臺北棧 (世貿中心)

營業中

休息中

無意間碌到朋友社交平臺po咗款皮蛋醬拌麵，我對呢種勁邪惡嘅食物係0抵抗力，一問之下原黎係臺北棧嘅新出品，二話不説第二日即刻放工走去食。個人必須畀皮蛋醬拌麵100分，完全沒有辜負我對佢嘅期待。各方面都好滿意：我揀嘅係冷麵，麵條夠彈，唔會黏成一團，醬料調得好好，非常掛麵，但又唔會太傑身拌不開。味道好香，搭上少少紅油、芫茜，超級香濃惹味。兩隻鮑魚仔都夠嫩滑。成個麵就係令人回味無窮。炒台灣腸超級熱辣辣，落蒜片炒係幾香嘅，味道就偏甜啦。三色鹽酥雞都非常出色，雞件真係好嫩，而且係出乎意料嘅大舊，之前食過好多都係雞粒，呢款個人感覺好似韓式無骨炸雞咁大大件三款醬汁都各有特色，個人好中意佢地嘅柚子醬，有d似蜜糖芥末咁，隻甜味與炸鷄好夾。甜品叫咗花生麻薯，服務員好好，知道我地之前未食過，特等示範一次去教我地點樣食，原黎要用筷子有技巧咁將麻薯分割開。我一直以為係熱食，原黎係凍嘅，長知識了。佢配料分量好多，包極都包唔曬，好香好甜好滿足。總結：我心心念嘅皮蛋拌面果然冇令人失望，大大力推薦。另外其他食物都有水準，環境熱鬧好氣氛，服務員熱情有禮，好滿意

召集#開心果控 #麻糬控 香港都食到超水準台式麻糬啦❣️餐廳環境超好打卡，勁girly💖奶奶麻糬開心果💚呢個真係必試啦！！爆多開心果碎！🥰麻糬好正宗，可以自己整開一嚿嚿再沾滿大量開心果碎，真係超值得食麻辣牛肉麵🍜超推呢個💖必食！！牛肉麵可以揀手工刀削麵，必叫🤤食落好有口感，勁掛湯超惹味，好夠哂麻呀！！勁過癮！伯爵茶凍芋圓🌟伯爵茶唔算十分濃郁，但份量十足！叫一碗4個人share都好夠！芋圓、地瓜、珍珠、啫喱等等，超豐富📍 臺北棧 (世貿中心) (銅鑼灣)銅鑼灣告士打道280號世貿中心4樓7號舖#銅鑼灣美食 ##相機食先 #hkdessert #開心果 #牛肉麵 #香港美食 #台灣菜 #hkcoffeeholic #芋圓 #茶控 #銅鑼灣必食

今日下午茶同朋友去咗銅鑼灣食tea🌟 @checkintaipeihk 呢度完全係台灣嘅風味環境裝修優美，坐得又舒服😌🔶松露玉米起司蛋餅松露味好特出，仲有好多芝士🧀呀拉到絲😁口感好豐富。好有台灣口感。🔶麻辣牛肉麵夠晒辣同惹味，份量好足料。牛肉好淋好味道！🔶拿破崙超好味的甜，層次感超豐富。有肉鬆，麻糬煙煙韌韌嘅口感確實值得一食。🔶蘋果苦瓜汁以為好苦，其實超級好味道。解膩不錯🔶洛神花＋杞子＋桂圓肉超級精神嘅飲品，賣相亦都非常漂亮。

臺北棧轉左餐牌，今日去咗食午餐。🌱荔枝玫瑰提拉米蘇麻糬睇外表只見到一層奶油和玫瑰乾花片，撩開後卻發現內有乾坤。除咗有厚身的奶油，質地幾滑；仲有黏感的麻糬；濕潤有酒香的提拉米蘇；一匙羹放入口中又會食到香甜的荔枝肉，每一口都值得細味品嚐。🌱明太子甜不辣甜不辣口感煙韌，明太子和美奶滋混合後，味道都幾辣。🌱櫻花蝦麻辣魯肉飯魯肉、櫻花蝦和麻辣鋪滿整個飯面，魯肉有肥膏，口感軟綿，起初食的時候都唔覺得好辣，但食到底，辣味出曬嚟。🌱招牌魯肉飯魯肉飯的肥肉份量都幾多，食後會覺油膩。🌱香水檸檬炭燒烏龍茶呢杯要咗少甜，烏龍茶味道較淡，檸檬較酸。🌱檸檬冬瓜茶味道酸酸甜甜，消暑又解渴。餐廳的裝潢很精緻，坐近窗邊更可望海景和遊艇；店員有禮親切。環境和服務真係冇得頂！

之前一直好鍾意嘅Check in Taipei，轉咗menu後第一次食，更啱我心水😋🧡明太子麻糬蛋餅 $98之前食開呢度嘅蛋餅都好高水準，鍾意食芋泥鹹蛋黃口味，今次明太子麻糬都係我鍾意嘅配搭，明太子醬充滿鹹香，十分惹味，入面嘅麻薯好大粒🦀軟殼蟹麻婆豆腐撈麵 $238第一次食，原來呢個配搭係台灣名物，軟殼蟹炸得好出色，唔油膩，冇沾上太多粉漿，都幾多肉，麻婆豆腐微辣，配撈麵很不錯👍🏻🤍Oreo奶奶麻糬 $88甜品一樣好多麻薯系列，今次要咗奶奶麻糬，除咗Oreo口味仲有芝麻/ 花生🥜口味麻薯比小食入面嘅麻薯更軟滑，更水潤，呢到嘅麻薯用咗台灣淡水配方，每天製作，不含糯米，採用日本鮮牛乳、木薯粉製成Q軟口感，食落冰涼軟綿🥛豆漿 $32🚩臺北棧 (世貿中心) (銅鑼灣) @checkintaipei📍銅鑼灣告士打道280號世貿中心4樓7號舖

🫧黑蒜牛肉麵配上香濃的牛骨湯誠意熬足12小時心思烹調用上50磅牛骨配18種特選香料嫩滑的牛肉台灣寬粉絲或者手工刀削麵台灣寬粉絲透明又有咬口推薦😊😊🫧松露芝士玉米蛋餅啱晒素食者有香香的松露🫧海鮮炒王子麵蛋餅勁似日本大阪燒餅🫧手打香水檸檬芭樂苦瓜汁檸檬和苦瓜汁味道較為突出🫧 Oreo奶奶感覺似有糯米但原來不含糯米採用日本新鮮牛乳同埋木薯粉做成軟綿綿口感，入口即溶十分冰涼的非常Q軟推薦🫧黑蒜牛肉麵（台灣寬粉絲）🫧海鮮炒王子麵蛋餅🫧 Oreo奶奶

今日又約朋友去銅鑼灣shopping ，好自然就吃埋晚飯先回家啦！朋友想吃台灣菜即刻帶她來這間店。這裡裝修格局好高級，椅子用上綠白色的絨面包著好軟熟，天花板條子襯圓形大燈很型格。香水檸檬台南冬瓜茶🍹近排大熱的香水檸檬台南冬瓜茶🍹，茶底非常之濃郁配青檸🍋‍🟩拌勻味道好清新開胃。三色鹽酥雞🐥鹽酥雞是台灣興起，雞件炸得很鬆脆內裡肉質仍然嫩滑多汁，而醬汁有三種味道，無論是松露、柚子定水牛芝士醬，配在鹽酥雞上味道也很夾分不到高下。鹹蛋黃芋泥球🍠這款菜式造型非常精緻，圓軲轆的波波球外脆內軟，用上芋泥包着鹹蛋黃一起炸，口感好特別味道軟綿綿嘅芋泥蓉配上鹹蛋黃很搭配。招牌牛肉麵配牛脂油🍜這碗招牌牛肉麵嘅麵底可選手工刀削麵或台灣寬粉絲，今次我們點了台灣寬粉絲，喜歡這裡的粉絲夠粗身口感煙煙韌韌，掛滿湯汁特別惹味，而牛肉牛𦟌很厚肉大大塊，肉質很腍牛肉味濃配埋自家製的牛脂油，令味道更加有層次。芋泥三Q拿破崙🍰這款甜品是這店的招牌菜，三層拿破崙夾著不同餡料，頂層鋪滿忌廉加鹹蛋黃碎，中間是芋泥蓉和麻糬，而底層就是芋泥蓉，拿破崙餅底非常鬆脆加埋冰涼的芋泥蓉口感好豐富，麻糬煙煙韌韌又軟糯一啖咬下吃到多種層次感。

炎炎夏天，嘆住冷氣逛大型商場，晚飯時間於銅鑼灣世貿吃一餐台灣菜。店內裝修非常華麗，各款枱椅都很優雅，好彩嘅被安排近窗口位，望到維港夜景令人豁然開朗。明太子麻薯蛋餅~ 特別嘅新配搭，明太子味道香濃，份量唔細，夠兩、三人分享。秘製椒麻皮蛋醬拌麵~師傅用上兩隻溏心皮蛋製成皮蛋醬，添加椒麻香油，這個味道一試難忘，堅推介要試，微涼的冷麵，仲有蛋絲及芽菜，加入這個獨特醬汁，可以刺激味蕾多角度感覺。櫻花蝦麻辣魯肉飯~魯肉飯係我嘅至愛，今次仲加咗麻辣嘅風味，仲有櫻花蝦，香脆味道同碎肉醬出奇地夾，麻香辣辣地，越食越惹味。開心果奶奶麻薯~期間限定，人氣甜品，這個麻薯由台灣淡水原創配方不含糯米，採用日本鮮牛乳，口感Q彈，入口相當軟綿，麻薯沾上粒粒開心果碎特別可口。香水檸檬炭燒烏龍茶~味道清新，清熱解渴。

港女朋友好鍾意睇海景食晚飯，銅鑼灣世貿中心啱晒feel。因為好掛住台灣美食，所以我哋揀咗臺北棧。室內裝修很有台灣餐廳風格，卡位加入台灣鐵路元素，也有原住民族色彩的壁畫，座椅有點像阿里山的形狀，鍾意幾靚又坐得舒服，粉色系列非常優雅，打卡一流。台灣小食蒜香三色台腸蒜香香氣四溢，一次過食到三種味道，三色台腸外脆內滑，加上蒜片，味道好夾。肉鬆皮蛋蛋餅充滿鴨蛋香的蛋餅，創意十足的肉鬆皮蛋，地道小食，金黃色的蛋餅，夾滿餡料。皮蛋口感軟糯，酥脆肉鬆，口感獨特，形成鮮明的對比，每一口都充滿鹹香驚喜。櫻花蝦麻辣魯肉飯平時我食開完美的魯肉飯，今天試吓新嘢，不知麻辣味道如何？櫻花蝦麻辣魯肉飯估唔到味道都幾夾。鋪滿脆口的櫻花蝦，配搭麻辣鮮香，半隻流心蛋，全部夾埋好有口感，好好食。酸辣牛肉麵賣相非常吸引，酸辣味道鮮美，朋友讚不絕口，果然是招牌菜之一。絕對唔可以錯過牛肉麵，壹北棧選用靚牛肉，軟嫩入味，入口即化，厚切牛肉充滿濃郁牛肉味。牛脂油嘅香氣慢慢滲入湯底，每一口都獨特鮮香酸辣，更加美味。招牌湯底味道好，配上彈牙麵條，好豐富。奶奶麻糬我哋揀咗花生味道，真係第一次食，店員細心示範一次傳統食法。花生粒酥脆，香滑Q彈

同朋友去咗食銅鑼灣分店嘅台式餐廳本身都冇太高期望結果發現佢嘅松露蛋餅，炸雞，寬麵同甜品都冇令我失望！最鍾意係佢哋嘅炸雞會提供三種醬汁俾你點，而且炸雞皮脆內嫩 超級鍾意佢哋嘅Oreo麻糬都冇令我失望唔會太甜，啱啱好

世貿中心開咗一間廣為人知嘅台灣餐廳，今晚就帶媽咪去食飯。咸蛋黃芋泥球:芋泥球入面有滑嫩可口的芋泥，帶點咸蛋黃的香味，口感煙靭。海鮮炒王子面蛋餅蛋餅系用鴨蛋，入面有鮮蝦、蟹柳等海鮮，搭配Q彈有勁的王子面，再加埋沙律醬一同進食，味道可口。肉鬆皮蛋鹵肉飯鹵肉軟嫩多汁，皮蛋滑潤，再加埋肉鬆的香甜咸香，整碗飯都令人超級開胃。開心果奶奶麻糬:開心果控必試呢個新推出開心果口味奶奶麻糬！因為絕對有驚喜！開心果粒粒有口感之余，味道又香濃，再配合用牛奶和紅薯粉製成的麻糬，令人回味無窮。綠豆沙牛乳:濃郁清甜的綠豆沙，估唔到加埋牛奶系咁好飲！

銅鑼灣世貿中心「臺北棧」裝潢以臺灣景色設計 走進餐廳 猶如走進阿里山的感覺❤️✨蜂蜜苦瓜汁夏天必點 暑氣全消✨招牌牛肉麵選用本地「兆記牛肉」提供的牛脂肪 湯頭更添滋味😋牛肉香滑軟腍 超合心意❣️手工刀削麵彈牙掛汁 ✨髒髒鹹蛋黃芋泥蛋餅蛋餅上灑滿芋泥粉和鹹蛋黃碎 蛋餅蛋味香濃 芋泥棉密口感 令人一試愛上❤️✨芋泥三Q拿破崙當拿破崙遇上芋泥和麻糬 三重口感 令人一口接一口❤️✨開心果奶奶麻糬（期間限定）海量開心果碎和粉 為食妹👧🏻表示心心眼😍採用日本鮮牛乳及木薯粉 Q彈口感 冰冰涼涼好適合炎炎夏天 😮‍💨

Check in Taipei嘅裝潢好精緻，私隱度高，感覺好舒適。每個座位都設計得好有心思，令人食得開心又自在。蒜香三色台腸 $68一上枱，蒜香味已經撲鼻而來，真係好吸引。三種唔同顏色嘅台腸，原味、墨汁同黑椒味，每款都各有特色。配合蒜香同蜜糖味，味道層次豐富，每一口都令人回味。明太子麻糬蛋餅 $98呢個蛋餅好有特色，外皮煎得金黃酥脆，內裏包住咗煙韌嘅麻糬同鹹香嘅明太子。每咬一口，都感覺到麻糬嘅煙韌同明太子嘅鮮味，好滿足。 招牌牛肉麵$108呢碗牛肉麵嘅湯底清澈，味道濃郁，帶有微微嘅中藥香氣。牛肉片厚切，入口嫩滑，味道滲透得恰到好處。配埋嘅煙韌薯粉，索左個湯，令人一試愛上。肉鬆皮蛋魯肉飯 $78味道甜甜的，再加上肉鬆同皮蛋嘅鹹香，真係意想不到嘅組合。 最後，當然唔少得甜品，我哋叫咗芋泥三Q拿破崙$108呢個甜品真係創意無限，拿破崙酥皮脆而不硬，內餡係香甜嘅芋泥再加上肉鬆，味道好夾。每一層都帶嚟唔同嘅口感同味道，真係好滿足。 

壹北棧，環境非常優雅，打卡之選！⭐️ 招牌牛肉麵招牌牛肉麵係壹北棧嘅明星菜式，絕對唔可以錯過。選用上等牛肉，煮至軟嫩入味，牛肉嘅香氣滲入湯底，每一口都充滿濃郁嘅牛肉風味。湯底清而不油，味道鮮美，配上筋道十足嘅麵條，入口即化。再加上新鮮蔬菜同香菜點綴，令整碗牛肉麵更加豐富多彩。呢碗牛肉麵不單止味道好，賣相亦非常吸引⭐️ 明太子麻糬蛋餅明太子麻糬蛋餅呢道小食，創意十足。外層嘅蛋餅煎得金黃酥脆，內裏夾住軟糯嘅麻糬，口感對比鮮明。麻糬嘅黏糯同蛋餅嘅酥脆形成獨特嘅口感，再加上明太子嘅鮮香鹹味，令整道小食更加美味。每一口都充滿驚喜⭐️ 芋泥3Q拿破崙芋泥3Q拿破崙係壹北棧嘅招牌甜品，融合了傳統同現代嘅口味。多層酥皮夾住香滑嘅芋泥，配上Q彈嘅珍珠同椰果，口感豐富。酥皮鬆脆，芋泥細膩香甜，珍珠同椰果增加咗整個甜品嘅層次感。每一口都係一個美味嘅享受，唔會過甜，但又充滿芋泥嘅香氣

世貿改革左之後多左coffee shop 同打卡既餐廳進駐左，所以花廚之後約左朋友黎Check in Taipei 食飯傾計同打下卡今日超lucky 有日落睇，仲要燒天magic moment 🥰店內客人全都一起欣賞同覺得好靚之後食物就到左因為二個人所以點左一前菜一個飯一個蛋餅同一份炸物朋友唔太食水蓮同皇帝菜，所以我地叫左櫻花蝦烏醋茄子，佢地用左酸甜烏醋放底面頭鋪左櫻花蝦幾開胃同時有點口感（茄子軟軟棉棉，櫻花蝦脆脆咸香）呢款食物有幾多口感我地都點左一個招牌魯肉飯，份量小小的，面頭鋪左半個糖心蛋同醃蘿蔔，味道都幾好唔會過咸同埋糖心蛋既味都幾重，好岩配魯肉食，佢既魯肉用左梅頭肉，有油脂香味混合左汁醬中唔會死咸，成件事好精緻同味道算唔錯😌蛋餅點左松露起司玉米蛋蛋餅，呢個蛋餅無台灣既醬油糕的轉左松露醬，應該係fusion 左既新式蛋餅，我覺得無論蛋餅味定松露味都無乜特別，不過不失😂三色鹽酥雞，炸物，本身預期佢會照落左焦鹽再點個醬，但只係炸雞無鹽酥的🤣鹽，佢三款醬係黑松露醬，千島醬同蜜糖芥末醬，醬汁都可以，而且即炸即上好熱唔會油淋淋，但無左鹽酥感覺扣左分。佢地服務都好周到，幫手擺碟影相，又教我地