蔵鳶居酒屋

營業中

休息中

久違了在外晚餐，選擇了居酒屋，可能大家都掛住旅行感覺。 篩選一番之後，決定了這裡。好評很多的餐廳是有，不過好多都無法有晚市7點多訂坐，而且必定照多人。 所以最後來了這裡試試。 或者由於是地牢垃址，路過未必會察覺， 入坐時餐廳不算很有人，但也有不少枱客，環境都很不錯，不像一些餐廳枱與枱之間靠近，有一定的空間（這個我覺得很好）。我們坐在”bar 枱”前， 可以看著處理燒物的師傅烹調。👍🏻👍🏻職員會為我們介紹當日新聞海鮮、亦會解答我們去清酒之疑問。 師傅則在爐前都會注意到我們需要， 也會推介一下食物，非常貼心。 更送了一些特製送酒小食。哈哈～好好食呀。燒物叫左串燒豚肉菠蘿、雞皮（勁好味😋）、秋葵、一夜干、雞軟骨，送酒當然必叫雞泡魚乾、枝豆。 （無影齊相）仲有，清酒煮蜆非常清甜，入面仲有蘿蔔，好味，但唔記得影相。🤣係職員努力下，我哋仲叫左海膽， very nice!配上三文魚子（平時覺得好腥），三文魚子竟然出奇好味。👍🏻👍🏻👍🏻 但因為三文魚子都好重味，建議海膽同三魚文子唔好同一啖食（🤣）會搶左味。我哋仲有叫左枝酒。 好想讚下師傅，又會同我地吹下水，又會留意我哋需要。 非常好。食物及服務滿意。

12點到達餐廳，原來有分omakase同定食部，最後，我哋選擇先試定食套餐，全場得我們兩人，好似包場，好正! 可以盡情暢談。我們叫左1 set 原隻蒲燒鰻魚飯定食及燒汁牛舌飯定食，鰻魚size好大，味道正常，無雪藏味。定食包埋日式豆腐沙律、麵鼓湯、溫泉蛋。沙律菜新鮮，麵鼓湯唔夠熱，而且偏咸，所以飲左兩啖，就放棄左，溫泉蛋有少流心，都整得算靚。而燒汁牛舌飯定食，以88蚊價錢，覺得不能要求太多，味道合格。見openrice食評不錯，唔知係咪大部份都係食omakase，見當日坐omakase那邊，相對人氣多d，但今次食定食的體驗，就覺得一般，或者刺身先係餐廳的賣點。

booking was made two days in advance..was showing empty and all the timing was available Then a day before @1521, I received an email and said my booking was canceled due to full house....leave me no time can find another restaurant on a Friday night....please dont book this restaurant for sure....horrible horrible

很久没跟表姊食日本菜，知道她是食日本菜的專家。經她介绍下，得知尖沙咀有間食日本菜的藏鳶餐廰。 所以约了表姊到來品嚐，這裡有各式各樣的日本菜可以選擇，大食或細胃人士也可滿足。餐廳裝潢滿有日式風格，感覺舒服，而看看餐牌也覺得收費相對合宜。我們點了一些小食同極上海之幸丼及九州海鮮井試試。鹽燒白鱔白鱔雖然份量唔多，燒得非常夠野味，肉質爽脆，值得一試。軟殻蟹沙律軟殼蟹非常脆，沙律配上蕃茄同疏菜，但味道特別好品嚐。濱燒鮑魚兩隻鮑魚燒得香, 爽口彈牙，合我的胃口，也是我至愛。九州海鮮丼三文鱼及三文鱼腩刺身，甜吓刺身，帶子刺身，鰹魚刺身。全部都好新鮮，魚味鲜甜，而且口感好豐富，每種刺身都有自己特點。極上海之幸丼三文魚子，甜蝦，三文魚，吞拿魚，海膽等等，都是非非常新鮮。各有特色，非常好味。雜錦天婦羅炸得非常金黃，茄子入味，甜椒好味，天衣無縫。可口可樂食得太入味，怎樣少得可口可樂解喝呢？整體而言，這環境舒適，在尖沙咀地鐵站傍邊，交通便利，日本菜式用料新鮮，貨真價實，店員服務周到, 我們约了不久的將來再次光顧。

為咗興祝朋友既升職就book左間高質既日本餐廳黎食餐廳位於尖沙咀the ONE附近 位置幾方便一入餐廳就見到好大個魚缸 一睇就知食材新鮮餐廳採用手機點餐季節魚薄造今日既季節魚係池魚十分新鮮軟殼蟹沙律軟殼蟹炸得十分香脆而且仲食到蟹膏既味道十分推介👍🏻👍🏻中吞拿魚腩手卷吞拿魚肥美 油脂感十足串燒方面最推介鹽燒白鱔白鱔十分肥美皮脆肉嫩Juicy!!蒲燒鰻魚串黑蒜燒日本腩肉肥瘦參半食落好有油香😋明太子雞翼喜之次一夜乾見到師傅係隔離用火爐燒好香！最後就係白咖喱豚肉烏東濃濃既白咖喱 但一啲都唔膩豚肉出奇地juicy👍🏻總括然而 餐廳食物既質素都好高下次一定再黎食！

食物高質， 服務態度一流🤘🏻😄老闆細心度極高，食物算中價，係尖沙咀係好難得.四個人都係七百幾八百蚊，以居酒屋來講絕對抵食。環境舒服，難得假期仲可以坐得咁舒服係好難

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓂 𝒮𝒽𝒶 𝒯𝓈𝓊𝒾雖然門面隱密，但位置方便，就喺美麗華同𝘛𝘩𝘦 𝘖𝘯𝘦中間。好開心坐左吧枱位，可以睇住師傅制作壽司， 同時見到好多大魚缸養住𝘥 游水海鮮🤣🌟日本馬糞海膽赤蝦丼 （$268）第一次食馬糞海膽，果然又滑又鮮，海膽份量都幾多，赤蝦亦好大隻好鮮甜，仲配埋少少三文魚🍣同吞拿魚，一滿足😍🌟葱吞拿魚蓉帶子松葉蟹肉丼（$198）帶子好肥美鮮甜，有d 蟹籽混埋蟹肉一齊食，口感好豐富，吞拿魚蓉都好味刺身真係好正😍所以食完飯都忍唔住再叫多𝘳𝘰𝘶𝘯𝘥 刺身💨🌟中吞拿魚腩（$116）、刺身盛三點（$108）刺身盛三點有三文魚、油甘魚同帶子。兩個刺身都好好味，只係今次𝘥 帶子附近放左檸檬，檸檬味太濃有𝘥 蓋過左帶子既鮮味🌟 免治雞肉棒（$58）最後都食返樣熱野，揀左店員推介既免治雞肉棒，係雞肉混少少軟骨再燒，點燒汁同蛋漿黎食，的確幾特別🤩尤其鍾意佢係雞肉同軟骨，口感豐富☺️☺️☺️📍 蔵鳶居酒屋𝐊𝐮𝐫𝐚 𝐓𝐨𝐛𝐢尖沙咀加拿芬道44-46號地下7-8號舖

和久未相見的朋友聚會，當然要揀間高質的居酒屋。這家居酒屋經過很多次但，因為在地牢， 都懶得走樓梯，但朋友提議試一試，結果很有驚喜。日本馬仔海膽赤蝦丼 $268這個飯很豐富， 除了有海膽，赤蝦還有三文魚，飯是分開一個竹盒上的，上面有些三文魚籽和炒蛋碎，海膽口感奶滑，入口即溶的感覺，味道鮮甜又濃郁。 赤蝦肉質爽滑，口感鮮嫩。三文魚魚油豐富，口感細嫩，味道新鮮，充滿海洋的味道。我覺得幾抵食~軟殼蟹卷$78這個軟殼蟹卷極力推薦，軟殼蟹非常脆口，即使被壽司飯包裹著，那種香甜酥脆仍保留着，每一口都充實着蟹的香甜，還有蟹籽卜卜脆的口感，真係很讚!甜蝦刺身$58$58，8隻，而且不是小size的，所以算是便宜了。甜蝦口感黏糯，肉質細綿，味道鮮甜，連蝦頭都很美味。三文魚腩刺身 $68三文魚腩夠肥美，肉嫩油豐，又帶嚼勁，份量也不少，朋友都大讚!蟹肉蟹膏壽司$18蟹肉鋪滿整粒壽司，蟹膏更提出蟹肉的鮮味。帆立貝壽司$38帆立貝夠肥厚，味道鮮爽又帶甜， 口感柔滑綿糯。蟹棒壽司$18味道像蟹，口感鮮嫩爽滑，調味後有自然的鮮味。冷稻庭烏冬 $128烏龍非常有嚼勁，煙煙韌韌的，很喜歡這種口感，配埋冷麵汁，味道很好。鹽

呢間尖沙咀隱世居酒屋，竟然like 社交平台 有Free Sake一盒！根本就係超級抵嘅優惠啊！大家記得去到一定要like🤣有得揀杯，又有得飲，真係好抵😍溶岩海膽 $68 好特別嘅一道菜，出面係好似墨魚丸咁樣，入面就係海膽，一咬落去就爆曬出嚟😍刺身方面，我哋叫咗下面呢幾款: 柚子真鯛刺身（3切） $58生蠔刺身（1隻）$48活赤貝刺身 $48活北寄貝刺身（原隻）$108紋甲刺身（1份）$68印象最深刻就係生蠔🦪因為好鮮味，海水味都好濃💗活北寄貝即刻見到師傅打佢落枱嗰一下，見到佢收縮，好治癒，非常之新鮮😆紋甲刺身即係魷魚，切咗做一嚿嚿，食上黎好輕鬆，仲可以用紫菜包住，好特別。鹿兒島和牛壽喜鍋 $288最後我哋叫咗一個壽喜鍋，呢個鍋已經包含咗有和牛、蔬菜等，比我想像中大個，好夠食！和牛好多好正，超香牛味，油花好靚🥰📍 蔵鳶居酒屋 (尖沙咀)尖沙咀加拿芬道44-46號地下7-8號舖

朋友約會今次選址蔵鳶居酒屋,平時走過THE ONE旁邊斜路也不顯眼, 原來在地庫, 店址隱蔽!經過幾級樓梯行落去再推開門, 就似入左另一空間, 全場燈光暗淡富有神袐感..全埸用手機下單, 食物款式花多眼亂..見天氣比較涼, 是吃火鍋的氣氛, 所以我地點了份鹿兒島和牛壽喜鍋,滿足一下味學及視覺~一份鹿兒島和牛壽喜鍋有四片鹿兒島和牛肉脂均勻, 而且厚薄適 中, 有口感,和牛來說牛味與脂香平均 ; 鍋內仍有不少野菜菇菌, 配壽喜汁湯底已好夠味,份量也不少! 另外還追加了烏冬一個, 大滿足啊!另外見到餐牌中的鮪五色壽司, 亦好吸引, 我們每人點了一份, 因為一SET各一味壽司, 不能Share~由淡至濃: 香蔥魚蓉軍艦 , 火炙赤身, 拖羅, 中拖羅, 大拖羅, 整體都好鮮甜, 當中半熟赤身甚有驚喜, 口感特別, 食到最後一件大拖羅質感極軟, 油脂溢出, 入口即溶。仲有兩款小食: 1. 蟹籽沙律2.牛油野菌大蜆, 內有大量菇菌, 湯底亦可以飲非常香甜, 大蜆無沙, 可以完全清底!不得不提, 店員不時斟茶, keep住飲熱茶的感覺很好

尖沙咀加拿芬道嘅蔵鳶居酒屋 位置係喺地庫 唔知平時大家行過有冇留意到呢🤗其實就喺the one隔離 位置超方便 店入面都係以黑色設計為主 感覺好穩世好神秘咁⚫呢日我哋過嚟lunch 有set可以選擇 人均消費都係百幾蚊 超抵😆因為個質素都好高架Lunch Set都會跟前菜/沙律/麵豉湯同茶碗蒸🎏個茶碗蒸好好味 入面有日本魚蛋/菇等等 質感超級滑◾鹿兒島和牛丼定食鹿兒島和牛牛味好濃郁 脂肪分佈均勻 質感嫩得嚟亦有咬口 每啖咬親都有肉汁流出🤤好juicy 另外配菜嘅菇菌有燒過 配埋本身個飯嘅醬汁都係超好味❣️◽銀鱈魚西京燒定食銀鱈魚可以算係日式燒魚類我至鐘意嘅一款🐟因為本身怕魚腥味 好多魚燒完(例如鯖魚…)都會滲出少少腥味😵而銀鱈魚就唔會喇 魚肉白滑 食落只有鮮味 而且肉質好嫩滑 夾起嘅時候已經感受到嗰種滑😍而魚皮燒到脆脆地 點埋美乃滋食就最完美❤️簡單一個料理 滿足感超大而呢度嘅staff服務都好好 好細心 keep住留意我哋有乜需要 主動加水等等 好有禮貌

尖沙咀區真係好多日本嘢，呢間性價比超高。環境幾好，服務又好。最緊要係午市set lunch 好抵食😍落單後師傅即喺你面前整，好新鮮。▶️壽司定食八貫配烏冬$138估唔到呢個價錢都整到咁靚，用個盒裝住，上面有蒸蛋、沙律、麵豉湯及前菜。下邊拉開個盒就係8件壽司🍣 超靚！蒸蛋夠滑，仲有海苔香味。沙律菜新鮮，dressing 酸酸地好開胃。麵豉湯夠熱，有豆腐粒及油揚。壽司海膽、帶子、甜蝦、三文魚、吞拿魚、油甘魚、火炙左口魚及白身魚。食到覺得飽飽嘅時候，唔記得咗仲有個烏冬😂食埋超滿足！呢個餐真係好抵食！▶️日本馬糞海膽赤蝦丼定食$228呢個好似日式便當咁裝住，又係非常之靚！馬糞海膽嘅海膽味好香濃，夠新鮮😍赤蝦都好鮮甜。另外仲有三文魚子、吞拿魚蓉撈飯。由於太豐富，不自覺地將啲飯全部食晒😂 呢間一定會再去食！

今日黎到尖沙咀，發現一間隱世既居酒屋，入口位於地牢，一入到去就已經感覺非常有水準呢到可以QR code自助落單，非常方便。小食，先叫一個鱈魚棒，非常鬆脆香口，配以沙律醬，令人好開胃！亦散叫左5件壽司，放係盒入面，相當美觀精緻！中吞拿魚腩，肥美飽滿，一入口即溶既感覺，好新鮮柚子真鯛，輕淡既柚子味帶黎更多清新感，亦令到真鯛鮮味更加突出炙燒金目鯛、炙燒左口魚裙邊，炙燒後魚油爆發晒出黎，勁香，而且伴隨輕輕焦味，味道昇華左好多！鵝肝壽司，同樣好豐富，細滑但唔膩，油香十足海膽赤蝦丼，用竹器上真係風味十足，好有feel海膽好新鮮，清甜美味，三文魚厚身，赤蝦更加大大隻！鹿兒島和牛壽喜燒，醬汁濃郁好入味，和牛腍滑軟嫰喜之次一夜干，店員推介，原條喜之次肉質嫰滑鮮美

今日中午去了尖沙咀吃日式料理，餐廳都好有日本風味，店員亦很親切。餐廳電子下單，午市套餐平價、中等價及貴價都有。要了兩個中等價套餐試試，兩個都是$138，壽司8款配有熱烏冬，上枱時是用一個盒上的，十分驚喜，美感十足。除了上面的沙律、湯、前菜和茶碗蒸，拉開盒，就有8款不同的壽司，海膽當然令人最印象深刻啦！很香濃滑溜。拖羅亦毫不失色，很嫩滑。另一款要了和牛丼定食，牛肉是來自鹿兒島，配不同的菌類和一隻蛋黃，很香口惹味。

今日同阿女逛尖沙咀，年輕人特別喜歡日本菜，之前妹妹食過推介這居酒屋，食材新鮮，選擇豐富。近門口位置有一列大魚缸，新鮮海產，見到螃蟹爬來爬去。店內大部分座位都是吧檯，大家可以邊吃邊近距離欣賞廚師製作食物獨特的技巧。好精美，壽司放入個靚靚盒子上菜，炙燒松葉蟹腳壽司~蟹腳好新鮮，加入蟹籽多重口感享受；鰻魚壽司~鰻魚好肥美，十分香口；炙燒三文魚腩壽司~魚脂豐富，入口即溶。油甘魚腩壽司~魚腩質地好幼滑，非常鮮甜；柚子真鯛壽司~柚子味道食落好清新；馬刀貝壽司~這個好新鮮，勁爽口；帆立貝壽司~大大件帆立貝覆蓋了整件壽司飯，鮮甜味美。三文魚籽手卷~三文魚籽是阿女至愛，入口粒粒脆卜卜，一咬即爆，越食越滋味。軟殼蟹卷~食到最後一件軟殼蟹依然脆。明太子雞翼~釀滿明太子嘅雞翼，燒得香口，一試難忘。清酒煮蜆~上菜已經聞到香噴噴，蜆肉肥美，忍唔住飲多兩口清酒湯。汁燒牛肉串~肉味香濃，汁燒白鱔~厚身啖啖肉，白鱔皮也燒得香脆。海鮮茶碗蒸~滑蛋拌海鮮，食到有魚肉。明太子玉子燒(自家製)~這個師傅都用一個好靚的盒子盛載，打開見到充滿明太子醬的玉子燒，十分可口，師傅放上一隻剛做好的蝴蝶(櫻桃蘿蔔)，食得㗎，手工精美，令人眼