聚來車仔麵

營業中

休息中

牆上寫住「有緣相聚 歡迎再來」，認識呢間餐廳的確係緣份牽引，亦都真係令我不停再去！ 有日嚟開呢頭係想試附近一間好出名嘅餃子店，點知冇做足功課遇著休息，非常失望之際都要搵嘢食，經過呢間見門口餐牌話有餃子，就求其啦是但啦走入去。 環境好普通似一般茶記，但好光猛，亦好乾淨企理，連餐牌都整得好光鮮唔會融融爛爛，比人用白板筆自己寫，抹乾淨就可以再用，幾欣賞小店都有呢啲心機。 （以下係集合咗幾次用餐體驗，並非一次過食晒）首先要講就一定係餃子，10級驚喜🤩款式雖然唔多，有韮菜豬肉、椰菜豬肉同埋芝士粟米（冇肉，只限煎餃），可以揀湯或煎，亦可以雙拼。我次次都係食煎餃，幾隻味都試過晒，質素好穩定，次次食都超正！一上枱見到隻隻煎餃都係金黃色，顏色好均勻，視覺上已經好吸引，咬落去熱辣辣，個皮好脆，但一啲都唔油膩👍🏻餡方面，兩款肉餃都勁多肉汁，係咬落去會爆出嚟咁多，菜都好香好多，調味唔鹹🤤至於芝士粟米餃，芝士濃但粟米甜，仲加咗洋蔥粒令到更香，又唔膩，真係款款都好正😋有次忍唔住問店員，佢哋話啲餃係自己包，豬肉要揀半肥瘦，完全冇諗過一間咁平凡嘅小店都會咁有心機👏🏻 辣菜甫都值得點評一下，唔係死辣，亦都唔係太鹹，食得

當日食咗車仔麵，餃子同埋肉丸。三樣嘢當中印象最深刻一定係佢嘅炸肉丸！老闆話係用新鮮嘅豬肉整再去炸😆上到枱面係熱辣辣嘅，每一粒肉丸都係好脆！而佢嘅口感都好豐富除咗豬肉之外仲有洋蔥喺入邊🧅加上肉丸好細粒食完一粒會一口接一口咁樣食，會食唔停！食完一碟好有衝動想叫多一碟😂😂

餐廳名已經寫明係車仔麵但係見到好多都係介紹佢嘅餃子為主🥟所以我就係跟隨大眾食咗餃子，但同時都食咗車仔麵😂但係真心覺得餃子好食啲嘅😂餃子每一隻都好足料而且都煎得好脆，係外脆內軟😉餃子皮都唔會好厚😙自己比較推芝士粟米餃子🧀

好耐冇出深水埗覓食，前排好Hit嘅阿華田西多士一直都未試，經過見到呢間舖頭嘅阿華田西多士好吸引被吸引咗入嚟雙拼湯餃八隻大大粒嘅水餃餡料超級豐滿一睇就睇得出！有韭菜豬肉同埋雲耳豬肉餃，餡料一咬就爆曬出嚟，超級滿足而且多汁，好彩冇加麵底如果唔係一定好飽朋友叫嘅車仔麵都好抵好足料，雖然我冇飯食但係睇個樣都知靚仔最後因為食到有啲飽冇叫到阿華田西多士叫咗份原味嘅share食，做得都幾出色最重要係好抵！食咁多嘢買單都唔使$150

▫️爆漿阿華田西多士 ($35 + $2)呢款賣相超吸引😍😍😍之前成日見到人推薦 一直都想試 今次終於有機會食到☺️去到必食爆漿阿華田西多士！西多士餡可以簡榛子朱古力或花生醬🥜花生醬平時就見得多 好少有榛子朱古力餡 所以簡左後者🤩西多上鋪滿可可粉 中間仲流心添！一切開就爆漿🥰食落好香朱古力味 如果可以少甜D就好▪️湯餃 ($32 6隻)簡左雙拼 有韭菜豬肉同椰菜雲耳豬肉 各3隻😋隻隻都超多餡 皮好薄🥟湯底就係清湯 加少少秘製辣椒超正😍

大隻仔今次覓食嘅店舖就係💥 聚來車仔麵 💥 大隻仔想食阿華田西多士好耐，但唔係每一間都好食，問過朋友邊間好食，朋友推介「聚來」，今日終於食到期待已久嘅阿華田西多士。😋😋餐廳名字「聚來」原來解作「有緣相聚，歡迎再來」。餐廳老闆、員工都好有禮貌，服務周到，老闆建議大隻仔西多士當甜品後上。而且價錢平，食物質素高，值得支持嘅小店，推薦。👍👍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製蔥油扒飯套餐 $49（香煎雞扒飯 + 腸仔 + 煎蛋 + 熱鴛鴦）甜豉油+煎蛋+蔥油，真係冇得輸，超級好食，撈飯一流，食多一碗飯都仲得。腸仔唔鹹，雞扒煎得岩岩好，嫩滑多汁，雞皮煎到少少脆，好好食，雞扒冇雪味而且醃得夠入味。👍👍大隻仔真心推介「蔥油雞扒煎蛋腸仔飯」😍😍😋 熱鴛鴦 $0咖啡味重，奶茶味唔太突出，但味道唔差。🔥 兩餸車仔麵 $38 （包熱飲/凍飲+$3）（瑞士雞翼+雞腎+紅薯粉+瑞士汁+凍檸茶）好抵食，紅薯粉唔需要額外加錢，而且包飲

聚來車仔麵📍深水埗基隆街172號地舖又到左食車仔麵既環節😍😍而深水埗既 #聚來車仔麵 ，係呢區都幾出名🤗好好彩地今日唔使排隊就可以入去食🤟🏻🤟🏻必食煎餃-韭菜/芝士粟米（雙拼）餃子皮接合處用花邊形狀來塑形，食起上黎外皮酥脆，內餡有嚼勁，粟米🌽每粒都呈飽滿狀態，咬落香脆多汁😋韭菜同豬肉份量調配得剛好，配煎餃皮薄柔軟，內餡汁多。牛筋🐮牛腩🐮牛肚🦑米線 呢度最少揀三個餸，將選擇嘅餸菜寫落塊板度就得！車仔麵🫕份量非常足料又大份，例如牛筋粗大柔軟，食落好有膠質🤤🤤加咗少少本店嘅菜脯，好正呀👍🏻👍🏻👍🏻👏🏻

同朋友經過深水埗見到呢間小店 雖然店舖好細 但係勁多嘢食🤩 有車仔麵 多士 餃子🥟 各種街頭小食都有 4餸車仔麵 分別叫左🐮牛腩 🐔雞翼 🥟餃子 🥕蘿蔔 牛腩好腍好入味 餃子餡好飽滿 每粒肥嘟嘟😝 雞翼都大大隻 蘿蔔都幾多吓 重點係成碗都放滿晒餸 好飽滿好靚😍爆醬阿華田西多 食物與圖片💯相同😆 上邊係阿華田粉+ 濃郁嘅阿華田醬 入邊係花生醬 趁熱食成件事好夾 好邪惡😈雙拼煎餃（韭菜🐷+椰菜雲耳🐷） 好少食到外皮真係脆嘅煎餃🥟 仲有黃金嘅外皮 呢個絕對💯 另外每粒都爆餡同保持到餡汁👍👍👍

本來想食同一條街另一間人氣小店，但男朋友肚餓所以無排，行過見到呢間唔太貴，望落又乾乾淨淨就試吓。我叫咗8隻煎餃($42+$3)椰菜木耳豬肉煎餃+芝士粟米煎餃雙拼唔洗另外加錢，但如果叫芝士粟米就要+$3啱啱上枱熱到食唔到😂隻隻餃都煎到脆卜卜，好熱氣但睇見都覺得開心。椰菜木耳豬肉煎餃好好食，餡料好多，菜嘅比例都幾多，雖然係煎餃但都幾清新。另一款係OpenRice好多人推薦嘅芝士粟米煎餃開頭都怕得芝士同粟米會好普通，但入面加咗少少洋蔥粒，加咗有返D清爽口感。味道有少少○寶罐頭湯嘅感覺😂都幾好食，個人鍾意椰菜木耳豬肉煎餃多少少。

聚來車仔麵 Gather Again📍深水埗基隆街172號地舖呢晚終於約到學日文嘅朋友食晚飯，一心想行下深水埗啲文青鋪，所以我哋揀咗喺店舖附近嘅餐廳食。朋友話心血來潮有啲想食車仔麵，所以我哋search到呢間餐廳，坐低邊食邊傾。好鍾意餐廳印喺牆上嘅一句：「我的麵給您家的感覺。」，的確，無論係嘢食，定家庭式經營嘅店員，都好有人情味，好有家的感覺！ 💰$44三餸車仔麵 🍜我自己叫咗一碗三餸車仔麵食，揀咗番薯粉做麵底，另外叫咗豬頸肉、魚腐同咖喱魚蛋做餸。佢嘅湯底default咗係豬骨雞湯，可以自行加多一款醬汁，所以我加咗腩汁。番薯粉煙煙韌韌，好有咬口；湯底飲落無味精，加埋腩汁特別香。豬頸肉細細條但份量多，而且佢唔係一般嘅滷水口味，爽口得嚟食到原汁原味。咖喱魚蛋雖然唔係我鍾意嘅細粒皺皮魚蛋，但都好味，佢嘅咖喱同一般港式咖喱嘅調味有少少唔同，都有香味但唔會過鹹。 💰$48三餸菜底 🥗朋友叫咗碗三餸菜底，揀咗生菜、香辣魷魚、貢丸同冬菇。佢無揀加汁落個湯底，反而揀咗加中辣嘅秘製辣汁。佢大讚個辣汁好味，因為個汁係重蒜嘅，而且辣得嚟好香！冬菇隻隻都大大隻，亦好厚身；魷魚唔腥同爽口，貢丸就正正常常。 💰$

▪️車仔麵 配腩汁▫️牛柏葉$12▫️墨魚丸$10▫️蘿蔔$10▫️魚肉春卷 $12▫️米線 $10車仔麵有好多餸選擇，花多眼亂😛今次就試咗4個餸，當中最鍾意嘅係墨魚丸，好夠彈牙，有一粒粒墨魚粒，幾有口感😚鍾意食辣嘅話建議加埋啲招牌辣醬一齊食，辣醬幾嘢味，但又唔算太過辣▪️餃子麵 $42 配咖喱汁▫️6隻餃子(椰菜雲耳豬肉餃) +米線米線幾滑，軟硬度啱啱好，咖喱汁偏椰汁味重。餃子方面，個皮好夠薄，餃子幾足料，又唔會好易散👍🏻▪️ 招牌煎餃 $34 ▫️ 6隻餃子 (芝士粟米)+$3煎餃子熱辣辣，咬第一啖就見到半溶既芝士流出嚟😍配埋粒粒嘅甜粟米，幾有咬口

每次去深水埗就一定會想幫襯呢間小店，今日下午四點食下午茶，成間鋪都坐滿人，就算係星期六日都有下午茶餐。另外，呢間小店睇落都係一家人去經營，服務真係好細心，一見到有空碟就會幫手收，等我地有多啲空位放野食，然後見到我地好論盡咁食到枱面都有汁，就會用毛巾幫我哋抹乾淨，好窩心！1. 爆漿阿華田西多士（$37+$2朱古力榛子）呢個簡直鋪頭嘅招牌西多士，西多士夠脆，上面鋪滿勁多阿華田粉，一切開就會有好多煉奶流出嚟，而我哋就揀咗加兩蚊要朱古力榛子醬餡，切開就會明顯見到夾左好多醬，雖然好邪惡，但好值得食！2. 招牌鮮炸肉丸（10粒，$32）肉丸炸得外皮好脆，上一台都要攤凍一陣先可以放入口，一粒一口就會食得出入面有粒粒洋蔥加埋啲豬肉，仲會提供甜酸醬，豐富番個味道！3. 三餸車仔麵（香辣魷魚、牛腩、滷水雞腎，$50）呢個車仔麵最欣賞係佢嘅沙嗲醬，估唔到沙嗲醬入邊都有自家製嘅味道，有適量嘅蒜味同薑味。餸方面，估唔到三餸嘅量都好多，香辣魷魚好爽口，如果辣番啲就更加好，麻辣魷魚有小食份量可以叫，我諗會重口味啲；牛腩就好林同入味，唔會畀湯底搶左味；滷水雞腎都好爽口同量多，呢個車仔麵啲餸加埋米線底真係好飽！！！仲有

呢間小店應該係家庭式經營，一坐低老闆就介紹佢哋招牌煎餃同車仔麵餐，之後就有位年長嘅姐姐經過時主動同我講早晨🤗老闆娘就同D熟客傾得好開心，感覺氣氛好親切☺️✨招牌煎餃🥟揀左韭菜豬肉+椰菜木耳豬肉雙併，🥟大大隻包得好靚，即叫即煎，熱辣辣好香口✨三餸麵$45車仔麵我一定食油麵！至鍾意揀豬紅同咖喱魚旦，今次再加埋瑞士雞翼，仲有佢哋嘅秘製辣醬～自家製辣菜脯，都算幾辣，落左一湯匙，成碗麵變得好刺激🥵鍾意食🌶️嘅朋友一定要試吓 🤭

星期日係深水埗買完sim card之後，同老公去食車仔麵。車仔麵2餸套餐 呢個揀左牛腩、蘿蔔，腩汁湯底，粗麵，牛腩唔韌，蘿蔔腍得黎又爽口，無渣夠清甜。呢個揀左豬手、芝士丸，鹵水汁，米線，米線夠滑身。招牌鮮煎鴛鴦餃子$34/6隻，揀左雙拼，要椰菜雲耳豬肉餃同芝士粟米餃(加$3)，鍾意前者多啲，好飽滿又多汁，而且外皮煎得好脆，好食。爆漿阿華田西多士$35，拼朱古力榛子醬加$2，比起平時既西多士更加邪惡，多士蘸滿榛子醬變得好濕潤，索晒啲味，正。餐飲要熱檸茶同熱華田。

嚟到深水埗食車仔麵，小店家庭式經營，坐得好舒服，店員好親切好有屋企人嘅感覺😂 大家去撐下呢間小店啦❤️小店食物選擇有好多，叫咗碟炸魚丸share，好彈牙又有魚味，點埋個秘製汁好好食！同朋友一人嗌咗一碗麵，份量都好多，大大碗好多麵，餸又大份，朋友話冬菇大嚿彈牙，豬骨湯底清清地，白菜餃皮薄多餡，滿足到餃子控！而我推介沙嗲湯底，少少辣好惹味，但冇味精感覺，豬紅都係必叫，好入味，蘿蔔好大嚿又甜，米線好滑又彈牙！