出街食飯點先最抵？即刻跟實每月至抵優惠book枱食飯或外賣自取，就可以擸盡著數啦！
新年將至，但又唔係個個都擅長煮嘢食，咁外賣自取又幫到你喇！今期介紹幾間好啱新年食嘅中菜館畀大家，除咗多款新春套餐仲有埋盆菜，咁就唔使頭痕食咩～
古琴雅苑 (全線分店) 指定食品9折
一間好有人氣嘅京川滬菜，今個新年外賣推出烤鴨套餐，人少少可以試個至尊烤鴨4人餐，包括北京填鴨全隻、花雕醉雞、黃金明蝦球、乾煸四季豆及鹹肉菜炒飯，好豐富。呢度嘅北京填鴨以傳統掛爐烤製，皮脆肉嫩，配埋青瓜、京蔥及哈蜜瓜，加上秘製蜂蜜黃梅醬同京醬，口感層次豐富。另外仲有4-5人及7-8人套餐揀添。
堅信號上海生煎皇 (全線分店) 指定食品88折
呢間主打生煎包嘅店舖都有推出新春套餐，不過就以2-4人套餐為主，供應一系列應節菜式，如橫財就手(髮菜豬手)、家肥屋潤(紅燒肉伴百頁結旺菜)、榮華富貴(香蔥霸王雞)同年年有餘(糖醋黃魚柳)等，食返個好意頭～當然唔小得招牌生煎包啦，一咬落去勁juicy，一人一個啱啱好呀。
美中·鴨子 (荃灣、將軍澳) 指定食品8折
想食豪啲嘅，可以試吓呢間主打片皮鴨嘅餐廳，今年都有推出新春套餐，包括京爆蝦球帶子、花膠燉黃菜湯、烤北京填鴨及茶樹菇蒸魚等，全部都好高質素。另外仲有紅燒佛跳牆及紅燒海皇燴仿翅，前者有鮑魚、花膠、海參、冬菇、紅燒肉及蝦球，後者仲做緊7折優惠。
莆田 (銅鑼灣、鑽石山、元朗、將軍澳、尖沙咀、荃灣) 指定食品9折
新年食盆菜都係一個唔錯嘅選擇，呢間餐廳由4-10人份嘅都有供應。盆滿缽滿鮑魚大蝦盆菜有齊12種豪華星級食材，除咗鮑魚大蝦，仲有海參、瑤柱、花膠、蟶乾及花菇，飽滿鮮味。另外當然唔少得肉類，有惹味嘅燒肉同雞翼。仲有得食炸芋芯、福州魚丸同海發菜，寓意歲歲平安、團團圓圓。
麻辣香鍋 (旺角) 指定食品8折
有時自己煮唔到咁多，買外賣加餸都係唔錯嘅選擇～如果家中有人鍾意食辣，呢間餐廳就啱晒喇。而家口水雞同水煮牛肉都有8折，口水雞肉質嫩滑有雞味，加埋麻辣口水汁送飯一流；水煮牛肉食完嗰陣辣味仲會喺口中徘徊，牛肉夠晒軟腍，又幾出色。
大家記得用埋呢個外賣自取新春優惠，輸入新春優惠碼 「CNY23」（推廣期: 2023年1月20日至2023年1月25日），滿$200全單8折((最高$60折扣優惠)。
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？ (按此立即落單)
外賣自取新春優惠：
CNY23：https://www.openrice.com/info/takeaway/tc-CNY23.html
有咩正得過冬天時食返碗熱辣辣嘅湯麵呢！多間湯麵及粥店，包括日式連鎖拉麵、人氣山西刀削麵、醉雞生滾麵、川式粉麵及粥店都有外賣自取優惠，食完一定暖入心。
味千拉麵 (全線分店) 指定食品8折
大家都好熟悉嘅日式拉麵店，招牌味千拉麵有8折優惠呀。湯底濃郁得嚟又唔會油膩，選用大量筒骨，扇骨同三叉骨等熬成豬骨湯底，叉燒肉味香濃 。而家仲免費跟埋發熱包，用咗外賣湯麵可以升返去85度，還原堂食風味！想再惹味啲可以食沾汁麵，麵質彈牙有麵粉香，就算買返屋企食都一樣咁好味。
銘興山西刀削麵 (紅磡、大角咀、旺角) 指定食品8折
經常大排長龍嘅刀削麵專門店，係唔少人嘅飯堂嚟㗎。餐廳就主打刀削麵，可以自己揀餸、麵底同辣度，麵底當然推介大家揀刀削麵，口感好彈牙而且好薄身，唔會一入口成啖都係粉嘅感覺，仲好滑溜。餸方面麻辣手撕雞同上湯魚蛋都唔錯，前者香辣惹味，後者彈牙有魚香。
醉藥雞 (荃灣、深水埗) 指定食品8折
啱晒冬天食嘅湯麵，招牌砂鍋醉藥雞 (煮雞酒) 生滾麵，雞湯熬過夜煲成足料雞湯後，加入糯米酒、紅棗、雲耳、淮山煮成雞酒，酒香同雞油香都好突出，味道鮮甜香醇。用砂鍋生滾嘅方法同時煮湯底、麵同雞肉，兩者同時都入晒味，雞肉選用三黃雞，嫩滑又無咩脂肪。 砂鍋胡椒豬肚雞生滾麵都推介，胡椒味好濃厚又唔太辣。
烏蠅館 (尖沙咀、將軍澳) 指定食品8折
食辣人士注意！呢間川菜餐廳有冒菜食，冒菜即係將預備好嘅蔬菜同肉類放入辣味底料湯汁中燙熟後食用，好似港式車仔麵嘅玩法咁。冒菜套餐好抵食，$47就可揀兩款主食同8款配料，如黑豚肉、雞中翼、肥牛、腩肉、四川臘腸、芝士丸及多款蔬菜。湯底嘅話都好多選擇，特別啲有藤椒湯同四川酸湯，愈食愈上癮。
元朗新記/新記雞粥/新記煲仔雞粥 (元朗、佐敦、旺角、筲箕灣) 指定食品8折
唔想咁heavy，食粥都係唔錯嘅選擇～招牌貴妃雞粥用雞髀熬製，所以肉質好嫩滑，又有雞味。粥底吸收晒雞嘅精華，成碗粥都係滿滿嘅雞香味呀，而且夠綿夠滑煲得好靚。另外都仲有鮮蝦雲吞麵同揚州炒飯做緊8折架！
買開外賣嘅可以輸入優惠碼 「HALF」或 「WARM」 ， 前者消費滿$60減$30，後者消費滿$50，額外減$10！
除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！
仲等？ (按此立即落單)
外賣自取暖暖冬日優惠 (按此查閱指定餐廳名單)：
HALF：https://www.openrice.com/info/takeaway/tc-HALF.html
WARM：https://www.openrice.com/info/takeaway/tc-WARM.html
早訂早享受！除咗一早保證有位之外，仲可以有額外訂座優惠！今個月為大家精選咗幾間激抵優惠嘅日本餐廳同啤酒餐廳，睇啱，撳個掣就可以訂座啦~
牛繁 (荃灣) 新年限定 午巿套餐 加$1換牛胸花50g
圖：新年出街好多餐廳都休息，唔係好搵到嘢食。難得呢間嚟自日本嘅燒肉店唔休息不特止，喺新年期間仲有網上訂座優惠。只要喺年初一至年初三惠顧午巿套餐，加多1蚊就可以食埋油脂豐富嘅牛胸花，過個飽年~
訂座優惠：(按此)
FireBird (銅鑼灣) $1享用清酒煮蜆
圖：$1優惠仲有呢間日本串燒酒吧餐廳，訂座就可以用$1嘆到清酒煮蜆啦。呢度主打串燒，並有多款唔同盛盒供應，火焰海鮮、牛肉、雞肉等都有選擇，仲要記得食名物火焰原隻雞腿，上枱後會灑酒點火，好有睇頭。
訂座優惠：(按此)
The Madhouse CWB | Taproom • Kitchen (銅鑼灣) 午市套餐 4人同行 一人免費
圖：呢間Taproom有28個tap頭，外國同本地嘅精釀啤酒都有供應，選擇多多。飲酒之餘去食正餐都得，佢哋嘅嘢食都幾有特色，部分更以啤酒入饌，例如啤啤雞同啤酒煮青口。約埋幾隻酒腳lunch一齊去啤啤佢，訂座更可享午巿套餐4人同行1人免費優惠呢。
訂座優惠：(按此)
磯の水產 (觀塘) 全單7折
圖：浜燒通常都唔平，所以梗係要吼實有折，就快啲訂座啦，觀塘海濱花園附近嘅呢間居酒屋，暫時去到3月底前都有7折優惠。刺身、壽司固之然新鮮，但重點係浜燒海鮮拼盤啊，包括咗甲羅燒、新鮮帆立貝、日本蠔、鮑魚同虎蝦，一字排開咁好有氣勢！
訂座優惠：(按此)
更多網上訂座優惠餐廳：(按此)
大食嘅朋友仔，通常都要食放題或者打邊爐先夠飽~ 但餐餐咁食都唔係辦法，好傷荷包！建議可以精打細算啲，早少少買定抵食餐飲券，攞盡著數！1月其中5間精選包括：
船渦 (銅鑼灣) 午市1人蒸氣火鍋78折
圖：凍冰冰梗係要食返啲熱嘢，lunch食返個1人蒸氣火鍋都唔過份，仲有78折喎。各款海鮮食材可選蟶子、鮑魚等，唔使添加調味，直接蒸熟先至可以食到最真實最鮮甜嘅味道，而且啲精華仲會流晒落底層，最尾變埋粥底鍋食用，呢個lunch夠晒滿足。
78折餐飲券：(按此)
牛の鍋日本料理 (荃灣) 指定時段火鍋甜品放題 (2小時) 8 折
圖：2個鐘嘅放題任食，除咗多款火鍋配料外，仲有日本料理如天婦羅、揚物同刺身，不過甜品控嘅重點一定放喺各款甜品度啦，有宇治抹茶芭菲、D24榴槤班戟、日式藍梅乳酪等，全部都好吸引。
8折餐飲券 ：(按此)
輝哥私房菜(佐敦) 午市點心放題 90分鐘 45折
圖：可以任飲任食嘅仲有點心，午巿90分鐘內可以無限任食50幾款每日新鮮製作嘅手工點心，例如豬潤燒賣、上湯蟲草花鮮竹卷等，四川口水雞、香煎蓮藕餅等小菜都有得揀，兼且每位客人仲會送蒜蓉粉絲蒸北海道元貝一隻添。
45折餐飲券：(按此)
台酒鍋 (旺角) Level 4 日本A5北海道和牛、西班牙伊比利亞黑毛豬、紐西蘭羊肩肉放題 75折
圖：對肉食獸嚟講，每餐可以無限任食靚肉就係最大嘅賞賜。旺角放題餐廳一次過供應多款靚牛靚豬仲有靚羊，同時仲有逾40款火鍋配料加海鮮，就連movenpick雪糕都係任食，包保食到捧住個肚走。而家買餐飲券仲有得2人同行，1人半價，咁抵得唔得架？
75折餐飲券：(按此)
火五越式牛肉粉專門店 (太子、佐敦) 人氣越式料理2人套餐 48折
圖：價錢本身已經好親民嘅越式牛肉粉專門店，而家仲要推出48折2人套餐餐飲券，2個人夾埋只需 $98就可以食到生牛肉粉、扎肉撈檬加埋越式小食等，而且份量都唔細，湯底夠濃郁，性價比幾高。
48折餐飲券：(按此)
更多餐飲券優惠：(按此)
