花漾

營業中

休息中

餐廳：花漾地點：銅鑼灣時代廣場菜式：新加坡菜餐牌：餐牌有花漾推介，花漾小食，味遊新加坡菜式，地道星馬菜式，街頭串燒，甜品，飲品等等，啤酒都有。另收加一。海南雞飯拼喇沙米線 $128 另加一呢款餐可以一次試兩款招牌食品海南雞飯同喇沙米線，正！海南雞有脾有胸有翼，份量都唔少，雞肉頗嫩，配上typical三色醬比你自己調味。伴有青瓜幾舊解膩。雞油飯大大碗，濕潤度剛好，味道唔錯。喇沙米線係細碗。米線係白色幼身米線，滑溜煙韌，係好正嘅口感。個喇沙湯又香又滑，梛汁又夠，辣度剛好。配料有去殼蝦半隻，炸魚蛋條幾條，豆卜兩件，半隻糖心蛋。豆卜吸汁，糖心蛋個心好滑。仲有爽口芽菜同紫洋蔥加添口感。細細碗都可以滿足食喇沙既慾望。巴東牛肉 $128 另加一巴東牛肉份量好多，大舊肉都唔少，質感都可以。個汁味道濃厚，好惹味。配有花生米，脆魚乾，脆脆碎，又香口又有多重口感。伴有青瓜，車厘茄同紫洋蔥可減膩。餐牌有一隻辣椒，味道只係少少辣。餸飯正。參峇醬燒豬頸肉 $88 另加一參峇醬燒豬頸肉一客8片，切割好有心思，燒得脆脆地而肉質爽口，好味道。伴有青瓜粒，紫洋蔥絲同車厘茄可解膩。個參峇醬另上，少少辣，好惹味。今餐最鍾意喇

因為之前用消費券系times square 買野 換左幾張coupon. 今日專登黎食飯唔好浪費🤭 ⭐️呢間野有得用GULU 拎飛架 唔好傻豬豬去禁飛 ！！！⭐️有得用timesquare coupon 加一分😂1️⃣喇沙米線 睇相就睇到 湯有啲多 搞到賣相唔靚🤣 但係湯係濃嘅 不過蝦都ok 新鮮👍🏻 係有啲貴囉 不過timesquare 都冇平野架啦2️⃣海南雞飯 👍🏻份量多👍🏻雞油飯粒粒分明😕雞冇雞味 但普遍都滑嘅😕比我嘅部位唔靚 冇雞脾

假日既下午茶時間三點幾係銅鑼灣搵食😝誤打誤撞黎左食呢間星馬餐廳餐廳位於時代廣場6樓，假日人流都唔算多，唔洗等位餐廳裝修同餐牌設計都好似另一間星馬餐廳Kaya，唔知係米姐妹餐廳呢🤔假日餐廳冇Tea Menu，都係單叫餐牌上既Item味道出奇地好唔錯👍🍜海南雞飯拼喇沙米線（$138）揀左呢款有麵又有飯😍本身諗住麵應該得細細碗兩啖食晒點知都有幾大碗，一個人食都應該食唔晒兩樣🤣喇沙湯底偏辣，但可接受，亦好濃味😋而且好有誠意好足料，有流心蛋、蝦、魚丸米線亦都彈牙，唔會話浸得耐林晒👍海南雞亦都好嫩滑，點埋啲醬一流油飯就冇乜油香味整體黎講係有驚喜，好食💯🍝李先生辣椒板麵配魚丸湯（$92）呢個就似係雜錦拌麵，有肉碎、花生、菜脯同唔同既脆脆有驚喜既係加左啲脆香既魚仔，好香口❣加埋半熟蛋撈埋一齊食好豐富😍另外魚丸湯就似清雞湯，配埋重口味既拌麵就可以平衡返/😋食物質素：8/10🍽️用餐環境：8/10💰性價比：7/10👣回頭率：8/10/📌花漾銅鑼灣勿地臣街1號時代廣場6樓625-626號鋪