影片
港鐵銅鑼灣站 A 出口, 步行約1分鐘
繼續閱讀
電話號碼
25139899
營業時間
今日營業
11:30 - 22:00
星期一至五
11:30 - 22:00
星期六至日
11:00 - 22:00
以上資料只供參考, 請與餐廳確認詳情
和朋友到這家餐廳吃下午茶，這家店主打新加坡菜，朋友多年前來過，說可以一試。首先，地方在銅鑼灣時代廣場六樓，交通方便，地點適中，其次，餐廳內裝修不俗，卡位坐得也算舒適。下午茶時間，食客不多，但在我們後座有幾位講話聲浪特高男士，令我們無法安静進食在下午茶餐單中，我們都選了大眾化口味的海南雞拼白胡椒肉骨茶套餐。餐看起來賣相還可，份量亦正常，三種醬料，青瓜伴碟，油飯。吃入口，雞肉不夠嫩滑，皮厚不爽滑，甚至懷疑有雞尾，食剩大堆肥騰騰雞皮，有圖為證無油香，有點乾，整體上口感一般。白胡椒骨肉茶，除了極重胡椒辣味，湯不足料，味道很淡，並不香濃，排骨一般，豬肚不夠焾，甚至有點硬，跟在新加坡飲的肉骨茶，相差甚遠埋單連加一，共計二百餘元的下午茶餐，以價格來說不算太貴但也不便宜，主要是食物質量C P值不高，總體來說，很失望，不推薦
繼續閱讀
銅鑼灣時代廣場有食通天大家都知😂差唔多層層都有唔同餐廳俾大家揀去完shopping梗係要食啲野醫肚嚟到呢間食新加坡菜嘅餐廳🍴門口見到有二人/四人餐 見幾抵試下啦‼️😌二人套餐B $328/2櫻花蝦柚子沙律🥗沙律中滿滿櫻花蝦加埋鮮豔嘅柚子色彩鮮明非常吸引 聞落已經有酸酸甜甜味兩者嘅鮮味及酸爽相互融合帶來幾爽嘅咀嚼感 好多柚子水汁味道啱啱好又開胃🤤鹹蛋黃單骨雞翼(6件 )每件單骨雞翼都均勻地裹住金黃鹹蛋黃醬色澤誘人 仲有香噴噴濃郁嘅鹹蛋黃味道💕外層外皮好夠酥脆 內部雞肉幾嫩多汁口感極佳 最啱我呢啲鍾意食香口野嘅人😂白胡椒肉骨茶肉骨茶賣相唔錯 可惜飲落唔夠熱辣辣😢湯中白胡椒味都唔夠重 吊唔起個味但都有2-3件肉排🥩味道唔錯 肉都易離骨香料唔算多 仲有一嚿蒜頭🧄蝦頭油炒椰菜苗呢個都麻麻地🥲雖然睇落幾嫩綠但其實炒得幾老 要啲牙力 至於蝦頭油真係有落嘅 但唔覺得落咗有分別參峇蟹肉配炸饅頭口感豐富多樣 蟹肉幾鮮嫩 一絲絲喺個汁度炸饅外層酥脆 咬落去發出脆脆聲音內部鬆軟綿密 咬一啖再點 嗦曬啲醬汁鹹香味幾足幾獨特 第一次食呢個味😃海鹽雪糕椰汁珍多冰雪糕帶有微微嘅鹹味 配落偏甜嘅珍多冰唔錯好多料喺底 整體偏甜但好涼爽😌熱香茅鮮橙茶杯茶有一種清新嘅香茅味 同新鮮橙汁嘅酸甜幾夾入口先係茅香嘅清香 跟住就係橙汁嘅鮮甜而且有啲微微嘅熱度 喝落去暖胃又解渴👍🏻
繼續閱讀
行街去銅鑼灣時代廣場，順便食埋嘢先，上次經過 "花漾"都已經想食，見到要排隊所以卻步，今日避開繁忙時間，就可以一嚐新加坡美食啦！餐廳裝潢帶有古典氣息，環境雅致，座位闊落又多打卡位，加上店員有禮介紹，值得一讚！餐廳主打海南雞、喇沙、蝦麵同埋肉骨茶、特式小食、甜品等，款款都唔錯。花漾海南雞飯拼喇沙米線 $108海南雞肉份外軟滑，雞皮爽薄，食起嚟嫩滑有彈性，淺黃色嘅油飯香氣十足，份外好吃，另外三色醬用左黑醬油、薑蓉及辣椒醬，用嚟沾上海南雞特別香醇美味，菜心鮮甜。依份係雙拼，另一款係喇沙米線，濃郁嘅湯底，好重椰香及香料味，有少少似冬蔭功，但係呢碗唔辣嘅，與多種海鮮一齊配搭，味道更濃更香甜。新加坡喇沙摻摻 $78麵條可以揀摻摻或米線，我就較喜歡摻摻，有兩種不同麵係油麵加米粉，加埋一齊原來係幾夾，材料有大蝦、魚蛋、魚片、雞蛋、四季豆，好豐富，大蝦彈牙爽口，豆卜吸到喇沙湯嘅精華，味道香濃，帶少許微辣，食落特別惹味。芝士蟹粉蟹肉焗酥盒 $75精緻美點的酥盒，外脆內熱，蟹粉蟹肉味道鹹香，小食材料新鮮，鬆脆可口。椰青 (+$22) 飲品我選擇咗椰青，清清甜甜，椰子味潤喉，口感清新。桔仔話梅水酸酸甜甜特別醒胃，呢幾日天氣又熱又濕，適合不過。
繼續閱讀
2024年3月6日 星期三今晚放工之後去到銅鑼灣行下街，行完時代廣場之後就諗住喺附近搵間餐廳食飯見到呢間餐廳好似唔錯咁，燈光好光猛，而且裏面嘅裝修都好雅致，暫時未到繁忙時段，所以唔算太多客人，唔需要等位就可以入座，坐低咗之後先發覺原來每張枱都係卡位黎，所以坐得好舒適餐牌上面都有好多食物可以選擇，餐廳推介嘅食物都好吸引，圖文並茂，而且仲有最新推介嘅冬日暖鍋添，不過驚兩個人食唔晒，所以最後點咗幾個菜式同飲品就算，價錢喺銅鑼灣嚟講都算合理飲品等咗冇幾耐就嚟到，係海鹽雪糕椰汁珍多冰，海鹽雪糕鹹鹹甜甜咁，味道幾特別，同椰汁珍多冰都幾配合，而且飲品夠晒冰凍，一飲落去成個喉嚨已經爽晒之後食物開始陸續送上，有街頭串燒拼盤，分別有燒蝦、燒魷魚同雞肉串燒，全部都燒得好香，加埋沙嗲汁一齊食就更加惹味，而且蝦已經剝晒殼，食起上嚟更加方便，魷魚都好有咬口完全唔韌，雞肉食落去都好嫩滑呢個係鹹蛋黃單骨雞翼，整得非常之入味，每一啖都食到濃郁嘅鹹蛋黃香味，又唔會太過鹹，味道啱啱好，如果份量再多啲就更加好最後有新加坡炒粿條，份量都幾多，足夠兩個人食用，而且有好多配料，例如大蝦、花生、臘腸同青瓜等等，加埋青檸汁再撈埋一齊食，味道會更加豐富，食落去都唔會覺得好油膩，粿條幾彈牙，食晒成碟都真係幾飽埋單每人$200左右，坐得非常舒適，亦都好享受呢一餐晚飯
繼續閱讀
搵位度：🌟🌟🌟抵食度：🌟🌟好食度：🌟🌟🌟🌟🌟喺銅鑼灣時代廣場入面都有依間裝修時尚，但係味道相當之正宗嘅新加坡菜。咁今日lunch呢都試咗幾味，主打嘅菜式啊，包括係佢嘅白胡椒肉骨茶啦，喇沙侵侵，同埋海南雞飯。先講肉骨茶啦，口味係相當正宗，而且舊排骨呢比起新加坡更加好食，特別係嗰兩粒仲連住條筋嘅大蒜，簡直同新加坡係一模一樣。不過我個人鍾意食黑肉骨茶多少少。喇沙方面口味都同新加坡食嘅一模一樣，爭少少呢就係冇嗰度食咁辣，唔肯定有冇得叫佢加辣咁我估計都係因應香港本地口味有所調整。咁海南雞飯一般呢都係比新加坡當地食更加滑嘅，咁佢又呢我就未算太欣賞香港有唔少地方呢都會好食過佢，但係總體口味上都係正宗。Lunch價格每份都要接近$100不過都有杯特色嘢飲可以飲。
繼續閱讀