花椒八角

營業中

休息中

今日終於可以食到心心念念想食既川菜，自己其實五系好中意食辣野，但上次同男朋友經過食完覺得好唔錯，今次又特登行過來食啦。因爲男朋友住東涌，所以我成日都會入東涌穩好野食，上次好肚餓又剛好經過呢到，見到就入左去食，本來五抱住咩期望既我只係想快D有得食，點知真係好好食。我五食得辣，今次就叫左咕嚕魚柳（哈哈估吾到川菜餐廳有得食咕嚕魚柳），熱辣辣上菜，我好驚係擺左好耐個D來，但完全吾會。另外我地仲叫左芥末秋葵、蒜泥白肉，全部都水準以上，而且都不算好辣，可以接受。男朋友就試左最近個個小龍蝦任食，我就無食到，不過佢話鹹蛋黃味小龍蝦好驚喜，外面就算係返大陸都未必有得食呢隻味，所以佢都真係食左好多。

睇到 社交平台今日有$188/位 任食小龍蝦，即刻黎試一下！任食有四款口味，有辣有唔辣，其實都幾抵食，$188可以食嗮甘多口味，本身以為靜係可以揀一款口味，點知原黎可以一次食嗮4個味！本人比較鐘意食辣子口味，比較香辣同入味，如果想要唔辣可以揀蛋黃口味，都幾足料每隻都沾滿咸蛋黃！我見星期一二三仲有$10優惠菜式，下次再同朋友試下先，不過優惠去到9月尾，唔知9月之後會唔會有新優惠呢？期待一下先~

餐廳在昂坪360纜車站下方，那裡只有一間餐廳，有點隱世，但也挺舒服和安靜的。午餐以半自助形式，點了主菜後就可以自己到自助區拿前菜，飯有白飯和紅米飯，而且是任添的，如果熱氣還有粥可以選，飲品方面有熱飲和凍飲，推薦水蜜桃茶，有蜜桃香也不會太甜。主菜做得挺精緻和乾淨的，本來以為這個價錢沒有太大的期待，但真的出乎意料的抵食和好食！主菜都落足配料，菠蘿咕嚕魚柳，配菜都很鮮色，應該是即叫即煮的，魚柳外層脆脆的，內裡魚肉嫩滑，味道也不錯。麻婆豆腐，感覺和平時港式餐廳吃的有點不同，辣汁比較香，豆腐很滑也很香豆味，較有四川風味！

叫左個lunch set , 有飯有嘢飲, 我揀$68宮保雞丁, 有齊麻,酸,甜雞肉都夠鮮嫩, 好餸飯! 餐廳環境幾特別, 有超大嘅玻璃圍住餐廳, 可以邊食邊睇風景, 而且採光特別好, 下次應該會試下佢個晚市

東涌隱世川菜-花椒八角去完東涌outlet, 搵搵下發現有間隱世川菜，係360站附近，仲可以望到360架😗下午時間唔算多人，有set lunch不過我地散叫，叫左以下幾款：毛血旺-有幾款材料，例如毛肚、牛柏葉、魷魚，order 一樣可以試哂咁多野😂 川辣味濃🥵真係要點杯野飲😅清炒萵筍絲-食左辣野要中和返😅萵筍絲好爽口，都有啖啖蒜蓉味豉椒鵝腸-豉椒可以再濃味少少，鵝腸炒得啱啱好，係爽口架😗另外點左荔枝紅茶同檸檬特飲，味道正常有個小插曲，本身叫咗水煮牛，不過食落有陣水煮魚既味道，唔知邊個烹調步驟令到味道混合左🧐最後都好好咁返比我地(因為唔食魚🥲)

之前嚟附近食泰國菜，今日想刺激下味覺，試啲椒麻辣既重口味食物。設計係年代感style，梅姐、哥哥、梁朝偉既海報貼牆身，本土電影feel。又有港食同建築物相，有少少回憶情懷既味道。講下主食先，川味滷水拼盤︰分別有豬大腸、鴨血、雞腎，以及大量紅噹噹嘅辣椒，見到都即刻醒神晒。面頭有一層辣油，三款內臟沾滿湯汁，外表亮麗十足。豬大腸相對「索」水，食個陣要小心，比較容易一啖就吸啖辣湯而搶喉。之前無食過鴨血原來幾鮮味，又無想像中咁腥，少少似豬紅，係一個好既初嘗試。雞腎就唔係太突出，正常發揮，爽口唔韌。其實整體好惹味，而且份量多，同枱Share就岩岩好。自己一個人食應該會有啲膩，性價比都幾高。得閒入嚟Chill下，醒神。

父親節成家人諗住去搭昂坪入去玩，入去之前都係東涌食咗飯先。立眼見到附近有間另另些些嘅餐廳，就係呢間川粵菜😂但亦都因為唔係係商場，環境都好靚好舒服，可以見到纜車行過～😆咁其中有幾款想推薦吓嘅！😋川味滷水拼盤🌶️🌶️入面有豬大腸，鴨血，雞腎三款內臟！呢啲最啱襯辣椒，夠惹味之餘份量（同🌶️份量）都夠！金銀蛋浸時蔬🥚🥬食惹味嘢點都要有啲菜沖吓口，雖然係素菜，但夠清甜，配辣野嘅選擇！香油鹽水雞🐓送飯必備！鋪滿蔥蒜油，夠曬香，而且雞肉都皮滑肉嫩。去到未必使一定食辣野！佢地都有唔少鹹香菜式😋如果咁啱入東涌又想食川粵菜，呢度都可以一試！😉

哩間 平時只要想食川菜都會行過嚟食不論中午定夜晚今次諗唔到食咩就請經理員幫我哋發辦她貼心地問我哋有冇咩唔食我答我戒牛🐮 先生就咩都食等咗一陣 好快就上菜啦～.🔸孜然京葱爆牛肉（$98）用熱辣辣鐵板上，香氣撲鼻，京蔥好甜好好食，而由於上菜時冇提到是甚麼菜式，我以為係羊😂😂，所以食咗好幾件肉，真心講肉質真係好嫩滑，加上咸咸甜甜醬汁惹味，愛牛人士會喜歡。.🔸青椒清香桂花魚（$368）滿滿青藤椒、青椒，麻香辣得來個湯好清甜，帶少少酸甜味，桂花魚片肉厚嫩厚，煮得剛剛好唔會一夾就散，底下嘅麵好Q彈，配菜還有筍、菇類等。.🔸芒果沙冰（$40）❤️🔸鮮檸梳打（$38）好適合夏日嘅特飲，芒果香甜唔假，檸檬梳打清新解渴。.🔸紅絲絨蛋糕2件（$18）蛋糕鬆軟，濕潤度剛好，cream cheese好香，哩個幾有驚喜。👍🏻

難得去昂平360，梗係要去附近覓食啦，喺纜車站附近見到有間川菜餐廳「花椒八角」同東薈城都只係大概五分鐘路程，行完outlet拎住戰利品過嚟食飯最啱～ 餐廳裝修非常特別，以舊年代老香港為主題，餐廳環境好寬闊，啲樓底好高，有好大塊落地玻璃之外啲位仲好寬落‼️麻辣烤鱸魚好快就上檯了，我哋首先食左配菜先，配料有蓮藕、萵筍、雲耳，水晶粉等，有咗湯料嘅澆灌食落特別香🤤 估唔到未開賽我同朋友就已經用筷子夾起吸汁嘅水晶粉再暴風吸入口中，睇嚟呢一場係好激烈嘅賽事😂 魚身酥脆而微焦，喺紅油鮮亮嘅麻辣鍋入面熱氣沸騰，所以隔無耐我哋就開始食魚了，鱸魚肉多鮮嫩骨又唔多，雪白魚肉能直接從魚骨上刮下，食得好爽！宮保雞丁紅紅火火嘅一大碟宮保雞丁，一見到就覺得佢好吸引🔥 外焦內嘅雞肉嫩被淹沒喺辣椒堆中，有一種喺辣椒堆入面尋寶嘅感覺～每一粒雞肉都帶住辣椒過油後嘅濃香，配合花生嘅香脆，入口後舌尖先感覺到微微麻味，然後會有股甜甜哋嘅香氣衝擊味蕾，經過咀嚼之後又會有少少酸味，但又唔會太刺激，一粒接一粒根本停唔到！確認過眼神，佢就係我心目中嘅宮保雞丁了😚蒜泥白肉呢度菜一定要夠多蒜泥先至好味，呢到做得到，而我覺得最犀利係將蒜泥打成極

自從通關後，東涌周末既人流可以係用人山人海來形容，行個商場都迫到水洩不通，連帶食市都要等下先有位，如果下一次大家遇到呢個情況，介紹大家可以行下360🚊既方向，係游泳池隔離有個公園，而公園入面一間餐廳，俾鐘意食辣既大家過下口癮。餐廳其中一面可以望到纜車行駛，個景望出去好舒服。餐廳外面亦有個小迷宮，俾小朋友飯前飯後去放電。講下食物啦。杏汁豬肺燉湯, 好香既杏仁，奶味十足，而且都好大碗，夠平分俾三個人，豬肺塊好多，亦有雞腳，飲落又補又暖身。麻辣烤原條爐魚，呢個夠哂辣，我地嗌左小辣，但係因為花椒八角都好多，所以都好野味。魚既質地好滑，煮得啱啱好。大家睇下佢既擺法係好靚，絕對做到色香味俱全。呢個椒鹽秀珍茹絕對有驚喜，有椒鹽呢個煮法夠創新，啱哂平時唔鐘意食菜既朋友仔。椒鹽調味適中，唔會過咸過淡，秒ko既一個開冑前菜。👍酸辣土豆絲可能因為其他菜式太濃味，被搶了風頭。🤣不過土豆好幼細，條條分明，好爽口得來唔過硬。👍食得辣野多，梗係要嗌啲飲品降下温。男朋友同佢老友嗌左杯芒果沙冰，微清甜，奶味夠，而有芒果肉，好細心既一個位。而我嗌既士多啤梨𣲙冰，大家一致認為最好飲，正過芒果。呢杯同樣地有士多啤梨肉，奶味夠

約咗朋友去東涌踩單車，係東涌海濱附近試咗一間川菜館，出面既格局望落好chill,原來入面係食四川菜。呢間川菜位置都比較隱蔽，係纜車站附近，四周圍既環境好舒適，而且餐廳入面空間廣闊，我地六個人都坐得好舒服！呢度有好多款小菜食，但見到有得打邊爐，我地就即刻試咗！啲湯底都係好有川菜特色，我地叫咗麻辣同黑蒜豬骨，佢地仲有土匪湯底，但朋友唔好所以無叫到。麻辣湯底認真夠麻，再加多條爐魚，爐魚佢地有烤過，成條魚外脆內軟，為湯底加多一種鮮味！配埋肥牛真係一流，唔洗點啲邊爐醬，因為啲麻辣汁入曬係啲牛度！我地另外仲叫咗呢度招牌霸王辣子雞，一開頭比佢啲辣椒嚇親，川椒包住啲雞肉，啲雞肉唔嚡幾鮮嫩，最緊要夠麻！場內竟然仲會有live music band 邊吃邊有音樂享受

母親節咁啱係星期日放假，所以特登帶屋企人出咗去遠少少既地方行下。個日入咗東涌搭纜車入昂坪市集順便行天壇大佛，回程個陣咁啱見到呢間川菜，餐廳出面睇落唔似食川菜，出面有啲椰子樹比人感覺好悠閑，餐廳入面原來內裏乾坤，風格係走懷舊香港，幾有特色，而且空間夠大個人坐得舒服。我同我屋企人唔係話好肚餓，所以叫咗幾份涼菜小食麻辣口水雞、酸辣秋葵，雖然話係小食但份量十足！啲菜上得好快，隻口水雞啖啖肉同埋夠嫩，同埋無冰鮮雞個種雪味，夠曬麻，略嫌佢少咸，要餸飯食就啱啱好！酸辣秋葵我就第一次試，出面唔係間間川菜都有，平時出面食得多酸辣青瓜，今次試下呢個秋葵，出奇地比青瓜好食，一樣咁爽口同埋個酸辣汁夠開胃，而且夠凍，食完會想再食！價錢方面，雖然少貴，但味道同份量都值回票價。間餐廳除咗有地道既川菜，仲有得燒烤同打邊爐， 有機會再嚟試下佢呢度既酸菜魚同辣子雞。

去餐廳條路有點難搵 但我認為係值嘅😆因為真係非常高質 等我介紹吓俾大家先！蒜泥白肉🐷白肉係夾咗青瓜🥒係入面 食落唔會太油膩 另外蒜泥放得好平均 每一塊上面都有好多蒜🥰 本人好鐘意食蒜就非常滿足‼️ 同埋最緊要係塊塊都好多蒜 唔會一啲有一啲冇😝酸菜魚🐟最特別之處係呢個跟嘅係烏冬底👍🏻 並非常見嘅薯粉底 轉咗麵底 第一個感覺係好掛湯 但又不失薯粉嘅口感😍😍😍 另外酸菜魚最緊要就緊係條魚啦✨ 非常鮮甜 唔係淋啤啤另外因為口痕想小酌一下😳 所以叫咗支白酒試試佢🍶 但侍應話原來存貨已經唔多 我哋真係好彩呀🤭🤭 想試就真係要快手啲去食啦‼️

同屋企人第1次食東涌隱世好食嘅餐廳餐廳環境好舒服 唔多人價錢正正常常 服務又好上菜速度算快 適合重口味人士環境寬敞、一啲都唔逼間唔中都會有live Band👍🏻必食 烤魚、蒜泥白肉、宮保雞丁一定會再幫襯

昂坪360一落嚟搵嘢食見到一間好靚嘅餐廳，原來食辣嘢啱晒我餐廳座位好闊落，好配合東涌舒服嘅環境🌳過開嚟呢邊嘅朋友都可以一試叫咗個前菜酸辣秀球菌$68 好得意，第一次食依個菌類，有啲似雪耳，好爽口，加埋酸辣汁好開胃霸王辣子雞丁$198勁好食～雞肉炸得好嫩滑，腰果非常香脆👍🏻👍🏻會係再ENCORE 嘅菜式水煮龍脷柳$238龍脷柳啖啖肉唔會有骨，亦唔會一夾就散，水煮配菜都有好多：寬粉、芽菜、青瓜、豬紅、筍...份量都好多芒果沙冰$40解辣又解渴🥭唔會太甜士多啤梨沙冰$40又滑又香士多啤梨味🍓見到每一台都嗌一杯就知依到必叫😝