影片
更多
2023-02-07
35 瀏覽
聚來車仔麵 Gather Again📍深水埗基隆街172號地舖呢晚終於約到學日文嘅朋友食晚飯，一心想行下深水埗啲文青鋪，所以我哋揀咗喺店舖附近嘅餐廳食。朋友話心血來潮有啲想食車仔麵，所以我哋search到呢間餐廳，坐低邊食邊傾。好鍾意餐廳印喺牆上嘅一句：「我的麵給您家的感覺。」，的確，無論係嘢食，定家庭式經營嘅店員，都好有人情味，好有家的感覺！ 💰$44三餸車仔麵 🍜我自己叫咗一碗三餸車仔麵食，揀咗番薯粉做麵底，另外叫咗豬頸肉、魚腐同咖喱魚蛋做餸。佢嘅湯底default咗係豬骨雞湯，可以自行加多一款醬汁，所以我加咗腩汁。番薯粉煙煙韌韌，好有咬口；湯底飲落無味精，加埋腩汁特別香。豬頸肉細細條但份量多，而且佢唔係一般嘅滷水口味，爽口得嚟食到原汁原味。咖喱魚蛋雖然唔係我鍾意嘅細粒皺皮魚蛋，但都好味，佢嘅咖喱同一般港式咖喱嘅調味有少少唔同，都有香味但唔會過鹹。 💰$48三餸菜底 🥗朋友叫咗碗三餸菜底，揀咗生菜、香辣魷魚、貢丸同冬菇。佢無揀加汁落個湯底，反而揀咗加中辣嘅秘製辣汁。佢大讚個辣汁好味，因為個汁係重蒜嘅，而且辣得嚟好香！冬菇隻隻都大大隻，亦好厚身；魷魚唔腥同爽口，貢丸就正正常常。 💰$
📍深水埗基隆街172號地舖
呢晚終於約到學日文嘅朋友食晚飯，一心想行下深水埗啲文青鋪，所以我哋揀咗喺店舖附近嘅餐廳食。朋友話心血來潮有啲想食車仔麵，所以我哋search到呢間餐廳，坐低邊食邊傾。好鍾意餐廳印喺牆上嘅一句：「我的麵給您家的感覺。」，的確，無論係嘢食，定家庭式經營嘅店員，都好有人情味，好有家的感覺！
[價錢 Price]
💰$44
三餸車仔麵 🍜
我自己叫咗一碗三餸車仔麵食，揀咗番薯粉做麵底，另外叫咗豬頸肉、魚腐同咖喱魚蛋做餸。佢嘅湯底default咗係豬骨雞湯，可以自行加多一款醬汁，所以我加咗腩汁。
番薯粉煙煙韌韌，好有咬口；湯底飲落無味精，加埋腩汁特別香。豬頸肉細細條但份量多，而且佢唔係一般嘅滷水口味，爽口得嚟食到原汁原味。咖喱魚蛋雖然唔係我鍾意嘅細粒皺皮魚蛋，但都好味，佢嘅咖喱同一般港式咖喱嘅調味有少少唔同，都有香味但唔會過鹹。
[價錢 Price]
💰$48
三餸菜底 🥗
朋友叫咗碗三餸菜底，揀咗生菜、香辣魷魚、貢丸同冬菇。佢無揀加汁落個湯底，反而揀咗加中辣嘅秘製辣汁。佢大讚個辣汁好味，因為個汁係重蒜嘅，而且辣得嚟好香！冬菇隻隻都大大隻，亦好厚身；魷魚唔腥同爽口，貢丸就正正常常。
[價錢 Price]
💰$30
蒜香雞翼 🐓
朋友點名話想叫雞翼，所以我就揀咗呢款炸蒜香雞翼嚟食。佢嘅皮炸得好脆，雞肉嫩滑多汁，蒜味亦好足，好食！
[價錢 Price]
💰$37
雙拼煎餃 🥟
我哋坐底見每檯都叫煎餃食，所以我估計應該幾受歡迎，於是叫咗一份6隻嘅雙拼煎餃試下。我哋揀咗韭菜豬肉同芝士粟米，韭菜味濃多汁、芝士粟米食到粒粒粟米嘅香甜，芝士嘅口感有少少似沙律醬。煎餃餡料多不在話下，而且每隻嘅皮都煎得香脆，外脆內juicy，加上放得好得好有心思，好適合打卡。
[價錢 Price]
💰$35
爆漿阿華田西多士 🍞
全餐嘅重點係呢份爆漿西多士，我哋揀咗阿華田 x 花生醬嘅組合，一上檯已經見到裏面啲餡湧下湧下，一刀切落去，嘩，真係爆漿㗎！雖然普通嘅西多士比呢款脆口，但呢個阿華田西多士除咗好適合打卡，味道仲唔會過甜，一次過食到花生醬、阿華田同蛋香，真心推介！
張貼