影片
以上資料只供參考, 請與餐廳確認詳情
食家推介
餐廳：花漾地點：銅鑼灣時代廣場菜式：新加坡菜餐牌：茶餐15選一，有多款飯粉麵，多士小食都有，配冷熱飲品6選一，可以加錢升級餐飲。另外可以追加小食。另收加一。轉左餐牌。仁當牛肉配雞油香飯 $82 另加一仁當牛肉有七舊左右，質感都幾好，牛味唔錯。個汁味道濃厚，好惹味，辣辣地，面頭加上脆脆碎。伴有生菜絲同紅白蘿蔔絲酸菜解膩。雞油香飯一大碗，濕潤度剛好，味道唔錯，好香雞味。無骨海南雞飯 $88 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜四舊解膩。雞油飯大大碗，仲有蟲草花蔥花清雞湯一碗，雞味好濃。新加坡海鮮喇沙摻摻 $88 另加一摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣辣地好惹味。配料有兩隻連殼蝦，蝦頭有汁，肉質都算鮮，三隻連殼蜆好嫩口，兩粒魚蛋同半隻糖心蛋，四件豆卜，爽口芽菜，少少豆角，加上脆脆，口感味道豐富。娘惹炸鮮奶 加$26 另加一娘惹炸鮮奶一客四件，炸得外脆內滑，入面鮮奶甜度適中，而滑到好似漏出嚟，係一款超正甜品。酸辣無骨鳳爪 加$38 另加一酸辣無骨鳳爪一客8隻左右，好爽脆，伴有紅蘿蔔絲，洋蔥絲同芹菜絲加車厘茄，味道酸酸辣辣，好開胃。香茅烤豬頸肉 加$38 另加一越式烤豬頸肉一客6片，整得好爽脆唔覺太肥，食落皮脆肉嫩，墊有生菜絲，伴有酸紅白蘿蔔絲可解膩。另配惹味參峇醬。呢度凍飲用既冰粒係長身，特別滑溜，連冰都好食過人。菠蘿冰茶 跟餐菠蘿冰茶好少見，茶味中帶適量菠蘿汁味，唔錯唔錯，下底仲有好多香甜菠蘿果肉，面頭加上一片薄荷葉。馬來拉茶 跟餐馬來拉茶好滑溜，叫左少甜，甜度都適中。茶同奶味道配得好，唔錯唔錯。桔仔話梅水 跟餐桔仔話梅水酸酸甜甜，下底好多咸桔皮，仲有一隻桔仔。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。
繼續閱讀
-//位於銅鑼灣時代廣場‼️ 主打新加坡菜式🇸🇬包括海南雞飯、新加坡喇沙、斑斕咖央多士之前食過一次口味都唔錯，今次再次拜訪🌟呢款二人套餐$388蚊，亦都有提供四人套餐環境寬敞坐得好舒服，不過暫時只有銅鑼灣店📍芒果糯米飯芒果糯米飯係新推出🥭2人套餐有包埋糯米飯材料簡單，就係由芒果、糯米同椰奶組成😍糯米軟糯綿密，甜甜鹹鹹好滋味，小朋友最愛📍斑斕咖央多士東南亞最受歡迎既多士😍大讚 真係超級好食麵包烤到脆卜卜，塗上香軟幼滑既咖央醬👍🏻斑蘭味香氣撲鼻，內有半溶牛油，味道更豐富📍斑斕芒芒特飲+菠蘿冰茶斑斕芒芒特飲係新推出的，有淡淡斑斕葉味另一款菠蘿冰茶好清新，底部仲有好多菠蘿肉
繼續閱讀
花漾今次要介紹一間喺銅鑼灣時代廣場6樓有一間新加坡菜餐廳叫「花漾」，入到呢間餐廳都算好寬闊，好適合輪椅人士入去食！1.無骨海南雞飯+凍馬來拉茶$88+娘惹炸鮮奶$26（9/10）呢個無骨海南雞飯套餐唔洗加錢就有凍馬來拉茶，無骨海南雞飯個雞點大約有15舊，雞肉肉質都算嫩滑，仲有一碗蟲草花雞湯，個雞湯有少少咸！飲品揀咗凍馬來拉茶，個茶味唔算好濃，調教得啱啱好！每個下午茶餐都可以追加一款小食，我就揀咗娘嘢炸鮮奶，呢個娘惹炸鮮奶外皮炸得好脆好軟身，一夾幾乎就會斷開，入面鮮奶味好香濃，一共有四條娘惹炸鮮奶，好好味！2.河內手切牛柳牛肉丸湯河+新加坡鹹蛋黃魚皮+熱桔仔話梅水$126（8/10）呢個河內手切牛柳牛肉丸湯河係屬於推介套餐，任選一款主食+一款小食及飲品，個湯河入面嘅手切牛柳有少少韌，大約有5舊，牛肉丸唔算好彈牙，一共有3粒牛肉丸！小食揀咗新加坡鹹蛋黃魚皮，鹹蛋黃魚皮炸得好香脆，鹹蛋味香濃，份量都唔少，大約8舊鹹蛋黃炸魚皮！飲品揀咗熱桔仔話梅水，桔仔話梅各一粒，酸酸地好好飲！3.馬拉盞炒通菜$78（8/10）呢個馬拉盞炒通菜有少少咸，份量都唔少！4.咖吔班蘭多士$36（8/10）呢個咖吔班蘭多士唔夠好脆，包皮有少少硬，一共有4件咖吔班蘭多士！2人總共價錢$389，其他有加一服務費！個人口味總評分：8.25/10 地址：銅鑼灣勿地臣街1號時代廣場6樓625-626號舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#花漾 #新加坡菜 #香港美食 #銅鑼灣美食 #銅鑼灣好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
大大話話都食過不同的新加坡菜，估不到開係時代廣場都有間性價比甘高的餐廳。比起隔離餐廳係好多人食。二人套餐$338有好多款菜式、小食同飲品。今晚滿載而歸。🦐越式大蝦柚子沙律大蝦有3隻，都幾多好甜既柚子，酸甜汁好開胃，好味。🍢街頭鷄肉串燒 (4串)串燒超有驚喜，每塊鷄肉都好鬆軟好嫩，而且非常惹味。本身的鷄肉的調味已經香口，就甘食都好好食。🐂咖哩牛腩配蒜蓉發包牛腩燜煮到好軟熟，一咬就爛。咖哩又係好香濃。蒜蓉發包就略顯太脆。🥬馬拉盞炒通菜呢個相對上無太大感覺。🥭芒果糯米飯芒果夠甜，糯米飯熱辣辣，加上椰漿不太甜好夾。特色飲品不需要價錢，正♥🥢花漾 🌏銅鑼灣勿地臣街1號時代廣場6樓625-626號舖
繼續閱讀
呢晚嚟咗呢間新加坡菜餐廳食晚餐🤣有「花漾推介套餐」可以揀選「1款主食+1款小食+1款飲品」，咁揀咗 $118「仁當牛肉配雞油香飯」+「馬拉盞唐生菜」+「馬來拉茶」🤣「仁當牛肉配雞油香飯」：Rendang 嘅起源好有爭議性尤其是如果你問馬來西亞人同埋印尼人佢哋嘅答案應該會好唔一樣🤣，有興趣可以自己上網睇睇🤣，點都好啦 Rendang 喺星加坡、馬來西亞、印尼、汶萊等地都非常流行🤣；呢間餐廳嘅 Rendang 牛肉炆煮得幾軟熟，配雞油飯一齊食仲有啲啲特別添🤣「馬拉盞唐生菜」：唐生菜夠新鮮🤣「馬來拉茶」：少少甜，幾滑🤣$88「手工無骨海南雞例牌」：雞肉幾滑無骨啖啖肉食得好方便🤣$88「香茅烤豬頸肉」：豬頸肉係豬肉裏邊屬於油脂成份較高嘅一類所以非常甘香🤣$82「魚露炒有機迷你青瓜」：迷你青瓜條條都長長幼幼口感爽脆，魚露炒惹味得嚟又幾清新，呢個菜簡單得嚟又幾特別🤣
繼續閱讀