老闆娘雲南米線

營業中

休息中

星期六早上特意上左老闆娘雲南米綫社交平台睇距即日營業時間，原來開17:00，下午16:30去到，已經有10幾個人排隊，餐廳位於街市内，雖然有風扇，但都覺得有D熱。好在17:20已經可以入去，餐廳内環境乾净，有冷氣！不過一張枱兩個人要同另外兩個陌生人對坐，都幾尷尬同埋都擔心疫情！menu湯底都有8款選擇，我叫左酸辣湯 BB辣，餸就嗌左招牌酥炸雞球，加餸均一價$12，加左鮮豬膶 。酸辣湯偏向酸多D，辣味好少，下次可以試下小辣，湯底濃郁，有酸菜肉碎同，好惹味。金羅漢蜜果蘋果茶，價錢$18，偏貴，味道ok，但唔大支。朋友叫左蟲草花薑酒湯配牛肉，呢個麵好養生，有好多蟲草花、杞子、紅棗等，湯好好飲，牛肉好嫩滑。

老闆娘雲南米線在本港米線界的名聲, 應該不需我多說, 只是第一次來吃, 而且只是等外賣, 也要等候一個小時才能拿走, 當然即叫即整是必需, 也令我期待它的米線是如何的驚為天人. 結果還好, 但要在如此大熱天時, 弄得自己大汗淋漓, 花如此多的時間, 感覺就有點不值.先說它的麵底, 除了米線之外也有銀針粉這地道麵食, 感覺特別, 但銀針粉要用匙羹才能承起, 吃的時候連麻辣燙一起, 有點辛苦, 原因是湯底的辣度很強,麻勁也是, 而且表面辣油甚密, 吃起來相當嗆喉. 米線口感順滑, 再加上湯底的油份, 吃起來更順滑.配料的炸雞做得相當不錯, 就算是外賣回家花了不少時間, 但依然外脆內嫩, 肉汁豐富, 有微微辣味, 而且也有暖暖的微溫. 豬腩肉的脂層豐富, 以薄片切出放入辣湯中, 口感層次分明, 腩肉也沒有煮得過柴. 豬軟骨件頭夠, 軟骨口感偏爽, 並沒有化開, 煮得夠入味但同日本不會軟融得化開, 配料處理比看頭更好.Proprietress Rice Noodles is one of the most attractive rice noodles store in HK. Even yo

一早bookmark定呢間老闆娘米線，今次終於有機會可以去食啦。叫咗：▪️麻酸辣湯（小辣）米線，配招牌酥炸雞球＋魚肉腐皮春卷每碗米線$48起計，每款餸另加$12。配菜選擇都幾多，容易花多眼亂。今次叫咗兩款比較熱氣嘅炸雞同魚肉春卷，全部都係即炸，有用紙袋另外裝住，唔怕俾啲湯浸到腍晒。雖然淨係叫咗兩個餸（雞件三件，春卷兩條）但湯入面有唔少肉碎同酸菜，加埋大兜腍滑米線，份量都夠晒飽肚。-今次去食嗰陣無得堂食，所以未見識到堂食好長人龍嘅情況。不過只做外賣都人氣不減，排緊嘅人都有十個左右。填好紙，揀要食咩之後，俾錢，留底你電話4個字，預15-20分鐘後，行一陣再返嚟拎就得。

呢一間係荃灣街市熟食中心入邊嘅老闆娘米線🍜真係超高人氣 想食好耐！裝修完之後環境乾淨 仲舒服咗好多😌好推介佢個炸雞！！🍗每一件都大大舊 炸得好香脆 雞肉超入味 食落唔會好油🐔

今日終於來探訪老闆娘米線你都梗係試啲特別湯底，我就揀咗蒜香辣湯小辣，而餸就揀咗響鈴、豬膶同埋蒜香梅頭肉豬潤就真係一定要快啲食，因為佢個湯好熱，我第一夠食嘅時候係啱啱熟同埋好滑，去到中間嘅時候呢已經浸到太熟，開始瘦啲硬蒜香梅頭肉醃得好入味，豬肉好啊，配埋個湯好好食，可能大家都係蒜至於個湯底，蒜頭味好重，都好濃，又唔會比辣湯蓋過個蒜味，都算幾有特色魚肉響鈴就真係要稱讚一下，佢呢度真係好俾心機自家製炸物，而且又炸得好好食，彈牙魚肉配埋香脆響鈴

麻酸辣米線湯底入口先試到酸辣味，食耐左就開始感受到麻既感覺，味道有層次，米線爽滑，軟硬度適中，配合酸菜同炸醬一齊食，口感豐富，腩肉都好入味。蒙古湯米線湯底一入口就食到香濃既孜然味，充滿蒙古特色，令人忍唔住飲完一啖又一啖。反斗蝦膠豆卜酥脆香口，唔油膩。招牌酥炸雞球雞球炸得非常香脆，雞肉咬落嫩滑juicy，可謂必食推薦。野菌腐皮卷腐皮炸到脆卜卜，入面有粟米、冬菇粒，外脆內軟，口感清爽，每一啖都食到腐皮酥香及蔬菜既鮮甜味，相當唔錯。試過咁多間米線，既湯底、米線、小食同餸都做得好好味，好平均，廚師堅持逐碗米線煮，食物咁有水準，就算等得耐都係值得。

次次去都要排成個鐘先食到，但唔知點解耐唔耐就想食佢😂天氣熱嘅時候排隊都幾辛苦，冇冷氣又焗。但佢比起其他米線舖頭係幾有特色嘅，麵類竟然有銀針粉揀，不過成日去都冇晒，而家醒目問咗佢有先排隊。餸都好有特色，有酥炸雞球、魚肉響鈴、蝦膠豆卜等等好多選擇。聽講係逐碗煮，好有誠意。今次試嘅餸係蒜香椒鹽雞翼，外皮炸到脆卜卜，撒咗適量炸蒜椒鹽，辣辣哋好香口，入面啲肉好嫩滑，碗麵未嚟已經食咗兩隻🤤而麵底就揀咗麻酸湯小辣銀針粉，佢個麻辣真係超麻，食到嘴唇都麻痺晒，正呀！而銀針粉軟硬適中又入味，而且好少地方有得食，所以我十分推介👍🏻

食老闆娘米線真係要睇你好唔好彩，今日就好好彩，一向都是會食頭輪，試過食第一輪都要派成粒鐘，今日好好彩，半個鐘頭就有得食。一向都係食開蒙古湯，今日試新款湯底，胡麻湯，有少少胡椒味，配埋麻辣都幾好食嘅，不過都係蒙古湯惹味啲，食餸，我一定食粉腸，粉腸蚊到啱啱好口感，又入味，配湯食一流。炸物就一定要點㗎喇，今次揀咗炸雞同埋豆腐丸子，炸雞保持水準，肉嫩多汁，豆腐院子就比到我驚喜，豆腐配埋魚肉炸咗好好味，又唔會油冧冧，食落軟綿綿，加埋個咋皮好好味，下次一定會再叫

超鍾意食米線嘅我地，聽聞荃灣有間米線好出名好受歡迎，一於約朋友一齊去，去到見到太多人排隊啦，叫左外賣返去食。就叫左碗招牌酥炸雞球，豆瓣金錢肚，酸菜辣牛腩麻酸辣米線。🍜麻酸辣米線（小辣）米線軟硬適中，湯底好正，少少辣，好濃郁，加埋d肉碎，酸菜，好想飲曬d湯🤣金錢肚好推介爽口入味，酥炸雞球係間舖招牌，幾乎個個都叫，雞肉非常香脆，肉質好嫩。酸菜辣牛腩唔會好老，好入味。總括而言，我覺得呢間米線好好味，會再黎，湯底如果再麻d就好啦。

等～寂寞到夜深～呢間鋪頭五點鐘開，我五點鐘嚟到，人龍已經有一個圈😑😑喺鐵皮屋下等咗一個鐘！無風扇，一滴風都無，汗流浹背！可惜，入到去仲要等多八個字先有得食😵‍💫既然等咁耐，一定要叫曬全部出名嘅嘢食！1）酸辣米線：聽聞係逐煲煮，係幾濃味，但都係一碗酸辣米線咁嘅味2）炸雞球：似日式炸雞，想點沙律醬3）炸蝦膠豆卜：炸到勁脆，小心刮損個口4）野菌腐皮卷：好味，腐皮有豆香，入面啲菇好香5）腩肉、豬軟骨：either好肥或好柴總結：味道ok，但絕對唔值得等一個鐘頭八個字去食佢離開嘅時候，人龍依然好長…… 大家真係知道自己排緊乜？

呢間米線係荃灣好出名 決定去試下今日係平日以為會無咁多人排隊7點幾去到排隊 大約都等左一個鐘左右先入座排隊既時候 會派定order紙比我地填我叫左酸辣冬菇魚腐片米線 另外仲叫左好出名既炸蝦膠豆卜入座仲等左半個鐘左右 食物先到果然不負所望 米線軟硬適中 湯底亦岩我口味 少少辣 咸味適中炸蝦膠豆卜 脆卜卜 好香口不過等候時間真係比較長如果住得近既朋友可以選擇買外賣返屋企食咁就唔使等咁耐又試到好味米線💛

忠言逆耳，但為免增加更多既受害者，本人都要寫返個食評，以免有其他朋友無端端浪費自己個幾兩個鐘去排呢間米線⋯⋯因為有關注組同YouTuber既加持，令本人相信左呢間老闆娘會真係好特別，會比其他米線鋪好食，世一，但結果根本完全唔係。排隊等入去時，店員態度已相當不友善，完全係自己唔怕冇生意咁。排隊既環境相當惡劣，冇冷氣冇風扇都唔緊要，店員竟然叫食客企下垃圾桶隔黎，哩點實在無法接受。食物質素方面，呢度兩餸米線就$60，唔包野飲，而出面一般非連鎖既米線鋪就一般$4X已經係兩餸包野飲，相對黎講係貴左差唔多20%。呢度既米線個湯相對係熱，酸辣黎講比出面更加酸。米線同一般米線鋪冇分別。餸既話，量會比一般米線鋪多，另外會有相對多既炸物選擇。但總括黎講都只係一般米線鋪既水準，食過一次就唔會想再黎。至於用餐環境可以用惡劣黎形容，冷氣唔夠，座位非常密集，冇隔板又需要搭枱，防疫意識完全係零，隨時食完就有機會確診既感覺。總括而言，就係一間需要排一個鐘有多，特別貴，用餐環境特別惡劣既一般米線鋪。如果只係因為好奇心而幫襯，一定會後悔。

必須要說，夏天時去吃老闆娘米線（堂食）是真愛來的！無他的，因為老闆娘米線位於荃灣香車街街市熟食中心頂樓（無冷氣）嘛。那天下午5時多到達，前面已有大概30人在等候了。客人全都會自動波拿起點餐紙點餐，把填好的點餐紙交給店員，再耐心等待。由到達餐廳到成功入座，足足花了1小時，所以小妹會建議怕熱1族要自備散熱的工具。入座後，店員會來1個溫馨提示「大家要耐心等候。」，就這樣，8檯客人就繼續做低頭族，直至30分鐘後，店員送上炸物（如果有order的話）和麵食。小妹點了蒜香bb辣湯銀針粉，加炸雞和野菌腐皮卷。先呷1口超熱的湯。湯頭偏油膩（吃到最後仍有1層油舖在湯上），蒜味超強（好比譚仔的蒜泥白肉），是重口味的代表。雖餐廳以「米線」為招牌，但小妹卻選了坊間較少有，肥肥短短的銀針粉，都好吃。再講炸物（這裡的炸物選擇都算多啊！）幾乎每檯都會點炸雞球，那應該是招牌菜啦！要讚的是即炸的雞球是Juicy而不油膩，啖啖肉是滿足的，但要作出小挑剔的是它帶點鹼水味，要多呷2口蒜辣湯來中和鹼水味。而野菌腐皮卷是超級值得推介！咬下超脆的腐皮的同時又會吃到爆多粟米和野菌，略帶creamy的感覺，推薦推薦！看到其他食客點了反

首次朝聖，已經好聽話咁樣早咗15分鐘去到，點知原來都真係好多人😂😂😂 去到前面都大概有10幾個人，我坐第五枱。一路等一路諗希望佢好好食🥺啲嘢食一到真係完全冇辜負我嘅期待，啲炸物真係好出色！個野菌腐皮卷係我暫時食過最好食嘅！米線叫咗麻酸辣 多麻多酸小辣配蝦滑豆腐卜、腐皮卷同埋酸菜牛腩👍🏻三個餸都好好味👍🏻難得去到咁遠仲排咗咁耐 所以好想品嚐多啲 冇叫到少米 真係勁飽😂總括來講我覺得佢唔算好辣，但係麻就好足夠，都算冇辜負到我排隊🥰😍暫時係我心目中top3，下次想試埋佢其他湯底 今日完全選擇困難

聽聞老闆娘米線要等超過一個鐘先至食到，身為成食米線嘅我梗喺唔執輸走去食啦，點知……真是瀨嘢😅我一去到店舖門口見到人龍，心知今次大件事喇，但都去排咗先，點知果度啲人話俾我聽龍尾喺熟食中心嘅樓梯口，我先至低估老闆娘米線受歡迎嘅程度，結果我排咗成個半鐘先至食到米線👉🏻蒙古湯底（胡椒味），餸菜喺炸枝竹、秘製豬腩肉同埋酥炸鯪魚球再加可樂，非常好食😋