蔵鳶居酒屋

營業中

休息中

座落尖沙咀諾士佛臺對出斜路的地庫，招牌很明亮，但很少會看到裡面的環境，頗有神祕感。原來裡面也蠻有居酒屋氣氛，燈光暗黃，以吧位為主，也有4人卡位。是日與友人全晚就坐在吧位，完全觀察到食材和煮食區的衛生整潔，師傅專業地介紹當晚新鮮食材和食法，也有跟我們談笑風生，真的有幾分像Omakase的體驗。池魚原條刺身 $238師傅由起骨、起肉、拔骨、擺盤都很熟練細心，還建議為我們做二食，除了刺身外，部份會為我們做壽司，多重享受。池魚魚肉較結實，鮮嫩油香，2人份量剛剛好。師傅建議以池魚刺身送酒就更滋味。灸燒左口魚邊手卷 $38每次必點的灸燒左口魚邊，魚油甘香，肉質柔軟，配合粒粒分明、軟硬濕度剛剛好的米飯，幸福感滲滿口腔。刺身盛6點 $338師傅會選擇時令6款刺身，可以在Order美前問問師傅。這次有帆立貝、三文魚、牡丹蝦、鯛魚和海膽等。看著師傅手起刀落，在面前細心裝飾擺盤，已經很有視覺享受，當然刺身也很新鮮，個人特別喜歡帆立貝，厚切鮮甜。另外，海膽下手也很大方，一層又一層，甚有驚喜！焦糖菠蘿 $38本身燒菠蘿也夠邪惡，但這個外層加上焦糖碳燒，滋味度簡單是Double Up！菠蘿清甜多汁，加上微Stic

性價比滿高的一間居酒屋，忍唔住叫得太多野食，食到我同朋友都棒住個肚走。🔸池魚原條刺身 $198原條新鮮的池魚刺身，坐在吧枱望住師父認真處理，再送上我們的食枱前，呢個過程已經令我地好期待。池魚新鮮爽甜，呢個價錢非常抵食。🔸海膽赤蝦丼 $168刺身同飯分開上，用上竹器盛放，外觀加晒分！而且刺身份量好多，海膽鮮甜無臭味，赤蝦爽彈大隻，醋飯軟硬適中。🔸喜之次一夜干 $118原條喜之次即叫即燒，少少鹹味肉質夠滑。🔸白咖哩搪揚雞丼 $88炸雞香脆肉質嫩滑，而且大大舊，白咖哩唔會好辣送飯一流。🔸揚富山中蝦 $58見唔係好貴又未食過就試下，唔好睇蝦仔細細，其實都幾有蝦味，送酒一流。🔸串燒 (燒日本腩肉、雞腎、雞軟骨)串燒都係即叫即燒，味道唔錯整體覺得性價比幾高，居酒屋晚市唔算貴，食物味道唔差，坐係吧枱望住師父整就知佢地係好用心咁制作。

原來地庫呢度有間隱蔽日本居酒屋，之前行過幾次都好想試，今日一於同朋友過嚟試吓。呢度座位都幾多，同朋友傾偈飲酒，環境都幾舒服。食物種類有好多，有壽司、刺身、鍋物、串燒等，全部都QR code自己落單，十分方便。刺身我哋就叫咗牡丹蝦刺身同帆立貝刺身，兩款刺身都十分新鮮，牡丹蝦蝦肉鮮甜，肉質彈牙，而帆立貝非常新鮮同厚身大粒。壽司我哋就叫咗特選壽司盛，造型好精緻，八件壽司放喺呢個好似首飾盒入面，每件壽司都係即叫即整， 好新鮮，有我最鍾意嘅赤貝同三文魚，尤其是係赤貝，好新鮮好爽口，壽司大小啱啱好。另外必叫串燒，串燒全部即叫即燒，大力推介汁燒白鱔，白鱔好肥美新鮮，皮燒得有少少脆身，而入面d鱔肉好滑，一咬落去油脂滲滿成個口腔。芝麻雞翼炸得熱辣辣，咸到啱啱好，外脆肉嫩，好高質。最後係燒北海道花魚，好大條，冇咩骨，外皮燒得帶點焦香，配埋蘿蔔蓉醬汁食最好味，送酒一流！

一落到去感覺到日本居酒屋風，燈光用昏黃為主，感覺舒適，去唔到日本旅行都可以過嚟回味下，餐廳有梳化位同埋吧枱，可以望住師傅整嘢食！呢度除咗食磯燒海鮮🦞仲有壽司刺身丼飯，再可以order下清酒，認真夠chill 壽司我哋叫咗唔同嘅款式，每一舊都係我地望住師傅親手喺我哋面前親手整，款式選擇都好多，可以揀灸燒添，值得推介貝類壽司，多款選擇之餘，爽口彈牙夠新鮮日本馬糞海膽赤蝦丼丼飯有差唔多成半板海膽上🤩望到已經覺得好滿足，食物好新鮮，完全唔會有腥味！另外大蝦有手板咁長，肉質爽脆🤓另外在叫左磯海鮮，燒鮑魚同埋燒海蝦，兩款都係新鮮廚師喺魚缸拿上黎燒🔥

之前有到過這間藏鳶居酒屋食過午餐，印象不錯。所以今日再來食個晚餐。一樣安排了坐吧枱，喜歡餐廳師傅會主動跟食客溝通。餐廳用QR code 自助落單更方便，食物款式多，價錢亦合理。赤貝刺身（$48), 呈橙紅色帶光澤的赤貝，肉質爽厚，鮮味十足。壽司會放入盒盛上，擺盤精緻。灸燒松葉蟹腳壽司（$38）將鮮甜多汁的松葉蟹腳炙燒，再配上海膽及魚子，賣相及味道立即加分。油甘魚腩（$28)及油甘魚（$26)壽司，十分肥美，肉質甘甜，魚腩的油份就更為豐富。飛魚子壽司（$18)及 帆立貝沙津壽司（$18), 紫菜微脆。飛魚子清脆，帆立貝切粒鮮甜。柚子真鯛壽司（$18), 真鯛的鮮味，配上柚子胡椒的清新芳香、好味。魚子醬海膽炸蝦卷（$108), 海膽味道濃郁配上魚子醬提升鮮味，炸蝦金黃香脆，一件飯卷擁有三重不同口感。野菜天婦羅（$48), 有青椒，大蔥，金姑，冬姑及南瓜，粉漿薄薄，炸得香脆不油膩。明太子雞翼（$38), 雞翼炸得金黃香脆，釀入明太子沙律醬再添一份鹹鮮味，咬下去啖啖肉，灑上檸檬汁更可減油膩感。濱燒鮑魚（$88/2隻），鮑魚燒得香口而又保留肉汁，口感煙韌軟腍。濱燒元貝（$110/2隻），加入清酒

同朋友今日喺尖沙咀行街，突然發現依間居酒屋，睇落唔錯，就入嚟試吓😋居酒屋嘅裝修參考左日本魚市場，幾有特色。首先我叫咗雞泡魚乾做前菜。雞泡魚燒得好香。食落口好煙韌，甜甜地，送酒一流。之後我地海老三本天婦羅，有蝦天婦羅同埋蔬菜天婦羅。麵漿落得唔多，天婦羅食落去都好鮮味。壽司雜錦盒：三文魚三味，火灸三味。壽司係師傅喺我哋面前即場手握，我哋都好鍾意食火灸壽司😋😋帆立貝系列：帆立貝刺身，帆立貝壽司。帆立貝好鮮味、好肥美，食落去啖啖肉，口感十足🤤另外我哋都嗌左一個主食：白咖喱吉列黑豚丼。白咖喱比較濃稠，吉列黑豚炸到啱啱好，中間嘅黑豚好多肉汁，肉質都好鬆化。但係依個丼都好大碗，食定我哋都飽飽地😂另外，我地叫左鐵板和牛粒。和牛粒加埋炸蒜片一齊食，真係好惹味！和牛粒煎到外香內多汁。最後，我地叫左明太子玉子燒，又係可以睇住師傅即場整俾我哋食😆 濃郁嘅蛋香，內裡煎到半熟嫩滑，玉子控千祈唔可以錯過！

難得出尖沙咀當然要搵間有特色嘅餐廳慰勞下自己呢間餐廳上次經過已經覺得非常之隱蔽同埋充滿神秘感因為佢係喺地牢位置入去坐低 滿滿嘅日式風情從裝修到擺設同埋魚缸嘅擺位都好令人懷念日本今次嚟幫襯午市 原本想食刺身丼同埋海膽丼可惜師傳話已經冇晒午餐嘅餐單要重新設置 但除咗壽司刺身其實仲有好多熟食而我當然就揀咗百吃不厭嘅西京燒定食肉質鮮嫩入味 味噌醬嘅比重恰到好處配上佢嘅好朋友蛋黃醬味道更加突出🥰另外朋友叫咗鹿兒島和牛丼配上雜菜同生蛋黃 每塊和牛都係厚切 加上白芝麻配藥同埋佢再一齊擺入口 層次豐富見到佢而家做緊活動如果like 社交平台呢仲可以送海膽或者清酒一盒🤤🤤但係只適用於晚市 俾機會我地下次再嚟臨走見到成個清酒櫃真係流晒口水即時bookmark 下次再來嘅日子😌😌

今天出尖沙咀逛逛某大百貨公司，順道去居酒屋吃晚餐。居酒屋位於餐廳內部環境舒適，掛了很多燈籠，座位有普通枱和吧台兩款，坐壽司吧台可以近距離觀看廚師的手勢。軟殼蟹沙律78元，軟殻蟹即叫即炸，又香又脆，沙律菜新鮮，蕃茄清甜爽脆。海膽手卷58元，海膽味道濃郁，口感嫩滑。軟殼蟹手卷38元，軟殻蟹份量多。特上壽司盛(8貫)228元，海膽份量多，另有多款刺身，全部均新鮮美味。 鰻魚玉子燒(自家制)68元，賣相美麗，熱辣辣，蛋軟滑，鰻魚肉嫩，兩者味道很夾。 汁燒白鱔(限定)78元，鱔肉彈牙，醬汁惹味。 串燒盛168元，雞翼香口，豬腩肉脂肪甘香，雞軟骨有嚼勁，冬菇爽口，青椒新鮮。燒老虎蝦(2本)78元，蝦肉彈牙美味。 總結：環境舒適，食物美味。

今晚約的姊妹最喜歡日本菜，所以就選了這間不太起眼，藏於地庫的居酒屋。安排坐在吧枱，方便與廚師交流。甜蝦他他杯甜蝦蓉加上新鮮的沙律菜，整個感覺很清新，甜蝦亦很鮮甜。蟹肉海膽天婦羅卷以天婦羅的形式炸過，入口外皮脆配上蟹肉及海膽的內餡，非常夾，又有豐富的口感。汁煮油甘魚魚鮫因為朋友非常愛吃魚鮫，所以就試了這個廚師推介的汁煮魚鮫，一上枱，魚鮫大得有點驚人。向來對魚鮫沒有特別偏好的我，試了幾口後，最後差不多是我清了整碟，用了秘製的甜豉油醬汁慢慢煮，魚鮫不但沒有腥味，每啖魚肉更充滿我最愛的甜甜日本醬汁，令師傅都問我好少見女仔咁喜歡食魚鮫。玉子燒（鰻魚紫菜）玉子剛剛好，有少許流心的感覺，加上肥美的鰻魚，層次分明。焦糖菠蘿我特別喜歡日本居酒居的燒菠蘿，因為會加上焦糖燒，就做到飽滿汁多的菠蘿被脆脆的焦糖包圍著，一咬就有兩種口感，脆加菠蘿汁湧出來。剛好，店舖做follow 社交平台優惠，我當然不會錯過，送一杯海膽，份量不少，雖然是送，但非常新鮮，鮮甜。

係尖沙咀日本餐廳好多，但係呢間係加拿芬道鬧市中地下，一入門口見到一大個魚池同吧枱，師傅喺客人面前即叫即造，好有特色依家好多餐廳都掃QR code落單，刺身壽司、沙律、濱燒、tempura、小食、丼飯都好多款式全部刺身都係喺客人面前即叫即切，感覺好好新鮮大池魚配埋跟既酸汁好絕配帶子好厚身，中意師傅將檸檬夾喺帶子中間，帶出到鮮味燒物我地試食燒鮑魚同鹽燒雞翼，等左一陣原來都係即叫即燒，上碟是非常熱辣辣特別中意呢個芝士薯餅，除左即炸之外，入面芝士咬開仲係流心咁流出嚟，芝士控對呢個抵抗不住🤤

今晚終於明白，點解星期日當大部分尖沙咀嘅食肆都滿座嘅時候，呢度會有位。我同家人非常懷疑呢間食肆所有好評嘅真確性， 今晚體驗嘅絕對冇評論中嘅好。先講環境，店舖因為一喺地牢所以環境比較黑同埋舊，我哋四個人被安排坐喺吧枱巳經係奇怪，因為店裡面一枱客都冇，後來终於明白，安排坐吧枱因為要硬銷人客點貴嘢。落單係用QR code 睇餐單，我媽媽鍾意薄切池魚，所以下單，因為多口問咗一句時魚係乜嘢？就惹嚟負責刺身嘅應該係師傅嘅人話池魚好细條唔夠四個人食， 隨即就推銷一條7百幾蚊嘅魚， 因為條魚睇落去唔新鮮所以我哋冇要，改為叫咗一個差唔多5百蚊嘅刺身拼盤，呢位師傅繼續批評話刺身每人得两片都唔夠食， 再繼續講話叫條魚就乜乜乜。嚟到呢度真係受夠喇， 我就問佢需唔需要咁硬銷？夠唔夠食唔係由佢講， 如果我哋覺得唔夠嘢食會再加單。之後食物陸續上枱， 其中加州卷有餿味， 我叫佢哋自己聞下佢哋當然唔承認。呢餐飯已經不能再食落去，我哋取消咗未到嘅食物，埋單走人。尖沙咀日本餐廳咁多， 競爭激烈想盡量做多啲生意係人之常情，但係要硬銷到令客人討厭就已經太過火了。 寫呢篇 評語係希望其他人唔好中伏， 貼錢買難受。

尖沙咀一帶一向都充滿著很多林林總總的日本餐廳，這次我們二人就選擇了這一家位置非常方便的居酒屋。我們二人點了汁燒和鹽燒白鱔各一份，油甘魚他他，蟹肉蟹膏杯，極上壽司盛，壽喜燒牛肩胛丼，以及追蹤餐廳的社交平台免費贈送的清酒一客。先說一些小食，首先是汁燒和鹽燒白鱔。 白鱔非常之肥美新鮮，用汁燒的方法帶有少少甜味，配上白鱔的油脂，非常之可口。而利用鹽燒的方法，則保留了白鱔的原味，加上簡單的鹽味，同樣是非常之好吃，兩款燒法都十分之推介～另一個小吃就是油甘魚他他，換句話說就是油甘魚沙律，新鮮切片的肥美油甘魚，魚味香濃，油脂也非常之足夠，肉質嫩滑，配上新鮮的蔬菜以及餐廳特別的醬汁，是一道非常之可口的開胃菜。另一個小菜是蟹肉蟹膏杯，這道菜有一碗新鮮的蟹肉和蟹膏，蟹膏和蟹肉是新鮮即取的，沒有雪藏的味道，非常之鮮甜可口，配上餐廳提供的麵包一起食用，非常之美味！主食方面，首先是極上壽司盛，選用都是最新鮮最時令的海產，例如有不同類型的白身魚和吞拿魚等等，比較特別的有新鮮的海膽軍艦，海膽新鮮沒有異味，紫菜非常之脆，很高質。而且也有三文魚子軍艦，餐廳級的分量很大方，無論是魚生或是三文魚子，分量都很足夠～最後就是壽喜

行完附近太餓所以亂咁入咗呢間餐廳食野！印象最深刻未講野食就係個男店員！ 你地唔好亂諗啊！印象深刻係因為佢超有禮貌 佢無論我地走同入去都係90度鞠躬 上菜全程雙手比我地！講野又溫柔今時今日咁嘅服務態度真係好難有好！ 開始講翻野食先日本马粪海胆3色刺身丼 个人觉得整体份量系偏细嘅（包括饭） 但海胆系几好 冇唔新鲜嘅怪味其他刺身都好新鲜 不过特别要讲一讲赤虾系都比较细只承上 因为海胆唔错 所以叫咗海胆杯 有紫菜俾你夹住食 都做到几足。不过紫菜偏 林 如果系脆嘅就100分啦 但味道系正嘅去日本餐厅必点玉子烧啦 呢个系明太子味甜甜地嘅蛋香味 加埋明太子嘅咸香 几好味啊推一推呢个盐烧鸡翼个人自肥！ 正常水准过得去烧牛舌，都系正正常常啦冇伏烧五花肉系好吸引 但慎叫 因为 我地今次食呢2串 炭味比较重 睇你个人喜好啦 我就觉得唔差 但朋友就食到皱眉 但真系10级肥肥 好有油香最后又系肥肥野 鹅肝寿司超靓 打卡一流食落超油香 不过如果外面再脆口d就好

尖沙咀真係好多居酒屋，呢間位於地庫嘅居酒屋不論環境定食物質素都好高汁~一坐低就望住師傅係到切魚生，好治癒😆就叫咗個軟殼蟹卷，睇坐師傅係面前整~食落口感好似食緊炸兩😆外軟內脆，推薦！ 蒲燒鰻魚丼以日本飯盒裝住上菜，好似去咗日本食咁，饅魚汁甜甜，口感細緻，美味無比！朋友就叫咗個大蜆稻庭烏冬，湯底比較淡但勝在大蜆鮮甜飽滿~去得居酒屋又點小得串燒，叫咗個串燒盛，有5 串唔同款，當中雞翼香口，肉質鮮嫩~雞軟骨就爽口彈牙另一樣就叫咗明太子玉子燒，平時好怕食明太子，怕太咸但呢間控制剛好，先係明太子嘅咸香，再滲出玉子蛋甜😆炸物方面就沙錐魚天婦羅，香脆而不油膩，非常易入，配清酒一流！ 燒日本長茄子同食開嘅燒茄子唔同，上面嘅醬汁有啲咸，蓋過茄子嘅鮮味最後叫埋個日本士多啤梨麻薯窩夫做甜品，窩夫較口偏乾身，入面士多啤梨有啲飲雪糕，整體不過不失😆

周年紀念日選擇了加拿芬道蔵鳶居酒屋，環境是蠻有氣氛的。坐在吧枱可看到師傅切割漁生和烹製食品，還可看見一個很大的魚池，感覺這裏的食材必定很新鮮，信心頓時大增。幾位師傅和甜美的女侍應服務親切有禮，食物質數方面也物有所值。深海池魚刺身 $600/半條這半條池魚比較肥厚，師傅為我們製作了三食，先吃刺身，魚油不會過重，魚味很鮮甜，魚質嫩滑中帶點爽，入口溶化。魚脊部份切件後加了五彩芝麻、蔥花和醬油，別有風味。還有加墊青瓜件的吃法，有清泉般的感覺，難怪師傅說青瓜是百搭，效果很奇妙。活赤貝刺身 $48隻赤貝外皮爽脆，內裡軟嫩，鮮甜中混著海洋的味道。炒野菜 $58有椰菜和本菇等雜菜，既新鮮，又爽甜，一點點醬油加上木魚絲，調味很適宜。焦糖波蘿 $28十分清甜的菠蘿，外面是一層薄脆的焦糖，賣相和味道都有驚喜的。Ohmine純米火人(三粒米）$429/720ml星期四原支裝酒精類有半價優惠，師傅建議以這酒配搭深池刺身。酒質甜潤順滑，帶有獨特的果香，是很好的推介。