花椒八角

營業中

休息中

搭纜車的時候發現原本搭纜站樓下係有一間食川菜得餐廳，去完大佛之後晚上就去左食晚餐！餐廳菜式選擇頗多，連烤魚都有！！不過可惜我地得2個人怕食唔曬浪費，就叫左3個小菜。四川老譚酸菜桂花魚鮮嫩的魚肉在酸菜的襯托下別具一格，湯汁清亮容易入喉，酸菜的發酵香氣與魚肉的鮮非常融合，湯底帶有適中的酸辣，開胃解膩。魚肉切片精細，片片如桂花般舖陳，賞心悅目之餘更入口即化沒有任何魚骨。湯汁的層次感豐富，酸中帶甜，辣中有鮮，令人回味無窮。建議趁熱食用，感受魚肉的最佳口感。炒土豆絲刀土豆絲每根都均勻一致。炒製火候恰到好處，保持著清脆的口感又不生硬。色澤微微泛黃的，調味簡單卻入味！！醋香、蒜香與辣椒的香氣交織，讓這道看似普通的家常菜變得不平凡。土豆絲既不會太軟爛，又充分吸收了調味料的風味，是下飯的絕佳選擇。武隆尖椒雞這道重慶特色菜充分展現了川渝菜系的精髓。雞肉切塊大小適中，經過精心醃製，肉質鮮嫩多汁。尖椒的辣味恰到好處，不會蓋過雞肉的本味，反而將雞肉的鮮美襯托得更加出色。炒製時的高溫讓尖椒釋放出獨特的香氣，與雞肉完美融合。辣中帶香，椒香四溢卻不嗆辣配上一碗白米飯，絕對是下飯的好菜。

上星期去東薈城逞逛街，晚上和朋友到纜車站附近的花椒八角食川菜，餐廳環境好舒服，鋪滿香港特色的相片，座位夠寬敞。四川煙燻樟茶鴨，是我很喜歡食的菜式，皮脆肉滑，鴨肉皮下油脂不多，有淡淡煙燻香味，與一般燒鴨的味道完全不同。金銀蛋浸香菜仔，白菜仔好新新鮮，入口爽甜，雖然是鹹蛋皮蛋浸煮，但不會太鹹，味道調得幾好。四川回鍋肉，相當惹味，有點辣，腩肉炸過再炒，比較乾身，不會覺得太油膩，有微微的脆感。鳳梨咕嚕蝦球，色彩豐富，蝦球好大隻，爽脆彈牙，甜酸度適中，不但蝦球好食，配菜都好好食。金銀蒜蒸扇貝，份量都算多，扇貝夠大隻，好鮮甜，粉絲更好食，入晒味，一定要試試。蒜泥白肉，蒜泥帶有天然的辛香，加上青瓜片，食起來有一種獨特的香味，完全不會感到白肉油膩。椰青冰冷鮮甜，十分解渴，食完一些帶辣的餸菜，來一個椰青，確是一流。如果7：30前埋單有6.8折，8：30埋單都可享8折，真係幾抵，like Facebook 更可免加一，超讚！

今日黎到東涌行街街～行累左自然要搵野食於是喺附近搵吓餐廳食嘢，去到昂坪360纜車站附近，發現咗一間隱世酒吧餐廳餐廳內外環境舒適優美，有懷舊香港特色牆，有音樂，大電視機，鍾意睇波一流！今日食嘅美食係半自助式，飲品可以任飲，飯亦都有白飯及香草紅米飯選擇（任食），還有皮蛋瘦肉粥！最後有紅豆沙作為甜品飲品包括：蘋果紅茶，青檸水，荔枝紅茶，菊花茶。食物： 皮蛋瘦肉粥，白飯，香草紅米飯。甜品：紅豆沙。麻辣香鍋豬頸肉麻婆豆腐配香草紅米飯要讚揚一下店內員工！經理Jason及侍應阿D，佢地服務都好好👍🏽介紹唔同嘅食品俾我哋，切合唔同顧客嘅需要最後埋單都係$144，超級抵十分推薦俾大家！

平時真係好鍾意嚟食由四川主廚煮嘅酸菜魚真係好好食😋！用每日新鮮桂花魚嚟整 夠鮮、夠濃、夠酸，有辣度可揀。🟢近日餐廳推出超優惠：▪️凡點有海鮮嘅料理，即可用半價叫日本清酒🍶▪️星期二，每人叫滿$200餐點即可免費飲$200酒水🔸酸菜桂花魚（$398）🔸霸王辣子雞丁（$138）哩2道菜係每次嚟必食！酸菜魚超大兜，鮮桂花魚又滑又多肉，湯夠濃夠酸，會忍不住係咁飲，仲有寛粉、萵筍芽菜等，十分豐富。辣子雞丁炸得好香口，非常惹味，送酒一流。🔸椒鹽鮮魷（$138）🔸乾鍋雞軟骨拼大腸（$168）即炸鮮魷脆卜卜、熱辣辣！魷魚大塊厚肉彈牙，好香好好食😋！🔸魚湯浸時蔬（$88）🔸酸辣秋葵（$55）揀左娃娃菜，好爽甜，魚湯非常鮮甜，我忍唔住係咁飲！🔸椰青（$58）🔸Asahi （$48 HH）

和三五知己到東涌郊遊，回到市中心的時分已經是晚飯時分，路經了這一間之前和朋友嘗試過的餐廳，都不約而同贊成再戰一下很喜歡這一間餐廳雖然以川菜做主打，但是仍然照顧不同胃口的食客，提供不少其他廣東中菜小炒菜式兩三個麻甩佬最適合是先來啤酒和豉油王炒麵，不得不說這一間餐廳的酒精優惠推廣，他們星期二每消費$200 ，即可享用同樣$200酒精類飲品,此為只要讚好他們的社交平台 ，星期一至五也可以獲得九折優惠，非常超值，豉油王炒麵的棉質爽口彈牙，配搭濃濃的鑊氣香，非常惹味薑蔥霸王雞， 非常高質素的霸王雞，薑蔥的香氣沾滿整到菜式，另外雞肉的處理火候非常不足，即使係雞胸部位同樣軟熟，配搭濃濃的薑蔥醬油和花生油香，非常滿足蒜蓉粉絲蒸扇貝，大大隻的扇貝配搭不吝嗇的金銀蒜蓉，入口10級享受，扇貝肉質彈牙爽口，配搭粉絲和蒜蓉是完美的配搭餐廳亦提供新鮮椰青，入口清新，沒有想過原來椰青配搭川菜非常合適四川鮮果冰粉，晚飯過後最後來了一道甜品，冰粉配搭香甜的芒果非常配搭，入口舒適，飲完啤酒之後品嚐一客非常滿足

偶爾到東涌逛一逛outlet, 晚飯時間想起了這一間之前嘗試過的中菜廳，位於纜車站下面的戶外地區，之前的味道和環境都令我帶有深刻印象以川菜作為主打的中菜廳，可是亦有不少廣東小炒，適合喜歡不同中菜系的朋友上次都有嘗試過的金沙蛋黃蝦球，蛋黃醬汁非常濃郁，掛滿每一隻爽口彈牙的大蝦球，十分推薦的小菜金銀蒜蓉粉絲蒸扇貝，扇貝大隻彈牙，此外本身只是點了四隻，但是餐廳附送多一隻，蒜蓉的香氣沾滿整一隻扇貝，配搭粉絲食用，非常惹味，白飯的最佳配搭香油海蜇頭，非常開胃的前菜，入口微酸香，配搭海蜇頭的彈牙爽脆，惹味手撕包菜，每次到川菜店必點的菜式，椰菜爽脆配搭酸香麻辣的調味非常開胃這一間不是在於商場內的餐廳，環境舒適而且食物高質素，每次過來東涌的時候都會想起它，值得讓更多人知道

呢晚同朋友一齊嚟咗呢間有川菜又有粵菜仲有港菜嘅餐廳食晚餐🤣$98「豉椒炒豬頸肉」：豬頸肉油脂充足非常甘香，加埋紅椒、青椒、洋蔥、豆豉一齊炒，香口又好食🤩$148「薑蔥霸王雞」：雞肉不同部位有不同口感但係基本上都夠滑，仲加咗大量薑絲同埋蔥絲，更加好味🤣$78「清炒萵筍絲」 ：萵筍切成幼條，清炒好爽脆、好食😋，仲好大碟㖭🤩$78「拍蒜炒時蔬」：時蔬揀咗「菜心」，「菜心」新鮮爽脆，拍蒜炒簡單幾好食🤣$118「星洲炒米」：唔算好辣又炒得幾香口，有齊「星洲炒米」嘅基本材料例如 蝦仁、雞蛋、紅椒絲、芽菜 等🤣$38 San Pellegrino (Sparkling)：我不嬲都鍾意呢個意大利🇮🇹品牌嘅礦泉水，食中菜配意大利🇮🇹礦泉水竟然出奇地夾🤩，兼清新好飲🤣

之前同埋啲朋友嚟緊Hidden Heat！真係好開心可以同大家一齊享受美食！佢哋嘅川粵菜系列簡直係無懈可擊！可以照顧到唔同人士嘅口味，就算係唔食得辣嘅朋友 ，都可以有其他嘅選擇。服務員態度又好，而且菜式真係令人回味無窮！真係唔好錯過啊！快啲約埋朋友嚟Hidden Heat 一齊食飯啦！#HiddenHeat #美食同享 #好友相伴

餐廳環境清幽恬靜♥️座位空間寬敞舒適晚市菜式選擇有好多✨四川煙燻樟茶鴨製作步驟繁多嘅樟茶樹煙燻鴨蒸熟再炸😍皮脆肉嫩肉汁豐富🫶🏼有淡淡煙燻香味食完真係齒頰留香㗎😋✨秘製麻辣口水雞川菜經典菜式🥰雞皮爽口、雞肉嫩滑麻、香、辣🔥夠晒惹味✨七味豆腐炸到色澤金金黃黃🤤外脆內嫩👏🏼👏🏼配上味道七味粉仲有無敵炸蒜😆食到停唔到口✨熗炒萵荀絲四川熗炒帶出麻同鮮味清香萵荀絲👍🏼口感爽脆✨生磨杏汁燉白肺湯杏汁香濃💕湯汁清甜秋冬天氣飲就啱晒喇‼️可以補肺、滋潤、養顏🤩✨玉桂紅糖糍粑口感軟糯😋玉桂粉、紅糖清甜美味✨鮮檸特飲酸酸甜甜好清新開胃👍🏼食多少少都唔怕滯

朋友介紹東涌一間出色川菜館，今晚特來嚐嚐我最喜歡的麻辣川菜。餐廳在昂坪360東涌纜車站旁，獨立建築，門面廣闊，別具氣派。臨近聖誕，餐廳佈置了不少聖誕裝飾，充滿節日氣氛。內部裝修雅潔，座位寬敞舒適，牆上掛上香港經典電影的燈箱，令人回味七、八十年代的輝煌。環境清幽，很適合家庭歡聚或休閒晚膳。餐牌上有多款精美川粵菜可以選擇，我被內容豐富的川菜二人套餐所吸引。「四川煙燻樟茶鴨」二人套餐花椒三小碟：「蒜泥白肉」、「夫妻肺片」、「手拍黃瓜」，經典川味前菜，牛肚、牛𦟌爽口入味，麻辣惹味，黃瓜爽脆，蒜香白肉份外美味，是令人醒胃的前菜。滋補燉湯：「川弓天麻燉魚頭湯」，材料豐富，由魚頭、豬骨、瘦肉、多種中藥材淆製而成，味道濃郁。「生磨杏汁燉白肺湯」，真材實料，有豬肺、雞腳、瘦肉、白果，杏汁味濃，清甜潤肺。「乾鍋椰菜花豆乾」一大鍋紅彤彤的辣椒，用微火暖住，加上炒香豆乾及椰菜花，香辣味道，令人意想不到，正是我要的川菜味道。「煙燻樟茶鴨」主角出場，醬香撲鼻，外皮酥脆，鴨肉入味，口感非常好。「川味肉鬆炒飯」雞蛋肉鬆醬油炒飯，夠鑊氣，炒得香噴噴，少少辣，多滋味。精美甜品：「四川鮮果冰粉」，冰粉配上新鮮芒果粒，不太甜

今日晏晝同兩個朋友第一次嚟試呢間纜車站下便嘅川菜佢哋有半自助套餐，同埋單點小菜我哋兩樣都試咗因為今日食素，所以全部嗌咗無肉小菜以素食菜品嚟講呢間餐廳都算多選擇！坐到大約一點都見佢哋基本full hose樓面侍應得三個，好忙啊但佢哋都盡心盡力，態度好好最後有個湯羹食唔晒打包侍應哥哥好主動幫我見佢放完入外賣盒 仲要喺出邊包咗幾層保鮮紙我食完拎住個外賣 再行咗幾個鐘街先返屋企一滴都冇漏出嚟！👍🏼小小舉動但好貼心特登上嚟寫返個好評😊

和朋友去東涌逛特賣場，順道在具川菜風味的花椒八角餐廳晚餐，體驗了其令人難忘的美食和服務。餐廳的環境十分雅致，一進門便能感受到一股溫馨的氣息。寬敞的空間和柔和的燈光，讓人倍感舒適。牆上掛著一些具有香港特色的照片，增添了幾分本地風情。店員們的服務也十分周到。他們面帶微笑，熱情地迎接每一位顧客。從點餐到上菜，每一個環節都顯得井然有序。說到食物，花椒八角餐廳的菜品真是讓人讚不絕口。首先，蒜蓉手拍青瓜是一道清爽的開胃菜。青瓜被拍打得恰到好處，保留了脆嫩的口感，蒜蓉的香氣更是提升了整道菜的風味。炸薯條外酥裡嫩，金黃的色澤讓人食欲大增。每一根薯條都裹滿了香脆的炸衣，咬上一口，滿口留香。椒鹽茶樹菇是一道香脆可口的下酒菜。茶樹菇經過椒鹽的腌制和炸制，變得香脆可口，每一口都能感受到茶樹菇獨特的香氣和椒鹽的鹹香。豬骨湯烤鱸魚是一道色香味俱佳的主菜。鱸魚經過烤制，外皮酥脆，內裡鮮嫩多汁。搭配濃郁的豬骨湯和新鮮的薯粉等蔬菜配菜，讓這道菜的味道更加豐富。鳳梨咕嚕魚柳是一道充滿果香的菜品。魚柳經過炸制後變得酥脆可口，搭配酸甜的鳳梨塊和濃郁的醬汁，讓人回味無窮。薑蔥霸王雞的雞肉鮮嫩多汁，搭配濃郁的薑蔥味，讓人食欲大增

頭先一家大細喺東薈城行街街，行到肚餓，即刻搵下附近有咩好嘢食，搵到呢間裝修有味道嘅餐廳，試下先：環境：店外有個小廣場，可以打打咭，唔錯。店內裝修好有香港味道，有好多香港特色嘅照片，有明星，有活動，好有港味。👍👍👍另外，店舖地方夠大，坐得都舒服。服務：服務員好有禮勤快，控菜都做得唔錯，清潔都做得好足。👍食物：蒜蓉手拍青瓜，蒜蓉味香，青瓜好新鮮好爽。👍經典薯條，脆熱，好食大型連鎖店，幾好。椒鹽茶樹菇，呢個非常出色，茶樹菇唔會乾，配埋椒鹽突顯菇未，而且唔會油膩，再配上腰果，無得輸👍👍👍豬骨湯底烤鱸魚，湯底清而味濃，鱸魚烤到有輕炸嘅效果，不帶腥，魚肉夠實，又係一款傑作。👍👍👍薑蔥霸王雞，雞肉滑，有雞味，個汁亦校得好好👍👍鳳梨咕嚕魚柳，小朋友恩物，醬汁開胃又好味，魚肉爽實👍👍椒鹽鮮魷，個喼汁應該佢自己調校，我覺得ok, 我個仔就覺得好正。擂沙芝麻湯丸，芝麻味濃郁，小小甜，食完好滿足。👍👍四川鮮果冰粉，好清新，有芒果汁吊味，我囡囡好歡喜。👍蘋果汁，我無份飲青檸梳打，我無份飲總結：4個人食咁多嘢，再加少少飲品配菜，都係人頭300, 而且喺下午5點後，只要喺佢哋社交平台home page Like 下

去完昂坪360腳仔已經有啲攰,遠處看見呢間店,就同老公講,我唔行喇！喺呢度食飯啦！原以為只得川辣食物,睇咗餐牌,發現選擇都幾多,仲可以揀辣度。🔸四川煙燻樟茶鴨(半隻)半隻鴨份量很足,鴨有煙燻香味,鴨皮酥香,肉質有嚼勁,味道鹹香,最重要連肥膏都有油香,食埋佢真係好邪惡。🔸椒鹽法國鵪鶉髀鵪鶉髀很酥香,外面香脆,內裏肉嫩滑多汁,而且冇油膩感,食到微微的椒鹽香。🔸招牌蒜泥白肉薄切的白肉包著薄切的青瓜片,上面加了蒜泥蓉,配上辣汁,白肉肉質爽口,味道辣得黎有青瓜的清甜和蒜味。🔸萵筍絲(熗炒)萵筍可以揀清炒/熗炒/青椒。最後試咗熗炒。萵筍絲都幾爽,味道酸酸辣辣。🔸麻婆豆腐蝦球豆腐軟滑,蝦隻索汁,味道辣辣酸酸甜甜,咁惹味一定要跟個白飯。🔸生磨杏汁燉白肺湯白肺湯味道濃郁,杏汁味很濃,連豬肺都有杏汁香,難得👍🏻！豬肺質地軟身冇異味。我覺得四川煙燻樟茶鴨和椒鹽法國鵪鶉髀都值得一試,Like Facebook,埋單仲有9折,正呀👍🏻！

星期日和家人去大佛，晚上就到纜車站附近食晚飯，花椒八角就在東涌纜車站旁，主要以川菜為主，餐館裝修幾有香港特色，環境舒適。招牌蒜泥白肉，可選不辣，蒜泥好香，白肉嫩滑爽口，夾著青瓜片，一點膩的感覺也沒有，蒜泥的微辛提升白肉的美味。蒜片牛肉粒，好香口惹味，牛肉粒不乾，肉質緊緻，加上炸香了的蒜片，食完一粒又一粒。椒鹽茶樹菇，比預期好味，茶樹菇好香脆，但又不會柴，配有炸腰果，脆脆的，令人停不了嘴，值得推介。鳳梨咕嚕蝦球，蝦球都幾大隻，而且彈牙爽口，加上菠蘿和彩椒，顏色吸引，甜酸度恰當，不會太甜，好開胃。金銀蒜蒸扇貝，好大隻，肉夠厚，有鮮味，粉絲夾雜著蒜蓉，好入味，相當不錯。四川煙燻樟茶鴨，外皮酥脆，肉質鮮嫩，有淡淡的煙燻香味，入口完全沒有油膩感，這道菜不是在一般餐能食到。埋單時還有驚喜，原來7：30前埋單可享全單6.8折，而我們是8：30前埋單，也可享8折，而且like 餐廳的社交平台 更可享免加一優惠，真係幾抵食。