莆田 (形點 I)

營業中

休息中

👍🏻 熟醉大閘蟹熟醉大閘蟹真係超正 蟹肉鮮嫩得不得了 醬汁入味 食落去唔單止有蟹嘅鮮甜 仲有啲酒香 配埋薑茶 幫忙驅寒🦀👍🏻 蟹黃炒米粉米粉炒得Q彈 吸收咗蟹黃嘅香氣 口感層次好豐富 蟹黃嘅鮮味令整道菜更加升級 配埋海鮮、肉同新鮮蔬菜 每次嚟必點🍜👍🏻 石鍋滑豆腐石鍋滑豆腐簡直係無敵 豆腐外脆內滑 保留住豆香 石鍋煮出來嘅口感好正 醬汁味道濃郁 一口食落去豆香四溢 配上蝦、蛋 送飯一流🍲👍🏻 芥蘭豆皮芥蘭嘅脆感同豆皮嘅滑嫩完美結合 味道清新又唔失風味 真係一個健康又美味嘅選擇 下次嚟再encore🥬

莆田大閘蟹節又開始左啦，今年有三款口味，分別係油煎，清蒸同熟醉，仲有其他大閘蟹既菜式可以試，緊係要搶先試啦！油蒜大閘蟹 $138我地叫兩隻大閘蟹根據經驗都有大約5兩重，都算幾大隻。拆開之後勁多膏，色澤油亮金黃，口味鮮甜，肉質細嫩。熟醉大閘蟹 $138酒香味超濃，由於係凍食既關係，蟹黃既香味更突出，更甘甜惹味，肉質亦更堅實。值得一提既係，呢度叫完大閘蟹仲會有薑茶可以飲驅寒，十分細心。蒜蓉豆豉蒸鰻魚 $118鰻魚切得好厚身，口感爽彈，油脂豐富，索哂蒜頭豆豉既香味，非常好食！蟹黃炒米粉 $138蟹黃份量都唔少，啖啖都食到蟹黃既香味，而且佢仲用左好多配料去炒，例如鮮蝦，冬菇等等提升鮮味，米粉亦炒得乾身，好好食！

今日又約左朋友去YOHO食晚飯，揀返我地中菜嘅飯堂餐廳，呢間餐廳真係百食不厭💁🏻‍♀️而家餐廳仲做緊鰻魚主題，我地就叫左個普寧豆醬焗鰻魚，鰻魚好好味，口感同味道一流‍另外我哋叫左鮑魚紅燒肉，紅燒肉整得非常入味，肥瘦比例啱啱好，而且鮑魚非常彈牙，好好味🤤大白菜燉軟豆腐非常足料，而豆腐充滿豆香，食到唔停到口‍🙆🏼‍♀️最後煮食叫咗興化炒米粉，呢個係必點，而且都係十分足料，配埋可樂就好正💁🏻‍♀️

莆田主打新派福建菜 , 元朗 Yoho 分店， 以淺木色為主調, 佈置清麗雅緻 , 環境舒適寬敞, 與朋友聚餐一個好地方。二人套餐 $398豐富和抵食二人套餐， 菜式搭配精緻，色香味俱全，讓人期待每一口的享受。精美雙拼雙拼是滷水豆腐和筍片, 滷水豆腐口感滑嫩，滷得好入味，帶淡淡的滷水醬油香 氣 , 筍片爽脆可口。百秒黃花魚熱鍋內的黃花魚，香氣十足 , 魚肉雪白鮮嫩，肉質細膩，搭配適量的調味湯汁，味道鮮美而不腥， 啖啖海鮮天然鮮甜。蒲田荔枝肉豬肉粒外脆內軟， 入口鬆化, 配上荔枝醬 汁， 酸酸甜甜, 加上粒粒荔枝果肉, 十分醒胃, 拌飯一流。金湯皮蛋菠菜金湯味道濃郁, 皮蛋滑溜，加上菠菜的清香，簡單而滋味。經典包菜飯菜飯炒得很乾身 , 充滿鑊氣 , 菜的爽脆清香 , 每口米飯充滿米香，讓人感受到家的 感覺。普寧豆醬焗鰻魚 $118豆醬的鹹香， 在焗烤的過程中，味道深入魚肉，讓人每一口都鮮嫩彈牙鰻魚 , 既香且滑 , 令人喜歡。黃金荷葉包刈包的外皮軟糯 , 牛柳絲鮮嫩多汁，搭配香甜的洋蔥，讓人忍不住想再來一個。建蓮雪耳湯雪耳的滑潤與蓮子的清香，湯底清甜，清淡而滋補，正好滋潤乾涸喉嚨。

莆田主打中菜八大菜系嘅閩菜，不定期推出特別菜式，今次輪到鰻魚節，而且有四種食法（山泉水煮/普寧豆醬焗/蒜蓉豆豉蒸/福建特色紅糟鰻），估唔到今次食出驚喜，不愧為米芝蓮餐廳👍🏻🥢普寧豆醬焗鰻魚 $118皮嫩肉質爽口彈牙，口感出色，配埋非遺既普寧豆醬，提鮮惹味🍲大白菜嫩豆腐 $128湯頭鮮甜，豆腐軟腍吸味，白菜爽脆鮮嫩，仲有蠔仔等海鮮，清淡又好味😋🌾興化炒米 $118材料豐富，有紫菜、複、花甲、冬菇、菜、豆卜等，米粉幼身富彈性，食落好香蒜味，加少少辣椒醬拌勻食🤤更惹味🦆閩南薑母鴨 $128閩南薑母鴨係傳統福建名菜，廚師選用去骨鴨腿肉及三年以上既老薑，以古法砂窩燉製，鴨肉焦嫩入味，一D都唔韌，火候掌握得恰到好👍🏻呢碟菜式唔只好食，仲可滋補強身，驅寒暖胃，入秋轉季食佢岩岩好☺️🐖椒鹽豬手 $39外脆內軟，重骨膠原，口感唔錯🥕酸甜蘿蔔（前菜）酸甜開胃又解膩

莆田 (形點 I) 是一家位於元朗形點商場的福建菜餐廳，提供多種地道的福建美食。更是享譽新加坡的獲得了米其林一星的殊榮。餐廳的裝潢時尚且舒適，服務周到。讓人感覺賓至如歸。//百秒黃花魚$78原味（Original）（黄花位200g）（革命性的突破！只用100秒，蒸熱一條魚。）這種快速烹飪方法不僅保留了魚的原味，還能確保魚肉的鮮嫩多汁。非常鮮甜美味。價格親民。//福建3寶福建紅菇海鮮滷麵$138（山海之鮮，融於一碗湯鮮料足，桌桌必點！）/麵條：吸收了湯汁的精華，口感軟而不爛。紅菇：營養豐富為湯底增添了獨特的風味和顏色。海鮮：包括大蝦、聖子仔、蜆肉.肉絲等多種海鮮，讓整道菜更加鮮美可口。//板栗海參煲$298鲜美濃郁 （Rich and Flavourful）（海參靜泡一星期。秘襲醬料沙煲焗，海參吸飽燒肉香）/海參經過一週的浸泡，海參非常嫩滑，帶有一點彈性。膠質豐富。/板栗煮得軟糯，帶有自然的甜味，與海參的口感形成對比。/秘襲醬料沙煲.在沙煲中焗製，讓海參吸收燒肉的香味。讓人食指大動的一道菜。//山泉水煮活鰻魚$118（只有活鰻魚，才敢清水煮）/這道菜強調原汁原味，只用清水和少量調料，讓食

提早同親友做節去了元朗的莆田，呢到座得舒服食物質素幾好。✡️ 福建特色紅糟鰻 ～ 紅糟係福建出名的醬料，紅糟包滿住鰻魚，令肉嫩多汁的鰻魚散發出酒香。✡️ 黃金荷葉包 ～ 用荷葉包包住炒過味道濃郁的豬肉絲，每一口都咁酥脆美味。二人套餐⬇️⬇️⬇️✡️ 金湯時蔬 ～ 莧菜吸收了濃湯更清甜，仲有鹹蛋和皮蛋香。✡️ 百秘黃花魚 ～ 用100秒蒸熟黃花魚，魚肉香滑細嫩，味道鮮美。✡️ 莆田荔枝肉 ～ 炸過的豬肉每件都沾了酸酸甜甜的醬汁好開胃。✡️ 金湯時蔬 ～ 本身都好鍾意呢個煮法，鹹蛋黃如金沙般包裹著莧菜，令口感豐富層次分明。✡️ 興化炒米粉 ～ 材料豐富有蜆有蝦蟶子肉再加少許蔬菜同炒，米粉係幼細一絲絲味道一流。✡️ 建寧雪耳湯 ～ 福建建寧的蓮子入口即溶，配上雪耳紅棗夠滋潤又唔會太甜。🥤 紅毛榴蓮汁

甫田最近新出咗鰻魚餐單 😍 鐘意食鰻魚嘅我當然要去試下啦 🥰 每條都係出口級別嘅鰻魚，好期待！✨普寧豆醬焗鰻魚底部有好多蒜頭、薑粒同洋蔥，所以食落完全唔腥！鰻魚好肥美啖啖都係肉 😋 口感嫩得嚟肉質又好厚實，食落仲好彈牙！加埋本身鰻魚嘅油脂同埋豆醬嘅咸香，真係好好食 🤤 ✨辣汁花蛤花蛤好新鮮，每一隻啲肉都係脹卜卜，醬汁辣中帶少少甜，十分惹味！✨石鍋豆腐超夠鑊氣係滾住上枱！豆腐煎製過好惹味，下面仲有一層蛋漿，呢個配搭香味十足！✨福建海鮮滷麵湯汁比起一般湯麵嚟講有少少杰，配料有花甲、豬肉、冬菇、菜，調味啱啱好！✨鹹香黃花魚炸到超級酥脆，可以連骨食！咸咸地十分香口！最後食得勁飽！慢慢嘆埋個菊花杞子茶超滿足！

今次和長輩去食飯，長輩都覺唔錯。餐廳座位闊落，但平時晚上都要排隊等位。莆田最近8-9月推出鰻魚節。總共推出四款，分別是豆醬焗鰻魚、泉水煮活鰻魚、蒜蓉豆豉蒸鰻魚和福建特色紅糟鰻。 🔶️福建特色紅糟鰻 $88糟鰻非常有特色，是福建傳統名菜之一。雖然鰻魚油炸過，紅噹噹的色澤但不油膩。鰻魚外脆內軟，食到鰻魚肉的鮮味。紅色汁比較濃稠，有陣陣酒香和微甜。 🔶️精美四小拼 $ 128一次食到四款的小食。個人推介單叫土荀凍和九轉小腸。這兩款是福建常見的小食。彈牙小腸燜得好入味。土荀凍形似果凍，海鮮好爽脆。另外兩款是竹筍和紫菜。紫菜酸酸甜甜，非常開胃。 🔶️農家擦粉 (例) $98例牌是最細份，但食到6碗左右。農家擦粉用豬骨和老母雞熬足8小時。粉麵份量非常多樣子普通，但好味。 🔶️閩南薑母鴨(例) $128薑母鴨肉上有大薑絲，非常補身。鮮嫩的鴨肉不會太乾，重點是沒有骨👍🏻。 🔶️一品醉蚶 $78不算大份，但勝在是當天即整和新鮮。醉蚶配上惹味蒜頭辣椒，酸酸辣辣好開胃。 🔶️飲品酸或楊梅水(杯) $ 28紅毛榴槤汁(杯) $38

👍🏻 蒜蓉豆豉蒸鰻魚鰻魚係今期限定嘅菜式 鰻魚用上蒜蓉豆豉蒸煮嘅方法烹調 可以保持到鰻魚嘅鮮甜味 加上蒜蓉豆豉嘅味道 可以令到鰻魚嘅味道更上一層樓 呢個餸值得一試💁🏻‍♀️👍🏻 大白菜燉軟豆腐大白菜燉軟豆腐用上大瓦煲上枱 熱辣辣嘅湯底非常美味🤤 軟豆腐及大白菜非常新鮮 加上有聖子、蠔仔等海鮮嘅湯料 令到湯底鮮甜味十足 好好味😋👍🏻 興化炒米粉米粉炒得非常好 條條都好乾身 唔會炒到淋曬 而且配料都好足 有蝦、聖子等材料 米粉好好味🤤👍🏻 蒜蓉蒸老虎蝦餐廳好細心 將老虎蝦開邊 一來可以好容易食到蝦肉 二來可以令蒜蓉更加可以入味 加上老虎蝦大大隻 啖啖肉

今日又去咗莆田做緊莆田鰻魚節又有新菜式食啦☺️、有好幾款望見都好吸引🤤、就試咗其中呢幾款食吓、今次好有創意又有特色、真係睇得又食得！.蒜蓉豆豉蒸鰻魚 $118呢一款蒸鰻魚賣相好吸引😍 原個蒸籠上枱、散發香噴噴荷葉香味、用荷葉包住整份鰻魚🤤、 上面洒滿蔥花、豆豉、蒜蓉更加睇得、係用陽江豆豉烹調令到味道甘香😚、食到入口帶點油潤軟滑啖啖質感入哂味😋！.福建特色紅糟鰻 $88呢一款係地道福建特色美食、整份紅糟鰻賣相特別🤔、色澤紅潤肉嫰多汁😋帶點酒香味😚外脆內軟 、我覺得真的唔錯、尤其是個汁酸酸地幾開胃送飯唔錯之選🤭！.山泉水煮活鰻魚 $118呢一款活鰻魚係用咗山泉水烹煮🤔、新鮮即劏鰻魚令到烹調時肉質最好、係用咗清湯煮都食到最鮮甜嘅味道😋、入口爽滑啖啖口感肉質鮮味！.興化炒米粉 $118呢一碟興化炒米粉我都食過幾次覺得好正🤭、用咗蝦、聖子、瘦肉、冬菇、蝦米、瑤柱、豆卜、花生、香芹、菜及其他配料夠哂豐富、整個五顏六色睇得吓🤔、多料口感豐富食到入口味道美味好好食😋、尤其是佢嘅興化炒米粉入口幼軟口感、比起別一般米粉好食好多、所以今次都買咗一盒返屋企食☺️!.薄荷枇杷凍 $38呢兩款甜品我去到必食☺️、一年

甫田把當造的蟶子製成唔同菜式，俾食客唔同嘅選擇。$219 2道菜，好抵呀。前菜炸紫菜花生幾好味👍 傾陣計，2道菜好快先上到枱。我同友人試咗鐵板鹽焗蟶子及椒鹽炒蚱蟶子。當造嘅蟶子好大條，爽口好鮮甜！好正😋😋。椒鹽呢道真係好香脆惹味。2道菜都令人食唔停口。加上賣相都幾靚仔，好吸引🤩 叫咗個脆皮蒜香雞（半隻）及福建海鮮滷麵。雞炸得皮好脆，雞肉嫩滑，好多蒜，香口惹味。海鮮滷麵，份量大，足料，都好多配料例如大隻鮮蝦及好多蜆肉，豆腐卜，菜麵係上海麵。蝦同蜆都幾好味，蝦大大隻新鮮彈牙。湯唔會過鹹。

十分美味 十分新鮮 服務友好客氣 誠意滿滿 希望下次能夠再次光顧。服務態度十分友好 誠意滿滿 又會免費贈送糖水和折扣卷。希望下次能夠再次光顧。環境優美安靜，但客流量滿滿。十分推薦 服務十分即時。能夠再次吃上十分滿足。過了很久回來，但菜飯款式多了許多。比較推薦鮑魚小炒肉，鮑魚細嫩Q彈，辣椒很香。另外，百秒黃花魚，肉質滑嫩，調味清淡，姜味很香，適合全家老少。主食的話，吃過很多種類，還是比較喜歡包菜飯，很香很有顆粒感。

今日一心諗住去食蟶子，點知坐低左先至發現原來轉咗餐牌喇。之後見到佢有佛跳牆就諗住試吓，好彩無失望，個佛跳牆好足料（掛住食，唔記得影相😂），唔會肉肉酸酸咁…樣樣材料都好大件，賣相都已經加晒分👍夠晒味道，個湯超正，仲好細心咁會搵蠟燭暖住，真係值得一試。入門口時見到接待處小姐喺度扭緊氣球，咁我多口問可唔可以送比我🫣點之小姐好爽快答我好☺️仲送咗扭扭波玫瑰花俾我，好驚喜👍 一向餐廳服務都好好，今次有驚喜真係要寫一次食評讚下

是日星期五晚市營業時間5點半開始，得2枱食客，6點時，員工4位連同一位廚房部同事負責拍攝，幾位員工係到做體操背‘面帶微笑，上菜程序等口號’，拍攝差不多有15分鐘時間，我用餐後便‘唔該賣單十幾次’，更行前去告知員工，請幫我地賣單先，因為吾知你地要拍幾耐，員工仍然要拍埋先幫我賣單，我便與幾名仍在等外賣的觀眾係到睇你地拍攝員工背口號，背左成半個鍾，最後搞到泊車超時，一d服務都無，仲話要面帶微笑，聲音優雅對客人，要背口號員工互相打氣理應在營業時間前做，而不是營業時間做，應該要服務客人的時間去做員工訓練，成何體統！！