蕃茄仔

營業中

休息中

.好耐之前去食而家先記錄番，遲d要再去試下係咪當初既味道.果一晚同朋友去希雲街搵食好多餐廳揀而朋友話想食麵類就揀左去蕃茄仔排隊食麵都等左好一陣就可以入座啦落單係掃QR code落蕃茄湯底配牛再加錢轉日式白麵好味呀😋但d湯乾得好快 可能掛住影相店員幫我加左湯🤗好正睇落唔算好大碗 因為牛得3片但食落勁有份量個牛好好食呀😋😋😋湯底係飲完唔會覺得要飲水好口渴果種讚👍🏻我地食完去對面排食冰望番蕃茄仔好長龍😆

黎到希雲街呀，食乜好野好呀？蕃茄仔呀蕃茄仔～每次lunch time時間都有條長長既人龍。正所謂打工仔每分每秒都係時間，緊係唔會突登去排隊食啦！不過今日咁岩公司全世界放半日假，又見肚仔餓，又咁岩12點鐘蕃茄仔開鋪時間即刻諗都唔諗入去做第二枱客首先，枱與枱之間非常迫，如果食客肥少少都坐唔到Order左雞扒蕃茄刀削麵，個湯好濃厚味道好夠，但唔係叫撈麵 都覺得個湯傑左少少，食到咁上下感覺好膩，不過值得一讚嘅係個湯好夠熱，熱到辣嘴。

蕃茄仔一聽就知專做番茄湯，所以個個去到都叫番茄湯！舖頭細細，得20個位，所以都坐得幾迫。一碗碗煮出嚟，熱到出晒煙，上菜都算快，所以可以速食速走。*豚三寶 $78番茄湯相當濃厚，質地似番茄蓉，味道好番茄但偏酸，係純粹嘅番茄味。麵條我揀咗上海麵，質地偏腍，而且太掛湯，啖啖都淨係食到番茄蓉。我試朋友揀嘅刀削麵，口感會啱啲。豚三寶有豬扒、豬肉片、豬軟骨，豬扒醃得太腍，冇乜肉味，肉片韌啲但有肉香，豬軟骨略鹹唔夠腍。

👩🏻‍🌾隔一排就會心癢癢掛住呢間嘅湯底，今次又同👨🏻‍🎨一齊再食🤤🤤

🍅自家鮮茄濃湯牛魔王🥩上海麵牛腱+牛肩各2塊，牛有微微煎香再上碟，牛腱厚身，牛肩薄片，兩款牛都軟腍適中。🍅 自家鮮茄濃湯秘製豬扒🐖 刀削麵豬扒厚薄軟硬適中，先煎香後上碟，細心位在於上碟時已經分成一小份，方便進食。刀削麵彈牙，唔會煮得過淋。不過因為麵身偏粗反而冇咁容易掛湯。👩🏻‍🌾每次都嗌豬扒或雞扒，基本上係二揀一。😋

蕃茄湯嚟講，唔似屋企煲嘅蕃茄薯仔湯，反而更似醬汁。濃稠得嚟又唔會哽喉，的確足料熬製，每一啖都會食到蕃茄蓉，酸酸甜甜，茄味十足。🍅✨麵類仲有葛絲同稻庭烏冬，不過要加多少少錢✨
✨只收現金，記得㩒定錢先去呀✨
✨堂食QR code落單✨環境方面，枱與枱之間距離都幾近，可能會坐得迫啲啲。😣

同朋友黎到蕃茄專門店 但今日偏偏唔想食蕃茄🤣🤣🤣🤣🤣 見佢有啲撈麵簡 好似都幾吸引🤔 店內環境真係好逼好逼⋯ 枱與枱之間距離係超級近 張枱亦都好細 坐真係唔多舒服 😕😕😕😕同埋 店內油煙味都幾重叫咗個雞排撈麵 個醬只係微微辣 都唔算好麻 味道整體唔差 蔥蒜等等既配料加埋都幾香口 雞排方面做得幾出色 個皮煎到好脆 肉都好嫩滑～～～ 估唔到佢啲撈麵都幾出色 唯一美中不足真係餐廳環境比較窄下次有機會會黎試試蕃茄湯既麵😋😋

收工經過銅鑼灣，其實呢間蕃茄仔都聽左好耐架喇，見一時諗唔到食咩，就的起月肝不如試試呢間蕃茄仔🍅🍅🍅第一次食就叫個基本嘅番茄湯再加特級安格斯牛肩胛啦🐮🐮加埋上海麵又估唔到幾夾個湯喎😆基本上你夾每一注麵都掛到滿滿嘅蕃茄湯 加上佢個番茄湯濃得黎又唔會話好酸 其實都幾易入口 個人覺得都真係幾好食🤤另外仲有三塊牛肩胛 唔多唔少都叫夠食嘅 每塊牛都幾大塊 加上牛味濃郁，同個湯同麵都幾襯的～不過我呢碗麵都要成80蚊 我覺得如果送埋野飲個心理會即刻平衡啲🤣 不過整體黎講都好食嘅另外因為店內位置唔多 每張枱都比較細 再加埋隔板其實係唔太方便 出入都可能會撞到人～

今日同熊寶都齊齊放假，起身已經係12點！一心諗住搵黃店食星期六我都估到要等位，不過出奇地唔駛等好耐自家鮮茄濃湯炭烤風味雞扒稻庭烏冬蕃茄湯好濃稠，不過蕃茄味道不及以前咁好味不過炭烤雞扒好好食雞皮有陣焦香，平時唔食雞皮的我都忍唔住全部KO哂麻辣惹味特級安格斯牛肩胛拌上海麵呢個拌麵有乾惹、香惹、芝麻，令到整個麵都特別香撈勻左之後，麻香味非常突出，辣味唔會太嗆上海麵配呢個撈麵非常一流，掛汁無難度安格斯牛有啲乾，不過又未至於韌，所以口感都還好

#chuchu食在銅鑼灣📍 蕃茄仔🐷想食好耐嘅人氣蕃茄湯！嗰日平日夜晚去到竟然唔洗排隊！不過小店位置有啲逼！—————————————————————❣️ 特級安格斯牛肩胛自家蕃茄濃湯刀削麵 $70唔係得幾塊牛，仲要全部好大塊，好香牛味，油脂分布好平均，唔會韌！茄湯方面，佢無乜大舊嘅蕃茄，反而係比較杰身嘅茄湯，都有小小茄膏味，又有啲似金寶蕃茄湯，鐘唔鐘意就真係個人喜好！🐷都覺得ok，但overall 性價比方面就樓下冰室出色啲！刀削麵超掛湯，每一啖都可以蕃茄湯同麵一齊食到，不過質地偏厚！.❣️豚三寶自家蕃茄濃湯上海拉麵 $78三寶有豬扒、豬軟骨、豚肉片，三樣都好好食！🐷仔揀左上海麵，覺得更適合咁杰嘅茄湯，因為容易夾啲！—————————————————————不專業評分👅好味指數: 7/10💰性價比:6/10👍🏻推薦:7/10 —————————————————————🏡地址: 蕃茄仔 (銅鑼灣)銅鑼灣希雲街5號地舖🕑營業時間: 12:00 - 21:30（4-6落場）👉🏻九龍灣都有分店的！—————————————————————#chuchu食港式—————————————————

疫情關係唯有繼續回顧🥲小編當晚係大約7點左右去到餐廳，雖然係繁忙時間但人龍都比想象中長，等咗差唔多半個鐘先入到去，可見都幾多人去朝聖吓🤣坐低就可以用手機掃描枱面上嘅QR code落單，可以慢慢睇住menu揀又唔使等侍應有時間先落單。鋪面就偏細，不過都坐得舒服！炭烤風味雞扒刀削麵 $62 + 手工雲吞 $18兩碗麵都係自家製鮮茄濃湯系列，可能因爲製作湯底過程中無加入太多水份，所以感覺似蕃茄蓉，口感亦都偏稠，味道就偏酸。雞扒就新鮮嫩滑~由於佢地係平鋪喺表面既，所以雞皮都唔會俾湯底浸到淋曬，保留到應有口感。食嘅時候可以將啲雞肉稍微浸吓湯，咁就可以等啲肉都吸收吓啲蕃茄味！刀削麵就好索汁，浸得愈耐就愈惹味。手工雲吞係額外加嘅，不過不失，無咩味精味👍牛魔王（雙拼）葛絲 $83小編從未食過葛絲，所以好奇心驅使下就決定加$5試下。口感食落似粉絲，既滑捋捋又煙韌，而且每條葛絲都可以吸到啲蕃茄湯，所以都值得一轉！湯底就同上面一樣所以就唔重複講喇~但如果要二者選其一嘅話，刀削麵感覺比葛絲更吸湯🤤雙拼係牛肩胛同牛展，全部都好大塊同牛味濃！另外，依碗麵有啲炸蒜同蔥，撈埋食就更加香喇~

-話說呢間餐廳已經係我二訪😛 佢個蕃茄湯底真係一試難忘！！🤤🤤🤤-😋 炭燒風味雞扒 配自家蕃茄濃湯 ($62)👉🏻 佢真係完美演繹左佢個菜名！佢個蕃茄湯真係超超超濃！！！佢無乜大舊嘅蕃茄，反而感受到係用大量蕃茄蓉煲成嘅湯😍😍 比較杰身，超好飲！👉🏻 至於佢個雞扒，真係有炭燒嘅香味，似燒烤個種感覺，雞肉亦勁滑勁嫩！-😋 特級安格斯牛肩胛 配自家蕃茄濃湯 ($70)👉🏻 好大塊嘅牛啊！雖然得3塊，但係好大塊，所以其實好足夠👍🏻👉🏻 好香牛味，油脂分布好平均，唔會韌！-😋 白桃烏龍👉🏻 呢個野飲應該係成餐飯唯一嘅敗筆，聞到白桃味，但飲落完全無味🙈-🙋🏻‍♀️ 其他說說👉🏻 呢到座位好窄同好少，基本上係預快快食完快快走😂

公司附近就去試下，一過12點半就坐滿哂～兩個麵底都叫咗嚟試，麻辣拌麵比較出色，少少麻辣加乾葱香味，個汁夠多夠濃，有啲Kiki 麵嘅味，不過食完好口乾。至於蕃茄湯今次比較稠，茄膏味重冇乜真蕃茄味，葛粉都唔係好掛湯。雞扒同鴨稍為乾身，啲餸係冇乜特別，主要都係食個麵汁同麵底～環境方面真係坐得有啲逼，我同女同事都係瘦底，都要逼埋一舊男同事就係咁比廚房門拍上次遇唔到傳說中嘅黑面神，今次終於見到。一入去咩都未做，收銀員全程黑口黑面，同佢講唔該佢直接走開

[ 蕃茄仔 Red Object 🍅 ]#153foodie 帶大家食勻銅鑼灣，今紹嘅蕃茄仔 @redobjectss ，聽個名都知道係以蕃茄為主🥫 餐廳主要提供三款菜式：蕃茄濃湯麵、蕃茄清湯配冷麵、拌麵🍜 雖然係咁，其實餐廳裏面99%嘅食客都係揀佢哋嘅招牌：蕃茄濃湯麵❗️ 除非你 或 朋友唔鍾意蕃茄啦，咁就可以食拌麵，冇蕃茄🙅🏻‍♀️»»————- ☟☟ ————-««[ 1 5 3 食 評 😋 ]如果你揀蕃茄濃湯麵嘅話，基本上就係呢個湯底，只需要揀要咩肉，同埋麵底就可以🙆🏻‍♀️ 153就揀咗雞扒🐣 同埋牛魔王🐮 兩款同朋友share～🐣 炭烤風味雞扒刀削麵 ($62)其實落單嗰陣，有啲擔心雞扒會整得太老好鞋，但呢度嘅雞扒完全唔係！雞扒肉質嫩滑，最欣賞佢哋將雞扒外皮烤 / 煎得香脆，係153鍾意嘅味道😍 🐮 牛魔王刀削麵 ($90)牛魔王包咗牛展加牛肩，份量算係幾慷慨，整得好腍又有牛味，唔錯🤤 🍅 蕃茄濃湯底佢哋嘅蕃茄濃湯底真係冇改錯名，真係好濃好稠😂 仲會食到蕃茄蓉，感覺上好足料～ 153食到最後連個湯都飲晒，食完捧住個肚走🤰🏻🍜 刀削麵麵底方面，153同朋友都揀咗刀削麵，食落彈牙、掛

配料出色 超濃湯底蕃茄麵 蕃茄仔推薦：🍉🍉🍉🍉        味道：🍉🍉🍉🍉             價錢：🍉🍉🍉 打卡：🍉🍉                   回訪：🍉🍉🍉🍉   因為當日想喺銅鑼灣食啲唔係連鎖同埋唔辣嘅麵店，搵吓搵吓就搵到呢間舖頭，當時去到1點左右，蕃茄清湯冷麵已經賣哂😭雖然我哋前面排得3枱，但係因為店舖入面坐位唔多，都等咗45分鐘先有位🙈炭烤風味雞排鮮茄濃湯刀削麵 $62 🍉🍉🍉🍉  超濃蕃茄湯底，濃到唔似湯，似係蕃茄蓉底😂😂飲落好足料，無乜味精味，完全唔酸，食到啲好細粒好細粒嘅骨碎，感受到個湯底用咗幾多心機去整，忍唔住係咁一羹一羹咁勺嚟飲，啱哂我呢啲超鐘意蕃茄嘅人😍😍😍😍雞排未食已經聞到烤得好香，雞皮烤得好香脆，雞肉好嫩滑，同蕃茄湯底好夾!! 刀削麵超掛湯，每一啖都可以蕃茄湯同麵一齊食到，不過質地偏厚，要咬幾吓先吞到，會有少少覺得只係啱啱好夠熟，如果薄少少/煮淋多少少就會好好多😋😋特級安格斯牛肩胛鮮茄濃湯刀削麵 $70 🍉🍉🍉🍉  牛肩胛嘅牛味超濃郁，一咬已經好香牛味，而且牛肉都幾大塊，唔會好快就食完塊牛淨係食麵😆玫瑰觀音烏龍比較普通，無乜回甘，玫瑰味偏淡，

呢一間蕃茄湯麵嘅湯底真係超級濃郁🍜酸酸甜甜 仲食到好多蕃茄蓉🍅刀削麵仲超級掛湯 啖啖番茄味💕上次就揀咗個豚三寶 有豬扒，豬手粒，豚肉片 全部都好嫩滑 個豬手仲炆到好淋 真係好正🐷

呢一間喺銅鑼灣嘅蕃茄濃湯麵🍜真係必食！湯底酸酸甜甜 食落好濃嘅蕃茄味 仲食到蕃茄蓉🍅佢哋嘅安格斯牛肩胛都好高質！夠嫩滑牛味仲好香濃💕最特別係可以揀葛絲 好爽口彈牙 又掛汁！