臺北棧 (世貿中心)

睇到平台上面有咁多好評，我真係唔知點解得分會咁高，啲評價會咁好，真係完全唔明。今日星期六，去到世貿老婆見到呢間嘢網上講好似唔錯，好啦嚟咗啦，點知一打開Menu，見到價錢簡直係驚嚇。一碗普通滷肉飯可以買到$68 ，牛肉麵最普通都要$108。我心諗，識呢啲基本嘢，一定冇死，應該都穩陣。點知牛肉麵所謂嘅刀削麵，今本就似烏冬多過次刀削麵。不過都算啦，唔係好好食，但係都叫OK。但係$108一碗麵，絕對有好多間做得好過佢。最令我驚為天人嘅係碗滷肉飯。$68一碗細細碗嘅滷肉飯，可以誇張到連飯都未煮熟，係食得出有生米嘅。呢樣嘢我真係覺得接受唔到！ 有乜理由一間咁大間餐廳，喺世貿中心開舖可以誇張到連米都未識煮？！ 餐廳服務唔可以話差，但係絕對體驗唔到台灣人嗰種人情味同埋溫暖。部份員工基本上喺度自己傾偈，或者行屍走肉咁行嚟行去。總之講到尾呢一個價錢絕對可以有更好嘅選擇。…查看更多

主打正宗台灣菜，環境舒適寬敞，裝修以台灣鐵路及阿里山為主題，主調係綠色同橙色，天花花俏高雅，絨面椅子同型格天花板上下呼應。門口嘅卡位設計得似19世紀台灣豪華火車包廂，坐得舒服，氛圍好有特色。招牌牛肉麵，湯底用牛骨加香料慢炖，湯頭醇厚香濃，帶有淡淡嘅藥材香，唔會太油膩。配以手工製手工刀削麵，麵條厚薄均勻，煙韌彈牙，好有口感。牛腱肉燉得軟嫩入味，啖啖都係肉，入唔同配料如蟲草花脆脆、百頁豆腐，中午有套餐選擇，搭配三款台式小食，送貨埋湯水，加錢有嘢飲。…查看更多

雞塊雞腿肉，裹上薄薄麵糊，炸至金黃酥脆，外皮乾身不油膩，咬落去喀滋一聲，內裡軟嫩多汁，無半點柴硬，絕對係街頭小吃的升級版。重點係三色特製醬汁：清新柚子醬帶酸甜果香，解膩提神；奢華松露醬添絲絲菌香，層次豐富；冬陰功醬則辣勁十足，泰式風情撲面，每款都可自由配搭，酸甜辣齊備，啖啖轉換口感，食到停唔低。套餐跟一杯蜜糖綠茶，清涼微甜，茶香中和油炸熱氣。肉燥飯加$15，魯肉濃郁入味，配白飯粒粒分明，若唔加，就有簡單白飯，夠飽肚但少咗驚喜。整體份量適中，適合一個人chill或小聚。👍…查看更多

Happy Friday就試下依間台灣野～無訂枱，7點左右去到被安排係門口隔離啲枱，想睇海景就早啲訂位啦～2個人叫咗4樣嘢：肉燥A菜（油麥菜），黑松露芝士粟米蛋餅，招牌牛肉手工刀削麵同埋海皇手抓餅。最impressive係刀削麵！口感好煙靭！每啖都好享受！牛肉都好林好好味！佢碗邊仲會有一Pat牛脂油，我無落到啦感覺好肥，男朋友就落左話食落好滯，大家有興趣就撈少少試下先啦～我仲叫咗杯熱嘅荔枝烏龍茶$38，無荔枝肉，就咁一杯茶～海皇手抓餅個樣好似pizza（我開頭以為台灣嘢都有Pizza就諗住試吓🤣）都幾好食，蝦大大隻，仲有啲蜆肉，再配芝士，唔會話好咸，我食左3件都唔會話好滯，都好幾食既。黑松露粟米蛋餅係超多粟米，拉絲夾雜粟米果隻，口感好豐富。感覺呢間嘢都多人，我哋食咗一個鐘左右就比人吹埋單，成餐飯食左500幾蚊覺得有少少貴，碟菜$89我覺得唔太值，除左碗麵應該唔會特別話想encore。…查看更多

本身非常鍾意台灣小食，看到評分很高非常期待，在銅鑼灣的位置也很方便。晚餐食物質素不錯，炒蛤蜊、木瓜牛奶好好食，黑醋炸雞OK，其他的菜已經忘記。但全部waiters全程黑面不知原因？問嘢只會搖頭，或者點頭走開，跟幾個waiter講話後都眼望別處當客人空氣。水杯忘記送，請waiter 送過來，三個人送來兩隻杯，人已經轉身走掉。不到七點已經過來講最後落單。態度差過茶餐廳。看似全部人很希望客人走。ok不會再來。…查看更多