蔵鳶居酒屋

營業中

休息中

今晚終於明白，點解星期日當大部分尖沙咀嘅食肆都滿座嘅時候，呢度會有位。我同家人非常懷疑呢間食肆所有好評嘅真確性， 今晚體驗嘅絕對冇評論中嘅好。先講環境，店舖因為一喺地牢所以環境比較黑同埋舊，我哋四個人被安排坐喺吧枱巳經係奇怪，因為店裡面一枱客都冇，後來终於明白，安排坐吧枱因為要硬銷人客點貴嘢。落單係用QR code 睇餐單，我媽媽鍾意薄切池魚，所以下單，因為多口問咗一句時魚係乜嘢？就惹嚟負責刺身嘅應該係師傅嘅人話池魚好细條唔夠四個人食， 隨即就推銷一條7百幾蚊嘅魚， 因為條魚睇落去唔新鮮所以我哋冇要，改為叫咗一個差唔多5百蚊嘅刺身拼盤，呢位師傅繼續批評話刺身每人得两片都唔夠食， 再繼續講話叫條魚就乜乜乜。嚟到呢度真係受夠喇， 我就問佢需唔需要咁硬銷？夠唔夠食唔係由佢講， 如果我哋覺得唔夠嘢食會再加單。之後食物陸續上枱， 其中加州卷有餿味， 我叫佢哋自己聞下佢哋當然唔承認。呢餐飯已經不能再食落去，我哋取消咗未到嘅食物，埋單走人。尖沙咀日本餐廳咁多， 競爭激烈想盡量做多啲生意係人之常情，但係要硬銷到令客人討厭就已經太過火了。 寫呢篇 評語係希望其他人唔好中伏， 貼錢買難受。