聚來車仔麵

營業中

休息中

高手通常都係會哩埋喺凡間默默耕耘為社會付出👨🏾‍🍳阿公無意入咗嚟食野就比呢到嘅特別野吸引咗👀有兩款爆醬西多士 雖然最後阿公好飽食唔到🫣但見到人哋食真係D醬要湧出隻碟咁濟💦仲有十幾款小食、餃子、咖哩飯、車仔飯麵等等試哂都要嚟多五、六七次先得🤣車仔飯/麵👇🏻有多達50款餸可以揀😱(阿公真係逐款數)麵底都有10款 仲可以揀菜底最最最最緊要份量多‼️睇下阿公夾起咗咁大注D餸都係唔沉落去嫁🤣 知佢咩料啦唔係淨係主糧多嫁🍜餸都係以量取勝🏆(Yeah)🥬生菜有半碟份量咁多🍙紫菜有1/4餅🐽豬頸肉有十幾條🍄冬菇有四大粒🐮肥牛睇落好似得三片 但係闊身佢一片已經等於出面三片🌶辣椒醬 以蒜泥為主 食落重蒜香 配襯麵一流👍🏼招牌鮮炸肉丸👇🏻就好似港版「依家肉丸」咁入面其實係洋蔥豬肉丸特別在洋蔥多🧅 小量豬肉淋身D但就好香 唔會成口肥膏肥油而且無味精 好「屋企」嘅味道粟米芝士餃👇🏻滿充住粟米芝士😍阿公第一口咬落去仲要拉絲入面仲有小小淋咗嘅洋蔥食落無洋蔥味反而鮮甜咗整體就算無肉都唔會寡😋講咗咁多，最深刻就係場上面一句「我的麵給您家的味道」食完一餐飯 我感受到嘅係人情味唔係用錢就可以買到嘅味道😌

被邪惡嘅阿華田西多士吸引來了 小店位於深水埗 雖然係車仔麵餐廳 但其他嘢食一樣出色 好有驚喜‼️ 而且人情味滿滿 店員熱情 會主動問西多士洗唔洗飯後上 好細心👍🏻 好彩晚市早少少去 唔洗排隊 入座冇幾耐 見到出門已經要排隊✿ 雙拼招牌煎餃8隻 ✿ [$45]我地叫左椰菜雲耳豬肉同芝士粟米餃🌽 有驚喜✨ 餃子🥟煎到脆卜卜 而且皮薄餡多 鍾意芝士嘅一定要叫芝士粟米煎餃 好正‼️ 椰菜雲耳豬肉餃都好正 有肉汁 8隻食完仲想encore 煎餃必叫👍🏻✿ 爆漿阿華田西多士 ✿ [$35]好邪惡😈 西多士即叫即做 熱啦啦 灑滿曬阿華田 但意外地唔會過甜👍🏻 西多士切開啲花奶瀉曬出來 味覺同視角都好滿足😋 必點✿ 三餸車仔麵 ✿ [$52]車仔麵最少要叫三餸 我地揀左豬頸肉 雞翼 牛腩 啖啖肉 每樣餸都好足料 雞翼同牛腩煮得好軟糯 湯底方面我叫咗小辣 辣度係譚仔嘅五小辣左右 大家嚟食嘅話可以用依個指標👍🏻地址➸ 深水埗基隆街172號地舖★好食指數★：4/5★服務態度★：4.5/5★冇加一★

第二次黎食呢間聚來車仔麵，呢間餐廳嘅車仔麵唔錯之外，佢嘅爆漿阿華田西多士更加係令我再黎幫襯嘅原因，所以網上好多人都推介🌟車仔麵今次同朋友一人叫咗一碗3餸車仔麵，朋友揀咗沙嗲汁配豬頸肉、豬紅、生菜、油麵，我就揀咗咖哩汁配魚肉春卷、豬皮、蘿蔔、幼麵，兩款都有加辣醬，令個湯底好香蒜蓉味，而咖哩汁相對較辣，但食落幾過癮啲配料樣樣都唔錯，而特別一提係豬紅同蘿蔔炆得好淋好入味，蘿蔔再索到啲咖喱汁更加惹味🌟秘製辣魷魚魷魚爽口，面頭有芝麻醬同芝麻，帶少少辣味🌟爆漿阿華田西多士呢個係招牌菜，餡料可以揀花生醬或者朱古力榛子醬，我就揀番食開嘅花生醬，西多士除咗炸得幾好之外，面頭海量嘅阿華田粉同埋切開爆哂出黎嘅阿華田真係好吸引，味道亦都好正，所以一定要黎試呢個！

回訪愛店❤️瑞士雞翼 $30最近朋友好鍾意食瑞士雞翼，所以我哋去到餐廳見到瑞士雞翼就會嗌一份嚟試下！今次試呢個瑞士雞翼色澤依然吸引，而且超級入味，大概係我近期食過最好味嘅瑞士雞翼！佢入味之餘唔會太鹹，同時帶有甜味，而且佢啲肉一咬就斷，應該炆咗好耐～芝士粟米煎餃 $45其實呢間舖頭我已經食過幾次，自從第一次試完佢個芝士粟米餃之後，我就決定每次去都要去嗌！每次都係即叫即煎，所以食落口一定係熱辣辣脆卜卜～裡面嘅芝士同平時食開嗰啲唔一樣，佢比較流質。另外，配搭粟米食落會有甜味，依家一路介紹又好想食多次啦！爆漿阿華田西多士（朱古力榛子醬）$37另一樣必嗌嘅就係爆漿阿華田西多士！多士出面裹滿阿華田粉，加埋裏面嘅朱古力榛子醬，有多重朱古力香，食完超滿足！3餸車仔麵套餐 $45今次我哋叫咗三餸車仔麵，配料有蘿蔔、咖喱魚蛋同埋芝士丸。湯底方面，我哋揀咗滷水汁同埋小辣。佢嘅蘿蔔好甜，索埋湯汁超juicy！

不嬲都中意食下小店，經常都會去食下車仔麵😌 整得好味同乾淨嘅車仔麵店其實唔多，呢間我會想再去。必食雙拼煎餃 ($42/8隻)叫左韭菜餃同埋椰菜餃，隻隻都好足料，外面煎得好香脆又唔會燶，裏面係仲有肉汁，所以食嘅時候要小心肉汁飛出嚟，好好味🤣下次想試埋佢新嘅芝士粟米餃子。嚟到車仔麵店，一定要試佢嘅車仔麵啦，叫咗牛腩、牛柏葉、墨魚丸同埋咖喱魚蛋嘅河粉，配埋腩汁同埋秘製辣汁，鍾意食辣一定要試吓佢嘅辣汁。 ($55)除咗車仔麵啲餸之外，佢都有一啲小食，今次就叫咗秘製辣魷魚🦑 ($38)，幾爽幾彈牙，而且個秘製汁個味幾好，辣得幾過癮。爆漿阿華田西多士配朱古力榛子醬($37)睇咗好多食評都話要試呢個，真係冇叫錯。邪惡得來真係好好味，好有滿足感，唔會係超甜，但係有啖啖都係醬，好正😋但相信要做返D運動先可以消化到佢🤣最後想讚一讚啲店員，全部都好Nice，會特登問我哋西多士係咪食到差唔多先上，我哋冇叫嘢飲，又會主動俾兩杯暖水我哋，見我哋拎住個袋，仲特登比四人枱我哋兩個人坐🥹開心🥳。

大概係太耐無食過，由夜晚訓教前到一起身都好想食車仔麵！🍜 一入店已見到一句字句「有緣相聚，歡迎再來」的確⋯⋯⋯⋯我係會再來的☺️人情味十足，落單後等上菜既時候就最感受到，有幾位客人相信熟客仔，每一句「係咪照舊啊靚女」「今日咁晏既」都比到好大既親切感🥰🍴車仔麵配搭：蟹柳、豆卜、雞翼尖拼油麵小編揀左中辣及咖哩汁，味道濃郁，尤其豆卜索哂啲汁好正👍🏻係油麵啊！幾肥都抵啊！唔知大家平時會拼咩麵呢😆不得不讚小店既蒜蓉辣椒醬，相當香同惹味，我成羹落哂辣到流哂鼻水，超爽🤣🍴車仔麵配搭：豬紅、豬皮、豬大腸、牛栢葉拼油麵𝐌𝐑.𝐉就揀左小辣及沙嗲汁，味道唔會太鹹，好明顯既沙嗲香味。𝐌𝐑.𝐉最鐘意食「膽固醇餐」😂 反而我真係過唔到個關口🥹所以有佢最真實既評語：好入味！而且好乾淨唔會怕食壞腸胃下次一定會再來，因為食到好飽既時候先發現有個極度吸引既甜品—爆漿西多士，望落個樣係勁吸睛🤩

本身嚟到呢間車仔麵店真係諗住食車仔麵，點知原來仲有咁多野食！！而我肚仔又餓，就冇食到車仔麵，嗌左個飽肚嘅飯食！！秘製蔥油扒飯套餐配雙蛋$49：一上枱就覺得個飯好靚，頭頂盞燈光打落去，更照得兩隻太陽蛋「令立立」，蛋黃「浪下浪下」咁，底又煎得香口，令人食指大動！！雞扒嫩滑香口~蔥油淡香，唔似出面茶餐廳咁油膩～個人大推呢味碟頭飯！！秘製辣魷魚 $38：魷魚爽口～秘製醬汁小小辣口～幾滋味！！見佢仲有爆醬西多士甜品，賣相好似好吸引，口碑又好好！！但太飽啦！！冇試到，下次試下先～順帶一提，座位坐得舒服，舖面乾淨企理，坐得好舒服～

推薦呢個爆醬阿華田西多士！😍想試好耐因為除咗賣相好吸引👍食物味道都好好食架！夠多醬～全日供應$38 入面可以揀花生醬或者榛子醬～ 除咗阿華田口味，仲有草莓口味 下次要試埋😋雙拼煎餃子 $60/12隻我地揀咗韭菜豬肉同椰菜雲耳豬肉餃～ 一睇個賣相都好正 兩邊都脆卜卜！好誇張 一咬爆哂汁😳車仔麵自選麵底 $10牛腩 $14豬頸肉 $14魚肉春卷 $12蘿蔔 $9個人最鍾意蘿蔔，因為好冧甜冇渣！聚來車仔麵 (深水埗)深水埗基隆街172號地舖#深水埗美食 #西多士 #阿華田 #餃子 #車仔麵 #推薦 #好西系列

今次叫咗8隻雙併煎餃，一個係芝士粟米，一個係韭菜，非常有質素好好味，一定要趁熱！佢有瓶辣椒，非常好味，一定要加埋佢，尤其是係芝士粟米嗰隻，加咗完全係點精作用，超正！

深水埗有唔少食肆都有佢哋做得出色嘅招牌菜，琴日就去咗聚來試佢哋出晒名嘅爆漿阿華田西多士同招牌煎餃子。爆漿阿華田西多士唔太甜，整得足料又用心。如果個爆䊢再濃稠返少少，就Perfect啦！招牌煎餃子今次揀咗韭菜豬肉，餡多又煎得靚好好味！呢啲小店除咗食物做得出色，招呼親切又有人情味。呢餐食得開心。#小店招牌菜#漿阿華田西多士#招牌煎餃子 #韭菜豬肉煎餃#聚來車仔麵 #深水埗の尋寶 #深水埗逐間試 #ChopsticksAndForks #FoodyRuby #LifestyleInfluencer #MyFoodDiary #FoodBlogger #FoodBlog #FoodLover #Foodie #HKFoodBlogger #HKFoodBlog

爆漿草莓西多士($38 per 1)係賣相100分嘅西多士中間嘅草莓醬 唔會過甜都唔會過酸,甜而不膩係甜甜地又暖暖地 ~♡♡幸運感up up表面會有好多草莓味 糖粉 啲鍊奶一切落去就流哂出黎，個感官好正。個麵包邊就炸到邊脆脆地。佢仲有一款再邪惡啲嘅西多士(爆漿阿華田西多士),但個人鍾意 因為阿華田個口感膩咗啲,食完會飽飽地。頭盔 都可能我本身細食Total5 out of 5視覺同口感上得到雙重享受Btw 次次去依間車仔麵店都唔係食車仔麵之下次有機會食下車 仔麵先。

其實對車仔麵嘅鍾愛，可能係因為想懷念細個嘅回憶！經過深水埗，見到有車仔麵食，已經忍唔住衝咗入去！但意外地原來除咗車仔麵，呢度仲有好多特色小食！🍜 紅腸。午餐肉。豬大腸。芝士丸。米粉紅腸同午餐肉煎過😍真係好有誠意❤️❤️但重點係個豬大腸，肥大而且有咬口，係必食推介🌟🌟🌟個祕製辣醬 好正🤤加咗蒜蓉，所以好香，而且好夠辣！🍽️生菜魚肉 $27魚肉新鮮彈牙👍🏻👍🏻👍🏻🍽️招牌鮮炸肉丸 $32 🌟🌟🌟必食🌟🌟🌟呢個我真係食到停唔到口，首先size非常好，一粒放入口剛剛好，肉汁好juicy，而且有好香嘅洋蔥味！朋友仲食到有蘿蔔絲！🤤🤤🤤🍽️招牌煎餃 雙併 6隻 $34+$3（芝士粟米）我地揀咗椰菜雲耳豬肉同芝士粟米！椰菜雲耳豬肉比較清淡，但口感唔錯，而且非常多汁！芝士粟米就必食推介🌟🌟🌟🌟除咗多汁，滿滿嘅芝士加上粟米，真係一食難忘🥹🥪爆漿阿華田西多士 $35🌟🌟🌟必食🌟🌟🌟個饀我哋揀咗朱古力榛子醬+$2。已經食咗咁多嘢，本來後悔叫咗個咁heavy嘅甜品，但食落口都唔會好甜，唔會好膩，連唔鍾意食甜品嘅朋友都大讚好食！小插曲：當我地讚緊爆漿阿華田西多士好好食之際，有個熟客推介我哋食爆漿草莓西多土，佢話個草莓好香

又嚟介紹特色餐廳喇🥢！今次想介紹一間位於深水埗嘅一間小店🫶🏻。呢間小店雖然係主打車仔麵，但係其實佢其他嘢食都一樣咁出名㗎❤️。另外我自己幾欣賞呢間餐廳名嘅意思，聚來係代表「有緣相聚，歡迎再來」。淨係見到呢句都覺得好有人情味🙌🏻。今次我就一於叫晒最想食嘅嘢🤩，想知我嗰日食咗咩嘅，就一定要繼續睇落去啦～食物方面☝🏻#自選車仔麵（$43）首先就想介紹餐廳嘅主打食物車仔麵🍜，我今次就選擇咗三餸嘅車仔麵😋，分別有豬紅牛腩同埋生菜🥬，另外喺麵底方面我就揀咗粗麵。講返味道先，豬紅夠新鮮，口感滑溜😍。牛腩炆得好入味，口感軟腍🐂。至於生菜同粗麵都吸收咗腩汁嘅精華🤩。對我嚟講係一個非常好嘅配搭，每款食材都可以相輔相成👍。#招牌雙拼煎餃（$60）跟住就要介紹下餐廳嘅招牌煎餃🥟。我本身都好鍾意食煎餃🤪，見到餐廳有嘅就當然要試吓啦！今次我就椰菜雲耳豬肉餃，另外再叫咗芝士粟米餃（+$3）😎。餐廳嘅煎餃真係好明顯係即叫即整🥰，送到上枱都仲係熱辣辣。同埋煎餃煎得夠晒酥脆，喺口感上真係冇得輸😬。講返個味道先，雲耳口感爽脆，另外豬肉嘅份量都好充足，絕對係足料嘅餃子🥟。另外芝士粟米餃我真係超級滿意🥹，當中嘅粟米份量非常多，而

聚來車仔麵 (深水埗)秘辣魷魚 $38係好特別既口味 秘製醬汁有真花生香味麻麻辣辣咁 好開胃好惹味蒜泥白肉 $30蒜蓉加埋一層層嘅五花腩配上酸酸地嘅黑醋非常之夾而且唔會覺得好油膩招牌煎餃-鴛駦餃 $34 ！！必食！！煎餃非常出色令人驚喜咬落爆汁而且餡料非常飽滿外皮煎得香脆 咬落口感豐富車仔麵$ 51-豬頸肉、墨魚丸、魚肉春卷、粗麵、熱華田車仔麵嘅汁好好味 配料選擇非常之多墨魚丸彈牙爽口 豬頸肉肉汁豐富非常Juicy😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💵💵💵💵——————————————————店舖資料📍深水埗基隆街172號地舖

一向是聚來車仔麵的粉絲的我， 每次來到深水埗，除了想去cafe 外， 有間平靚正麵店都好喜歡！這小店名字由來：有緣再「聚」，歡迎再「來」， 所以我自己都忍不住來過好多次幫襯！我自己喜歡其煎餃🥟招牌鮮煎餃子 - 韮菜餃 :即叫即煎所以都係新鮮熱騰騰的，粒粒飽滿炸到金黃色脆皮，韮菜豐富多汁！爆漿阿華田西多士 西多士上鋪滿阿華田粉 ，中間水澢澢的阿華田，我慢慢切開防止溜哂阿華田汁出來！中間夾著花生醬，實在滋味！鹵水豬手我都好愛吃，好入味又多骨膠原呀！