老闆娘雲南米線

營業中

休息中

今日終於來探訪老闆娘米線你都梗係試啲特別湯底，我就揀咗蒜香辣湯小辣，而餸就揀咗響鈴、豬膶同埋蒜香梅頭肉豬潤就真係一定要快啲食，因為佢個湯好熱，我第一夠食嘅時候係啱啱熟同埋好滑，去到中間嘅時候呢已經浸到太熟，開始瘦啲硬蒜香梅頭肉醃得好入味，豬肉好啊，配埋個湯好好食，可能大家都係蒜至於個湯底，蒜頭味好重，都好濃，又唔會比辣湯蓋過個蒜味，都算幾有特色魚肉響鈴就真係要稱讚一下，佢呢度真係好俾心機自家製炸物，而且又炸得好好食，彈牙魚肉配埋香脆響鈴

麻酸辣米線湯底入口先試到酸辣味，食耐左就開始感受到麻既感覺，味道有層次，米線爽滑，軟硬度適中，配合酸菜同炸醬一齊食，口感豐富，腩肉都好入味。蒙古湯米線湯底一入口就食到香濃既孜然味，充滿蒙古特色，令人忍唔住飲完一啖又一啖。反斗蝦膠豆卜酥脆香口，唔油膩。招牌酥炸雞球雞球炸得非常香脆，雞肉咬落嫩滑juicy，可謂必食推薦。野菌腐皮卷腐皮炸到脆卜卜，入面有粟米、冬菇粒，外脆內軟，口感清爽，每一啖都食到腐皮酥香及蔬菜既鮮甜味，相當唔錯。試過咁多間米線，既湯底、米線、小食同餸都做得好好味，好平均，廚師堅持逐碗米線煮，食物咁有水準，就算等得耐都係值得。

次次去都要排成個鐘先食到，但唔知點解耐唔耐就想食佢😂天氣熱嘅時候排隊都幾辛苦，冇冷氣又焗。但佢比起其他米線舖頭係幾有特色嘅，麵類竟然有銀針粉揀，不過成日去都冇晒，而家醒目問咗佢有先排隊。餸都好有特色，有酥炸雞球、魚肉響鈴、蝦膠豆卜等等好多選擇。聽講係逐碗煮，好有誠意。今次試嘅餸係蒜香椒鹽雞翼，外皮炸到脆卜卜，撒咗適量炸蒜椒鹽，辣辣哋好香口，入面啲肉好嫩滑，碗麵未嚟已經食咗兩隻🤤而麵底就揀咗麻酸湯小辣銀針粉，佢個麻辣真係超麻，食到嘴唇都麻痺晒，正呀！而銀針粉軟硬適中又入味，而且好少地方有得食，所以我十分推介👍🏻

食老闆娘米線真係要睇你好唔好彩，今日就好好彩，一向都是會食頭輪，試過食第一輪都要派成粒鐘，今日好好彩，半個鐘頭就有得食。一向都係食開蒙古湯，今日試新款湯底，胡麻湯，有少少胡椒味，配埋麻辣都幾好食嘅，不過都係蒙古湯惹味啲，食餸，我一定食粉腸，粉腸蚊到啱啱好口感，又入味，配湯食一流。炸物就一定要點㗎喇，今次揀咗炸雞同埋豆腐丸子，炸雞保持水準，肉嫩多汁，豆腐院子就比到我驚喜，豆腐配埋魚肉炸咗好好味，又唔會油冧冧，食落軟綿綿，加埋個咋皮好好味，下次一定會再叫

超鍾意食米線嘅我地，聽聞荃灣有間米線好出名好受歡迎，一於約朋友一齊去，去到見到太多人排隊啦，叫左外賣返去食。就叫左碗招牌酥炸雞球，豆瓣金錢肚，酸菜辣牛腩麻酸辣米線。🍜麻酸辣米線（小辣）米線軟硬適中，湯底好正，少少辣，好濃郁，加埋d肉碎，酸菜，好想飲曬d湯🤣金錢肚好推介爽口入味，酥炸雞球係間舖招牌，幾乎個個都叫，雞肉非常香脆，肉質好嫩。酸菜辣牛腩唔會好老，好入味。總括而言，我覺得呢間米線好好味，會再黎，湯底如果再麻d就好啦。

等～寂寞到夜深～呢間鋪頭五點鐘開，我五點鐘嚟到，人龍已經有一個圈😑😑喺鐵皮屋下等咗一個鐘！無風扇，一滴風都無，汗流浹背！可惜，入到去仲要等多八個字先有得食😵‍💫既然等咁耐，一定要叫曬全部出名嘅嘢食！1）酸辣米線：聽聞係逐煲煮，係幾濃味，但都係一碗酸辣米線咁嘅味2）炸雞球：似日式炸雞，想點沙律醬3）炸蝦膠豆卜：炸到勁脆，小心刮損個口4）野菌腐皮卷：好味，腐皮有豆香，入面啲菇好香5）腩肉、豬軟骨：either好肥或好柴總結：味道ok，但絕對唔值得等一個鐘頭八個字去食佢離開嘅時候，人龍依然好長…… 大家真係知道自己排緊乜？

呢間米線係荃灣好出名 決定去試下今日係平日以為會無咁多人排隊7點幾去到排隊 大約都等左一個鐘左右先入座排隊既時候 會派定order紙比我地填我叫左酸辣冬菇魚腐片米線 另外仲叫左好出名既炸蝦膠豆卜入座仲等左半個鐘左右 食物先到果然不負所望 米線軟硬適中 湯底亦岩我口味 少少辣 咸味適中炸蝦膠豆卜 脆卜卜 好香口不過等候時間真係比較長如果住得近既朋友可以選擇買外賣返屋企食咁就唔使等咁耐又試到好味米線💛

忠言逆耳，但為免增加更多既受害者，本人都要寫返個食評，以免有其他朋友無端端浪費自己個幾兩個鐘去排呢間米線⋯⋯因為有關注組同YouTuber既加持，令本人相信左呢間老闆娘會真係好特別，會比其他米線鋪好食，世一，但結果根本完全唔係。排隊等入去時，店員態度已相當不友善，完全係自己唔怕冇生意咁。排隊既環境相當惡劣，冇冷氣冇風扇都唔緊要，店員竟然叫食客企下垃圾桶隔黎，哩點實在無法接受。食物質素方面，呢度兩餸米線就$60，唔包野飲，而出面一般非連鎖既米線鋪就一般$4X已經係兩餸包野飲，相對黎講係貴左差唔多20%。呢度既米線個湯相對係熱，酸辣黎講比出面更加酸。米線同一般米線鋪冇分別。餸既話，量會比一般米線鋪多，另外會有相對多既炸物選擇。但總括黎講都只係一般米線鋪既水準，食過一次就唔會想再黎。至於用餐環境可以用惡劣黎形容，冷氣唔夠，座位非常密集，冇隔板又需要搭枱，防疫意識完全係零，隨時食完就有機會確診既感覺。總括而言，就係一間需要排一個鐘有多，特別貴，用餐環境特別惡劣既一般米線鋪。如果只係因為好奇心而幫襯，一定會後悔。

必須要說，夏天時去吃老闆娘米線（堂食）是真愛來的！無他的，因為老闆娘米線位於荃灣香車街街市熟食中心頂樓（無冷氣）嘛。那天下午5時多到達，前面已有大概30人在等候了。客人全都會自動波拿起點餐紙點餐，把填好的點餐紙交給店員，再耐心等待。由到達餐廳到成功入座，足足花了1小時，所以小妹會建議怕熱1族要自備散熱的工具。入座後，店員會來1個溫馨提示「大家要耐心等候。」，就這樣，8檯客人就繼續做低頭族，直至30分鐘後，店員送上炸物（如果有order的話）和麵食。小妹點了蒜香bb辣湯銀針粉，加炸雞和野菌腐皮卷。先呷1口超熱的湯。湯頭偏油膩（吃到最後仍有1層油舖在湯上），蒜味超強（好比譚仔的蒜泥白肉），是重口味的代表。雖餐廳以「米線」為招牌，但小妹卻選了坊間較少有，肥肥短短的銀針粉，都好吃。再講炸物（這裡的炸物選擇都算多啊！）幾乎每檯都會點炸雞球，那應該是招牌菜啦！要讚的是即炸的雞球是Juicy而不油膩，啖啖肉是滿足的，但要作出小挑剔的是它帶點鹼水味，要多呷2口蒜辣湯來中和鹼水味。而野菌腐皮卷是超級值得推介！咬下超脆的腐皮的同時又會吃到爆多粟米和野菌，略帶creamy的感覺，推薦推薦！看到其他食客點了反

首次朝聖，已經好聽話咁樣早咗15分鐘去到，點知原來都真係好多人😂😂😂 去到前面都大概有10幾個人，我坐第五枱。一路等一路諗希望佢好好食🥺啲嘢食一到真係完全冇辜負我嘅期待，啲炸物真係好出色！個野菌腐皮卷係我暫時食過最好食嘅！米線叫咗麻酸辣 多麻多酸小辣配蝦滑豆腐卜、腐皮卷同埋酸菜牛腩👍🏻三個餸都好好味👍🏻難得去到咁遠仲排咗咁耐 所以好想品嚐多啲 冇叫到少米 真係勁飽😂總括來講我覺得佢唔算好辣，但係麻就好足夠，都算冇辜負到我排隊🥰😍暫時係我心目中top3，下次想試埋佢其他湯底 今日完全選擇困難

聽聞老闆娘米線要等超過一個鐘先至食到，身為成食米線嘅我梗喺唔執輸走去食啦，點知……真是瀨嘢😅我一去到店舖門口見到人龍，心知今次大件事喇，但都去排咗先，點知果度啲人話俾我聽龍尾喺熟食中心嘅樓梯口，我先至低估老闆娘米線受歡迎嘅程度，結果我排咗成個半鐘先至食到米線👉🏻蒙古湯底（胡椒味），餸菜喺炸枝竹、秘製豬腩肉同埋酥炸鯪魚球再加可樂，非常好食😋

這一間我bookmark了很久但一直沒有衝動去試,因為聽說一排要排兩三小時.結果當天,星期六我也排了兩小時半.當天特意上社交平台,確定下午五點營業我4點40分到,已經有長隊.5點50分入座,六點半才能吃.（我還記得5.30分時有客人叫外賣,店員回答八點才能pick up）我點了麻酸辣湯bb辣.湯底很特別,的確有別於坊間其他酸辣米線湯底,很香花椒味,麻酸適中,很討好.不會太過火,但對我來說,略為偏咸,及多了少少味精.分量頗大,即使叫了少麵.餸-炸雞球,魚肉響鈴,蝦膠豆卜,野菌腐皮卷,酸菜辣牛腩-炸物做得不錯,選擇多.-牛腩一般般,因為放在湯內吃不出其他味道.差不多花了30分鐘才吃完.很滿足,價錢及質素算是性價比高,排隊時間令我卻步.或者會返嚟再食,但一定會再早些來到.盡量減少排隊時間.

我好姊妹Miss W🧍🏻‍♀️見我上個月寫咗篇老闆娘食評，又話想食今次就陪佢黎😝😝已經可以堂食到10點，🤴🏻6:00放工就去排隊已經好多人，我就接埋Miss W🧍🏻‍♀️一齊過去都等左一陣，加埋最少等咗半小時😅😅我哋盡量都叫未食過嘅試多啲新嘢😄😄我嘅：～～～肥牛+魚肉腐皮卷蒙古湯銀針粉🍜～～～蒙古湯味道就係孜然粉嘅味，好特別☺️☺️出面冇食過呢款湯底😇😇！肥牛就一般，腐皮包住滿滿嘅魚肉，真材實料，但魚味淡咗少少😊😊🤴🏻嘅：～～～酥炸鯪魚球+魚肉響鈴酸辣湯米線🍜～～～酥炸鯪魚球外表以為係粒牛丸，炸左硬身啲😁😁魚肉響鈴就炸得勁香脆🥳🥳Miss W🧍🏻‍♀️嘅～～～雲醬豬軟骨+野菌腐皮卷麻辣胡椒湯米線🍜～～～豬軟骨好大件，野菌腐皮卷用料新鮮，做到令身但唔油😜😜最後Miss W🧍🏻‍♀️外賣咗小食’招牌酥炸雞球‘俾佢媽媽食🥰🥰

老闆娘米線真係見唔到好耐米線關注組啊同埋好多foodie去食，大家都大大力推薦話好好食又抵食，但呢間舖頭都好有個性要睇佢哋社交平台先知佢哋開唔開門，同埋喺街市入邊啊環境比較一般，坐得唔太舒服比較迫，堂食有冷氣嘅，同埋等嘅時候都幾熱嘅！一場嚟到同大家試盡咁多款小食，盡食盡寫食評(正常去食唔好叫咁多餸，會飽死🫣但啲嘢真係幾好食又平，感受到係有用心去做米線，全部嘢都係自家製，起碼食完都唔覺得口渴冇味精。第一次去食嘅小貼士(真心奉上): 1.首先去佢哋社交平台睇吓嗰日會唔會開門。2.真係唔想等咁耐嘅話，最好4:30去到排隊，咁應該好好彩會食到第一輪嘅，舖頭5:00開門。3.真係唔好太遲去，因為太多人嘅話佢哋會截單。一碗米線包一個餸 $48 額外加餸加$12🍴蒙古湯 小辣 (9.5/10)湯底真係冇得輸，蒙古湯好香孜然同胡椒味，係比較重香料味道嘅，飲落好香孜然味同埋少少辣，有少少麻，食完個嘴會好㷫，個辣都係接受到，雖然會出汗但唔會辣得好辛苦，唔係好食到辣嘅真係唔好再加辣了，會頂唔順的。米線煮得比較淋身，份量超級多，女仔嘅話真係可以少米，食完係會超級飽，仲有好多新鮮嘅肉碎到好香，食得出鮮肉嘅味道，

老闆娘米線雖然隱身喺熟食中心當中，但佢嘅受歡迎程度令好多米線fans專誠長途跋涉去品嚐一下，企鵝妹就係其中一個😂 嗰日夜晚食，好好彩排左半個鐘左右，但聽講呢排有時要等2個鐘先入到去🙈⭐️麻酸辣米線BB辣 (配單餸$48，加餸每款$12) 7.5/10湯底濃郁惹味，主要係麻味好出，啱晒重口味愛麻人士。平時如果唔算太食得辣嘅話，企鵝妹覺得BB辣都夠lu，唔會食得咁辛苦。另外米線份量超級多😂細食嘅話可以留意翻食量叫少米~⭐️招牌酥炸雞球 (配料) 9/10炸得熱辣辣好香脆，入面嘅雞肉嫩滑有肉汁，差唔多枱枱都會叫一點😋⭐️野菌腐皮卷 (配料) 8.5/10入面配料塞滿左野菌同粟米，口感好豐富，而且腐皮好薄炸得酥脆，推介🫶🏻⭐️吉列豬扒 (配料) 7/10呢個相比其他炸物較為普通，可以唔叫都ok🐧企鵝妹食後感:老闆娘係偏重口味型米線，湯底超濃郁超麻，好有佢地店鋪嘅風味同特色，不過相對都會有少少油，所以間唔中食一兩次就好了🤣另外炸物類配料都好出色，食完真係會捧住個肚走🤰🏻但見呢排咁多人排隊，有少少卻步🤏🏻，如果輪候時間短d就更加perfect啦👏🏻🐧企鵝妹推介指數: 8/10