老闆娘雲南米線

營業中

休息中

酸辣湯配招牌酥炸雞球 $50酸辣湯好夠酸味，但湯底味道比較單一。炸雞球好滑好多汁，炸粉漿薄身，但有少少偏硬，唔夠香脆。米線唔係煙韌彈牙嗰隻，如果追求質感嘅話，可能唔係好滿足，但口感唔算太腍。加餸每款$12魚肉響鈴響鈴好脆，釀魚肉好彈牙，不過炸得比較乾身，沾湯食好食啲😋反斗蝦膠豆卜豆卜同樣脆口，但釀蝦膠份量較少，唔係好食到蝦膠嘅味道。蟲草花薑酒湯配豬膶 $56湯底有大量嘅蟲草花、杞子、紅棗等，清甜得嚟帶有薑味同酒味，幾好飲。最令人驚喜嘅係豬膶，好好食！絕對唔係連鎖店嘅又薄又柴嘅質素，豬膶有厚度得嚟，生熟度剛好，好爽彈好香，大推❤️〰️〰️〰️〰️〰餐廳嘅湯底同配料都係用心之作，係坊間米線舖比較少見，水準高！但可能我係煙韌控，餐廳米線嘅質感就唔算好啱我，再加埋等候時間各樣，我真係未必會再嚟🤣 如果等30分鐘以內嘅話，我都可以考慮考慮😂溫馨提示，餐廳依家只開晚市17:00-22:00，去之前仲要留意社交平台專頁，睇下會唔會休息呀~ 我今次16:30去到，前面已經有長長人龍，17:00開門都未入到座，要等到17:40第二批先落單入座，等咗差唔多半個鐘先有嘢食，到我哋食完離座就係18:40，食呢餐飯前前後

期待已久的老闆娘米線🍜，星期日專程過嚟排隊，真係好多人，我哋四點半到，直到坐低有得食係一個鐘之後嘅事，不過黎得食都預咗，我哋叫咗一碗清湯米線🍜，一碗麻酸辣bb辣米線🍜，餸就豬軟骨，健康有營，魚肉腐皮卷，時菜，魚肉響鈴，豬腩肉，炸嘢最快上枱，係好脆，但唔覺有咩特別，之後就上咗米線，清湯幾好，唔咸，但麻酸辣湯，一試個湯底已經覺唔對路，第一試到麻嘅感覺，我食唔慣，個嘴麻到爭啲頂唔順，之後搵極都搵唔到豬軟骨，原來俾漏咗，不過同職員講返都好快補返，豬軟骨有啲辣，但好入味，豬腩肉都幾好味😋，總結黎講，我覺得正正常常，唔使排隊嘅話可以再食

天氣終於開始凍🙈，好想食啲熱辣辣嘅嘢，所以就諗起左老闆娘米線。之前已經黎食過好多次，所以大概都知道攻略。第一，check 老闆娘米線社交平台睇吓佢今日有冇開 （通常晏就5點開到10點）第二，有定心理準備排隊🙊可能大家都覺得凍㗎，今日以為自己5點到已經好早，點知去到前面都有十多個人排隊 😂😂 不過半個鐘內都慢慢咁入座，比起以前，老闆娘米線裝修左，又擴大左，所以都快左。因為老闆堅持每碗都要獨立煮一次，所以坐左入去都要等30分鐘先陸續會有野食😇 我大概5點到，5點半入座，6點有野食。如果唔係一開鋪around 5點去，通常都要排1.5小時到2個鐘 🙈 佢既玩法系$48蚊包湯底+一款小食，追加小食每款$12蚊，支裝野飲另計。不過提一提，老闆娘小食偏大份。如果正常食量既女仔，建議最多2份小食，唔好做大嘥鬼嘛 ☺️ 多啲朋友黎食就可以試多啲小食😛 推薦湯底：🌟麻酸辣🥰：酸酸辣辣比較開胃，而且個酸味同出面米線鋪唔同，值得一試。🌟麻辣湯：老闆娘既麻辣湯底系特別香，所以如果有麻辣愛好者，不妨一試。推薦小食🌟招牌酥炸雞球（基本4舊）：呢個系老闆娘皇牌，新鮮炸出，外脆內多汁，基本上每枱必點 🌟蒜香椒鹽雞翼（3

心血來潮，去咗潮聖😅。食好西係要等，等了又等兼要碰運氣至可食到。食之前先要喺佢社交平台睇下佢公佈當日開唔開。因為佢真係唔係日日開架😂我之前都摸過幾次門釘。跟住排長龍等下，坐得低之後再等咗半小時有多。終於麵到了面前。明白嘅，佢係逐碗麵煮出嚟。然後啲炸物又炸得真心好食又脆口。全部都係心機嘢嚟❤️今次食咗：麻酸辣湯底中辣少麻。以前覺得佢個麻太勁，搶唒酸辣既味。落單職員教我咁樣叫。我覺得酸辣既辣度夠，亦都好多肉碎芽菜酸菜😍，但食食下仍然食到個麻好勁。我麻麻哋佢哋既麻。4/5分米線👉偏淋身，份量亦頗多架。好夠飽。 4/5分餸: 炸雞👉一如既往，炸得好脆，雞肉好滑。咬落啖啖肉。我鍾意食食吓浸落湯度再食。😋5/5分野菌腐皮卷👉第一次食佢。睇樣普通但食落有驚喜。又係炸得好脆身，咬咗一啖發現入面有好多菇。呢個卷幾好食。😋 5/5分

Please FOLLOW 👉🏻IG@fatwestx2•評分：🧡•終於有機會食到老闆娘！我地係平日6點開始排隊，都唔算好多人，所以大約等左15分鐘就入到座🫶🏼•🍴蒙古湯米線 $487.5/10孜然味好出！比其他湯底冇咁重口味，鹹味為主，肉碎份量充足🫶🏼🫶🏼不過米線比較淋 比個辣度大家參考🤣BB辣同譚仔10小差唔多•🍴麻酸辣湯米線 $486.5/10越食越麻嘅感覺好jeng😹但係當日我地食湯底有啲苦🥹🥹因為酸菜苦，不過夠酸，有啲傷心🥲🥲•🍴野菌腐皮卷 （+$12）8/10超級脆身！皮夠薄，而且入面嘅菜balance翻食落唔會覺得油！🫶🏼•🍴炸雞球（+$12）8/10皮薄，雞肉嫩滑有肉汁，加$12有4大嚿真係好抵啊🥹•🍴反斗蝦膠豆卜（+$12）7/10豆卜夠脆，蝦膠彈牙，不過比較油•🍴魚肉腐皮卷（+$12）7.5/10皮薄又夠脆，唔油，魚肉彈牙❤️•📍 老闆娘雲南米線 (荃灣)荃灣曹公街8號香車街熟食中心3樓28-29號舖••𝘨𝘰𝘰𝘥 𝘧𝘰𝘰𝘥 𝘨𝘰𝘰𝘥 𝘮𝘰𝘰𝘥. •————————————————————————#荃灣美食#荃灣美食#fw2#fw2荃灣#hkfoodie #hkfood

無heart 生意 ，賺錢就識 其他就…1: 明知d客要排隊排成粒鐘，又熱！櫈都無張！ 2:假期 夜晚黎到食酸辣湯，火都黎 湯無味 又話逐煲煮！？淡既 ！ 你好唔好意思？ 3: 排到黎 乜野出名既餸都無哂，仲要俾個無味既湯我？ 你無心做你可以截龍架老闆娘！ 俾d咁既質素排左一粒鐘既客？ 4:無樓面同客講要排幾耐 Chef唔會煮時唔知淡 ，湯底落幾多水隨心架？真係貼錢買難受 乜野餐廳黎？明知出面d客等左咁耐 都可以心地咁差 求其煮 勁做左幾十幾年人，無一間 可以衰過你！無食過一間可以唔酸既 湯底！人生第一間black list既舖 多謝你 畢生難忘得你呢間野可以做得出

慕名而來，第一次食老闆娘米線，由開始排隊到有得食，剛好兩小時；試咗幾款炸物，質素一如預期優秀，其他食評已有詳述，在此不贅想分享的，是這碗枝竹豆卜胡椒湯米線睇返之前嘅餐牌，應該已經推出咗一年，但好似無人提過，於是就即管試下，又真係有驚喜。湯頭清新鮮甜，有強烈胡椒味，有鮮味得來又唔會覺得鹹，配上雞肉，大大碗好滿足。食到尾得返碗底嘅胡椒，直頭會覺得有啲辣，特別適合冬天食，驅寒暖胃一流👍🏼最最最重要係，食完一大碗米線，完全無任何口渴嘅感覺，證明係真材實料誠意推介呢款米線俾唔鍾意重口味嘅朋友 ，又或者係熱愛胡椒菜式嘅胡椒控

其實無想象等入位咁耐🤨前題 可能我一至五17:30左右到一個人拎住order紙等15分鐘左右就入得但第一次去未揀完 吳入得🙈入到去 等10分鐘左右就先上炸物，之後3-5分鐘就上碗食🤩主食: 芽菜湯 : 蒙古湯感覺像酸辣湯咁，但當中可能多左孜然粉有種香料味🤨(order時 店員再3 confirm，湯中有孜然粉)辣度: BB(可能有酸菜辣牛腩，覺得都ok辣，本身少食辣)餸 : 炸物用碟上1.招牌酥脆雞球，做到脆，不是厚粉脆而家薄像皮咁既脆脆得企身👍🏻2.魚肉響鈴，響鈴多數打邊爐 琳食今次炸左 脆上脆感覺像風咁一D都吳實在🤣配上魚肉就有反彈牙襯托成件事 完滿左👌🏻3.酸菜辣牛腩第一個感覺係 琳第二個感覺係 入味話辣又吳係好食到辣可能分散左去湯到肉感十分4.鮮豬膶多數 豬膶都琳/粉但呢到 食到爽口👍🏻味就帶點粉5.秘製豬腩肉應該叫醬煲豬腩肉眼見 豬肉應該事前已經醃製左所以好入味感覺係 鹹水➕BBQ醬咁6.雲醬豬軟骨鬆軟 係呢餸既主旨軟骨就送你爽脆且易吞嚥😏結: 第一次食完事後明白點解呼聲高因為暫時咁多樣都feel不同既用心❤️位不是 各餸倒入湯煮靠湯既味就出一碗🥣野呢到係 各款都有心機❤️👍🏻😋

最愛係蒙古湯，湯底超級香孜然味，保證其他地方食唔到，每一碗米線，都係落完order之後即煮的，所以米線同埋配料都吸收晒湯底嘅香氣老闆娘最出名嘅餸，係佢哋既炸物，尤其以炸雞最出名，其本上每一台必點，雞肉肉質好嫩滑，炸完仲好Juicy，響鈴同豆卜都炸到超香口，除咗平日普通嘅米線，呢度仲有銀針粉選擇，如果唔使排隊真係日日食都冇問題，但大家記得要注意返老闆娘，最近成日都唔開門大家要社交平台留意佢嘅營業時間

突然今日好想食米線🍜，當然去米線集中地—荃灣覓食，今日就好好彩，食到老闆娘米線。今日就叫左酸辣湯中辣🌶，招牌酥炸雞球🐓，野菌腐皮卷🍄同埋豆腐魚丸🐟。以湯底黎講，佢比坊間好多米線店更重口味，要做到又麻又酸，唔係間間米線店都做到，好考功夫。但如果你本身食開淡口味，老闆娘米線就未必適合你。招牌酥炸雞球🐓老闆娘米線既炸物非常出色，其中必叫就係招牌酥炸雞球，每一次叫完即炸，一咬落去卜卜脆，裏面雞肉仍然嫩滑，有肉汁，非常出色，值得encore👍!野菌腐皮卷另一個我每次必叫既餸就係野菌腐皮卷🍄，因為我本身好鐘意食腐皮，我每次都會將腐皮卷浸落d湯入面，索一索湯汁後更好食😋。豆腐魚丸🐟呢個餸反而我就麻麻地，食入口有d似魚腐，但因為我本身唔鐘意食魚，食入口有陣魚味，我就唔係太鐘意。

相信老闆娘冇人唔識，為咗唔駛等咁耐，所以多數都嗌外賣，依家嘅開門時間係5:00，所以我提早15分鐘過去落單。如果早到過去嗌外賣嘅話，等30-45分鐘左右。但係如果遲咗少少過去，已經見到開始有條龍排緊隊，基本上見到佢日日都有人排隊😂我最鍾情於佢麻酸辣湯底之前試過中辣，雖然佢嘅辣度都係我可以接受嘅範圍內，但係佢真係超級麻，食完個嘴唇會跳舞💃🏻今次都係嗌返小辣，酸度同埋辣度適中，嗌辣嘅話會有埋肉碎好入味，米線份糧絕對足夠，米線係爽身，唔係淋身嗰隻，最值得讚賞，應該係炸物每次必嗌炸雞，有4舊新鮮炸出嚟咬落去會有肉汁而且每舊份量都唔係細架另外嗌咗個鮮菇腐皮幾香口仲有試過返到反斗蝦滑炸到好脆身，我自己點啲湯食好吸味

久聞荃灣老闆娘雲南米線嘅受歡迎程度喺米線關注組上面長居頭位,要食閒閒地要排隊排一個半個鐘,預咗要去Ikea買嘢,我特登早D些出門去朝聖一吓！ 老闆娘雲南米線位於荃灣香車街街市3樓熟食檔,上到去,嘩！已經見到有條差唔多30幾人喺門口排隊 (我已經飯市前去到),真係好墟磡,排咗一陣,好快就有店員拎張點餐紙來,叫客人先落單,仲解釋廚房超多單,所以先點餐,店員見我自己一個,就話一個人即刻有位,所以就帶位俾我喇！ 由於佢地太受歡迎,所以已經有3個舖位俾客人坐,入去第一個感覺係,好香麻辣味充斥住整間餐廳,唔知係唔係佢地知道味道好濃,所以個冷氣勁大呀！而且為咗大家快D有得食,所以搭枱係一定的,除非你人多夠坐哂一枱！雖然地方無咩裝修,不過都乾淨整齊的 🔮麻酸湯底小鍋米線  上菜時已聞到好香既麻辣湯底味,未食麵先飲湯！試第一啖已經刺激我的味蕾,湯底非常濃郁,我點咗BB辣,這個辣度我接受到,不過那種花椒麻香,超級惹味,仲要係之後會係你個口入味滲番出來,食多幾啖,條脷同埋牙肉仲有牙齒,仲麻到滋滋震,好爽好好味呀！一路麻就一路好想再食下一啖！好正！終於明白點解網上面勁推介喇！坐我對面個哥仔仲一邊食一邊辣到流鼻

一排無來，最近係附近返工，但又收早，於是就係葵興慢慢行去荃灣，之後等老闆娘開門，去到4點半已經有條隊係度。5點10分坐低，呢度環境擴大左，同埋企理左，叫左個麻辣胡椒湯，小辣，配招牌酥炸雞球，秘製豬腩肉，雲上豬軟骨，個湯幾有驚喜，係食唔到胡椒味，但麻味好突出，雖然係小辣，但嘴唇明顯感覺到麻麻地，試過好幾隻湯，今次呢隻係我最中意嘅，炸雞一樣咁高質，外脆內嫩，好juicy，腩肉大塊好食，豬軟骨就一舊好軟熟，另外一舊就比較鞋口。而家天氣涼涼地，最啱就係食辣👍

相信鍾意食米線嘅人對於老闆娘哩個名一定唔會陌生 久仰大名😍 終於慕名而來 一來到已經見到大排長龍 最後排左一個半鐘先入到座😖 入座後仲要等10-15分鐘先上菜 所以想去食嘅朋友要預留足夠嘅時間啦🤣 ✿招牌酥炸雞球+反斗蝦膠豆卜+麻酸辣湯米線✿[$60]之前已經聽過佢啲炸物有質素 所以來到就簡左兩樣炸物試下 果然不負我嘅期望 係即炸 熱辣辣🔥 炸雞球又嫩又滑 蝦膠豆卜 脆卜卜 浸少少湯食更有層次✿ 招牌酥炸雞球+秘製豬腩肉+麻酸辣湯米線 ✿[$60]依一碗揀咗秘製豬腩肉 🥓豬腩肉係肥瘦適中 唔會話好肥 食落去幾入味 幾啱個湯底 至於個湯底 我哋揀咗麻酸辣湯 平時喺出邊都係食開酸辣 而哩個湯底食落去酸酸辣辣帶點麻🌶 麻味係重過酸味嘅 係幾啱我哋胃口😋

排老闆娘嘅小tips🫰🏻.相信無人未聽過呢間米線，但次次都話排到虛脫都未有得食🥵嗱，想食好西就要付出，仲好講緣分。首先想食當日要喺佢地社交平台睇當日有無開（OpenRice係假），有個地圖logo先好去（如圖二），如果係status（圖三）就擇日重賽。第二，因為佢開17:00（無錯lunch teatime係唔開），最好16:45去排定隊，當日星期四16:45去係排第二，入座前剔埋食咩交畀佢，入座後等咗10幾分鐘就到，之後17:30食緊嘅時候都未爆場，各位好運😚.1️⃣腩肉BB麻酸辣米線配炸雞同蝦膠豆卜（$74）好掛住呢陣味！大大碗係基本盤，腩肉醃得幾入味，唔會太柴口又唔會散收收，湯底好特別，佢恰當地令個口麻痺，同時又有酸酸辣辣嘅香料湯底，超正！外面好少食到麻同酸combined嘅湯底🐔炸雞：不得不提佢炸物係必點，全無多餘炸粉又keep到外脆內juicy🦐蝦膠豆卜：蝦膠非常彈牙，豆卜炸得超脆超脆，又係必點.2️⃣BB辣麻辣胡椒湯米線配雞翼同魚肉響鈴（$62）呢個湯底又係好特別！有啲似食花椒湯底，但麻香味更重，因為揀咗BB辣所以都可以舒服咁食，米線煙煙韌韌🐥雞翼：炸得好脆不過啲辣粉沈得太重手，要