影片
港鐵銅鑼灣站 D4 出口, 步行約2分鐘
繼續閱讀
電話號碼
28850268
開飯介紹
以海鮮為主的一人蒸氣火鍋餐廳，有單點及套餐選擇，餐牌更列出蒸煮時間指引，讓你品嚐最鮮嫩的滋味。座位之間設有拉簾，即使獨自用膳也享有私密空間。
繼續閱讀
附加資料
用餐時間120分鐘
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
9折
八府巡按海套餐 1人蒸氣火鍋晚餐 - 豪歎至尊海鮮、特上肉類
$439
$488
9折
九五之尊套餐1人蒸氣火鍋套餐-豪歎刺身、至尊海鮮、特上肉類
$628
$698
相關文章
船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮
繼續閱讀
CP值爆燈！銅鑼灣一人一鍋蒸海鮮✨同老公撐枱腳嘆海鮮🦞 放工攰攰哋，想食好啲又唔想煩？去銅鑼灣「船渦」就啱晒！呢間一人一鍋蒸氣火鍋餐廳，唔使自己買餸洗切，新鮮海鮮送到你面前，啱晒我哋呢啲懶人😝今次每人叫咗一個套餐:「八府巡按海套餐」($488): 呢個套餐真係超級豐富！海鮮拼盤好震撼🤩 有龍蝦、鮑魚、元貝、蟶子、貴花蚌、白蜆、蝦等等，仲有安格斯牛肉添！龍蝦啖啖肉，仲有膏，肉質彈牙又鮮甜！其他海鮮都好新鮮，完全冇腥味，蒸完仲保持到鮮嫩口感。套餐仲包前菜沙律、炸餃子同芝麻雞翼，同埋蔬菜拼盤同甜品。我就揀咗南瓜芋頭粥做粥底，吸收晒海鮮嘅精華，好鮮甜！「九品芝麻套餐」($258): 抵食之選！海鮮方面有白蜆、大蜆、貴花蚌、蝦、鮑魚同鮮魚片。白蜆帶有淡淡海味又無沙，大蜆就更加厚實，口感豐富。貴花蚌肉質鮮甜！肉類揀咗美國肥牛同雞肉，肥牛油脂分布均勻，雞肉都幾滑，唔會嚡。每人一個蒸爐，仲有指示教你每款食材要蒸幾耐，就算唔識煮嘢都唔怕！👍🏻 飲品方面都好多選擇，有sake、啤酒等等，我哋就一人一支啤酒🍻食物質素高同份量超多，海鮮都幾新鮮，服務態度都唔錯，想食新鮮海鮮又唔想煩？快啲去「船渦」試吓啦！😋
繼續閱讀
呢度主打一人一鍋蒸氣海鮮鍋，裝修行日本木系，氣氛唔錯，而且仲有好大嘅水缸保證海鮮新鮮。呢度嘅座位中間用flexible嘅木簾隔住，一班人食又得，一個人食又得，privacy 💯佢哋有唔同嘅海鮮蒸氣鍋套餐選擇，套餐包前菜沙律、蔬菜籃、同埋小食例如炸餃子、芝麻雞翼、章魚丸，枱面亦都有啲簡單指引教你點樣整同蒸幾耐先最好食，我哋叫咗兩個套餐:「八虎巡案海套餐」呢個套餐好豐富，海鮮拼盤賣相好靚，有龍蝦、鮑魚、元貝、蟶子、貴妃蚌、白蜆同蝦，仲有手打丸同安格斯牛肉海鮮都好新鮮，而且啖啖肉，蒸完都保持到嫩滑口感，食完啲海鮮仲可以食埋下面個蟹膏蟹肉粥，除咗蟹味仲吸咗好多蒸海鮮嘅鮮味，好鮮甜！「九品芝麻套餐」呢個就抵食之選，二百幾蚊已經食到好飽，海鮮方面有白蜆、大蜆、桂花蚌、鮑魚、蝦、鮮魚片，同樣大隻新鮮，肉類就揀咗美國肥牛同雞肉，牛肉中規中矩，個雞肉就幾嫩滑，配埋南瓜芋頭粥做粥底，好味飲品方面亦都好多選擇，啤酒仲第二杯半價，啱晒同朋友慢慢食吓嘢吹吓水
繼續閱讀
我同老公都鍾意食海鮮，放假佢就帶咗我嚟呢度食蒸戲火鍋海鮮，我哋嗌咗八府巡按套餐同埋九品芝麻套餐 share，好豐富。其實兩個餐嘅分別就係貴啲嗰個有半隻龍蝦、扇貝同埋貴妃蚌，同埋個炸物唔同，其他嘅海鮮肉類大致都係一樣。想先食個沙律開吓胃先，青瓜絲蟹籽蟹柳沙律，爽口清新。跟住前菜有炸餃子同埋芝麻雞翼，兩樣都好香脆，熱辣辣新鮮炸起。另一個餐就係章魚燒，同樣新鮮做起，外脆內軟。跟住就食重頭戲海鮮，呢度有晒提示每款海鮮嘅烹調時間，部蒸爐又可以set定時，唔使驚蒸餾晒。龍蝦好新鮮，一放入去爐仲會郁，肉質超級爽口，仲有軟綿綿甘香嘅蝦膏。肉蟹好鮮甜，肉質嫩滑不在話下，仲有軟綿蟹膏。扇貝蒸起啲汁超級鮮甜，鮑魚大隻得來爽滑，唔會硬咬唔開。貝殼類嘅貴妃蚌同樣新鮮，鮮甜爽滑。北寄貝通常食壽司先會食，估唔到呢度都有得食新鮮蒸嘅，多汁鮮甜，爽得來又唔會咬唔開，正。呢度嘅大蜆同埋白蜆都係新鮮，隻隻都打得開，而且全部都冇沙，好鮮味。食埋蝦同埋魚片之後其實我哋都已經飽咗一半，但係肉類都唔可以錯過，嗰三款丸都好食，我最鍾意牛筋丸同埋薑汁皮蛋豬肉丸。安格斯牛肉通常都用嚟打邊爐，蒸我就真係第一次食，估唔到原汁原味，牛味好好，沾上自己調教嘅混醬好好味。雞腿肉起晒骨，啖啖肉，蒸雞爽滑，跟住時間精神唔會過火。食完咁多海鮮肉類，食埋果籃蔬菜清下喉嚨，可以去油膩咁，之後仲有精華湯汁煮嘅南瓜芋頭粥，淡淡鮮甜精華絕對唔可以錯過。另外一款我哋就揀咗魚湯米粉，米粉吸晒湯汁都好好食，雖然好飽我哋都食咗各一碗。最後甜品有雪糕糯米糍做結尾，我哋都食得好滿足。
繼續閱讀
窩夫早前在黃色暴雨警告下去「船渦」替閨蜜慶生。一人一個QR code下單。一行四人都點了「八府巡按套餐」(每位$488)。一人一個蒸氣鍋。可以參考餐廳建議的蒸煮時間。前菜有青瓜絲沙律。海鮮拼盤來了，相機食先，共有8+1款海鮮，指定的8款是白蜆、蝦(3隻)、北寄貝、鮑魚、元貝、貴妃蚌、鮮魚片和龍蝦(半隻)，另蟹(半隻)或蟶子皇(1隻)二選一，大家都懶得動手而選了蟶子皇，蟶子皇雖然不算很大隻，但非常鮮甜。龍蝦十分生猛，下鍋時還在動。龍蝦要蒸7分鐘，等候期間先吃芝麻雞翼和雞軟骨餃子。龍蝦好了，肉色雪白，鮮甜彈牙。肉類三選二，窩夫選了安格斯牛肉和豚肉片，水準不及海鮮。另有三寶丸，分別是牛骨濃汁牛丸、薑汁皮蛋貢丸和招牌墨魚丸，窩夫不吃薑汁皮蛋貢丸，加2元轉做墨丸，墨丸爽口彈牙，水準之作。蔬菜拼盤雖小，但蔬菜種類夠多，有生菜、娃娃菜、金菇、南瓜、翠玉瓜、鮮冬菇和粟米，粟米超甜呢。麵底要了烏冬(加$8)，口感軟滑，閨蜜的米線也好吃，稍嫌魚湯湯底鹹了一些。
繼續閱讀