聚來車仔麵

營業中

休息中

成日見到有人分享呢間車仔麵嘅爆漿西多士🤣不過怕肥嘅我真係無勇氣試 都係穩穩陣陣食返碗麵🍜深水埗街坊小店嚟講 算係平靚正之選😍配餸多選擇 又有自家製餃子🥟有韭菜餃同椰菜豬肉餃 餃子皮厚身但唔會好粉感 餡料幾多 幾有鮮味車仔麵湯底唔會太鹹 清清甜甜 又唔泛油 飲完都無口乾分別叫咗幼麵、上海麵 麵質爽口💞特別推介豬手、豬頸肉 入味又爽口 白蘿蔔亦都多汁清甜 又無渣🥙丸都好彈牙！去深水埗唔一定係食越嚟越貴嘅X記🤣食呢間平民小店一樣掂

午餐肉炒蛋煎豬扒飯，好味道。這道美味佳餚結合了香噴噴的午餐肉、口感鬆腍的炒蛋和香煎豬扒，每一口都充滿滿滿的滿足感。午餐時刻，享用這一道心心念念的美食，瞬間讓人感受到幸福的滋味。無論是香噴噴的午餐肉，還是口感十足的煎豬扒，都散發出迷人的香氣，令人垂涎欲滴。讓我們一起來享受這道美味的午餐，讓味蕾在幸福中舞動。

聚來車仔麵 車仔麵麵底揀咗唔係度度都有嘅番薯粉，粗幼適中，晶凝通透，有嚼勁。餸菜揀咗牛筋，補一補充流失嘅骨膠原，質感爽口得嚟多汁有嚼勁。另外加食車仔麵必叫嘅墨魚，大大粒，口感彈牙。再加上一啲健康選擇，生菜爽口翠綠，豆腐質感結實卻綿滑。而湯底係豬骨雞湯底，亦有各種調味醬汁料選擇。食車仔麵當然要加杯凍飲，晚餐飲凍檸水至啱，唔怕瞓唔着。深水埗餐廳選擇好多，但呢間車仔麵係簡簡單單有屋企嘅感覺。餐廳内放咗幾幅畫，一啲小擺設，更顯心思。下次我決定要試吓佢哋嘅爆醬阿華田西多士！

大今天要跟大家分享一家我最近在深水埗發現一間有人情味餐廳-聚來車仔麵！這裡位於深水埗基隆街172號地舖，都好就腳。芝士粟米餃子。這道餃子酥脆外皮下藏著香濃的芝士和甜脆的粟米，每一口都讓人愛不釋手。大人小朋友食都好有營養。招牌韭菜餃子。這個餃子外觀金黃酥脆，一咬下去，韭菜的清香和豐富的餡料彼此融合，口感鮮味！他們自創的爆漿阿華田西多士。這塊多士外皮酥脆，切開後流出的阿華田內餡熱騰騰，口感獨特，鹹甜之間互相揮映，比起平時的西多士特別， 必食之選。聚來車仔麵的車仔麵，先選擇面底，然後再逐樣餸叫。我選擇了牛柏葉、紫菜、魚肉和芝士丸等等，每一樣餸叫都是新鮮的食材，讓整碗麵更加豐富多樣。全部材料新鮮麵底入味。聚來車仔麵 (深水埗)深水埗基隆街172號地舖#聚來車仔麵 #車仔麵 #美食探險 #餐廳評論 #香港美食 #食評 #芝士粟米餃子 #招牌韭菜餃子 #爆漿阿華田西多士 #foodie #delicious #foodblog #yummy #foodporn #instafood #foodstagram #foodlover #foodphotography #foodgasm #foodbl

深水埗美食小店很多，今晚就以香口小食做晚餐😋叫了一個招牌煎餃雙併🥟隻隻餃子都非常飽滿，餃子外皮煎到金黃色好吸引，餃子煎完都非常juicy! 👍🏻喜歡韭菜的我當然鍾意食韭菜餃，但估唔到椰菜餃也非常好吃，因為佢加咗雲耳，所以口感豐富啲😋招牌鮮炸肉丸也有意外驚喜😱佢係即叫即炸嘅，我開頭以為佢會好似宜家嗰啲肉丸咁，點知食落去外脆內軟，因為肉丸加咗菜，所以比較裡面軟熟～好味😋偷聽到後面嗰台客人叫了爆漿阿華田西多士，佢仲有爆漿草莓西多士添，都好吸引呀！🤭其實餐廳嘅食品都幾多元化，車仔麵又有，滷水又有，甜品又有，咖喱飯都有，想食多食少都有好多選擇👍🏻

聚來車仔麵📍深水埗基隆街172號地舖蔥油豬扒飯，香脆多汁既豬扒同撈飯一流既蔥油真係夾到爆😍豬扒大大塊，咬落係極軟熟有口感🩷其實配埋蔥油食真係好正架☺️☺️牛筋🐮牛腩🐮魷魚🦑米線 呢度最少揀三個餸🤤魷魚🦑好爽口有口感、牛筋粗大而柔軟、食落好有膠質🤤🤤 #性價比高 #餐廳推薦 #旺角美食 #美食推介 #尖沙咀餐廳 #高質餐廳 #yummy #foodie #mkfood #mk #芝士 #熔岩飯 #尖沙咀美食 #美食推薦 #美味

聚來車仔麵位於深水埗基隆街172號由深水埗站A2出口行6至8分鐘就到餐廳舖頭好乾淨企理有2人檯同4人檯仲有電視睇新聞台邊食飯邊睇資訊招牌煎餃子 6隻 $37 8隻$45我選左6隻因為想食多幾款食物餡料係韮菜，椰菜木耳粟米餡加$3我叫左雙拼椰菜木耳 油份比較少，爆汁韮菜❤️ 韮菜好嫰，爽口，多汁咖哩雞球飯$50送熱飲凍飲加$3咖哩汁香濃雞球夠滑撈飯最正飯同咖哩汁係另上蔥油雞排飯$53可配餐蛋，腿蛋，雙蛋蛋係太陽蛋可以將蛋黃撈飯餐肉厚厚一塊雞排原塊上煎得香脆蔥油香氣十足果然係招牌菜

去深水埗買電話卡，當然順便去深水埗搵嘢食 搵返地道嘅食店先 喺網上見到聚來車仔麵 好吸引 行過去基隆街 試試先店除咗多款食物選擇嘅車仔麵之外仲有鎮店之寶煎餃子係佢哋自己包嘅今次叫咗車仔麵，下次要再過嚟試車仔麵叫咗三餸豬大腸 滷得好入味切成一片片好易咬入口咖喱魚蛋都幾彈牙 韭菜餃 識得出㗎，佢哋自家手工包嘅好香，韭菜味 揀咗米線面底湯就揀咗佢哋嘅豬骨雞清湯清淡冇味精嘅 再加佢自家製嘅辣醬小辣最啱我 瑞士汁雞翼又係非常入味 食完一隻再一隻爆漿阿華田西多士就係為咗呢個而嚟㗎網紅食品開頭以為佢好甜，又唔係爆漿係花奶 同埋揀咗榛子朱古力醬加埋非常滋味 一口氣食晒店員仲係非常有人情味細心問候 嘢食好唔好食要多幫襯呢啲有人情味嘅家庭式小店保留到佢哋傳統嘅手藝聚來車仔麵 網址: https://s.openrice.com/QrbS0QwGA00~uVCELAA地址: 深水埗基隆街172號地舖電話: 23918033

聚來車仔麵 (深水埗)深水埗基隆街172號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：爆漿草莓西多士 $40，茶餐追加瑞士雞翅(2隻) +$16，凍檸茶 +$3，鹵水雞腎 $30爆漿草莓西多士：西多士外皮酥脆金黃，上面鋪滿草莓粉，內層有鮮甜的草莓爆漿餡料，再淋上草莓牛奶，草莓醬的甜美，草莓粉的香氣和草莓牛奶的滑順口感組合在一起，帶來了一種多重層次的美味！😄😄😄瑞士雞翅：瑞士雞翅肉質軟滑，口感鮮嫩多汁，瑞士汁味道濃郁，能充分滲透至雞翅內部，但又完全不會過份油膩，值得一試！👍👍👍凍檸茶 ：檸檬厚薄適中，富有酸甜風味，加上茶葉的淡雅香氣，冰塊充足，帶來一股冰涼又清新的口感，讓人消暑解渴！😍😍😍鹵水雞腎：腎肉飽滿鮮嫩，經過鹵水烹調後，肉質更加滋潤豐潤，帶來滿滿的肉香味，每一塊雞腎都充滿了肉汁，讓人食指大動！😋😋😋

趁有時間 舊地重遊附近食個快飯😂😝約咗甜品達人 喺深水埗即興飯聚😶😮之後 再出發去完成今日嘅任務啊🫠🤫呢間舖頭雖然細 枱數都唔算多呢😗😲而繁忙時段 要同其他人搭枱食飯🤫🤭但勝在地理位置方便 唔會盪失路😙😛聚來車仔麵 當然最出名係車仔麵🤪🫣仲有流心多士 性價比高值得一試😍🤩-車仔麵 ($50)呢度嘅配菜種類選擇多 辣醬嘅辣度同湯底可自選🫰🏻😆豬紅咖哩魚蛋蘿蔔生菜配埋番薯粉 真係好足料啊👍🏻😛-🍛咖哩雞扒飯 ($50)香脆嘅雞扒肉質鮮嫩 如果肉肉份量多啲就更加好😂🤣-🍫爆醬阿華田配朱古力榛子醬西多士 ($40)單睇賣相已經流曬口水 食落幸福感馬上提升💕⬆️全塊嘅西多士 都係滿滿嘅阿華田粉同埋醬喔🍫✨一切開塊多士 啲阿華田好似瀑布咁流曬出嚟🌊💦食完真係好有罪惡感 甜品達人嘅強烈推介啊😈❤️

食下平民嘢的時間到啦。來深水步發掘呢間車仔麵。我叫左清湯，三餸幼麵：雞腎，肥牛，芝心丸。我男朋友就叫左腩湯，三餸油麵：蟹柳，紅腸同肥牛。雖然個麵比較普通，但勝在小食幾特別。有招牌肉丸同密製醬汁魷魚，係麻將加bb辣，好不錯。$40幾蚊一個麵，$30幾蚊一個小食。絕對係平民好介紹呀！

話説有日 🦖 帶埋大鄉里朋友仔去見識下深水埗嘅電子xx城市（佢真心以為淨係得電腦嘢賣，少年你太年輕了）。搏鬥過後，急需補充能量就去咗呢間 bookmark 咗好耐嘅車仔麪店食佢哋其中一樣招牌名物~爆漿阿華田西多士 🥰但緊係要食完鹹嘢先可以食甜品嘅，menu 入面車仔麪同埋煎餃都好吸引，所以我哋就 all in 全都要！值得一提嘅係佢哋嘅食物都係唔落味精，食得安心又放心。車仔麪d 料都好多，豬骨雞湯底同各種配料都好夾，加啲腩汁已經好夠味。香辣豬紅的骰嫩滑唔腥；豬腸肥美，清得乾淨無異味；香辣魷魚切得比較幼細，食落好似魷魚麵咁樣，爽口不膩🦑 （呢個幾特別）~食嘅時候可以加埋枱面自家製嘅辣菜脯更加惹味！煎餃有唔同口味，我哋就要咗芝士粟米同埋韭菜豬肉雙拼煎餃🥟 真係估唔到咁好食，即刻新鮮煎脆口亦唔會好油膩，食落係卜卜脆加好足料。韭菜豬肉肉汁豐富，仲有好香嘅韭菜味。芝士粟米入面係半流心狀態嘅芝士仲有少少拉絲！芝士味唔會好鹹好搶所以無咁膩，唔錯。兩款都各有千秋，每日新鮮包製果然係唔同啲！西多士加入Nutella 夾心，而面頭層鋪滿阿華田粉增加咗個脆脆嘅口感，一切開滿滿嘅流心即刻湧出嚟！好邪惡但唔覺唔

星期六下午1:00到，不用排長龍，等一張枱便有位。車仔麵試咗冬菇、魚蛋、豬皮、豬紅，全部好味道，仲有兩條生菜送埋。枱面有辣椒蘿蔔任加，！食埋個阿華田西多士，店主好好問要唔要後上。環境乾淨企理舒適。食物感覺也乾淨，唔似得深水埗某d有幾個位嘅車仔麵，張枱好污糟。但可能家庭式經營嘅原因，所以嘢食買少少先到。成間鋪有一男一女老人家，另有一男一女約40歲。下次再嚟試餃子🥟，我見隔離枱d餃子煎得好靚好脆咁。但因太飽吃不下。

我同老公係深水埗去食「聚來車仔麵」, 呢間係家庭式店舖唔少菜式, 都係自家秘製, 例如一啲小食, 秘製辣魷魚, 香煎豬扒, 我見隔離枱個啲, 真係好大塊呀! 店內阿姨埋枱招呼好親切; 餐廳右手邊, 掛着一幅画，寫着：我的麵，给你家的味道。有差不多50款餸比你揀, 每款餸嘅份量都適中, 由$9-14都有, , 麵底$12起, 跟餐要熱飲加$5, 凍飲或者汽水都係加$7, 仲有特飲加$10, 價錢亦唔係貴。三餸車仔麵我叫左一碗三餸米線, 配魚肉春卷, 生根, 雞翼尖; 米線好滑又夠淰; 魚肉春卷, 平時啲車仔麵都好少見呢款餸, 佢嘅魚肉春卷好似腐竹同魚蛋結合嘅感覺。第一啖咬落去真係好有驚喜，因為佢嘅魚肉好彈牙而且肉質好鮮嫩。雞翼尖都滷得好入味, 而且可以骨肉分離; 我要少辣, 唔算好辣, 枱面仲有一樽自家製辣菜脯比你調味。呢個跟餐要了一罐可樂。爆漿阿華田西多士(朱古力榛子醬) - $40甜品方面, 我同老公share左一個佢地好出名嘅爆醬阿華田西多士, 邪惡至極呀! 西多士鋪了滿滿嘅阿華田粉, 阿華田醬汁, 淡奶, 煉奶爆漿, 濃濃阿華田 mix埋入面夾住朱古力榛子醬, 甜甜地食落真係好開

今日食咗一個好開心嘅午餐，同老公去咗深水埗基隆街買布，然後喺附近食個快lunch，求其入咗一間茶餐廳食，估唔到都幾有水準。老闆，店員都好好人，好有禮貌，見到佢哋同啲街坊都好熟。仲要食食吓有明星睇，真係超開心囉😂🤭今叫咗車仔麵，秘製蔥油豬扒飯，煎餃子。。。冇諗過每一樣都真係幾好食😋車仔麵- 豬紅，餐肉，豬頸肉，油麵，仲落咗秘製辣椒醬餐肉喺煎香左嘅，唔係一般車仔麵就咁烚熟塊餐肉就俾你食。車仔麵嘅湯，望落去淡色，但係味道好夠！秘製蔥油豬扒飯香煎豬扒，唔會煎得太燶，啱啱好，同埋豬扒都好軟熟，夠晒入味！蔥油都好好食，如果落多少少蔥油，會更加開心🥳仲有隻太陽蛋加腸仔👍🏻煎餃子 - 韭菜煎餃，芝士粟米煎餃呢度嘅煎餃，冇諗過皮薄餡靚仲好juicy 🤤雖然俾咗一兜餃子汁，但完全唔使點已經好夠味!生菜好新鮮，同埋賣相上碟都都幾靚。叫埋凍檸茶同熱檸水，完美😍呢間茶餐廳絕對可以encore！下次要嚟試過下午茶，阿華田西多士先得！📍 聚來車仔麵 (深水埗)深水埗基隆街172號地舖