花椒八角

營業中

休息中

今日入大澳一日遊，探一探中華白海豚，天色已入黑就系東涌附近食晚飯。上OP一搜，搵到呢間#花椒八角 ，系價格比東涌商場內確為親民，而且位於纜車站旁邊，離地鐵只有十分鐘步程左右。餐廳座位好闊落，亦佈置成充滿舊香港特色，而另一面更可望到纜車行駛，附近仲個公園食完飯後可行一陣。生磨香汁燉白肺湯 $98乳白色的湯，內裡有豬肺、雞腳、豬肉等，豬肺洗得好乾淨，入口鮮嫩軟淋，一啲異味都冇!椒鹽茶樹菇 $88呢個煮法較為少見，椒鹽調味適中，唔會太油太咸，可以叫杯生啤黎小酌一下。川味肉崧炒飯 ＄98（小辣）一大碟炒飯，超香！雖屬於小辣，但辣椒份量都唔算少，炒得好乾身又帶點油味，粒粒分明!魚湯浸時蔬 ＄88奶白色嘅魚湯，胡淑味幾濃郁，系口腔內幾爽口。而時蔬為娃娃菜，清甜潤喉。四川煙燻樟茶鴨（半隻）$156烤焗上枱，煙燻味甚香，口感微微焦脆，骨架更為有香脆，鴨肉脂肪較少，味道一流!總體而言，菜色水準一流。口味濃淡適中，位置又可遠離人羣、遊客，有隱世秘密餐廳嘅感覺。