嘅女仔，都幾靚,啲紋身。我一坐低，佢都幾客氣咁講：「麻煩」食完就埋單，比較多人等位。佢嘅表情肢體語言，都令我諗到佢嘅OS「食完就快叉啲走，咪鬼坐咁耐牙鬼住張枱」我明嘅，生意難撈。但講真，你寫到明限時30分鐘咪得囉，鍾意就入嚟唔鍾意就過主，咪唔洗個個都溫馨提示，多鬼魚。做人要大愛，包容。講返碗面，Mcdull叫咗蕃茄牛魔王($78)特級安格斯牛肩胛併牛展配上海面；我就叫咗蕃茄豚三寶($78)(豬手+豬扒+豬肉片)配刀削面牛肩胛有烤肉味，牛展厚砌有肉味夠淋👍蕃茄湯底濃得黎唔會希溜

ғᴏᴏᴅɪᴇ ᴛɪᴍᴇ 今次就食咗蕃茄仔red object 💛之前呢間舖頭好多人排隊，估唔到星期日六點鐘幾唔洗等位😙炭燒風味雞扒烏冬($70) 佢嘅湯底真係好濃，好傑身😆味道啱啱好，唔會太酸或太甜，仲有啲蕃茄蓉，真材實料🍅就咁飲都好好味🥳至於烏冬都好彈牙！雞扒燒過，所以都好正，味道豐富咗😆最出色係個湯底🥰另外，朋友食既牛肩肉都唔錯，都係燒過🤤所以有炭燒味，好正！

一向都幾鍾意蕃茄湯底嘅麵。😆😆但就最怕d蕃茄湯好鹹，好淡或者好稀。😰啲位真係好迫，肥多幾磅都坐唔落。不過唔緊要，我仲OK🤪🤪🤪佢個湯有d甜味，非常潔身，d麵條掛湯嘅能力都好高。👍🏻👍🏻所以每啖都好入味，一開始覺得個湯好飲到可以就咁飲。但飲多幾啖，食到後面覺得有少少鹹，同埋頸渴。味精？😵‍💫不過都食晒碗麵，再過多10分鐘就覺得好飽，好飽，好飽😂😅我叫咗牛魔王（牛肩，牛展）d牛展都好林，有肉味，尤其牛肩，好有牛肉味，如果可以多一片就好啦😇因為都幾好😄本身我都話會想再嚟，不過就係食到後面覺得有少少鹹，同口渴，可能係味精😵‍💫😵‍💫😵‍💫都會推薦嘅，但不是非常驚艷到我好感動😆

坐喺黃店入面，望住對面嘅榮式，食住皮脆肉嫩嘅雞扒，飲住香甜但一啲唔霸道，完全不含味精嘅蕃茄湯，再配埋呢個日式白面，超級掛汁，你淨係見到我連湯都飲曬，淨係食淨一塊葉，我都唔使再多講喇！！！（ 諗咗好耐塊葉用嚟做乜嘢😂 應該係想製造一個原個番茄嘅樣 ，即係有用心擺盤㗎😆👍）

之前已經同朋友食過一次，特登帶另一個蕃茄控朋友黎試👭。當日冷氣壞左不過6點左右去到唔洗等位就算！一場黎到就係為左想食蕃茄仔無理由無冷氣就放棄🥶。①炭烤風味雞扒🐓 x 上海麵🍜雞皮煎到好香好脆，雞扒好滑，一啲都唔鞋，有少少炭烤汁喺上面幾野味。自己鐘意食蕃茄湯配幼麵掛湯好啲，所以揀左上海麵。佢既蕃茄湯其實比較似係蕃茄蓉🍅多啲，睇得出係真材實料用好多隻蕃茄煲出黎既蕃茄湯，無色素，無假蕃茄味🥫，唔會太酸，所以食到忍唔住飲晒啲湯😍。②牛犘王(雙拼)🐮 x 刀削麵🍜朋友叫左呢個，試過佢啲牛都ok，有牛味，牛腱都夠lum。但沒有對比就沒有傷害，都係雞扒好食啲😂。刀削麵都唔錯，有咬口幾彈牙😋。

見唔洗排隊，終於可以試吓呢間蕃茄湯底專門店我諗大家應該都有聽過呢間小店，但係真係第一次食！店舖雖淺窄，但勝在食物有誠意💛QR code落單炭烤風味雞扒蕃茄湯麵$62 轉烏冬+$8 =$70呢間蕃茄湯底好香濃，又唔會太咸，差唔多飲哂成碗湯😂😂😂雞扒炭燒得好香脆，就算浸住湯都唔會林晒。推介👍🏼個人覺得好食過番茄師x好多，特別係個湯底😲不過如果員工可以友善d，成個用餐體驗會更加好。味道：8.5/10性價比： 8/10

呢間真係要早小小排🤣🤣 18:00 去到超長人龍 叫左個雞排番茄米線湯底超濃厚 好傑身 好似平時白湯咁個質地 加埋塊羅勒葉超香 番茄迷必食☺️ 雞排正常 煎得香脆嘅 不過成個餐咸左小小

本食係一個蕃茄控，見到呢間蕃茄湯專門店就去試下。叫咗個無激素加拿大豚肉片蕃茄湯烏冬同雙拼（牛腱、牛肩胛）番茄湯上海麵。蕃茄湯嘅味道偏淡，質地似醬多過似湯。佢嘅肉類比較有驚喜多啲，肉味濃厚唔韌有咬口。整體嚟講味道一般，回頭率唔高。

久仰蕃茄仔之名，這次終於可以來一試了。平日的晚上，排了差不多一個小時的隊才能入座，很誇張，不過吃了一口牛肉麵便覺得這是值得的。環境大約二十多個坐位，很擠，有點像一間拉麵店。食物餸、麵跟湯底都可以任意組合，點了碗牛魔王鮮茄濃湯刀削麵。牛魔王有牛腱跟牛肩，烤過的牛肩很香，牛腱厚而有咬口，兩者牛味都很濃。鮮茄濃湯是濃稠到喝完整碗會有飽肚感，蕃茄味濃郁，很適合各位蕃茄控。麵條軟硬適中，跟濃湯很搭。另外還點了樽桂花烏龍冷泡茶，是Sage香港製造用上台灣茶葉。炎炎夏日喝真是消暑解渴呢！

有冇朋友仔同我一樣 非常鍾意蕃茄湯🍅相信唔少人都聽過蕃茄仔今年二月試過一次覺得非常好食 👍🏻結果半年之後再食 😿 水準急速下滑 😮‍💨.🔸自家製蕃茄濃湯·秘製豬扒 $63 (葛絲 +$5)| ⭐️: 2.7/5 記得第一次食嗰陣時☝🏻 覺得佢個番茄湯好酸好夠味 🍅 非常推薦身邊嘅朋友去試 🔥結果今次去… 番茄湯唔濃味… 好普通… 😮‍💨茶餐廳常餐個番茄湯都好過佢 🥲至於秘製豬扒🥩 係醃得幾好食 👍🏻 好夠味同第一次食差唔多… 但都少韌身 😅.整體黎講, 狸貓覺得呢間失色唔少 😪可能因為第一次食覺得好驚喜所謂期望越高 失望越大🍂二訪質素下降咁多… 都米話唔失望 😮‍💨銅鑼灣希雲街咁多選擇 i.e. 𝘕𝘰 𝘉𝘰𝘶𝘯𝘥𝘢𝘳𝘺, 𝘗𝘦𝘦𝘬-𝘈-𝘗𝘰𝘬𝘦 𝘦𝘵𝘤. 💛真係未必會再試佢😿.Rating: 🌕🌕🌑🌑🌑