花椒八角

營業中

休息中

頭先一家大細喺東薈城行街街，行到肚餓，即刻搵下附近有咩好嘢食，搵到呢間裝修有味道嘅餐廳，試下先：環境：店外有個小廣場，可以打打咭，唔錯。店內裝修好有香港味道，有好多香港特色嘅照片，有明星，有活動，好有港味。👍👍👍另外，店舖地方夠大，坐得都舒服。服務：服務員好有禮勤快，控菜都做得唔錯，清潔都做得好足。👍食物：蒜蓉手拍青瓜，蒜蓉味香，青瓜好新鮮好爽。👍經典薯條，脆熱，好食大型連鎖店，幾好。椒鹽茶樹菇，呢個非常出色，茶樹菇唔會乾，配埋椒鹽突顯菇未，而且唔會油膩，再配上腰果，無得輸👍👍👍豬骨湯底烤鱸魚，湯底清而味濃，鱸魚烤到有輕炸嘅效果，不帶腥，魚肉夠實，又係一款傑作。👍👍👍薑蔥霸王雞，雞肉滑，有雞味，個汁亦校得好好👍👍鳳梨咕嚕魚柳，小朋友恩物，醬汁開胃又好味，魚肉爽實👍👍椒鹽鮮魷，個喼汁應該佢自己調校，我覺得ok, 我個仔就覺得好正。擂沙芝麻湯丸，芝麻味濃郁，小小甜，食完好滿足。👍👍四川鮮果冰粉，好清新，有芒果汁吊味，我囡囡好歡喜。👍蘋果汁，我無份飲青檸梳打，我無份飲總結：4個人食咁多嘢，再加少少飲品配菜，都係人頭300, 而且喺下午5點後，只要喺佢哋社交平台home page Like 下

去完昂坪360腳仔已經有啲攰,遠處看見呢間店,就同老公講,我唔行喇！喺呢度食飯啦！原以為只得川辣食物,睇咗餐牌,發現選擇都幾多,仲可以揀辣度。🔸四川煙燻樟茶鴨(半隻)半隻鴨份量很足,鴨有煙燻香味,鴨皮酥香,肉質有嚼勁,味道鹹香,最重要連肥膏都有油香,食埋佢真係好邪惡。🔸椒鹽法國鵪鶉髀鵪鶉髀很酥香,外面香脆,內裏肉嫩滑多汁,而且冇油膩感,食到微微的椒鹽香。🔸招牌蒜泥白肉薄切的白肉包著薄切的青瓜片,上面加了蒜泥蓉,配上辣汁,白肉肉質爽口,味道辣得黎有青瓜的清甜和蒜味。🔸萵筍絲(熗炒)萵筍可以揀清炒/熗炒/青椒。最後試咗熗炒。萵筍絲都幾爽,味道酸酸辣辣。🔸麻婆豆腐蝦球豆腐軟滑,蝦隻索汁,味道辣辣酸酸甜甜,咁惹味一定要跟個白飯。🔸生磨杏汁燉白肺湯白肺湯味道濃郁,杏汁味很濃,連豬肺都有杏汁香,難得👍🏻！豬肺質地軟身冇異味。我覺得四川煙燻樟茶鴨和椒鹽法國鵪鶉髀都值得一試,Like Facebook,埋單仲有9折,正呀👍🏻！

星期日和家人去大佛，晚上就到纜車站附近食晚飯，花椒八角就在東涌纜車站旁，主要以川菜為主，餐館裝修幾有香港特色，環境舒適。招牌蒜泥白肉，可選不辣，蒜泥好香，白肉嫩滑爽口，夾著青瓜片，一點膩的感覺也沒有，蒜泥的微辛提升白肉的美味。蒜片牛肉粒，好香口惹味，牛肉粒不乾，肉質緊緻，加上炸香了的蒜片，食完一粒又一粒。椒鹽茶樹菇，比預期好味，茶樹菇好香脆，但又不會柴，配有炸腰果，脆脆的，令人停不了嘴，值得推介。鳳梨咕嚕蝦球，蝦球都幾大隻，而且彈牙爽口，加上菠蘿和彩椒，顏色吸引，甜酸度恰當，不會太甜，好開胃。金銀蒜蒸扇貝，好大隻，肉夠厚，有鮮味，粉絲夾雜著蒜蓉，好入味，相當不錯。四川煙燻樟茶鴨，外皮酥脆，肉質鮮嫩，有淡淡的煙燻香味，入口完全沒有油膩感，這道菜不是在一般餐能食到。埋單時還有驚喜，原來7：30前埋單可享全單6.8折，而我們是8：30前埋單，也可享8折，而且like 餐廳的社交平台 更可享免加一優惠，真係幾抵食。

上星期去東薈城逞逛街，晚上和朋友到纜車站附近的花椒八角食川菜，餐廳環境好舒服，鋪滿香港特色的相片，座位夠寬敞。四川煙燻樟茶鴨，是我很喜歡食的菜式，皮脆肉滑，鴨肉皮下油脂不多，有淡淡煙燻香味，與一般燒鴨的味道完全不同。金銀蛋浸香菜仔，白菜仔好新新鮮，入口爽甜，雖然是鹹蛋皮蛋浸煮，但不會太鹹，味道調得幾好。四川回鍋肉，相當惹味，有點辣，腩肉炸過再炒，比較乾身，不會覺得太油膩，有微微的脆感。鳳梨咕嚕蝦球，色彩豐富，蝦球好大隻，爽脆彈牙，甜酸度適中，不但蝦球好食，配菜都好好食。金銀蒜蒸扇貝，份量都算多，扇貝夠大隻，好鮮甜，粉絲更好食，入晒味，一定要試試。蒜泥白肉，蒜泥帶有天然的辛香，加上青瓜片，食起來有一種獨特的香味，完全不會感到白肉油膩。椰青冰冷鮮甜，十分解渴，食完一些帶辣的餸菜，來一個椰青，確是一流。如果7：30前埋單有6.8折，8：30埋單都可享8折，真係幾抵，like Facebook 更可免加一，超讚！

4隻扇貝有2隻係冇白色肉的,同經理講,佢補送鮮果涼粉,來到係冇鮮果,只有sauce,嬲到爆,冇下次,肉碎炒飯亦見唔到肉碎,怀疑佢將一隻扇貝分開做2隻,我諗因為碟扇貝儲印仔送,正價佢唔敢這樣做掛

七味豆腐：豆腐的滑嫩與香辣相結合，口感層次豐富。香料使得這道菜的味道非常獨特，既有香氣又有微微的辣味。豆腐吸收了調味料的風味，讓每一口都充滿驚喜。霸王辣子虎蝦：虎蝦肉質鮮嫩，搭配香辣的調味，讓人一口接一口，無法抗拒。這道菜的辣味十足，通常會使用大量的乾辣椒和香料，讓每一口都充滿刺激感，適合喜歡重口味的人。

成日嚟食～Lunch、下午茶好抵食又yummy😋午餐點主菜就有小食、飲品、糖水、飯/粥buffet下午茶除左有set仲有（$178）大大條烤魚+口水雞+自助任飲！當打風球、雷暴警告時仲有9折架！🔸自助小食每日不同，今次有麻辣豬肚絲、涼拌青瓜木耳腐竹有白飯、紅米飯、粥飲品有2款果茶、豆款甜品係好好味嘅綠豆沙👍🏻👍🏻👍🏻👍🏻👍🏻👍🏻👍🏻🔸酸菜魚（可揀辣度🌶️）聽經理講後廚換哂西川人班底難怪咁好食 夠酸、夠濃、夠麻香！魚超滑又大塊伴有不少芽菜、寬粉、萵筍、蓮藕好好味😋🔸麻辣香鍋好夠鑊氣！炒到好有焦香，麻辣醬好香濃惹味，蓮藕薯仔絲都炒得好脆，推介加豬腸，好好味。🔸椒鹽茶樹菇炸得好酥脆，配埋煙靭柔軟嘅茶樹菇，口感豐富，椒鹽口味送一流。🔸美極雞軟骨軟骨附近有雞肉雞皮，口感幾正！微微炸過，香口但又唔會乾，值得一試👍🏻

今日入大澳一日遊，探一探中華白海豚，天色已入黑就系東涌附近食晚飯。上OP一搜，搵到呢間#花椒八角 ，系價格比東涌商場內確為親民，而且位於纜車站旁邊，離地鐵只有十分鐘步程左右。餐廳座位好闊落，亦佈置成充滿舊香港特色，而另一面更可望到纜車行駛，附近仲個公園食完飯後可行一陣。生磨香汁燉白肺湯 $98乳白色的湯，內裡有豬肺、雞腳、豬肉等，豬肺洗得好乾淨，入口鮮嫩軟淋，一啲異味都冇!椒鹽茶樹菇 $88呢個煮法較為少見，椒鹽調味適中，唔會太油太咸，可以叫杯生啤黎小酌一下。川味肉崧炒飯 ＄98（小辣）一大碟炒飯，超香！雖屬於小辣，但辣椒份量都唔算少，炒得好乾身又帶點油味，粒粒分明!魚湯浸時蔬 ＄88奶白色嘅魚湯，胡淑味幾濃郁，系口腔內幾爽口。而時蔬為娃娃菜，清甜潤喉。四川煙燻樟茶鴨（半隻）$156烤焗上枱，煙燻味甚香，口感微微焦脆，骨架更為有香脆，鴨肉脂肪較少，味道一流!總體而言，菜色水準一流。口味濃淡適中，位置又可遠離人羣、遊客，有隱世秘密餐廳嘅感覺。

曾經有素友响 IG 同我傾開，問東涌有咩素食選擇，果刻真係答唔到，不過而家有喇，就係位於東涌達東路花園嘅「花椒八角」。🌶️💠公園之中如果有嘢食賣，一般都係小食亭賣吓燒賣，魚蛋，汽水咁，估佢唔到有間餐廳，仲要係川菜館，竟然仲有素食餐牌？😱心諗個餐牌如果有四五款素食揀都唔錯喇啩？望一望，前菜，小食，招牌川菜，湯羹，豆腐，蔬菜，麵飯，甜品，總共六十款素食選擇，我電話個 mon 太細爭啲裝唔哂個餐牌添，係時候要換手機。🤣菜式如果有需要走蛋，蔥，蒜，韭菜，或者有任何特別要求都可以同職員提出。辣度都可以揀喎，大中小辣，甚至走辣都得，即係連 BB 辣都食唔到嘅素友都可以同嗜辣嘅朋友一齊食飯。😋🤝🏻作為專做川菜嘅餐廳，佢哋菜式嘅辣同麻當然做得好出色，就算我本身唔係好食得辣，都覺得辣得好過癮。🤤🤤餐廳雖然唔响東薈城入面，但其實地鐵行過去係唔難（如果一個路痴同你講一個地方唔難搵，就真係好易搵 😂）。我要強調呢點係因為，試過响東薈城繁忙時間搵食就知道係幾困難，稍為平啲同好食啲嘅餐廳都要等位，何況仲要搵有素食嘅餐廳？所以去開東涌玩或者 shopping 嘅素友都值得過嚟呢度試一試。👍🏻

前幾日去東涌探朋友，晚上朋友帶我到花椒八角食晚飯，餐廳幾有特色整道牆都是香港的情懷，而且好濶落，感覺好舒服。酸菜鱸魚份量十足，好大盤，魚肉都好多塊，入口十分滑，滲著酸酸辣辣的味道，令人想一食再食，還配有萵荀、薯粉等，好幾個人都夠食。金銀蛋浸時蔬，菜很新鮮，有軟中帶脆的感覺，淡淡的咸蛋味使清湯提味，不錯。蒜片牛柳粒，牛柳粒軟滑，味道香濃，加上蒜片的香，十分惹味。今晚主角之一煙燻樟茶鴨，我已很好無食這道菜，令我有點期待。賣相不錯，幾吸引，外皮微脆，肉質結實而有彈性，帶有香濃的煙燻味，果然沒令我失望，好味。椒鹽鮮魷，炸粉厚度適中，炸得十分酥脆香口，魷魚好彈牙，不會覺得太油膩。草莓沙冰，看著廚師即用新鮮草莓打成沙冰，草莓味特別香濃，大熱天時飲杯沙冰，真爽

上星期去完大佛坐吊車到東涌，發現有間幾特色的餐廳，就在吊車站附近，餐廳環境幾舒適，而且好有香港特色。四川煙燻樟茶鴨，有好香的煙燻味，鴨皮酥脆，肉質緊緻入味，經過煙燻油脂減少，一點都不膩口。蒜片牛柳粒，聞到陣陣蒜香，牛柳粒軟滑可口，好惹味，沒有多餘的汁醬。酸菜鱸魚，好大盤，份量十足，金湯底酸酸辣辣好好味，鱸魚超嫩滑，火候掌握恰到好處，而且都幾多，再配上萵荀、濶薯粉，十分豐富。乾扁四季豆，好香口，夠乾身，四季豆夠新鮮爽口，炒得相當入味，真的有停不了口的感覺。黃金鮮魷，用蛋黃醬包裹脆炸的鮮魷，有香濃的蛋黃味，又有一種淡淡的奶香味，幾特別，入口完全不覺膩。草莓沙冰，即場用新鮮草莓打成，草莓味好濃郁，冰冰涼涼消暑一流，如能少甜一些更好飲。

就在東涌纜車站隔離，有一間川菜餐廳，在公園中間唯一一間餐廳，很有度假的感覺，嘻嘻反光玻璃仍可望見山上纜車的風景呢，十分寫意、難得！川味肉鬆炒飯 $98很有鑊氣，炒飯粒粒分明，有淡淡的民族風川味，加上肉鬆十分香，整碟份量雖然大，但太美味很快就吃完了😂烤爐魚，四川麻辣湯底（大辣）$338午餐肉 +$48 枱身設計可以放到一盤烤魚，對於兩個人食好大份，入面還有很多其他的配料，有薯粉、豆芽、蓮藕。湯底麻辣鮮香，十分惹味，爐魚好多肉，魚香味濃厚、肉質嫩滑。酸辣土豆絲 $78很大兜非常划算！土豆絲清爽惹味，酸酸辣辣的口味，酸味突出，適合在夏天吃的小食，開胃清脆可口。吃完飯之後出來看看，感覺有黃昏天空的襯托更添寫意呢。

今天特地過來東涌乘搭䌫車，回程已是傍晚。纜車站旁就看到這家花椒八角，又攰又餓，也不想再到處逛，就進去晚餐吧！這𥚃環境非常明亮又整潔，有禮的服務員為我們介紹菜式。四川煙燻樟茶鴨 半隻 $158樟茶鴨煙燻入味，肉質軟嫩，帶煙燻茶香的鴨皮，油脂香溢，很有水準！霸王辣子大腸 $168大腸軟中帶爽，沒有異味，清洗得很乾淨。越吃越辣、越吃越滋味。雞絲粉皮 $58雞絲有雞味，粉皮通透，芝麻醬份量剛好，不會太黏口。蒜蓉炒手拍青瓜 $48青瓜很新鮮、很爽脆，微辣開胃。青檸梳打 $38鮮檸特飲 $38新鮮的檸檬清香，尤其強烈，又清新又降暑。

曾到過四川旅行，吃過當地的正宗川菜，回港就再也未嚐那滋味。這次遊覽完昂坪360後，在附近一家知名的四川特色餐廳「花椒八角」，品嚐到的四道招牌川菜，我彷彿穿越回到在四川旅遊的美好時光。首先上桌的是經典的「秘製麻辣口水雞」（$78）。外表金黃鮮嫩的雞肉片，散發出陣陣麻辣誘人的香氣，一入口便感受到舌尖上化開的麻麻辣辣，伴隨著濃郁的花椒和蒜香。雞肉肉質鮮嫩多汁，咀嚼之下迸發出豐富的口感層次，令人難忘。接下來是「酸辣秋葵」（$52），翠綠欲滴的秋葵條，在高溫下迅速煸炒，保留了蔬菜的爽脆口感。秋葵條擺盤精美，淋灑其上的酸辣醬料，更是讓人胃口大開。酸中帶甜，辣中帶香，讓人忍不住一口接一口。餐桌上的重量級選手非「乾鍋黃鱔片」（$238）莫屬。黑亮的鱔片在高溫下迅速煸炒，表面金黃酥脆。爆香的蒜泥、麻辣的紅椒，再加上四川獨有的花椒,中，在高溫下迸發出陣陣誘人的香氣，咬下去卻是鮮嫩多汁的內裡，與鱔魚片完美融合。麻辣交織，回甘悠長，令人食指大動。最後一道「四川煙燻樟茶鴨」（$158）則展現了四川菜的另一面。鴨肉均勻滲透著樟茶的清香，嚼勁十足，回甘綿長，讓人陶醉其中。樟茶特有的清新香氣，與鴨肉的鮮美味道完美融合

自從 AsiaWorld-Expo 成為香港其中一個主要表演場地之後，我呢個 #鏡粉 周不時都會走入 #東涌 搵食，行吓買下先至入場😉 呢晚 #Edan 聯到幾位歌手開show，咁興奮嘅時刻，又點少得 #小秘書 嚟助興🥳 喺出發之前，梗係要醫飽個肚先至有力嗌㗎嘛🤣🤣 聽講喺 #纜車站 附近開咗間「隱世川菜館」 #花椒八角，餐廳設計夠晒chill之餘，食物品質都唔錯，當然要試吓師傅嘅手勢啦😚我哋嚟到餐廳大概係下晝五點左右，仲趕得切食 #下午茶 時間😉 咪以為我哋嚟食 #西多士 咁簡單，原來佢哋嘅下午茶除咗有炒粉麵之外，居然過分到可以叫 #烤魚 或者 #酸菜魚 做主食，價錢都只係$208（已包含$30轉食鱸魚嘅附加費）仲要包埋碟 #口水雞🐥 以香港人嘅消費模式，實在難得一見😚 我哋揀咗 #川椒麻辣 做湯底，#雲耳、#大豆芽 同 #水晶粉 浸喺熱辣辣嘅湯鍋裏面，當然唔少得大大條 #鱸魚 做呢餐嘅主角啦😉 師傅將鱸魚炮製得皮脆肉嫩，再配埋個川椒麻辣湯入口，份外惹味🤤 而跟餐嘅口水雞品質一啲都唔馬虎，特製嘅醬汁掛喺雞件上面，加埋啲香蔥花生水一齊食，確實有另一班風味🤤 而另外再叫嘅下午茶餐 #乾