蕃茄仔

好耐無黎食蕃茄仔，呢次放工7點黎到唔使等位☺️。店內座位唔多，隔幾年無黎店內殘舊左😂🙈，不過捱得過疫情都已經好好🥹用QR code 落單，大約等10min。有水可以自己斟，無加一服務費🙌🏻🔅炭香脆嫩雞扒 ($70)依舊覺得雞扒係最好食😝～夠嫩又燒得香，唔係薄薄無肉既雞扒。刀削麵夠咬口，撈埋蔥夠香(個人麻麻地乾蔥)，份量都唔算少。最重要既蕃茄湯幾濃，唔太酸，有蕃茄蓉既口感🔅秘製豬扒 ($70)豬扒朋友覺得醃得鹹左啲，我就覺得配埋湯同麵都啱啱好。不過豬扒texture腍啲(?)無平時豬扒既口感💬要留意店家只收現金，對我黎講唔太友好😂…查看更多

呢碗係雞排餃子刀銷麵，啲雞排係煎過哂既，所以都幾香口，啲餃子裡面有啲菜同肉。湯底係蕃茄湯底，麵條都幾有咬口既，配合埋啲酸酸地幾開胃既湯底，整體幾好味。不過食完之後有啲口渴，都飲咗好多水。…查看更多

只能比現金，我無帶我都認啦（不過其實依家咩世代？），個收銀態度極差咁指左一指，野又唔講，個牌又唔清楚，出面明明見到可以比alipay等等，我都要問左幾次佢先講清楚淨係收現金（總之就好似係一個好不屑你既態度）。完全感覺極不良好地比佢叫擺低野出去攞錢，一d都唔helpful。野係幾好食既，但我無謂返工日都要受氣囉。就算香港出名態度唔好，我都好少見到呢d情況發生啦。今日星期一，仲有好多日工先到禮拜五，只能息怒。…查看更多

蕃茄仔的牛脷上海麵。牛脷煮得很軟，煮得嫩滑，有慢煮嘅效果，同時好夠味，並唔喺白烚的淡而無味，這一點已經非常成功，因為製成品非常好吃。價錢大眾化，親民又實惠，是街坊價，我經常光顧，是午餐，下午茶和晚餐必點之選。最喜歡它的蕃茄湯底夠濃味，讓通粉完全掛上湯汁，非常惹味好吃，讓人一試難忘，從此愛上，欲罷不能，經常掛念那種味道。吃得出湯底用料十足，在我心中是完美的料理，家中根本不能自己煮到，因為需要的材料很多，深感這是一道用心的料理，感謝廚師的用心和專業。上海麵煮得恰到好處，不太軟亦不太硬，是剛好的狀態，充分顯示廚師的專業，並非一般家庭主婦可媲美。單單這一點已經很值得我們光顧和支持。而且份量十足，用了個誠意也是100分。這種美味，經常讓我回味無窮。…查看更多

話說我本身已經好鐘意食蕃茄，又好鐘意食刀削麵，所以次次去完希雲大廈拎包裹都會順便嚟蕃茄仔食碗麵😂之前食過特級安格斯牛肩胛，同埋慢火澳洲和牛𦟌，今次就試下芝士雞柳刀削麵，加$10轉麻辣蕃茄濃湯（中辣）。雖然我食得辣，但都覺得中辣幾辣，甚至蓋過咗本身蕃茄湯底嘅香甜，淨係食到辣味，所以我都冇咩點飲個湯🥲 下次都係食返原味/小辣湯底好啲。芝士雞柳反而有驚喜，因為我本身唔鐘意食雞，好驚食到雞肉質地鞋/有雪藏味，但呢款雞柳比較似將雞扒切粒，同芝士好夾，仲食到少少焦香😛提提大家餐廳只收現金，同埋食嘅時候小心整污糟件衫😂…查看更多