影片
更多
2023-03-01
236 瀏覽
牆上寫住「有緣相聚 歡迎再來」，認識呢間餐廳的確係緣份牽引，亦都真係令我不停再去！ 有日嚟開呢頭係想試附近一間好出名嘅餃子店，點知冇做足功課遇著休息，非常失望之際都要搵嘢食，經過呢間見門口餐牌話有餃子，就求其啦是但啦走入去。 環境好普通似一般茶記，但好光猛，亦好乾淨企理，連餐牌都整得好光鮮唔會融融爛爛，比人用白板筆自己寫，抹乾淨就可以再用，幾欣賞小店都有呢啲心機。 （以下係集合咗幾次用餐體驗，並非一次過食晒）首先要講就一定係餃子，10級驚喜🤩款式雖然唔多，有韮菜豬肉、椰菜豬肉同埋芝士粟米（冇肉，只限煎餃），可以揀湯或煎，亦可以雙拼。我次次都係食煎餃，幾隻味都試過晒，質素好穩定，次次食都超正！一上枱見到隻隻煎餃都係金黃色，顏色好均勻，視覺上已經好吸引，咬落去熱辣辣，個皮好脆，但一啲都唔油膩👍🏻餡方面，兩款肉餃都勁多肉汁，係咬落去會爆出嚟咁多，菜都好香好多，調味唔鹹🤤至於芝士粟米餃，芝士濃但粟米甜，仲加咗洋蔥粒令到更香，又唔膩，真係款款都好正😋有次忍唔住問店員，佢哋話啲餃係自己包，豬肉要揀半肥瘦，完全冇諗過一間咁平凡嘅小店都會咁有心機👏🏻 辣菜甫都值得點評一下，唔係死辣，亦都唔係太鹹，食得
有日嚟開呢頭係想試附近一間好出名嘅餃子店，點知冇做足功課遇著休息，非常失望之際都要搵嘢食，經過呢間見門口餐牌話有餃子，就求其啦是但啦走入去。
環境好普通似一般茶記，但好光猛，亦好乾淨企理，連餐牌都整得好光鮮唔會融融爛爛，比人用白板筆自己寫，抹乾淨就可以再用，幾欣賞小店都有呢啲心機。
（以下係集合咗幾次用餐體驗，並非一次過食晒）
首先要講就一定係餃子，10級驚喜🤩款式雖然唔多，有韮菜豬肉、椰菜豬肉同埋芝士粟米（冇肉，只限煎餃），可以揀湯或煎，亦可以雙拼。我次次都係食煎餃，幾隻味都試過晒，質素好穩定，次次食都超正！一上枱見到隻隻煎餃都係金黃色，顏色好均勻，視覺上已經好吸引，咬落去熱辣辣，個皮好脆，但一啲都唔油膩👍🏻餡方面，兩款肉餃都勁多肉汁，係咬落去會爆出嚟咁多，菜都好香好多，調味唔鹹🤤至於芝士粟米餃，芝士濃但粟米甜，仲加咗洋蔥粒令到更香，又唔膩，真係款款都好正😋有次忍唔住問店員，佢哋話啲餃係自己包，豬肉要揀半肥瘦，完全冇諗過一間咁平凡嘅小店都會咁有心機👏🏻
辣菜甫都值得點評一下，唔係死辣，亦都唔係太鹹，食得出加咗蒜，夾落啲煎肉餃度食好惹味😎
招牌煎鮮餃子
30 瀏覽
0 讚好
0 留言
另外一樣試過嘅就係蔥油雞扒飯，除咗雞排做主菜之外，腸仔、煎蛋同火腿之中可以揀兩樣，都幾滿足到貪心嘅心態🤣整體算係唔錯，豉油汁甜甜地，蔥油都香，不過雞扒雖然唔鞋但又未到好出色，午餐要飽肚嚟講都係ok嘅選擇～
呢度仲有個甜品好出名，就係爆漿阿華田西多士，聽個名都夠晒邪惡，我仲加咗錢要Nutella，肥得徹底啲😂啲阿華田粉完全覆沒咗成份西多，一切落去個花奶池就瀉出嚟，視覺上都幾震撼🤩食落唔算太甜，不過都係未到驚艷級，間中過下癮就好了。
整體嚟講，我覺得呢間小店係幾有心思，超越期望，淨係食餃子我都可以不停回頭再回頭😝
*****
多quota評價：😋Quota花得值
🥟煎餃獨立比🤤爆quota都食
(🤮<☹️<😐<😋<🤤)
張貼
