老闆娘雲南米線

營業中

休息中

這一間我bookmark了很久但一直沒有衝動去試,因為聽說一排要排兩三小時.結果當天,星期六我也排了兩小時半.當天特意上社交平台,確定下午五點營業我4點40分到,已經有長隊.5點50分入座,六點半才能吃.（我還記得5.30分時有客人叫外賣,店員回答八點才能pick up）我點了麻酸辣湯bb辣.湯底很特別,的確有別於坊間其他酸辣米線湯底,很香花椒味,麻酸適中,很討好.不會太過火,但對我來說,略為偏咸,及多了少少味精.分量頗大,即使叫了少麵.餸-炸雞球,魚肉響鈴,蝦膠豆卜,野菌腐皮卷,酸菜辣牛腩-炸物做得不錯,選擇多.-牛腩一般般,因為放在湯內吃不出其他味道.差不多花了30分鐘才吃完.很滿足,價錢及質素算是性價比高,排隊時間令我卻步.或者會返嚟再食,但一定會再早些來到.盡量減少排隊時間.

我好姊妹Miss W🧍🏻‍♀️見我上個月寫咗篇老闆娘食評，又話想食今次就陪佢黎😝😝已經可以堂食到10點，🤴🏻6:00放工就去排隊已經好多人，我就接埋Miss W🧍🏻‍♀️一齊過去都等左一陣，加埋最少等咗半小時😅😅我哋盡量都叫未食過嘅試多啲新嘢😄😄我嘅：～～～肥牛+魚肉腐皮卷蒙古湯銀針粉🍜～～～蒙古湯味道就係孜然粉嘅味，好特別☺️☺️出面冇食過呢款湯底😇😇！肥牛就一般，腐皮包住滿滿嘅魚肉，真材實料，但魚味淡咗少少😊😊🤴🏻嘅：～～～酥炸鯪魚球+魚肉響鈴酸辣湯米線🍜～～～酥炸鯪魚球外表以為係粒牛丸，炸左硬身啲😁😁魚肉響鈴就炸得勁香脆🥳🥳Miss W🧍🏻‍♀️嘅～～～雲醬豬軟骨+野菌腐皮卷麻辣胡椒湯米線🍜～～～豬軟骨好大件，野菌腐皮卷用料新鮮，做到令身但唔油😜😜最後Miss W🧍🏻‍♀️外賣咗小食’招牌酥炸雞球‘俾佢媽媽食🥰🥰

老闆娘米線真係見唔到好耐米線關注組啊同埋好多foodie去食，大家都大大力推薦話好好食又抵食，但呢間舖頭都好有個性要睇佢哋社交平台先知佢哋開唔開門，同埋喺街市入邊啊環境比較一般，坐得唔太舒服比較迫，堂食有冷氣嘅，同埋等嘅時候都幾熱嘅！一場嚟到同大家試盡咁多款小食，盡食盡寫食評(正常去食唔好叫咁多餸，會飽死🫣但啲嘢真係幾好食又平，感受到係有用心去做米線，全部嘢都係自家製，起碼食完都唔覺得口渴冇味精。第一次去食嘅小貼士(真心奉上): 1.首先去佢哋社交平台睇吓嗰日會唔會開門。2.真係唔想等咁耐嘅話，最好4:30去到排隊，咁應該好好彩會食到第一輪嘅，舖頭5:00開門。3.真係唔好太遲去，因為太多人嘅話佢哋會截單。一碗米線包一個餸 $48 額外加餸加$12🍴蒙古湯 小辣 (9.5/10)湯底真係冇得輸，蒙古湯好香孜然同胡椒味，係比較重香料味道嘅，飲落好香孜然味同埋少少辣，有少少麻，食完個嘴會好㷫，個辣都係接受到，雖然會出汗但唔會辣得好辛苦，唔係好食到辣嘅真係唔好再加辣了，會頂唔順的。米線煮得比較淋身，份量超級多，女仔嘅話真係可以少米，食完係會超級飽，仲有好多新鮮嘅肉碎到好香，食得出鮮肉嘅味道，

老闆娘米線雖然隱身喺熟食中心當中，但佢嘅受歡迎程度令好多米線fans專誠長途跋涉去品嚐一下，企鵝妹就係其中一個😂 嗰日夜晚食，好好彩排左半個鐘左右，但聽講呢排有時要等2個鐘先入到去🙈⭐️麻酸辣米線BB辣 (配單餸$48，加餸每款$12) 7.5/10湯底濃郁惹味，主要係麻味好出，啱晒重口味愛麻人士。平時如果唔算太食得辣嘅話，企鵝妹覺得BB辣都夠lu，唔會食得咁辛苦。另外米線份量超級多😂細食嘅話可以留意翻食量叫少米~⭐️招牌酥炸雞球 (配料) 9/10炸得熱辣辣好香脆，入面嘅雞肉嫩滑有肉汁，差唔多枱枱都會叫一點😋⭐️野菌腐皮卷 (配料) 8.5/10入面配料塞滿左野菌同粟米，口感好豐富，而且腐皮好薄炸得酥脆，推介🫶🏻⭐️吉列豬扒 (配料) 7/10呢個相比其他炸物較為普通，可以唔叫都ok🐧企鵝妹食後感:老闆娘係偏重口味型米線，湯底超濃郁超麻，好有佢地店鋪嘅風味同特色，不過相對都會有少少油，所以間唔中食一兩次就好了🤣另外炸物類配料都好出色，食完真係會捧住個肚走🤰🏻但見呢排咁多人排隊，有少少卻步🤏🏻，如果輪候時間短d就更加perfect啦👏🏻🐧企鵝妹推介指數: 8/10

之前已經聽朋友講過話好食，但要排好耐隊，所以一直都無去試，近排又有youtuber介紹話好好食，所以專程去試下啦😁我哋五點幾六點去到已經見好多人排隊 啦，排咗差唔多兩個鐘，八點先至入到去(一來太多單，二來一鍋煮一碗)所以都要等耐少少，而職員態度好友善同好細心，見到你手袋冇地方放會主動拎張凳畀你放袋，等你食嘢嗰時會舒服啲。

好多年前食過一次，當時已經覺得好好食，但由於佢成日都開下又唔開下，都冇再試過。今次睇完youtube朋友話好想試，同佢再黎食！我地睇左佢社交平台話5點先開門，於是我地4點半就去排。果然，我地5點幾就入到去，仲好快有得食！難得黎到，就當然食盡佢！我地叫左秘製豬腩肉，炸雞球，魚肉響鈴，野菌腐皮卷，一個係蟲草花薑酒湯，一個係麻酸辣米線。麻酸辣米線果然冇令人失望，又夠香又夠酸又夠麻，呢個質素香港都冇乜邊間，而佢所有餸都同出面既米線店好唔同，呢個先令人最想黎食既原因。秘製豬腩肉，炆得好，味道又好。炸雞球juicy，野菌腐皮卷係我最最最愛既一樣！入面爆滿料仲要炸得香脆，出面冇一間米線做到。而蟲草花薑酒湯好多人都讚，冇錯佢真係好好食，但由於食過出面好幾間呢類米線，朋友話如果要排咁耐隊黎呢度食，有d唔值得，所以呢度雖然係我最喜愛既米線店，但都只可以一年食一次了。

標榜用小鍋煮即點早煮每一碗米線，香料都係由雲南運黎有幾樣招牌配餸如招牌酥炸雞球同野菌腐皮卷🤤我就點左小辣麻酸辣湯底加反斗蝦膠豆卜同魚肉響鈴。入座後等左25分鐘，湯底濃郁，有好多肉碎芽菜酸菜，入口唔辣但好麻帶點酸味，超開胃，米線軟稔，食到中段，舌頭嘅麻又滲出一點甘味😳2款炸物非常香脆，魚肉響鈴，不錯嘅配搭，但我更愛蝦膠豆卜，好香🤤雖然濃味，但食左之後都唔口渴，而且價錢又唔貴，性價比極高嘅一間雲南小鍋米線鋪！

當日佢哋臨收工我哋先到，但都要排咗15分鐘左右先入到去食，仲要我哋後面有人龍排緊。要食嘅各位，真係要有心理準備！不過，等待係值得嘅！裝修完後，餐廳涼浸浸，舒服！排隊時已經俾定餐紙你落單，所以一入到去好快已經有得食喇。酸辣湯腊肉粉腸：正！酸辣湯好味，順喉！腩肉大大片，唔係肉碎扮！粉腸有淡淡青花椒味，有心機！蟲草花薑酒湯：正正正！我哋一致認為呢個係最好味嘅！完全成碗飲曬！濃郁嘅酒香，但一點兒酒精都無，正！小食只叫反斗蝦膠豆卜和蒜香椒鹽雞翼。鬆化，香脆，干身。不錯。因為當日太夜，好多小食都無曬，有點可惜，惟有下次再試過。

為咗食米線你會去得幾盡？🫣🫣之前星期三過去諗住食點知佢放假今日星期四大概6:30左右去到估條隊已經長到排到去樓梯位用咗大概個半鐘終於排到上去佢舖頭嘅門口位先落單 所以一定要諗清楚自己想食乜入到去坐低唔好以為好快有得食😅😂😂等左10-15分鐘先上個餸之後等多10-15分鐘再上埋個米線即係個餸凍咗先至上米線，呢點係唯一最差嘅地方。雖然係分開處理但相隔嘅時間太長，冇理由食咗個餸先齋食米線🙇🏻‍♂️🙇🏻‍♂️🥴麻辣湯小辣配招牌酥炸雞球$48，個雞球超好食，雖然放喺度凍咗少少，好嫩滑好Juice👍🏻👍🏻係必食推薦，麻辣湯小辣，都幾麻同辣，不過都仲接受到，如果唔食得太辣真係食BB辣好啲，米線份量夠，軟硬度啱啱好，唔會太淋👍🏻👍🏻👍🏻蒜香辣湯小辣配反斗蝦膠豆卜$48，呢一個湯嘅小辣同麻辣湯嘅小辣有明顯嘅差距，呢個感覺上唔係好辣，鍾意食蒜嘅朋友可以一試👍🏻都幾好飲既。蝦膠有5粒，好味🤤🤤桃膠杞子桂花茶$18，個樽幼身好修長唔算好大支，足料好飲嘅。如果冇乜嘢做又有時間可以排返兩個鐘試吓嘅，因為有陣時天氣都幾熱，排得來都幾辛苦所以真係睇吓你為咗食米線可以去到幾盡🫢😂😂😂佢真係贏在個炸雞，但係要用個幾兩個鐘(已

老闆娘雲南米線（荃灣）荃灣超出名米線店之一當晚去到排隊接近一小時大家冒住雨都照排隊可見佢嘅受歡迎程度麻酸辣湯底小辣麻辣味超突出一上枱已經聞到勁香香料味酸味都好夠係超惹味嘅選擇食到中段仲感覺到嘴唇同脷都有少少發麻嘅感覺🤣至於餸菜方面豬腩肉夠晒肥美一層肥膏一層肉滷水粉腸滷水味就唔算突出但胡椒味好香佢嘅炸物真係好出色我試咗魚肉響鈴食到索索聲反斗蝦膠豆卜一樣超出色非常酥脆點埋湯一齊食真係一流蝦膠亦都好彈蛋同有蝦味我見到其他人好多都食炸雞球份量好多我下次都要試吓蟲草花薑酒湯有大量蟲草花同紅棗用料十足呢個絕對好啱唔嗜辣嘅朋友仔藥材味好突出味道香濃帶有甜味係清清地嘅滋補好選擇如果酒味再多少少就更好了😌配料方面揀選左豬潤雖然係薄切但依然夠滑呢間米線真係好正難怪咁多人都要慕名而來就算排大隊都要食

眾所周知，荃灣有勁多美食而老闆娘雲南米線係其一必試既餐廳!但如果假日去，大家要有定心理準備，因為實在太多太多人排隊啦為食貓星期六晏就去，就排左個半鍾頭......等野食就半個鐘，真係太crazy啦!秘製豬腩肉+雲醬豬軟骨麻酸辣米線 (4/5)佢個湯底又酸又麻，真係好好食，好過癮❤️而且碗米線真係好夠大碗，食左米線，根本已經食唔落其它小食啦😆至於個豬腩肉同豬軟骨都非常入味，可能煮得耐既關係，d肉連骨都變得軟林林，正呀不過好食還好食，排隊實在太耐啦呢點真係要扣下分，為食貓下次都未必會再排隊幫襯]

好耐無食老闆娘 突然心癢起 無論如何都要食到 6點半到 9點食得！小弟食咁多次都係食麻酸辣 貪個湯底真係會食到嘴唇及麻 好過癮個湯底有埋覆菜肉碎 老闆娘既夜出名大大件 炸雞係一定會點 香口有汁 大舊 惹味 仲有叫左蝦滑豆卜同魚肉腐皮 個豆卜好香脆 蝦肉彈牙 魚肉腐皮卷 我就覺麻麻 細細條 無咩味 都係叫返雜菌腐皮卷好好多 炸豬排又係必點之選 有d似香蘇雞feel 最後要提醒大家 老闆娘小食無等追加 有時小食到先麵未到 唔好食哂d小食先呀😃

以前喺荃灣返工，有陣時都會早啲食lunch過嚟老闆娘食，咁就唔洗排長龍咁耐以嚟，都係迷戀酸辣湯底，佢啲湯底夠酸夠辣，好正除咗米線，有時會叫銀針粉，同樣好食又好夾酸辣湯 平時lunch幾個朋友一齊食，就會每人叫啲唔同嘅餸，通常幾款都喺叫炸物，而炸雞喺每次都會出現😂-🔸炸雞酸辣米線小辣啲炸雞好好食，外脆內軟！酸辣湯底夠酸夠辣！米線質地唔淋夠口感！食辣嘢配返罐汽水，真的一絕！- 如果老闆娘唔洗排隊的話，我都會多啲嚟食，但要排咁長龍真的不了😂寧願食其他！咁耐以嚟食過咁多次老闆娘，都喺揀非繁忙時段，咁就唔洗點排隊！同埋留意返，老闆娘夏天唔開lunch 㗎！要留意佢地社交平台 呀😆

比米線關注組大讚嘅老闆娘米線bookmark已久，但一直因為唔想排隊關係（成日見有人話排左個幾鐘先食到🫣）未有特別去潮聖，今日落荃灣見佢啱啱開返堂食幾日決定去睇吓多唔多人排隊再作決定。星期五七點左右去到又唔算好多人喎，前面大約得八枱左右等緊，最後唔使20分鐘就坐低咗😆首先要讚嘅係傳聞中當啲客係狗咁喝嘅老闆娘無見到，反而有幾個後生仔女打骰幾好禮貌。其次係用餐環境比我想像中好，原本諗住會好似一般街市咁又熱又污糟，不過可能新裝修完關係好光猛又大冷氣，只係坐得迫左少少。-🍜麻酸辣米線（BB辣）$48（跟一餸、加餸$12個）首先呢碗米線定價都幾進取，只跟一餸已經索價$48唔包飲品，加餸均一價$12個我地每人簡左3餸每碗要盛惠$72。不過第一次嚟唔知仲有冇下次就決定一次過試晒想試嘅餸😂炸嘢會先上，米線後到，前後都等咗差唔多20分鐘先上齊。先飲一啖湯，無特別驚艷感，但係又麻又酸好似有啲層次口感幾豐富咁。不過再飲多幾啖就出事，呢間麻味好重，麻到我食唔到自己食緊嘅野係咩味😂我覺得係蓋過曬所有味，實在太重手，可能我唔係麻辣愛好者應該要簡個淨酸辣版本。米線今日煮得好硬，朋友明明話覺得佢太淋身🥲上網睇過有人話

撞左幾次板，依家去食老闆娘第一件事係要上佢社交平台確定佢有冇開門，再嚟就係去到門口睇吓佢排隊嘅狀況有幾多人，先決定食唔食到😜😜但六點禁堂食明顯人少左，直接外賣回家慢慢嘆啦😅😅🤴🏻嘅：～～～蒜香椒鹽雞翼+滷汁豬手粒+秘製豬腩肉酸辣米線🍜（中辣）～～～🤴🏻嗰碗明顯大碗啲，原來豬手粒係帶有骨頭嘅豬手，有3塊勁大嚿😂😂蒜香椒鹽雞翼冇咩蒜味比椒鹽蓋過，正常水準🙂🙂我嘅：～～～招牌酥炸雞球+清湯牛腩麻辣銀針粉（小辣）～～～好少有米線舖有得揀銀針粉，試左又幾夾😊😊，鍾意湯底麻味感大過辣味🤗🤗炸雞球有1大2少，大那塊去到雞扒份量😁😁，香脆嫩滑！😊😊牛腩有4-5塊中size，又入味又‘林’☺️☺️保持到水準，我同🤴🏻都好鍾意❤️❤️