老闆娘雲南米線

營業中

休息中

荃灣街市大牌檔風米線 簡單記錄一下 呢次假日去到 真係勁多人 再加埋香港濕濕熱熱嘅溫度 其實排隊都幾痛苦（根據我非正式點算 大概40人排隊 未計幫人排隊走咗果d).第9張 係食之前天光排隊人數第10張 係食完天黑排隊人數.入座大概排咗40分鐘 入座前會先幫你落單 入座後仲要等 大概半個鐘 嘢食終於到店內雖然係街市大牌檔 但環境都乾淨 簡單整潔 而且風扇同冷氣足夠 店內算等得舒服.呢次試咗 ⭐️酸辣湯 同⭐️麻酸辣湯先講講麻酸湯 佢哋米線湯底的確唔錯👍🏻麻味 酸味 辣味都明顯感受到 唔會互搶風頭👍🏻湯份量相當多 湯底唔油 飲得 👌🏻米線好大碗 肉碎量足夠👌🏻米線軟硬適中 ok啦而酸辣湯 同麻酸辣湯 最主要分別係加左麻味加左麻 我覺得 成個湯底會再香啲惹味d 我鐘意.單餸麵$50 另外加餸$12配料方面⭐️秘製豬腩肉😋好肥仔 油脂多 入口即溶 腩肉口感軟⭐️野菌腐皮卷👍🏻外層腐皮脆 咬入邊野菌大粒有小小粟米忌廉湯白汁feel⭐️招牌酥炸雞球👌🏻好食既炸雞 但唔特別 香港唔難搵到好食炸雞⭐️反斗蝦膠豆卜👎🏻伏 硬骨骨 好乾 🤮我到底食緊咩 食完想飲水.飲品 ⭐️桃膠杞子茉莉花茶$18 好香甜⭐️金羅漢果蘋果

從來都未試過等咁耐食米線🤣 唔係呢間名店咁出名我都唔會拍咁耐😅 呢間小店既賣點係逐碗逐碗新鮮煮出黎 所以就要等咁耐🍲 米線果然特別係外面食唔到🌆 炸物同樣出色 唯獨等待時間真係太長而且份量偏少🌝 接受到既話就好推薦黎試啦💕⭐️ 酸辣湯米線 🌶⭐️ 反斗蝦膠豆卜 🍤⭐️ 魚肉腐皮卷 🐟⭐️ 蒜香椒鹽雞翼 🐔⭐️ 招牌酥炸雞球 🍗辣味唔算太濃但係酸味偏重🤪 有層次但個人覺得太重口味 湯底偏油但係可接受😚 炸物全部都即叫即炸 金黃色好新鮮💛 比較喜歡雞球裡面仲係好軟嫩好Juicy 👍🏻 雞翼飽滿調味夠香口🧂 反而其餘兩樣份量比較少同埋較乾身🥹⭐️ 蟲草花薑酒湯米線 酒味加上杞子同紅棗既湯底飲落去好暖胃🥂真材實料真係好滋補💪🏻 對比起炸物 呢碗比較配搭淡味D既食材 🌱 叫左一碗牛肉一碗雞肉 覺得雞肉比較搭😍

同老婆第一次去食，先後比咗兩次雞球，因為total落咗10個送同埋第一次食，唔太記得落單時落咗乜送，係確認咗台號冇問題之後就開始食。我食到一半，同我講比錯多一份雞球。但係每份雞球我同老婆都各自食佐一部分，冇得退，仲未講幾句，個女仔態度十分惡劣話“咁我倒咗你呢份啦”，跟住攞走我個邊呢份。你攞走一份係完全冇問題嘅，但我唔理解點解態度咁惡劣，係你比錯，我都確認咗台號，唔係想貪多一份。第一次食，想開心啲試吓新吔，結果服務態度咁差，真係頂唔順。

知道呢間米線好出名，好鍾意食米線嘅我 就約埋幾個同事一齊慕名而嚟食雖然喺荃灣附近返工，但係要食老闆娘米線一啲都唔易，因為只係開晚市時段（17:00-21:00），而且食之前（朝早或者前一晚）一定要睇佢社交平台先知道開唔開。今日知道佢開就決定放工即刻嚟，大約排咗10分鐘就已經入到去啦。平時麻辣酸辣米線食得多，見到佢有一個蒙古湯底覺得好特別，而同事食過覺得唔錯，就嗌咗呢個湯底啦。蒙古湯底雖然重孜然粉胡椒味，但冇搶到本身湯底嘅味道，而出面一般米線鋪食唔到呢個湯底，非常特別。而配料都非常有誠意，炸雞球原來係雞髀肉，入邊肉汁鮮嫩，炸得香口唔乾。炸豆腐卜亦都好好味。不過店員態度有待改善。所以試一次都唔會特登再嚟啦。

山長水遠入去 次次去臨時唔開 明明當日已經上左社交平台 睇 但一句臨時有事 就唔開 😰 睇黎間鋪賺夠 開唔開 真係睇心情 真係好灰 不如講下邊日會開啦 搞到客人好唔方便利申：撞左3次板

米線關注組重點點名關注米線鋪已經久仰大名好耐，終於有機會去試一試去之前要做好準備，首先要睇下佢社交平台有冇開然後就要早啲去排隊啦！6點20分左右到都等左40分鐘左右先有位，然後入到去再要等20分鐘左右碗嘢先到一碗碗煮味道好啲，同朋友傾下計時間都過得快啲佢最出名係炸物蒙古湯底少辣好特別既味道，真係唔試形容，湯底肉碎真係超！級！多！每淡湯都有肉碎反豆蝦膠豆卜呢個真係好特別！就咁食都好好味😋加埋落湯一齊食就吸晒啲湯味！又冇咁熱氣好食！招牌酥炸雞球雞球大大件，而且好滑好多汁特別要講下！佢個豬潤！喜愛之人一定要order！！因為佢好滑！好嫩！一啲都冇煮到un晒！

一直都聽講過呢間米線好出名好吸引同朋友行完山決定嚟試吓嚟到已經見到一條長龍大都好堅持排隊試下結果等咗成一個鐘先入到去入到去之後都等咗成半個鐘至45分鐘先有嘢食但係果然味道冇令人失望朋友叫嘅係清湯我叫嘅係酸辣湯酸辣湯嘅味道真係好出色 成碗米線俾人嘅感覺好惹味食完真係會有滿足嘅感覺但係唯一挑剔嘅位係個米線未去到太出色口感各方面都冇話太特別主要係食個湯底為主而且另外嗌嘅炸雞都非常出色充滿肉汁佢個炸雞好食過好多出面連鎖嘅炸雞店嚟呢度是米線之餘記得多一定要試吓個炸雞至於另外嘅小食好似豆卜同埋腐皮卷個人來講就覺得可以省略味道就比較一般可以唔使時都得不過都建議大家揀啲冇咁熱嘅日子先來排隊同埋要食就真係要早啲嚟如果唔係就有排等

等咗15分鐘發現條隊完全冇郁過，果斷叫外賣，但係外賣都要等一個鐘😵‍💫返嚟拎外賣嗰陣見到原本企前面個女仔仲未入到餐廳😅😅逼住要拎外賣去公園食，米線份量好大，可以兩個女仔食一碗，不過等咁耐唔叫多碗好似蝕低咗咁😂🎶小插曲🎶喺公園食咗幾啖有隻手指公咁大隻嘅曱甴跳咗落碗米線度，結果成碗米線冇得食🥲🐷酸辣湯米線 $48 包一餸食開星林居超級酸，覺得依度嘅酸辣唔夠過癮🤤如果話酸辣湯底好多間米線舖都可以取代到佢🐷蒙古湯米線 $48 包一餸好重嘅香料味，幾特別！諗咗好耐呢個熟悉嘅味道係咩，就係孜然粉🤣🤣特別不過食唔慣，所以我都係鍾意酸辣湯多啲🤪🐷雲醬豬軟骨三大舊煮到好淋，又入味✨🐷反斗蝦膠豆卜我幾鍾意❤️同埋佢都幾有創意，似食緊炸雲吞🐷吉列豬扒 另加一餸$12好普通，炸粉厚過肉，似大快活早餐炸豬扒🐽🐷招牌酥炸雞球 另加一餸 $12肉質嫩滑，調味好充足而且入味，係四個餸入面最好食嘅🫶🏻🤤環境 🐖 1/5食物質素🐖🐖 2.5/5店員態度🐖🐖🐖 3/5人均消費 ～$60老闆娘雲南米線 🐷荃灣曹公街8號香車街熟食中心3樓28-29號舖

酸辣湯米線、秘製豬腩肉招牌酥炸雞球野菌腐皮卷蒜香椒鹽雞翼、反豆蝦膠豆斗作為一名米線控，呢道嘅湯底真喺唔錯，有鍋氣味，又夠濃味，仲有大量肥肉碎，又有大量酸菜，米線份量同湯量都好多，性價比好高。不過就排成2粒鐘先入座，再等1粒鐘先有得食，抵唔抵排就見人見智😂😂😂。但聽講麻辣湯先喺呢道最好食湯底，下次先再嚟試先😂😂😂😂（如果再有3個鐘時間）。餸方面都非常唔錯，酥炸雞球好食。不過椒鹽雞翼就山好硬身😂😂可以𠝹損個口。整體嚟講真喺好唔錯，份量多，味道好，性價比高

老闆娘雲南米線🇭🇰終於下定決心要排隊去老闆娘朝聖🤤有好多款特別湯底 之前米紙報導完相信人龍應該更加無停過🥹今次星期日夜晚約6點幾去 等咗大約一個鐘再入舖坐底等半個鐘先有得食🤧真係耐性挑戰😶‍🌫️但係不論湯底同餸都好值得一試🤩﹎﹎﹎﹎﹎﹎﹎﹎﹎﹎﹎﹎﹎﹎﹎湯底 $48/麻酸辣湯🍜/ (4.5/5)平時食米線🍜都會糾結吓要麻辣定酸辣🌶所以呢個湯底完全滿足晒貪心嘅小狗🤪首先食到酸 後勁麻味好重 越食個口越麻好正 湯底酸菜同肉碎芽菜都好夠 口感豐富🥒有層次同平衡嘅湯底/蒙古湯🇲🇳/ (4/5)第一啖會有微微濁親 因為香料味好出 孜然粉同香料好強烈 幾特別🌶第一次試到嘅味 但係食到最尾會有啲厭😶‍🌫️餸 每款+$12/招牌酥炸雞球🐣/ (4.7/5)每枱必點嘅雞🍗有3大舊 炸到好香脆 醃得入味之餘保持到雞肉多汁又嫩💦/反斗蝦膠豆卜/ (3.9/5)呢款最脆 豆卜小心𠝹口🤭好酥鬆嘅口感 蝦膠🦐唔算好大舊但係幾彈 推薦浸落湯食索晒超濃味😚/酸菜辣牛腩🥩/ (4/5)炆到好腍身嘅牛腩 厚切啖啖肉🐄有肥同筋位所以都有咬口/秘製豬腩肉🐖/ (3.7/5)醃過嘅腩肉🐽肥瘦一層一層 類似煙肉咁一大塊 好軟綿嘅肥膏

夏天30幾度去挑戰食老闆娘，雖然係幾辛苦，但係每日都唔有唔少人專誠嚟食，個人來說，周圍都有很多不錯的雲南米線，但講到炸物方面，真係世一，招牌酥炸雞球，野菌腐皮卷，外脆內嫩，冇得輸，值得一讚的是所有小食係自家製，味道真係好唔同，就好似出面飲茶咁，所有點心都係喺工場批量製作，已經有好少點心喺餐廳裏面製作，因為不合乎成本效益。今次一試炸雞翼，炸蒜辣粉好惹味，炸雞翼嘅口感令我諗返細個茶餐廳嗰種味道，係生炸的感覺。由於排隊地方都有點擠擁，之前都有唔少人客反映過，待客之道的問題，但是最近情況已經改善很多，非常有禮，明白係呢種天氣而且咁忙碌，餐飲工作都唔容易，加油加油！

為了它 在三十多攝氏下悶熱的熟食市場排隊超過一個小時 即使下了單 入座冷氣房 還得等上多一小時 近兩小時才能等上一碗熱騰騰的米線毫無疑問地 他們的炸物的確岀色 (੭•̀ᴗ•̀)੭不止 即炸雞球大顆香脆滿肉汁 吉列豬扒粉薄酥脆不乾柴野菌腐皮卷外皮脆中帶韌口爆菌汁 連兩大塊豬軟骨更熬成非一般的軟腍香濃入味當然 最愛的還是野菌腐皮卷和蒙古湯底儘管他們家米線比較淋身又要付上以小時計算的排隊體力然而每隔一段時間沒食到 心 還是會想念它⸜❤︎⸝ 𓏭𖤥 老闆娘雲南米線荃灣曹公街8號香車街熟食中心3樓28-29號舖༶ 雲醬豬軟骨+野菌腐皮卷 蒙古湯米線༶ 豬膶+ 雲醬豬軟骨+炸雞球 酸辣米線༶ 清湯牛腩+炸豬扒 麻辣米線𓏭

天氣實在太熱🥵 唔想排長龍等食今次試下買外賣返屋企食🍜由落單到拎走 前後等左30分鐘左右🥢 麻酸辣湯米線 🌶🌶 ($48)最鍾意呢個酸辣得黎 又麻嘅湯底口感非常過癮🤣🤣湯底配有肉碎、酸菜米線份量勁足 口感爽滑 軟硬適中叫多幾個餸真係會食唔晒😂➼ 反斗蝦膠豆卜 ($12)食老闆娘必點嘅蝦膠豆卜就算搭左半個鐘頭車返屋企仍然脆卜卜 勁香口👍🏻👍🏻👍🏻➼ 招牌酥炸雞球 ($12)香脆嫩滑啖啖肉 炸得香脆得嚟唔會鞋口食落唔會成口油👍🏻👍🏻👍🏻➼ 雲醬豬軟骨 ($12)好入味又淋食落一嘅都唔「漏」👍🏻﹎﹎﹎﹎﹎﹎﹎﹎﹎﹎米線個人排行榜：🥇老闆娘雲南米線🥈雲家小鍋米線🥉雲南小窩米線(石蔭)

呢間係米線界有幾出名，相信鍾唔鍾意食米線嘅人都有聽過。但係估唔到明明望到條隊唔算超長，都可以等咗個幾鐘先有得坐😂 你以為咁就完？No!坐低咗，落咗單都仲等多半個鐘先食得，真係要真愛先得😂 呢樣我相信食過嘅人應該都經歷過。不過無計啦晚飯時間，唔知要幾點嚟先會少人啲呢？（定係冇？🤪）題外話，排緊隊嗰時都陸續見到有啲人嚟叫外賣，都被告知要等起碼一粒鐘😱 如果真係想食，大家要預啲時間啦講返食物先，叫咗豬腩肉米線+酥炸雞球+野菌腐皮卷果然係人氣小食！炸雞球真係有驚豔到！差唔多每枱都必點，又香又脆嘅皮，咬落去肉汁會爆出嚟，味道醃得啱啱好夠惹味，必試👍得3舊唔夠喉野菌腐皮卷又係好多人點嘅，雖然冇炸雞咁驚豔，但都係好多汁同鮮味，值得一提嘅係，佢塊皮真係好有豆香。湯底叫咗麻酸辣湯，係見到好多食評推薦嘅，果然好好食，好有花椒香味，令到辣得嚟有多一種層次。豬腩肉都好多舊，啖啖肉，但對比起其他就冇咁突出，不過不失，有啲似拉麵啲大塊叉燒肉咁。佢啲野飲話係新鮮煲嘅，都幾清甜解渴，但$18一枝，個人認為偏貴又唔算大枝。整體來講，嘢食係絕對高水準，佢咁出名都絕對係名副其實。至於值唔值得排咁耐隊食，就因人而異啦😂可能遲

終於終於食到老闆娘雲南米線啦🥹🥹呢間米線一直想試好耐 個個都講到超級好食 又起碼要等1.5小時以上 今日就決定下午4:30就嚟排隊等佢開門🤣 溫提：食之前一定要睇吓佢嗰日有冇開門🫣 嚟到呢個熟食中心門口排隊 等緊嘅時候佢會比一張紙我哋落住單先 咁因為我第一次食我就會嘗試左最基本嘅麻酸辣湯先😌 入去坐嘅時候會喺門口拎埋嘢飲 桃膠杞子桂花茶金羅漢麥果蘋果茶兩支飲品都好清新 好適合食完米線飲😋 炸物先上😌🍗招牌酥炸雞球呢個招牌必試嘅雞球 外面炸得香脆 食落去仲有雞嘅肉汁 同埋雞肉好滑 真係必點👍🏻 🍤反斗蝦滑豆卜蝦滑好食 豆卜炸得好香脆乾身 建議配埋米線浸湯食 🍄野菌腐皮卷好足料 啖啖菇 腐皮卷炸得脆口 朋友既 鮮豬膶蒙古湯 豬膶新鮮好多塊 蒙古湯係幾特別嘅湯底 我下次都會食呢個🤣我既 麻酸辣湯米線 好香夠麻又夠辣 個味調得啱啱好 一啖一啖好想繼續食落去😌 整體來講 老闆娘雲南米線真係名不虛傳 終於明白點解啲人排咁耐都要食😆 等凍啲嘅天氣一定會再嚟食😬