船渦

今日朋友仔話想食海鮮, OPENRICE 搵下銅鑼灣區有無. 有間一人一鍋蒸氣海鮮火鍋啱曬. 餐廳環境舒適,  仲有竹簾分隔,把它放下, 可令客人更有私人空間感 有4款唔同價位既套餐, 套餐名都幾得意.  有八府巡按, 九五至尊, 內務總管, 九品芝麻. 咁我地今次試左其中兩款. 九品芝麻   $258海鮮有白蜆、大蜆、北寄貝、蝦、鮑魚同鮮魚片,  全部新鮮鮮甜, 口感豐富。肉類可 3揀2咗 美國肥牛/ 豚肉/雞肉，雞肉滑嫩,豚肉就正常唔嚡.  仲有三寶丸 .  小食炸物章魚丸.  八府巡按  $488  當然厲害D啦， 有多款海鮮，特別在有龍蝦!呢個套餐豐富好多！海鮮拼盤有龍蝦、鮑魚、元貝、蟶子、貴花蚌、白蜆、蝦，  肉類仲有安格斯牛肉！龍蝦新鮮啖啖肉， 肉嫩爽口仲有好多膏，其他海鮮都好新鮮，蜆類全部都處理得好好完全無沙。套餐仲包前菜沙律、炸餃子同芝麻雞翼，同埋蔬菜拼盤。 最後揀咗南瓜芋頭粥做粥底，吸收晒海鮮嘅精華，好鮮甜！另外餐廳做緊推廣， 只要follow 餐廳社交平台  就可以抽獎, 我地就抽中左一份沙白, 同一罐可樂. 呢間一人一鍋蒸海鮮值得推介！食材新鮮，服務周到！@boatboatsteam船渦銅鑼灣謝斐道500號維安商業大廈3樓…查看更多

同朋友喺銅鑼灣行完街諗唔到食咩，經過謝斐道有個熱情姨姨叫咗我地上去食蒸海鮮鍋，我地就跟上咗去😂見到魚缸入邊好多海鮮同埋啲蝦蟹都好生猛嚟到先知原來唔係傳統嘅海鮮蒸氣鍋，而係一人一鍋，一個人獨獨嚟食都可以🤪我地一人叫咗一個餐，每個餐都勁多嘢食九品芝麻（$258)前菜有沙律，章魚燒（2粒）海鮮勁多！白蜆，蝦，鮮魚片，大蜆，北寄貝，鮑魚！仲要肉類美國肥牛 /豚肉/ 雞腿肉 (3選2)同埋三寶丸（牛骨濃汁牛丸、薑汁皮蛋貢丸、招牌墨魚丸），仲有蔬菜拼盤＋甜品😂八府巡按 ($488)呢個餐都係有前菜沙律，炸餃子同芝麻雞翼（各1隻）海鮮仲多啲，有白蜆，蝦，北寄貝，鮑魚，元貝，貴妃蚌，鮮魚片，龍蝦（半隻），蟶子皇（一隻）！肉類就有安格斯牛肉同雞腿肉，都係有三寶丸同埋蔬菜拼盤加甜品！套餐仲可以配粥底！！啲海洋全部都好新鮮，好乾淨食得好放心，側邊仲有指示教你毎樣海洋要蒸幾耐，唔駛擔心唔熟。套餐超多嘢食飽到傻咗😂 仲要麒麟一番搾生啤優惠，第二杯半價，大 滿 足！！兩個人每人大概食咗四百幾，咁高質同有咁多海鮮其實都算幾抵食！會再返嚟！…查看更多

船渦 @ 銅鑼灣原來蒸鍋都有自私食…咁就要試下呢度主打蒸氣海鮮鍋…裝修都幾木系…配合埋柔和燈光…氣氛唔錯。 話明support自私食…每張枱都裝左獨立蒸爐…如果你真係得一個人黎的話…仲可以落簾…咁就啱哂I既你同me今日點左兩款餐…大家都以海鮮為主…貴d既就多少少海鮮同跟安格斯牛肉。 就算平個餐…海鮮種類都算豐富「九品芝麻官」套餐有白蜆…大蜆…蝦…北寄貝…鮮魚片…而「八府巡按」 套餐就有白蜆…蝦…北寄貝…鮑魚…元貝…貴妃蚌…鮮魚片…龍蝦…子王。 兩個都包左餐前小食呢度最貼心就係清楚列明每款食材既蒸煮時間…咁就唔會嘥左咁靚既食材呢度所有海鮮都清洗得好乾淨…貝類無沙。 所有海鮮都好新鮮…特別是龍蝦，肉質飽滿，入口彈牙仲有鮑魚都好爽口彈牙。 肉類方面有美國肥牛…安格斯牛同豚肉。 牛就當然安格斯比較優勝dd…話時話佢地個豉油調得幾好味…帶少少甜…唔鹹…蒸完既食物點少少就啱啱好除左蒸鍋食材外…呢度都包左主食一份…我地點左米線同蟹粥。 當你蒸到咁上下…店員就會為你準備好主食既安排。 蟹粥底由店員代為處理，加埋其他海鮮精華後味道濃郁…為呢餐畫上完美句號船渦不單止提供新鮮海鮮食材…見到有自己魚缸就知。 服務都洽到好處…整體唔錯#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #船渦 #銅鑼灣 #蒸鍋 #海鮮 …查看更多

今次係我第一次食蒸氣火鍋呀，舖頭非常窩心，有寫到每一樣海鮮或其他菜同埋食物要蒸幾多分鐘😉，仲有計時器！九品芝麻官套餐蒸海鮮嘅鮮味真係特別值得推介，大蝦、唔同嘅貝類、鮑魚、鮮魚片，點上醬汁真的非常美味☺️。我感覺海鮮都係好新鮮、啖啖肉😉。丸類就包括牛骨濃汁牛丸、薑汁皮蛋貢丸、招牌墨魚丸。肉類就揀咗其鮮牛肉片，食落去也不多肥的部分，不會覺得很膩！另外，雞腿肉都幾大嚿同嫩滑。特別推薦綿綿的蒸氣鍋間隔，下面可加南瓜粥/米粉😋！已經蒸完海鮮嘅汁會經間隔流入南瓜粥入面，令到南瓜粥充滿鮮味，非常美味！八府巡按套餐朋友的餐更有多半隻蟹和龍蝦，都係超級啖啖肉，還有很多膏😍。以上都有免費贈送的蔬菜拼盤👏🏽，有南瓜、大姑、金菇、生菜和娃娃菜等！這個餐我叫了米線，海鮮的汁液同樣也是流入米線裏面，非常鮮味。等待嘅過程就去扭蛋有汽水可以送！我嘅朋友就可以送四隻大蝦😉有好多種醬料可以揀，我最鍾意就係加好多蒜蓉😍完結之前有甜品糯米糍再結束，感覺完整😍，非常滿意非常飽啦😉！整體而言，以蒸嘢食為賣點的餐廳真的不多，感覺識到食物的原味道，期待下一次再品嚐！…查看更多

店舖位置方便，鄰近地鐵站。裝修舒適雅緻，座位間有簾幕相隔，私隱有保障。店員友善。套餐選擇豐富，食材新鮮，價錢相宜。 ✦ 水師提督套餐抵食之選，啱細食嘅人。前菜日式章魚燒；海鮮有沙白、大蜆、鮮蝦、鮮魚片、鮑魚，可以加錢轉元貝、聖子皇、蟹等；肉類有美國肥牛、豚肉片、雞腿肉(三選一); 主食有魚湯米線/米粉、和風珍珠飯等，可加錢轉南瓜芋頭粥、蟹膏蟹肉粥。 ✦ 横行無忌套餐份量相對多，啱大食啲嘅人。前菜有脆炸魷魚圈/泰式風味生蝦刺身(二選一); 海鮮有白蜆、蝦、鮮魚片、扁聖子、元貝、鮑魚，最緊要係大閘蟹一公一乸；肉類有安格斯牛肉、豚肉片、雞腿肉(三選二); 丸類有牛骨濃汁牛丸、薑汁皮蛋貢丸、招牌墨魚丸；另配蔬菜拼盤、甜品，亦可以加錢購買主食。 每枱有一個蒸鍋，一人一鍋唔怕尷尬、唔使就人。枱上有提示每樣食材蒸煮時間，無飯friendly。蒸到咁上下，店員可以加湯，多個淥嘅選擇，好flexible。…查看更多