十下火鍋

十下火鍋真係一間好有氣氛嘅火鍋店😍。一入去就好似返到舊香港咁，牆上貼住老招牌、春聯、舊式收音機同雪櫃，啲花碗碟都充滿懷舊味～🎎 全場仲一路播住經典廣東歌🎶，襯埋個環境，邊打邊爐邊聽歌，氣氛一流，夠晒有味道。🍲 湯底：清燉山藥菌菇湯 & 養生豆乳白鍋山藥菌菇湯真係誠意十足👏，入面有猴頭菇、冬菇、蟲草花、淮山同各種雜菇，湯底清香又濃郁，飲落暖笠笠，感覺好滋補🍄。越滾越出味，啲菇香滲晒出嚟，飲幾多都唔覺膩。另一邊嘅養生豆乳白鍋就比較濃厚💪，豆乳味滑順得嚟帶少少藥膳香，入面仲有蜂巢、豆腐、鴨血等配料，滾起上嚟成枱都香晒，啱晒秋冬天打邊爐～🦐 游水草蝦啲草蝦超新鮮！🦐 肉質爽彈、蝦味濃郁，蝦頭仲爆滿蝦膏🧡，一咬落去啲膏香同鮮味齊爆發，好正！🐚 象拔蚌仔象拔蚌新鮮連殼嘅，爽脆彈牙✨，放入山藥菌菇湯輕輕滾一滾，食落超鮮甜～🥩 大刀手切本地牛頸脊（小）手切牛真係靚🔥，肉質軟腍但唔爛。落湯十秒就啱啱熟，牛味香濃，入口即溶。配埋沙茶醬食，香氣四溢，超滿足🤤。🐙 鹹蛋黃墨魚滑呢個必食！非常彈牙，職員會事先將鹹蛋黃同墨魚或撈埋一齊，每啖都食到鹹蛋黃🥚，鹹香配上墨魚鮮味，好有層次～🐷 日本黑豚五花腩片豬腩肉賣相靚到似花🌸，卷得一圈圈好精緻。落湯滾幾秒就熟，肥瘦比例啱啱好，油香豐富。食落柔軟又滑，肥瘦肉連接位仲有少少脆口🤤。🥬 皇帝菜菜新鮮翠綠，滾一滾就熟，吸晒湯底嘅香味，清甜又解膩🌱。🥣 醬料台醬料由店員送上，一盤預先擺好嘅醬料台，有蒜蓉、蔥花、辣椒、沙茶醬、芫茜等。沙茶醬特別香濃，混少少芫茜同辣椒，加少少麻油就超惹味～🙌 服務貼心要大讚職員👏，會主動幫你撇油，所以湯底打到尾都清爽好飲。成餐食得舒服，細節位做得好用心。💬 總結：十下火鍋無論環境、食材定服務都好出色💖。懷舊風加上經典廣東歌，氣氛一流；食材新鮮、湯底出色，絕對值得回頭再打多次～…查看更多

今日黎到裝修好有風味嘅餐廳🥢湯底滋潤木瓜蕃茄鮮魚湯配酸菜辣肉鍋一開波就分咗兩個湯底，一邊係清甜嘅木瓜蕃茄鮮魚湯，另一邊係帶啲酸辣味嘅酸菜辣肉鍋。木瓜湯夠晒清潤，飲落仲有啲魚香，唔會過甜，條魚尾仲有好多肉食添！酸辣嗰邊啱晒鍾意重口味嘅人，辣度酸度啱啱好，唔會搶味，反而仲幾開胃。本身仲有好多白肉😋🥢安格斯牛小排牛小排切得厚薄適中，淥一淥就熟，入口嫩滑唔鞋，油花分布靚，唔駛點醬已經夠味。🥢黑豚肉爽呢款黑豚肉真係幾有驚喜，口感彈牙，脂肪位唔多但唔會乾，啱晒鍾意食肉又想輕盈啲嘅人。🥢牛百葉牛百葉處理得幾乾淨，冇怪味，涮完仲保持到爽脆口感，食落去好有咬口。🥢豬肚豬肚切得厚薄啱啱好，煮耐少少都唔會韌，仲保持到啲煙韌感，啱晒鍾意食內臟嘅人。🥢蝦籽蝦乾鮮蝦滑蝦滑入面啲蝦肉粒粒分明，食得出唔係普通現成貨，蝦味夠濃，配埋蝦籽蝦乾，鮮味層次幾豐富。🥢蔬菜拼盤蔬菜拼盤種類唔算多，但新鮮度高，有唐生菜、娃娃菜、粟米、蘿白等等，啱晒平衡吓成餐嘅肉量。🥢竹蔗茅根清熱解膩，幾好飲總結：呢餐邊爐食材新鮮、配搭得宜，湯底有變化，肉類、海鮮、蔬菜各有特色，簡單但食得出心思。打邊爐唔一定要花巧，夠質素就已經好滿足。…查看更多

今晚想食港式打邊爐，見到呢度嘅評語幾好，所以就嚟試吓。一入到餐廳，裝修風格好有舊香港時代感覺，用上裝修風格好有舊香港時代感覺，用上麻雀枱、舊式雪櫃、舊式電話做裝飾。見Menu 有個二人餐都只係每位$328。湯底方面可以揀鴛鴦鍋：滋潤木瓜蕃茄鮮魚湯，真係用上原條的魚先煎後煮湯，加上酸酸地嘅蕃茄同埋木瓜嘅鮮甜，職員仲好細心話個魚啱啱煎好要再煮吓先熟先可以落料。先飲個湯都好入味。十下麻辣湯就咁睇佢嘅配料辣椒好充足，以為會好辣，點知又唔會太辣，好啱我口味。食物方面有：手切本地牛頸脊，份量都幾多，牛肉鮮紅，入口係好有牛味同咬口。花雕醉雞，淥嗰陣時都唔覺有花雕味，估唔到入口嗰個花雕味好香，而且佢嘅雞肉都比想像中嫩滑。十下三寶滑髮菜蠔豉滑，鮮蝦鹹蛋滑，墨魚滑，每款有兩大粒，我最中意鮮蝦鹹蛋滑，超級彈牙有鮮味，真係超級大粒。鳳城水餃，有四粒，個皮好薄，然後裏面嘅餡好足料。麻辣鴨血，呢個係唔使打邊爐就咁食都得，好煙靭得來個麻辣味入晒入鴨血度，呢個怕辣嘅朋友要留意啦。脆炸響鈴，呢個唔會有油益味。三星蔥醬爆貢丸，要小心啲食，真係好似食神套電影咁爆汁。懷舊果皮魚蛋，煙煙韌韌個種。蔬菜拼盤，份量超大，有粟米、冬菇、娃娃菜、生菜仲有白蘿蔔，全部都新鮮鮮甜。飲品加$15要咗竹蔗茅根，有一大jar，兩個人飲剛剛好。要大贊呢度嘅冷氣非常之夠，所有職員都非常細心主動，唔使講佢都會主動加湯👍👍…查看更多

朋友食過一次夜晚 話氣氛好正有精選二人餐 性價比好高-約咗今日去食lunch 除咗米線套餐人均消費50至60左右-仲有火鍋lunch set 性價比非常高今次應承請佢食飯 所以就嗌多碟靚牛-環境好有大排檔feel但係最緊要冷氣充足先夠舒服呢度又有氣氛 又夠涼爽湯底方面揀咗一個胡椒湯另一款係麻辣湯-首先要讚吓佢哋嘅 手切 牛頸脊$168 /細感覺上比起我喺九龍城買嘅質素更加好果然係本地靚牛厚薄適中 肉質超靚完全值呢個價份量都唔少呢個蝦滑大大大推個名叫做「蝦籽蝦乾鮮蝦滑」$78勁新鮮 食得出真係新鮮打質素好高 仲有粒粒蝦籽更加香大過粒乒乓波🏓午市套餐就可以揀牛肉或者豬肉 平均唔使$100 一位有齊飲品 湯底粉麵另外仲可以加配料勁鍾意佢哋嘅金牌牛丸係爆汁嗰隻 勁正 一次過可以試到唔同的配料例如蔬菜 沙白 幾大隻仲有豬頸肉 牛柏葉等等平時比較少打邊爐有豬頸肉配埋胡椒湯底都幾正 勁飽肚懷舊雪櫃水晶燈 估唔到感覺都好夾啱晒打卡影相 lunch都幾多人 但係都坐得舒服嘅比較闊落啲 地點又幾方便喎時代廣場行過嚟都係兩三分鐘一人套餐 鍋底 好快滾 呢個設計唔錯因為可以防風 自己一個食都開心…查看更多

Happy Friday 想搵間餐廳🍴食得開心啲，就黎左燈龍街入面嘅永光中心覓食！呢間十下火鍋食物及服務質素向來都幾好，當然要入嚟食啦～精選二人餐 (餐廳建議3人食, 所以全部都係女士既話, 呢個二人餐絕對合適)湯底：卜卜蜆煲一上湯底，中間係一球蒜蓉伴隨住超大隻嘅蜆肉，每一隻都好新鮮，無任何沙粒，師傅清洗得好乾淨～大刀手切本地牛頸脊（小）厚切牛頸脊，食落去好濃郁嘅牛味，而且唔會有太多筋，一啲都唔鞋口，基本上不用蘸任何醬汁，都食得牛肉嘅鮮嫩～蟹肉蟹粉餃蟹肉蟹粉香濃飽滿, 咬落去整個口腔都充斥住蟹的鮮味, 清香甘甜, 每一口都是享受, 真係非常滿足肥美大沙白除左本身個湯底有沙白之外, 套餐仲包埋大量沙白, 所以基本上3個人食呢個餐絕對足夠, 尤其全部都係女士~十下三寶滑店員好好服務, 會幫客戶將蟹籽拌勻, 然後放落湯底煮~鮮打鹹蛋黃墨魚滑: 有微微的鹹蛋黃, 而最重要既係, 墨魚滑真係非常彈牙! 食得出師傅絕對係即場手打!蝦籽蝦乾蝦滑: 平時蝦籽蝦滑食得多, 加埋蝦乾真係第1次, 真係好濃郁蝦味, 絕對係真材實料~發財好市牛筋滑: 包含左蠔豉和髮菜, 牛筋本身已經彈牙, 變成牛筋滑, 再拌勻蠔豉和髮菜, 鮮味提升更高層次~頂級野生竹笙超級大條, 食落去吸收晒湯底既海鮮精華, 非常滿足~醬爆瀨尿牛丸一咬落去會有醬汁吱出黎, 所以咬落去真係小心燙口, 要慢慢食!不過真係好juicy既牛丸~懷舊果皮魚蛋好濃郁既果皮香味, 而且魚蛋也挺彈牙的~再有餐廳播放住各種懷舊金曲襯托住, 真係好有懷舊風~紫菜響鈴響鈴入面包住紫菜, 再放入湯底一起煮, 基本上煮5秒左右就可以即食,有外軟內脆既感覺~蔬菜拼盤有清甜蘿蔔, 翠綠生菜, 新鮮娃娃菜, 大粒冬菇, 爽甜粟米~前面食得咁豐富, 當然要食返D蔬菜平衡一下~竹蔗茅根打邊爐當然最不能缺少既生津解渴既飲品啦!係潮濕悶熱既夏天，飲返一渣竹蔗茅根, 絕對可以清熱降火、滋潤身體!…查看更多