莆田 (形點 I)

📍「莆田」- 元朗餐廳位於Yoho Mall 1期2樓，店面好大，座位夠闊落，坐得好舒服😇裝修走現代風，整體燈光光猛，而且職員服務態度又好又體貼，而且上菜速度都好快，加分👍🏻🍴清蒸大閘蟹💰HK$138（母）& HK$158 （公）✨推薦指數：8.5/10公蟹一隻重五兩左右，而乸一隻重四兩左右，大閘蟹即叫即蒸，上到枱係好辣手，一打開係就爆哂膏，好吸晴🤩👦🏻👧🏻都中意食公，因為好中意啲膏gel住口嘅口感😋乸嘅膏較硬身，口感一粒粒似食緊鹹蛋黃咁🤣食完之後飲返杯薑茶驅寒就岩岩好😌佢哋嘅醋超香甜，用嚟點蟹肉真係超夾🤤餐廳仲預埋工具俾我哋拆蟹食，夠哂方便😆🍴醉熟大閘蟹💰HK$138（母）& HK$158 （公）✨推薦指數：8.5/10醉熟版係凍食，食落啲膏同啲肉吸哂啲汁，酒味甘香清甜，整體甜甜哋幾開胃😋🍴蟹黃燜豆腐💰HK$128✨推薦指數：7.5/10蟹黃蟹肉配上豆腐、紅蘿蔔粒、粉絲、香蔥等配料燜食，一打開個煲蓋熱辣辣，香味撲鼻，食落豆腐就唔算好滑，蟹黃份量唔算多，好多配料連埋一齊食口感就幾豐富嘅😗🍴餐前小食&茶位💰HK$12 & HK$18/head…查看更多

莆田是一間傳統福建菜館，讓人吃到福建料理的純樸鄉間風味。 元朗廣場分店， 以淺木色為主調， 佈置簡潔明亮，環境舒適。 正好餐廳25週年紀念， 10月1號至10月15號 ， 餐廳提供不同著數優惠， 粉絲們不要錯過。迷你佛跳牆+閩南紅燒牛腩+金湯時蔬/一人餐細細燉盅的佛跳牆 ， 盅裏面放滿山珍海味 ，賣相令人垂涎， 有鮑魚、花膠、 遼參及花菇等矜貴材料， 湯頭清澈， 味道香濃，鮮甜美味， 滋補又養生，啖啖是幸福的滋味 ! 閩南紅燒牛腩牛腩肉質軟嫩， 輕輕力已經好容易 咬開， 牛腩汁惹味開胃 ，伴飯一流金湯時蔬金湯時蔬， 色澤誘人，湯底清甜，時令菠菜 ， 鮮甜軟嫩， 十分清爽。興化米粉+ 燉湯 /一人餐幼身的米粉炒得好乾身， 口感柔軟 細滑， 配料豐富， 有蝦粒同蜆肉， 及香芹提香， 鮮味十足， 充滿鑊氣。蟲草花淮山排骨燉湯燉湯經過長時燉製， 湯底色澤金黃， 香氣撲鼻， 入口鮮甜美味 ， 滋潤又溫補。普寧豆醬焗鰻魚時令的鰻魚，肥美飽滿，鮮香彈牙， 魚油豐沛 ， 甘香的魚油填滿 味蕾 ，搭配了普寧豆醬， 令味道更鮮香濃郁， 滋味提升。甜品拼盤/ 追加🔹️福建黃饅頭 🔹️蒲田紅團 🔹️蒲田印糕福建糕點 ， 每款都好特色， 甜度剛好， 風味別樹一格， 值得一試。…查看更多

莆田PUTIEN（元朗形點店）米芝蓮一星福建菜今日同朋友專登過嚟元朗形點呢邊，試吓呢間人氣超高嘅莆田！果然係米芝蓮一星餐廳，晚市全場爆滿，好彩我一早打嚟訂定位～服務真係好好，店員笑容滿面，好細心又周到，值得一讚！餐廳主打新加坡風味福建菜，堅持用新鮮同優質食材，保留傳統閩菜原汁原味。必試招牌菜包括興化炒米粉同百秒黃花魚，今次我哋試咗幾款熱門菜，真係款款有驚喜！//黑金蒜燒鰻魚 一上枱已經聞到超香蒜味～鰻魚肉質肥美又唔腥，配上黑金蒜醬汁濃郁惹味，視覺同味覺都滿分！//酒香竹筒蝦 賣相好特別，用竹筒裝住大蝦，蝦肉爽口彈牙，帶淡淡酒香，個湯我飲到一滴都冇剩！//百秒黃花魚 果然係名不虛傳！魚肉超級嫩滑，蒸得剛剛好，鮮味十足，簡單而美味。香煎走地雞（半隻） 雞皮煎得香脆，肉質仍然保持嫩滑，唔會好油膩，好味！//興化炒米粉： 炒得夠乾身，米粉口感細滑，配料豐富，鑊氣十足～整體嚟講，每道菜都做得精緻有特色，份量足夠又唔會過鹹，仲有唔少地道特產同優惠。已經約定朋友下次再嚟試其他招牌菜～絕對係高質福建菜之選！餐廳： 莆田 PUTIEN（形點 I 分店） 地址：香港元朗朗日路9號形點 I L2樓2040號舖小貼士： 餐廳人氣極高，建議預先訂座周末更加容易滿座！…查看更多

岀色嘅福建菜！ 今次試咗鹽焗大黃魚 莆田荔枝肉 芋香鴨 金湯時蔬 仲有福建海鮮鹵麵每個菜式上菜嘅時候 都可以保持到熱辣辣嘅溫度 而且每檥餸整體嘅水平都好高 好值得下一次再過嚟食(⁎⁍̴̛ᴗ⁍̴̛⁎)…查看更多

呢間喺元朗形點嘅福建菜已經拎咗好多年米芝蓮推薦，今次終於有機會嚟試吓啦！見到佢推薦嘅鮮焗大黃魚同莆田荔枝肉仲有香港經典嘅芋香鴨，每一樣都有創意又好好食～鮮肉大黃魚主打唔用水去就咁焗熟啲魚！然後落咗好重嘅花椒油同花椒，所以成條魚都好香而又有少少麻！係一個好特別嘅味道～而芋香鴨就係一個童年回憶嘅味道～而家已經好少地方可以食到啦！金湯時蔬甚，甚至佢嘅金湯又好重嘅蛋黃味有流沙又好食～仲有大大份嘅海鮮鹵麵！食完超飽～…查看更多

想食大閘蟹，又唔想煩自己蒸，去餐廳食就最岩啦😛。今日黎到莆田，叫左兩隻清蒸蟹乸，清蒸最可以食到蟹膏既香味，一翻開蟹蓋🦀，係我最鍾意既流心蟹膏呀😍，一啜就係滿足既感覺🥳，蟹膏既份量好多，好開心😆食完蟹餐廳仲會送上薑茶暖番個胃😚另外叫左蟹黃燜豆腐$128，入面除左蛋、豆腐、粉絲、魚仔，仲有主角蟹膏😛食落有少少焦香味，🤏用黎撈飯一流！午市一人餐（$88）都幾合我心意，主菜跟飯、燉湯，仲有3款小食。我地主菜叫左鹽焗雞，小小咸🤣🤣，但份量足，而小食方面，我地叫左溏心蛋、紫菜、青瓜🥒酥炒芋芯 $98每次黎莆田都必叫呢樣，粒粒芋頭外面有甜甜既coating🤩，少少脆但又唔會好熱氣…查看更多

之前試過午市一人餐，質素唔錯，主食可配飯或麵，另有小食、餐飲。現在下午茶都有相同質素的一人餐！主食一樣可選飯或麵，亦有多款小食和餐飲，味道很好，份量也十足。重點是假日收費同平日一樣，絕對是值得推介！…查看更多

用心製作，好味😋份量十足，兩個人食三碟已經好飽🫣多啲人嚟食可以食到唔同嘅菜式，例如牛排、雞、魚、香酥鴨等等。星期二嚟食大閘蟹更加抵。服務態度唔錯，記住菊花茶好飲有益👍🏻…查看更多

適逢這個食大閘蟹季節☺️、《莆田上秋鮮》有午市一人餐、又推出《大閘蟹多款抵食套餐》、整款套餐我覺得都唔錯🤔、一次過仲可以品嘗到兩仲味道、分别一公係以5両重或一乸4両重、又食到正宗地道美食、價格ー般又唔算貴！金秋大閘蟹 Set Meal for 2 $558 乸蟹四両重精美雙拼清蒸 / 熟醉大閘蟹呢一款任選咗兩款不同價格、一次過食到兩仲味道、我就選擇叫咗2隻乸大閘蟹食、因為這個月份係食膏較為最正🤭、熟醉大閘蟹我個人覺得較為好食、入口散發酒香四溢😚回味甘甜、蟹膏飽滿又結實啖啖濃郁蟹皇味道😋、清蒸大閘蟹味道較為鮮味原汁原味☺️、蟹肉蟹味一樣鮮濃實肉、而佢嘅膏都係好豐滿啖啖口感好滿足！莆田荔枝肉呢一款莆田茘枝肉都係地道美食之一、整碟色香味都有、每一件荔枝肉都好大嚿啖啖肉、入口酸甜腍嫩好開胃又好食😋、配埋荔枝鮮甜絕配🤭！芥蘭豆皮呢一碟芥蘭豆皮賣相都唔錯、係一款健康又美味滿滿汁液、包裹每一件豆皮令到味到更加好味又有口感、配埋脆綠芥蘭鮮爽幼嫩、喜歡食素嘅朋友之選！風味主食三選一揀左興化炒米粉用嘅係興化米粉比起一般幼軟、食到入口口感特別都幾好食😋、加埋佢嘅配料有鮮蝦、蟶子、蜆、脆紫菜、花生、芹菜及其它配料夠哂豐富☺️！薑汁紅棗燉雪燕呢一杯薑汁紅棗燉雪燕真的夠哂薑味☺️、入口好香濃濃紅棗味道、啖啖滑滑雪燕😋、漸漸散發濃辣薑汁夠哂刺激🤭！…查看更多

正值大閘蟹當造，蟹粉肥美、蟹膏濃香，嚟到呢間中菜廳當然要試佢哋嘅「熟醉大閘蟹」！一隻公蟹上枱，蟹蓋掀開，陣陣酒香撲鼻，蟹膏金黃油亮，入口即化，醉香中帶鮮甜，絕對係蟹迷嘅天堂🥰🥰🥰跟住嚟嘅「軟煎大黃魚」，條魚煎得外脆內嫩，魚肉厚實彈牙，唔腥唔柴，簡單調味就夠晒鮮味，食落去仲有少少焦香，超正！😍😍😍「莆田荔枝肉」係例牌，塊塊豬肉炸得金黃，形似荔枝，咬落去外脆內軟，酸甜汁滲滿肉裡面，開胃又唔膩，食多兩舊都唔嫌多😋😋重頭戲係「閩南姜母鴨」，鍋一上枱，薑味四溢，鴨肉炆得入味軟腍，湯底濃郁暖胃，飲一口全身都暖笠笠，秋冬必點～食完每人一盅熱辣辣嘅薑茶，暖胃去寒，完美收尾！…查看更多

👍🏻 清蒸大閘蟹（公）5兩清蒸大閘蟹真係無得輸 🦀 每一隻蟹都好肥美 肉質鮮嫩 😍 尤其係蟹膏 食落去真係好滿足 👌 蒸到剛好 唔會過熟 保留咗所有嘅鮮味 🌊 配上少少醋 簡直係完美 🍶 呢個季節食大閘蟹特別正👍🏻 沙茶海鮮鍋沙茶海鮮鍋真係一個超級正嘅選擇 🦐🦪 一打開鍋蓋 海鮮嘅鮮味就撲面而來 😋 簡直唔可以抵擋 沙茶醬嘅香氣濃厚 帶點微辣 🌶️ 配埋新鮮嘅蝦 魚丸同貝類 食落去每一口都係滿滿嘅海洋味 🌊 再加埋豆腐 食完仲唔會覺得膩👍🏻 家鄉燜筍乾筍乾經過燜煮 吸收咗濃郁嘅湯汁 味道特別入味 😋 每一口都充滿咗筍的鮮甜 🌽 尤其係配搭埋白飯 筍乾唔單止好味 仲有一種家鄉嘅溫暖感 🏡 令你食住食住就有種懷舊嘅感覺…查看更多

見到莆田出面擺左大閘蟹就知要bk 位食啦我地叫大閘蟹一人set share, 再點多個菜，份量岩岩好1人set 有三隻大閘蟹好抵食！🦀清蒸大閘蟹蒸得啱啱好蟹膏豐腴甘香蟹肉鮮甜，簡單配陳醋已經好正食完仲會上埋薑茶去去寒🧡金湯時蔬個湯底加埋蛋黃食落豆苗夾住蛋黃鹹香清甜得嚟又唔會好滯🧡福建海鮮滷麵係暖心之選湯汁濃淡適中麵條吸左海鮮嘅精華食落好滿足🧡薑汁紅棗燉雪燕薑汁底係同岩岩薑茶一樣紅棗香甜燉得滑溜滋潤…查看更多

又到一年一度，心入面把聲音開始尖叫嘅季節——無錯，就係大閘蟹！講到食蟹，時令最緊要，「九月圓臍十月尖」，而家正係食公嘅最佳時機🕰️。今次嘅主角係 江蘇大閘蟹，一拎上手就知龍與鳳。輕輕掰開蟹蓋，金黃澄澈嘅蟹膏多到滿瀉，味道甘香豐腴，嗰種濃郁嘅油香係會黏住個嘴。啖啖蟹肉好鮮甜，蒸完之後依然保持到極致嘅細膩，肉質一絲絲，唔點醋都已經夠晒味，鮮到不得了！一人餐都好豐富：🔸 前菜：精美雙拼 (頭水紫菜 & 炆筍)，清清個味蕾🔸 主角：清蒸大閘蟹 2隻 (可以揀熟醉，風味唔同！) 還配有味道極濃的薑茶呢🔸 主食：經典包菜飯，吸盡精華🔸 甜品：薑汁紅棗燉雪燕，暖笠笠又滋潤再單點主菜: 🦆 芋泥香酥鴨 – 外皮香脆，芋蓉軟滑🐟 鹹香黃花魚 – 鹹香惹味，送飯一流！蟹季話長唔長，話短唔短，當然要把握機會食多幾隻啦! …查看更多

今日下午同屋企人去莆田飲茶，原來「莆田」除咗蟶子，而家仲有大閘蟹食。屋企人見到，就突然間好想食大閘蟹，所以我哋就叫咗個大閘蟹套餐。大閘蟹套餐包兩隻大閘蟹，一個主食及一個甜品。首先，主角梗係嗰兩隻清蒸大閘蟹啦！我哋揀咗要乸，一上檯，即刻開蓋，入面啲膏多到滿瀉，橙紅色勁靚，一啖食落去，嗰種甘香，正啊👍🏻個餐主食跟咗個興化炒米粉。呢個米粉堅係炒得好，好乾身，一啲都唔油膩。最重要係佢啲配料，有齊大蝦、蜆、仲有蟶子一齊炒，成碟米粉吸晒啲海鮮精華，鮮味十足。我哋仲叫咗兩個小菜，莆田荔枝肉：呢個必點！酸酸甜甜，勁開胃。佢唔係得個酸字，啲荔枝肉係真係甜㗎，小朋友見到實搶住食！ 芋香鴨：呢個都好高質，外層炸得香脆，入面個芋蓉又香又軟，口感一流。食完蟹及小菜，再飲返個薑汁紅棗燉雪燕，暖笠笠又夠潤，完美。…查看更多

我一直超愛莆田那家的炒米粉啊！那米粉細細滑滑，炒起來彈牙又有米香，配上海鮮簡直一流。其他兩樣餸我之前沒試過，這次嚐嚐看，哇，味道意外地讚！清爽不油膩，新鮮食材一炒就香氣四溢，當午餐吃超滿足，吃完還精神抖擻。下次一定要再去，試試加點蝦或蛤蜊的變奏版，絕對更上癮！…查看更多