莆田 (荷里活廣場)

營業中

休息中

上次係馬鞍山嗰間食得唔開心，點都要嚟鑽石山呢間正牌貨食返先得。店員好親切咁帶我地入去，仲好有笑容添呀！餐具都好靚好精緻。食咗一粒先記得映相，呢個小食莆田糯米丸，好似湯丸，煙煙靱靱，好味！前菜3小碟，唔記得映相添，各有特色，細細碟咁，我就鍾意豬蹄凍，食落好似啫哩咁，滑嘟嘟，好得意。粟米菜粒炒飯，粟米好清甜，應該係新鮮粟米，飯都乾身。莆田炒麵線， 材料好足，略為鹹咗小小，不過都okay 嘅。意米水淡淡地，清熱，正！個個店員都好好心情，好好笑容，臨走仲同我地講拜拜，好nice呀 !