聚來車仔麵

營業中

休息中

深水埗一向多好野食，見到依間連明星都幫襯過既車仔麵店，就試下先😋位置闊落又坐得舒服，牆上貼滿菜式相比客人睇唔洗估估下，仲有電視睇👍🏻✦ 自選四餸車仔麵 $55因為太肚餓所以叫四餸，唔想食麵仲可以叫車仔飯！我叫咗滷水雞翼、冬菇、生菜、芝心丸，份量十足，雞翼大大隻👍🏻又有5款醬汁揀，我揀左馬來沙嗲汁，好惹味😋我叫小辣，辣椒碎係分開放左匙羹上比你自己加，好貼心！又有10款麵底揀，實有款岩食，我揀左車仔面絕配既油麵底，煙韌又彈牙！✦ 草莓爆漿西多士 $40車仔面店有甜品食已經令人驚喜，仲要超高質好食😋大力推介依款西多，即叫即整好厚身，面頭鋪滿粉紅色草莓粉打卡一流👍🏻外脆內軟熱熱地有心太軟feel，一切就流晒d煉奶汁出黎🤩有阿華田味或草莓口味選擇，食完碗面再加個甜品，大滿足😌✦ 凍鴛鴦 +$3跟餐熱飲唔洗加錢既，就算凍飲都只係加$3就有一大杯，非常貼地！

做完運動經過深水埗，朋友介紹我一定要嚟試呢間車仔麵！充滿人情味嘅小台，見到餐廳內嘅都唔少係熟客/街坊！餐廳座位都闊落，而且好乾淨👍🏻店員好親切！▫️車仔麵（淨4餸） 配熱檸水呢間車仔麵好好，可以唔要麵叫淨餸，或者可以轉菜底，啱晒我呢啲低碳飲食嘅人士😋今次叫咗金菇、生菜、魚肉春卷及椰菜餃，配豬骨雞湯底！金菇同生菜保持水準，食落充滿豬骨雞湯嘅鮮味！魚肉春卷好驚喜，咬落肉質彈牙，好好食！另外椰菜餃都好值得一食，餡料超級足夠，椰菜餃脹卜卜，好好食，而且肉質好新鮮，帶點爽滑！▫️爆漿阿華田西多士好少車仔麵檔沒有甜品，見到餐廳都有兩款西多士，我就叫咗阿華田味試吓！賣相超邪惡，面頭佈滿阿華田粉碎同醬料，一切開，即刻爆漿，證明餐廳超級足料！食落又唔會太甜，西多士亦都唔會太厚粉，食落好鬆軟，兩者配搭得好夾，食得好滋味！

🌟今天是中秋佳節正日，難得是寫字樓可讓我們提早下班慶祝。時間尚早，我在深水埗逛下，餓了就選了間食店食個輕便的下午茶餐。餐廳的環境樸實，散發著濃厚的街坊熟客親切感。🌟我選擇了西多士下午茶套餐~$42。花生醬西多士，外脆內軟，裹上香濃的花生醬，甜中帶有淡淡的鹹味，讓人一口接一口，根本停不下來。搭配上兩隻炸雞中翼，更是絕配。炸雞翼外皮金黃酥脆，肉質鮮嫩多汁，令人難以抗拒。✨另外，我升級加$8配上凍檸樂，清新的檸檬香氣瞬間驅散了夏日的炎熱。凍檸樂的酸甜平衡得恰到好處，令人回味無窮。✨最後，我還點了煎釀三寶~$27。這道小食包含了釀了肉的茄子、辣椒和豆腐，外皮煎得金黃酥脆，內餡卻柔嫩多汁，口感層次豐富。每一口都讓人感受到廚師的用心。🌟整體而言，聚來車仔麵的下午茶餐不僅價格親民，味道也相當出色，無論是與朋友聚會還是獨自享受，都是個不錯的選擇。強烈推薦給喜愛港式小食的朋友們！

四餸車仔面特點同時間可以配辣醬加沙嗲醬超級惹味同埋辣咗少少對於我自己嚟講街坊車仔麵店好多選擇，如果兩個人嚟食就好因為可以食其他熱門小食見到啲相炸肉丸好想試，不過一個人食唔到清清地嘅可以就咁叫腩汁想惹味重口味，可以叫辣汁加咖喱汁

位於深水埗基隆街既一間車仔麵小店, 配料同湯底都幾多選擇, 另外仲有非常吸引既爆漿阿華田西多士, 今次太飽食唔到, 下次一定要再試. 🍽️ 三餸車仔麵 配料選擇多達3-40款, 今次就揀左香辣魷魚、爽脆豬耳、椰菜餃、粗麵. 魷魚同豬耳都非常入味, 而且夠爽口. 而椰菜餃餡料十足, 入口食到爽脆既椰菜, 配搭木耳同豬肉. 湯底方面豬骨雞湯可另加一款醬汁, 總共有5款口味選擇, 今次加左$2要腩汁、沙爹雙併醬. 湯底都幾濃郁, 醬汁入面帶蒜粒令味道更香.

經過開深水埗 就去試一試呢一間車仔麵🍜嗌咗一個三餸車仔麵 滷水汁 加凍檸茶揀咗蘿蔔 瑞士汁雞翼 同埋芝士腸 少辣睇落就係普普通通嘅車仔麵 但係蘿蔔非常甜 而且冇渣 呢個有驚喜嘅 好味！瑞士汁雞翼都醃到入味芝士腸就正正常常冇乜特別啦嗌小辣 餐廳就會將一啲秘製嘅辣醬放喺個匙羹度個人覺得個味 似平時食燒烤串燒嘅蒜蓉辣椒🤣加咗辣嘅話 整體個湯底會更加惹味 環境睇落都乾淨 服務員都幾好人 因為覺得太熱嘅關係喺度撥扇 佢哋好快就留意到 有即刻幫我開大啲個冷氣 好細心🤣🤣埋單$50 價錢合理 推介嗌蘿蔔

這店的食物種類選擇多，不但車仔麵可選的餸多，還要一讚的是這裏的小食和西多士！真是一試難忘❤️招牌煎餃6隻（韭菜豬肉）$37即叫即造，新鮮熱辣，皮脆餡料足，有滿滿的韭菜在裡面。一口咬落去，肉汁噴出來，真心推介！蒜香雞翼4隻 $32金黃亮麗，微微蒜香味，能突出煎雞翼的肉味。雖用爆蒜和煎法，但食落去皮香肉嫩，不會太乾，肉質嫩滑。爆漿草莓西多士 $40侍應把多士傳來時，香噴噴的草莓味撲鼻。粉紅奪目，西多士的中間有一粉紅的草莓池，令人急不及待要品嚐一下。當用刀切開多士時，中間的草莓池汁流出來，多士混合了草莓汁，也發現原來有草莓漿被藏在夾層中成為餡料，每一件食落去，甜度剛剛好，不會太甜，有陣陣的草莓味，很合適作晚飯後的甜品，是全日供應。四餸一麵（$53）大大碗的車仔麵，加上沙嗲汁，足料美味。冬菇和豬皮烹調得十分入味；黑木耳分量充足；生菜新鮮翠綠，營養豐富。這店的老闆、員工親切有禮。聚來車仔麵 (深水埗)深水埗基隆街172號地舖

被網絡上爆紅的阿華田西多士吸引，今日特地來試試。三餸車仔麵 HKD47牛腩｜豬紅｜咖哩魚蛋米線豬骨雞湯底牛腩有4至5件，份量蠻多，煮得軟嫩入味豬紅嫩滑入味咖哩魚蛋大大粒，咖哩味濃爆漿阿華田西多士 HKD38朱古力榛子醬+HKD2西多士炸得香脆，表面佈滿阿華田粉。一切開呈現爆醬效果！打卡💯可以加錢由花生醬改為朱古力醬，與阿華田完美搭配。凍檸茶 +HKD3香濃茶底小總結❤️❤️❤️❤️📌車仔麵提供多款選擇📌必試爆漿阿華田西多士#深水埗必食 #深水埗餐廳 #深水埗美食地圖 #餐廳推介 #hkfood #hongkongfood #hkfoodie #hongkongfoodie #hkfoodporn #hkfoodlover#hkfooddiary #hkfoodblog #hkfoodstagram #hkfoodculture #hkfoodscene #dailyymiscctungg

今天中午 ，天氣炎熱 。我們搭地鐵去到深水埗站， 走過去基隆街聚來車仔麵 ，午餐。我們叫了一份 米線套餐， 包括 爽脆豬頸肉 、香辣魷魚、 清甜蘿蔔 、生菜 ，加腩汁，和一杯 凍檸樂。 另外叫了甜品 爆漿草莓西多士和凍檸茶。米線套餐， 豬頸肉半肥瘦， 容易咬碎入口，蘿蔔又甜又脆，香辣魷魚好味道 ； 米線加腩汁， 配合得天衣無縫。甜品爆漿草莓西多士，西多士上面鋪滿草莓粉，內層有鮮甜的爆漿餡料。草莓醬的甜美，和牛奶的滑順口感，組合在一起， 美味無比。加上兩杯凍飲 ，在這大熱天時， 可以幫助消暑解渴， 令人身心舒暢。

深水埗最多就係平價又抵食！今日帶咗狗仔仔去深水埗沖涼，順便喺附近搵咗一間車仔麵落腳👍🏻四餸套餐鍾意多配料，一定要揀佢個套餐C：牛腩、豬皮、冬菇、蘿蔔，加$3嘅凍嘢飲都只係$60有找，極足份量，湯底好鮮甜，佢嘅辣亦都令人一試難忘！牛腩夠腍；冬菇好爽彈，厚身口感；唔鍾意食車仔麵嘅，亦都可以轉為米飯！👍🏻煎餃叫多咗份煎餃子🥟可以揀六隻、八隻、十二隻、而且雙拼都唔使加錢！鍾意食韭菜嘅一定要試韭菜豬肉餃，咬落去嗰陣清香好出色、鍾意口感嘅就揀椰菜木耳！👍🏻魷魚小食被佢個手指公所吸引，一場嚟到當然要試埋啦，魷魚灑上咗芝麻、撈咗麻醬、辣味亦都徐徐漸出！其實佢餐牌上面嘅滷水淨餸系列都極之吸引，可以一試！✨餐廳最出名嘅仲有一款叫做爆漿阿華田西多士，可惜實在太飽，有機會下次再食！

聚來車仔麵😘😘😘有緣聚－聚深水埗美食熱潮區、基隆街車仔麵茶記共聚一堂！太肚餓、醫飽肚仔先👍🏻袐製𡶐喱雞飯套餐$50港式黃咖喱、色、香、味俱全、帶點甜香味、色澤金黃、配白飯🍚一流！雞肉滑嫩、🥔薯仔腍甜入晒咖喱味！吃到舔舔脷👅👅𨍭凍檸茶+$3⋯⋯fresh檸檬清香、茶膽不澀口、yummy😊招牌韭菜煎餃子🥟8隻$45大大隻餃子包裹🈵️🈵️韮菜肉粒、外皮煎香金黃、外脆內軟、咬一口、爆汁！蘸點醋、更惹味👍🏻追加米線沙爹湯🥣底+16清香湯底、濃濃沙爹清香撲鼻！米線爽滑彈牙🦷+$7凍鴛鴦、咖啡/奶茶比例🈴️配、同時共享、超正😍袐製辣魷魚$40水魷魚🦑、配上主㕑袐製醬汁、辣辣地、超惹味！魷魚又爽又彈牙😋店舖爆漿西多士、留待下次光顧😛😛聚來車仔麵深水埗基隆街172號地舖港鐵深水埗站A2出口、步行約5分鐘

聚來車仔麵是一間值得一試的家庭式小店。作為一家家庭式經營的餐廳,他們的車仔麵提供了多款可選的美味配料, 今次我選了雞翼。牛筋，羅白配上米粉，朋友就選了牛腩，魚腐，雞腎配上米線，兩碗麵的份量剛好，配料新鮮，完全感受到車仔麵的本味此店除車仔麵外還可以選擇飯類作為主食，作為一間平民餐廳算是多款選擇的而我所點的美食中，其中令人難忘的是他們的煎餃,薄皮多汁,煎至恰到好處,外酥內嫩。再說，小店內店主熱情好客,讓人感受到家的溫暖。想品嘗正宗的車仔麵和各式飯類，這間聚來車仔麵都是不二之選。

今日同朋友去開深水埗行街。之後我們都肚餓就經過見到一間車仔麵小店。之後同朋友入去食午餐。那店舖職員非常熱情好有耐性介紹店舖食物。車仔麵有好多選擇後來我選擇左四個餸豬紅。羅白。豬肚及冬菇。全部都好入味好好食。都只須55元。我朋友選擇左個豬扒飯配有雞蛋及午餐肉只須52元。仲要連埋一杯凍飲品非常超值。之後見到餐牌有煎樣三寶只須27元全部食物都係即叫即整。其實還有好多好多食物都好想食。下次有機會一定再去食晚餐應該都會有驚喜啊！

閨蜜喺social media見到極其邪惡的食物，就叫埋我一齊去試🤣口腹之欲，的確罪孽深重😍。爆漿阿華田西多士 $38 （爆推🌟🌟🌟🌟🌟) 就是衝着它而來，第一次食，果然令人驚喜萬分❤️。仲加多$2，要了朱古力榛子醬。西多士賣相超級吸引，以超多阿華田粉鋪面，中間猶如火山湖一樣，上枱震騰騰😍一切開，流心餡傾瀉而出🤩，非常震撼。一啖入口，阿華田的香，夾雜着中間的朱古力榛子醬，非常香甜😍邪惡指數爆燈，但好食指數都爆曬燈。招牌雙拼煎餃 $63點了椰菜雲耳豬肉及+$3 要了芝士粟米，足足有12隻。餃子皮底部煎得非常香脆，但上層仍然柔軟。一啖咬開，餡料滿瀉。椰菜雲耳豬肉非常清甜，椰菜帶點爽口，很清爽的感覺。芝士粟米非常好食，芝士量足，帶點鹹香，配上甜甜的粟米，好食到食完一隻又一隻😍。招牌鮮炸肉丸 $35有10粒，即叫即炸，熱辣辣，好好食。炸得外脆內軟，啖啖肉，帶點點肉汁，幾好味。熱奶茶及凍奶茶身為奶茶控，必試其茶。茶底濃味，順滑入口，不錯。想睇更多介紹，馬上Follow我啦😁。

今天專程去深水埗特賣場逛逛，首先是要去吃很久沒吃的車仔麵了。知道這間車仔麵除了車仔麵好吃之外，最出名的就是爆漿阿華田！我們當然要一試！車仔麵先選擇面底，然後再逐樣餸叫。我們點了魚肉春卷、牛腩、墨魚丸等，配秘製辣汁和腩汁，味道很濃，餸菜亦彈牙新鮮。每一樣餸都是很新鮮的食材，麵底的腩汁又入味，麵質亦非常彈牙。招牌煎餃我們又點了雙拼煎餃。芝士粟米餃和韭菜豬肉餃。芝士粟米餃子外皮酥脆，一咬開就感受到香濃的芝士和甜脆的粟米的味道。招牌韭菜餃子同樣金黃酥脆，韭菜的清香和豐富的餡料彼此融合，口感鮮味，而且絕不油膩，咬落脆卜卜的！還會爆汁呢！爆漿阿華田西多士就是為了這個而來！果然名不虛傳，單是賣相已值回票價！炸得香脆的西多士配着濃濃的阿華田醬汁，內還有榛子醬。一切開，濃濃的朱古力醬汁瀉出，混合着榛子醬，蘸着醬汁，配上脆卜卜的西多士，口感豐富，味道一流！這間小小的食店，還有其他特色食物，例如「車仔飯」，都是餸菜自選的飯餐，或是秘製的碟頭飯，還有不同款式的餃子、小食、煎釀三寶等，十分多元化呢。