聚來車仔麵

營業中

休息中

好耐冇食過啦！一直對聚來嘅車仔麵同西多士念念不忘，最近終於有時間去食！三餸車仔麵套餐 $47呢排好鍾意食豬手，所以逢親食車仔麵都要叫返個豬手嚟食下。呢到嘅豬手炆得幾入味，食落骨膠原滿滿。另外蘿蔔都係食車仔麵時必定要叫嘅餸，蘿蔔非常清甜，食得好滿足！淨冬菇 $30朋友好鍾意食冬菇，所以我地叫咗個淨冬菇嚟試試。冬菇份量都多，食落好有香氣，口感爽滑。芝士粟米煎餃 $42超鍾意食餃子嘅我係絕對唔會放過任何一個食餃子嘅機會！呢到嘅芝士粟米餃真係好特別好好味。今次食嘅時候感覺比以前洋蔥味重咗。爆漿阿華田西多士 $40隔咗一排冇嚟食，今次食依然保持到水準！阿華田粉+榛子醬+花奶真係最佳配搭！建議大家真係一定要試！

最近去咗深水埗一間價錢非常親民嘅餐廳，主打香港地道味道——車仔麵同咖喱飯。餐廳乾淨整潔，座位寬敞，令人感到親切又舒適。🍜 *四餸車仔麵推介* ： - _腩汁湯底_ ：湯底濃郁鮮香- _幼麵_ ：幼滑爽口的麵條充分吸收湯汁精華，- _豬手_ ：豬手炆得軟糯入味，皮滑彈牙，膠質滿滿，每啖都係滋味。 - _咖喱魚蛋_ ：魚蛋外層吸滿咖喱汁，香濃而不辣，內裡彈牙- _豬皮_ ：豬皮煮得夠腍，入口q彈，吸收腩汁嘅濃郁味道，是不容錯過的選擇。 - _蘿蔔_ ：蘿蔔炆至軟熟，充分吸收湯汁，入口甜美且充滿層次感。

今日就同朋友去左聚來車仔麵店內裝修簡潔, 車仔麵有超多款配料選擇秘製蔥油豬扒飯配餐肉煎蛋 蔥油嘅比例啱啱好,豬扒夠大塊配搭燶邊嘅煎蛋, 超級邪惡另外揀咗3餸面豬手, 豬耳, 豬紅配撘油面 豬耳咬落爽口, 豬手炆得好腍身, 豬紅洗得好乾淨, 油麵彈牙, 咖喱湯底係店舖自家熬製, 好入味, 加上秘製中辣辣醬, 辣得過癮牛筋, 韮菜餃, 豬肚配蕃薯粉+沙爹汁牛筋膠質好重, 韭菜餃餡料滿滿, 豬肚份量好多,薯粉口感煙靭, 掛滿沙嗲汁, 旁邊仲有特色菜譜, 加埋落麵度, 辣辣地更加惹味

一直都好想嚟試吓呢個特別嘅阿華田爆漿西多士，今日週末專程過嚟食🥰店舖細細間，但係入邊乾淨企理。店主一家都好有人情味。平時多數做街坊生意所以食材唔加味精。做質量同口碑。**阿華田爆漿西多士**：呢個西多士真係超級好食，外脆內軟，多士面層灑滿咗阿華田粉，切開嘅時候中間爆漿。好特別勁好味呀。 **秘製蔥油香煎雞扒飯**：雞扒煎得啱啱好，外脆內嫩，蔥油香氣濃郁，配搭白飯同太陽蛋真係好開胃**秘製蔥油香煎豬扒飯**：豬扒嘅肉質鮮嫩，蔥油令味道更加出色，飯底吸收咗肉汁 。好好味。跟餐奉送：熱華田熱好立克

呢度煎餃子同爆漿西多士頗出名，果然值得一試😃。🥢爆漿華田西多士：✨推介✨西多士撒滿華田粉同花奶，中間夾着花生醬🥜，多士艰潤唔會乾，而且冇咁油膩，一人食全份都唔濟👍🏻🥢煎餃（椰菜木豬肉餃+芝士粟米餃）：煎餃juicy! 芝士粟米餃味道好濃蛋黃醬味道，有日式風味🇯🇵。🥢車仔麵、冬菇、辣水魷：冬菇炆得又淋又入味，水魷用腐乳醬煮過好惹味👍🏻，食車仔麵當然配爽口油麵。魚肉春卷既腐皮有豆香。👍🏻

聚來車仔麵以家庭形式經營，店內裝修簡潔，以乾淨、健康，食材絕不添加味精，務求做到最好吸引食客。車仔麵價錢又平民化，而且配料及湯底更可以自由配搭。豬手、豬皮、魚片頭、貢丸、煎蛋、清甜蘿蔔配幼麵，豬骨雞湯底配沙嗲汁。豬手口感軟糯，香氣濃郁，豬皮、魚片頭、貢丸爽口彈牙，煎蛋香口，蘿蔔香甜，全部都好入味，湯底夠味夠香甜，幼麵底掛湯後彈牙又美味。豬手、豬皮、豬紅，豬大腸配米粉，豬大腸清潔得好乾淨，冇肥膏同異味，林度啱啱好又入味，豬紅都好夠滑，爽口嘅米粉浸在香濃的湯底，爽口又鮮甜。熱華田、凍鴛鴦：香濃美味，每啖都細緻幼滑。

在深水埗這邊發現了一家不但可以吃車仔麵還有好多小食，尤其是好出色的爆漿西多士！### 爆漿阿華田西多士 好誘人的西多士，切開之後，朱古力榛子醬如同潤滑的河流流出，西多士中間幾層夾住朱古力榛子醬，一咬就瞬間爆漿，整個口感層次豐富！### 爆漿草莓西多士整塊西多士不單止中間是草莓醬，表層也是士多卑利粉，好吸引人的粉嫩色，簡直就是少女心爆棚！### 椰菜豬肉水餃米線椰菜豬肉水餃米線是一道充滿東方風味的美食，讓人一試成主顧。米線滑嫩，吸附了湯汁的精華，還帶有餃子中的豬肉和椰菜香味！跟餐加左瑞士雞中翼略帶甜味的醬汁，為雞翼增添了豐富的風味，散發著誘人的香氣！

聚來車仔麵今次要介紹喺深水埗一間車仔麵店叫「聚來車仔麵」，呢間車仔麵店都好多明星嚟過，入面空間唔算好大，都夠一部輪椅入去，不過門口有一級，輪椅人士入去食嘅話，就要自備斜板！1.車仔麵套餐（4餸）$55+凍鴛鴦$3（9.5/10）車仔麵四餸揀咗牛腩、豬耳、蘿蔔同芝士丸，牛腩有4舊，有少少韌，白蘿蔔有5舊，每一舊白蘿蔔都好甜，豬耳有7條，芝士丸有2粒，仲有生菜，麵揀咗幼麵，辣度揀咗小辣，唔錯！飲品揀咗凍鴛鴦，凍飲只係加$3，係套餐加飲品嘅優惠，呢杯鴛鴦偏酸少少，都好好飲！2.咖哩雞扒飯$50+黑華田脆脆特飲$12（10/10）（原價$20）呢碟咖哩雞扒飯個咖哩汁係有少少甜甜地，唔食得辣嘅你都可以叫呢個咖哩，雞扒煎得外皮好脆，肉質幾嫩滑，好味！飲品揀咗黑華田脆脆特飲，原價單叫一杯要$20，依家跟套餐價一杯只係加$12，華田飲落唔會好甜，面上仲有薄薄地嘅脆脆，唔錯！3.爆漿阿華田西多士（花生醬）$38（10/10）呢個爆漿阿華田西多士有得揀花生醬或榛子醬（+$2），我揀咗花生醬餡，一個西多士就有三個味道，第一個味道阿華田，第二個味道朱古力醬，第三個味道花生醬，簡直非常邪惡，必叫之選！2人總共價

★爆漿阿華田西多士★ $40內餡可以揀榛子醬/花生醬招牌必點♥️係邪惡max的配搭😈阿華田脆脆+朱古力醬+流心奶+蛋香西多士+朱古力榛子醬朱古力星人最愛，超濃厚阿華田衝入個口度！每一啖都有阿華田脆脆，包保持鬆軟又有蛋香！PS☆ 其實小編四五年前就試過呢間嘅西多！！當時都未有其他餐廳嘗試呢種配搭，應該算係原創品🥹★招牌煎餃6隻★ $37鴛鴦餃不用加錢！揀咗椰菜+韭菜超級推介🤍一定要點！！！～兩邊都煎到超脆(๑>◡<๑)點用左少少生粉煎，見到有微微雪花❄️餃子皮薄內餡好多汁，食落好實淨，特別推介椰菜餡好清甜！★自選車仔麵★・牛筋、魷魚、蘿蔔 (低脂高蛋白之選) $49牛筋同魷魚都係低脂高蛋白之選～份量都幾多，牛筋煮到好腍好入味！魷魚一啲都唔韌，好彈牙爽口（≧∇≦）蘿蔔推介☆感覺到係新鮮好清甜，完全冇筋，吾係煮到好攔個種♡又有膳食纖維同維他命C試左朋友嘅牛腩唔會全部都係肥肓，半肥瘦花紋好平均(//∇//)幼麵質軟硬適中，唔係超難咬斷嗰種★黑白華田脆脆特飲★ (跟餐) +$12$12真係超抵飲，白華田同平時嘅阿華田好似，不過白華田係牛奶麥精，阿華田會多咗朱古力味～面頭加左大量阿華田

今日去咗深水埗買電腦，行過見到有間車仔麵，決定入去試吓，叫咗五個餸： *雞中翼* 、 *牛筋* 、 *冬菇* 、 *魚肉春卷* 同 *魚片頭* ，配埋 *幼麵加腩汁* ，*雞中翼* 🍗：煮得幾入味，肉質嫩滑，完全唔會覺得乾。 *牛筋* 🐮：燉得夠淋，充滿膠質感，入口即化，味道一流！ *冬菇* 🍄：吸晒啲汁，香口又入味。 *魚肉春卷* 🦐：外皮香脆，魚肉鮮甜彈牙，口感非常好，值得推介。 *魚片頭* 🐟：口感爽口彈牙，簡單但美味。 *幼麵配腩汁* 🍜：幼麵煮得啱啱好，唔會太淋，腩汁濃郁，撈埋啲餸一齊食，真係好味！

今日去深水埗買完電話咭，行過見到間車仔麵，有啲肚餓就入去試吓。我叫咗五個餸：雞中翼、牛筋、冬菇、魚肉春卷同魚片頭，配幼麵加腩汁。 雞中翼煮得幾入味，肉質嫩滑，唔會太乾；牛筋夠淋，咬落去有啲膠質感，正！冬菇吸晒啲汁，好香口；魚肉春卷外皮脆脆哋，入面魚肉彈牙，幾好食；魚片頭就爽口彈牙，樣樣餸都唔錯。幼麵煮得啱啱好，唔會太淋，腩汁夠濃郁，撈埋啲餸一齊食，好好味！😋 整體嚟講，呢間車仔麵幾抵食，餸嘅份量都算多，味道唔錯，下次經過都會再幫襯！😋

竟然係甜品+車仔麵 全部都好出色😍😍爆漿阿華田西多士🧇🧇🧇+$2 upgrade 朱古力榛子醬🍫🍫西多士中間有爆漿熔岩表面佈滿大量阿華田粉 超邪惡入口真係驚為天人 勁好食‼️朱古力榛子醬夾心 加上表面阿華田粉係濃濃既朱古力味 同阿華田香味 味道岩岩好唔會好甜話佢係一間比車仔麵耽誤嘅甜品舖都唔過份🤤🤤脆脆火山特飲🍹🍹🍹上面有大量阿華田脆脆 飲落係好重既阿華田味加上有脆脆增加口感 成杯嘢飲提升咗LV車仔麵 (2/3/4餸)🍜🍜🍜麵底都已經有10款😍😍😍湯底仲可以自行配搭腩汁+沙嗲汁沙嗲係餐廳自己煮，有好多香料湯底有豬骨雞湯味 加埋2款汁 味道好香🥳🥳🥳味道好夠 烏冬都索曬D湯汁🩷🩷魚蛋夠彈牙 蘿蔔好甜好淋 豬腳炆得好入味秘製辣魷魚🦑🦑味道好香麻醬味 辣辣地 好開胃魷魚爽口 惹味招牌鮮炸肉丸🧅🧅即叫即炸 充滿肉汁 好香洋蔥味外脆內軟 口感好豐富

揸車去到深水埗有好多Cafe，我太想食熱食，終於搵到附近有間車仔麵檔，入面有麵仲有飯食。本身想食芝士粟米餃子，但佢冇得單點，一定要食煎餃套餐，所以都係揀返車仔麵，因為入面其中一個餸有椰菜餃，滿足左我今日想食餃子。第二個餸嗌左咖哩魚蛋，有咖哩味但唔辣。第三個餸揀左牛筋，全部都大大舊，都起碼有4-5舊肉。朋友分享左個牛腩比我食，同平時啲牛腩唔同，大塊啲但冇咁林。呢個蘿蔔好嫩，唔似平時啲蘿蔔有根。人均$40左右，都幾抵食👍

係到叫左一碗三個餸嘅車仔麵（😋豬腳、菜心、太陽蛋🍳）加埋熱飲，都係$47only！而且有得轉飯、其他類型嘅麵又得！啲食材感覺好新鮮🫶🏻而且我都叫多左一個魷魚小食，食落同我想像中有啲唔同🤣呢度嘅魷魚非常軟嫩，食落去又不失爽口嘅感覺，口感係恰好同易入口！上面仲有芝麻醬，食落感覺幾特別😆佢嘅豬腳比我嘅感覺都係一樣！同埋味道偏清清地，非常適合大家想食得健康啲！特別讚揚埋佢個太陽蛋，煎得勁靚🥹平時勁鍾意食haha！服務非常貼心，仲準備左多個碗仔比我，啲辣椒仲有事先幫我用湯匙分開，大家可以因應自己需求添加～加上呢間環境都幾整潔同食得舒適！大家不妨去深水埗不妨可以一試～

今日嚟左深水埗食一間好出名嘅車仔麵 位置十分方便 地鐵站行5分鐘就到 阿華田西多士外脆內軟的西多士搭配上濃郁的阿華田巧克力醬，口感豐富，甜而不膩。每一口都能感受到香濃的巧克力味道。芝士豬肉煎餃 & 韭菜煎餃這兩款煎餃各具特色，芝士豬肉煎餃的餡料充滿了濃郁的芝士香味，煎至金黃的外皮更是香脆可口。韭菜煎餃則帶有清新的韭菜香，餡料鮮嫩。牛腩麵牛腩肉質軟嫩，與麵條的彈性形成完美搭配。湯頭醇厚，卻又不會掩蓋麵條的原味，適合喜歡較重口味的人士。總的來說，這幾道美食各具特色，無論是從味道、口感還是搭配上都讓人享受，值得一試！聚來車仔麵 (深水埗)深水埗基隆街172號地舖