莆田 (荷里活廣場)

營業中

休息中

這餐不是在我預期這麼好食，我覺得最好食的是：精美四小拼、香拌海蟄頭、上湯時蔬、竹笙海參羮、興化米粉及百秒黃花魚。精美四小拼最欣賞是九轉小腸，一層層很有心機，又沒有肥膏，可以放心食；香拌海蟄頭完全比我在其他食肆食更入味，由外到內都醃得時間足夠；上湯時蔬是金銀蛋莧菜，咸蛋黃完全溶了，每一口很有咸蛋黃香味；竹海參羹不會太多獻汁，有很多竹笙及海參，但有點不足的是胡椒花味太重；興化米粉用了很幼的米粉炒，不會覺得沒有味道，再配上食肆的醬汁，不是出面食到的炒米粉，還有是沒有油淋淋的口感；百秒黃花魚是必選的菜式，肉質鮮嫩、有甜甜地的味道、新鮮的黃花魚，不錯不錯。至於其他呢：辣汁啦啦我覺得沒有辣味，如果比我們平時食開的豉椒炒蜆，我會揀豉椒炒蜆；莆田荔枝肉其實我都唔知是什麼肉，因吃不出是什麼肉味，粉漿又太厚了；脆皮蒜香雞沒有蒜香味，與出面食的差不多；莆田滷麵及媽祖麵線，為何會一併寫，因佢地有共同嘅共通點，配料一樣，有蝦、肉絲、冬菇、小棠菜、魚湯，其實叫了三個粉都有蝦、肉絲、冬菇、小棠菜，沒有了什麼驚喜，另湯麵的麵質太淋了，沒有彈牙感，兩款湯麵的湯都食到麵的麵粉滲入湯裡，不是太好食。總括，部份的食物是唔錯的

先個排去咗試呢間係星加坡拎咗米芝蓮一星既餐廳，可能因為係星加坡拎唔係香港拎，所以價錢仲停留係到與未到一星之間既價錢。講到食物，的確好好味，好多野都乎合水準，所以亦要付出對等既價錢食。不過依家係openrice做緊印張現金劵出嚟慳100，抵好多，可以再嚟而唔係我成日講既一世人一次(對我呢啲平民嚟講)。鍾意食榴槤就一定要試下個甜品，好香，超好味。另外最值得推介，排名分清先後，大腸，魚湯，蕉鹽豬手，炒菜，榴槤甜品，飯。可能個人唔太鍾意濕濕地既飯，所以唔識欣賞，都好味不過其他野更加正。最後服務，個人覺得一般，正常但唔係去到米芝蓮一星既層次。總括嚟講，會再嚟因為真係幾好味。

諗住帶baba mama食下新野，原本book左枱，星期六去到都因為太多人要再等多20分鐘入到去，其實佢啲阿姐好好人又有禮貌，前線人員都好盡心服務，不過個位類似女經理同男經理就冇咩禮貌落單時吹我講快d,叫佢又好似唔多想彩你咁囉嗦可能星期六太多人掛，不過這裡的魚湯就真的好好味。

今日落雨，揀咗去荷里活廣場食，其實之前都去過蒲田，但兩個人好難叫野食，今日有4個人，所以再試下。唔想煩叫咗個四人餐先上個家燜竹筍，遠睇有啲似腎片，食落去好爽，食唔停口之後上蝦苗伴水紫菜，都係冷盤，有啲似沖繩料理，都幾好味再黎每人一小盅藥膳竹筒蝦，隻蝦大家都覺得好新鮮，忍唔住飲唒啲湯，但應該唔係人人受到啲藥膳味因為頭幾味好細碟，我好驚唔夠飽好彩之後上咗軟煎黃花魚，幾香口，但我鍾意上海小黃魚多啲，每人可分到2-3件莆田荔枝肉，我以為真係得幾荔枝，原來係咕嚕肉，做得唔錯仲有個滷麵，其實有啲似上海煨麵，不過不失最後上咗個芋圓花生湯提大家，呢度無普洱、水仙，大家可以叫大紅袍，都幾好飲

在openrice看到有$100優惠券，只要消費滿$200即可使用！好抵呀！平日經過一直想吃這間餐廳，趁今次機會去一試！晚餐大概7點入坐，店內人潮還未出現，被安排到兩人桌子，在入口附近，和門口有一段距離的。先點了一個冷食拼盤 - 精美四小拼，適合我這種樣樣想試的人那個豬腸超入味！𣊬間完食！左後的五花腩肉咬下去似是啫喱，入口即溶的！！豆腐也不錯，不會很濃味，吃了很開胃。這是待應推介的黃花魚燜飯 和 餐前小碟(芥)食指大動 每一口都吃到魚汁 怕腥味如我都覺得好好吃哦如果有更多魚肉就好了砂鍋紅糟雞 酸酸甜甜的 配飯吃一流用了優惠券好抵食呀，4月頭就到期了總結：食物好吃，又坐得舒服，待應態度良好，即使貴小小，都好多人食

醒起去過鑽石山一間中菜館食野～雖然有d小貴但係味道都幾唔錯係荷里活廣場等睇戲既時侯梗係搵下附近有咩tea好食啦～之後見到一間中菜館仲要係米芝蓮餐廳下午茶68蚊位～見唔算話好貴就入左去食喇～黎到既野唔算多,所以其實68蚊我會話佢係小貴～不過tea就算啦～唔至在食飽既～但係野食都有驚喜咁～唔好睇佢細細碟好似前菜咁冇咩特別～但係其實每碟又幾好食喎唔怪得係米芝蓮餐廳啦唔飽既話又有飯同米粉可以叫～環境野食黎講係一間高級既餐廳～不過可能係米芝蓮啦所以價錢我就覺得會相對貴左少少喇

I went to putian with my family and ordered a set meal for six persons. I thought their portion size are small, but they weren't so we end up taking away two dishes. Their selling point is they used traditional cooking method and food from fuk tin province. Their dishes are quite different from those in most Chinese restaurants, which it is good for a change. General speaking, their food was not bad but I am not a big fan of it. Nothing really surprise me. It may be comfort food for some p

一直都想試呢間米芝蓮餐廳，而上個星期終於有機會星期五晚去，都幾多人，全場爆滿。即使book左位，都要等一陣。餐廳內大多數係圓枱設計，坐落比較逼。由於人好多既關係，好快就落單怕要等好耐😆今次三個人去，一共叫左五樣野食。九轉小腸呢度既小腸比出面食更實，口感特別椒鹽豬手椒鹽豬手好似係呢度特色菜，豬皮炸得好香脆，味道咸中帶辣，頗為惹味！而脆皮的入面更有溶化左既效果，口感一流！另外，仲叫左個酥鴨、包子同米粉。前兩者同出面食既差不多，所以重點介紹下好有驚喜既米粉！！米粉賣相並唔係好特別，但食落非常好味！！佢用既米粉唔係普通出面既款，而係更幼細！調味亦非常出色！！係全餐飯最驚喜既一道菜！全餐飯整體黎講都唔錯，會為個米粉而再黎！

新加坡店取得米芝蓮，今日緊係來香港店試一下水準，一向莆田菜式味道都好精緻好味。一坐底，要開茶，選了菊花,最平其實吾係人人接受菊花d味。紅槽雞，好足味，個晚食完好似酒精上腦咁。值得推，推，推。見窩面賣相一般，但超好味莆田鹵面，有冬茹，好似介乎炆同湯面之間，連湯都飲晒，好味。九轉小腸當然有order，手工菜細細碟，有個火熱住食。脆脆的豬手，個件計$36。好夠椒鹽味，吾油，好鬆脆，唯一豬手真係冇咩肉，食層脆脆的皮。

海蠣煎：酸辣甜醬配合得宜，勁好味同開胃!蝦苖拌頭水紫菜：幾好食，不過咸左小小!酥炒芋芯：煎得剛好，入味，可以一試!傳統扁肉湯：似我屋企人煮開既😘有洛醋，好開胃!莆田荔枝肉：唔掂，樣係京都骨，但肉質唔ok, 非即炸，得荔枝肉好味。

友人提議去莆田食晚飯，本來沒有什麼期待，因為上次去過銅鑼灣個間，一般般，無驚喜，淨係記得好細碟。今日平日晚上，客有6-7成，而我有book位，不用等。上次銅鑼灣店(好似聖誕假期)好鬼多人，坐位也有點擠，感覺一般般。這次空間感較大, 裝修簡潔時尚, 坐得舒服。聽朋友說坐入一些會電話收唔到，今次坐門口附近，都仲收到電話。伴碟前菜(左上): 有兩種花生, 一個紫菜花生, 炒的, 乾身脆口; 一個眉頭花生, 甜甜的, 似糉裡面的花生, 冧冧地; 兩種都好好食, 惹味開胃~ 主菜未到已經清碟了~~~~哈哈~四小拼(右下) $109:開胃前菜四小碟, 有蝦苗拌頭水紫菜、滷水自製豆腐、水晶豬蹄凍、九轉小腸~ 兩熱兩凍, 幾特別喎~ 頭水紫菜 - 正喎! 又冧又爽, 個汁酸酸地好開胃~豬蹄凍 - 醬汁辣辣地, 好惹味, 但size較細粒, 口感唔夠, 且好難夾~~滷水豆腐 - 熱食, 豆腐好入味, 軟冧冧的~小腸 - 熱食, 厚厚的小腸既爽又唔嗅~ xx悶豆腐(左下) $78: 味.... 我唔太啱~ 友人話係布包豆腐都有既味.... 我覺得似燒焦了的味....媽祖麵線(右上) $88:麵線唔會太冧,

上次係馬鞍山嗰間食得唔開心，點都要嚟鑽石山呢間正牌貨食返先得。店員好親切咁帶我地入去，仲好有笑容添呀！餐具都好靚好精緻。食咗一粒先記得映相，呢個小食莆田糯米丸，好似湯丸，煙煙靱靱，好味！前菜3小碟，唔記得映相添，各有特色，細細碟咁，我就鍾意豬蹄凍，食落好似啫哩咁，滑嘟嘟，好得意。粟米菜粒炒飯，粟米好清甜，應該係新鮮粟米，飯都乾身。莆田炒麵線， 材料好足，略為鹹咗小小，不過都okay 嘅。意米水淡淡地，清熱，正！個個店員都好好心情，好好笑容，臨走仲同我地講拜拜，好nice呀 !

年三十晚，與家人來到位於鑽石山荷里活廣場的『莆田』吃團年飯。『莆田』是一間來自新加坡的米芝蓮餐廳，顧名思義主打福建莆田菜。由於店面不算很大，加上是三十晚，即使早已預訂，到達後也要等20分鐘左右才可入坐。還好座位寬敞，坐得蠻舒服。「蝦苗拌頭水紫菜」的水紫菜味道鮮甜，作為開胃菜一流。不過份量實在太少了，幾個人每人一小啖就吃完……「九轉小腸」用傳統的九摺式穿套方法滷製，賣相精緻，吃起來爽口彈牙，也無油膩感，值得一試。「媽祖麵線」又叫長壽麵，麵線口感類似米粉，不過較爽口彈牙。麵線加入了香菇、蝦、花生等食材，口感豐富，配上鮮甜湯汁，效果不錯。「瑤柱燴絲瓜」以雞湯和瑤柱燴製，但醬汁的雞和瑤柱味不太明顯，瑤柱粒份量也太少。跟其他菜色相比，這一道驚喜不大。「傳統海蠣煎」即是香港人愛吃的蠔餅，香脆可口，沾上餐廳秘製的辣汁非常惹味，不過蠔仔數量多一點的話會更好。「阿元香草雞」的味道有點像醉雞，另多了陣陣香草味；雞肉選用了雞腿部分，吃起來夠鮮嫩。「砂鍋魚湯」魚味香濃，魚肉也很嫩，由於加了杞子和胡淑，完全沒有魚腥味，令人飲完一碗又一碗～菜色份量雖少，但均是有特色的手工菜，吃得出用心製作。若不介意價錢較高，又想

呢間野裝修幾靚,坐得幾舒服,傾計一流。入到去叫左幾個小菜,上面個圖係新野黎,叫麥皮蝦。味道相當唔錯,好香。其他野都幾出色,例如叫左個芧頭芯,幾特別! 不過D野都幾貴,又細碟,如果男仔食既話應該要叫好多先夠! 唔太抵食!

原先打算同屋企人開心食一餐開心的團年飯，但最後都是一餐不愉快的團年飯。1 ) 等位問題，好彩有訂位，眼見其他walking 客取位等了半小時也沒有位，服務員不定同walking 客講有訂位到會比訂位先。明知節日有很多人訂位，又接受walking 客，但又唔好好安排。2 ) 安排坐位問題，訂位時已講明人數，當比位時張抬細到無人有，同經理講，她說今日人多人無法。如果安排不到，而使服務下降，那麼有米芝蓮又如何。3)  食物質數下降，點了幾個小菜，其中一個蒸蛋及炒粉都有燒焦味。我們向經理投訴，並且叫她試試，經理向我們說，有幾抬客都有講，她說是什麼地方的豆腐，所以是一這種燒焦味。說真，她的說法很難使人信服。4) 服務質數下降，客人在進餐，因為張抬太細，已無法放進其他食物。但服務員沒有得到客人同意下，自行在抬上提走食品去換細一點的食品盤，而該食物客人尚未進食過。而在結帳時，服務員已心急地收拾抬面。講真，經理非常差，在過時過節，處處人多，如果經理是有安排，服務質數不會這樣，而且經理對於客人的投訴也沒有好好處理。所以決定不會再次去消費