老闆娘雲南米線

營業中

休息中

闊別多年，終於可以再食到老闆娘了！捕佢開鋪唔駛排隊，快靚正。而家又有冷氣又安排得去咗，老闆娘又好傾咗😁😆講到食物，當然係選我最鍾意嘅麻酸辣湯中辣，雜菌腐皮卷同埋魚肉響鈴啦，炸物一如既往出色🤪個湯底一如既往夠麻夠辣，腩肉一如既往夠入味。屋企人嗌咗蒜辣湯，非常香，有驚喜🤪豬潤煮得剛好，唔似大部分米線店咁乾到一舊嘢咁，爽脆口感。仲有招牌酥脆雞球，入味又juicy！廢話唔多講，俾大家睇下相望梅止渴。 啲人成日話老闆娘名過其實，我唔認同，因為佢個湯底真係同出面唔同又有自己特色，不過口味好個人的，所以無得好講😄

上次荃灣米線大比拼試左雲家 🦑🐙 結論係小食更勝米線 🤪 今次Round 2 黎到經常大排長龍既老闆娘，星期日6:30左右去到排左一粒鐘左右，坐底左再等多半粒鐘，但為左試佢都要等❗️⁡🐻の試食‼️✨BB辣酸辣湯反斗蝦膠豆卜米線 $52✨蟲草花薑酒湯配豬膶米線 $56✨招牌酥炸雞球拼野菌腐皮卷 $28 ⁡聽聞老闆娘既炸物好出色，🐻今次試完反而覺得湯底更勝一籌，非常推介食唔到辣既朋友可以試下BB辣酸辣湯底同埋蟲草花薑酒湯底，前者惹味酸辣度岩岩好❗️後者足料滋補暖胃又醒神❗️另外，🐻老公更話佢哋既豬膶係食過最好味既豬膶 😳 爽滑唔會有怪味❗️反而炸物感覺一般，炸雞球炸得均勻一點 🙂 大家又識叫啦 🤪

「酸菜辣牛腩」都係咁好食「招牌炸雞」仍係好好食👍🏾「野菌腐皮卷」保持高水準💯昨晚衷心感謝老闆娘既特別照顧🙏🏾🙏🏾18:00後 老板娘始終係我既首選☝🏾🥇

📍 老闆娘雲南米線🇭🇰 荃灣曹公街8號香車街熟食中心3樓28-29號舖好掛住佢😭😭😭😭之前食過一次真係念念不忘係最近去開附近party room玩先買個外賣連外賣都要等45分鐘堂食應該就唔止了😋 魚肉腐皮卷麻辣米線 (小辣) $52嗚嗚嗚嗚真係好好食呀唔知係咪因為等左好耐嘅關係真係覺得佢超級好食 好岩我口味佢個麻辣係超級麻 好爽呀🥹係油㗎啦 但又未係我食過最油嘅至於個魚肉腐皮卷我覺得還好 第一次食嘅香菇腐皮卷會好似啲佢個炸雞都好食!!!總結 我覺得係我米線排行榜第一名呀🥹🥹🥹好正呀真係會食完一次再想食大家記得去之前睇下去社交平台嘅營業時間呀～

心思思想去鼎鼎大名嘅老闆娘朝聖一段時間，終於搵咗一日閒日去，星期二黃昏6點去到，有人龍，但唔算好誇張，等位等咗半個鐘，坐低等嘢食再半個鐘，炸物另外再等多4個字。 入面冷氣都幾凍，但環境比我想像中光鮮同埋乾淨。今次嗌咗蒙古湯BB辣，配秘製豬腩肉同埋雲醬豬軟骨，另外一碗嗌咗酸麻辣BB辣，配招牌酥炸雞球同埋野菌腐皮卷。 蒙古湯非常有驚喜！重香料味，但唔會誇張到好搶fo，少少辣令到更加惹味。酸麻辣湯亦都幾唔錯，平衡得幾好。最重要係食完之後唔太口渴，相信唔係好重味精，呢樣加好多分👍🏻 餸方面，豬腩肉同豬軟骨都正，肥瘦適中，口感軟淋，味道入味亦同樣唔會太鹹太搶👍🏻反而極受歡迎嘅炸物我就唔覺得好有亮點，野菌腐皮卷較好，皮脆得嚟入面嘅菇同粟米爽口，味道清新，令到整體唔係太膩。炸雞球唔乾身，但調味同外殼口感都唔係特別出色，如果下次再嚟應該唔係首選。今次朝聖體驗滿意，雖然食米線嚟講要花費嘅時間都算多，但過一排都會有興趣再嚟試吓其他湯底同其他餸😋 *****多quota評價：😋Quota花得值(🤮<☹️<😐<😋<🤤)

雖然黃色暴雨警告，但係都冇阻我哋想食老闆娘嘅心，都依然堅持去呢個山旮旯地方買心心念念嘅米線！不過實在太大雨啦，所以都係買返屋企留喺安全嘅地方慢慢享用，順便將嗰啲炸嘢重新整返熱佢！.一碗叫咗雞球，蝦膠豆卜，豬軟骨，配酸辣小辣米線，另一碗叫咗雞球，野菌腐皮卷，魚肉響鈴，配酸辣中辣米線。.雞球係佢嘅招牌，當然要打孖上！一如既往炸得好香脆，翻熱咗更加係一流，至於入邊嘅肉質就正常似雞胸，唔好期望非常香嫩多汁。.上次都叫咗野菌腐皮卷，不過外賣返到嚟淋晒，今次返熱完脆咗好食咗啲。蝦膠豆卜就諗起長洲食嗰個，所以忍唔住想食返，非常脆好好食，必叫🤤.掙扎咗好耐叫魚肉腐皮卷，酥炸鯪魚球定係魚肉響鈴，最後魚肉響鈴獲勝～ 未食之前覺得佢應該會好油，結果又冇好油嘅感覺，但好一般般以為會好特別，反而有啲失望。至於豬軟骨，純粹係唔知點解突然好想食所以嗌咗，正路野。.今日天氣唔好嘅關係，又專登揀咗佢一開門嘅時間，以為排隊嘅人唔會，點知係我哋諗太多😀 講真地點真係唔多方便，唔多人排都還好嘅，但嚟緊夏天又要排隊就真係要諗諗。

趁天氣凍走去香車街街市食個Early Dinner，「老闆娘」依舊係春夏秋冬都咁多人排隊⋯.蟲草花薑酒湯米線配牛肉第一次試，湯夠清又唔錯，加少少黃酒同薑，較淡口，但冬天食我覺得都正既；牛肉食得出無乜乸到面目模糊既😂.另加酥炸雞球，肉質唔會乾柴，Juicy既，okay👌🏻吉列豬扒，正正常常啦；反斗蝦膠豆卜同魚肉響鈴出比好少地方有，但感覺普普通通，都係炸物一件⋯.反而野菌腐皮卷有少許驚喜，菇菌餡料比較多，雖然係炸，但食落口唔會成口油。所以腐皮卷係值得下次黎Encore既，而炸雞球都可以再order.老闆娘其實出名食辣湯底，下轉要試銀針粉，蒙古湯，胡椒湯，酸辣湯，麻辣湯，仲有酸菜辣牛腩，豆瓣肉骨頭，豬腩肉，雲醬豬軟骨，滷汁豬粉腸豬手粒⋯依啲聽個名都覺得幾吸引.但係如果係為左啲餸而黎的話⋯可以等無乜人排隊先去試

唔值！唔值！唔值得排隊！亦都唔值得特登過黎試。等位等野食要成兩個鐘，環境又差，價錢又唔係特別相宜，比啲blogger吹捧得太誇張，屋企附近是旦一間都好食過佢！唔洗等都唔會揀佢，荃灣咁多好野食～

去食呢間預左要等，我地２個人等左1.5小時，野食就等左15分鐘左右。一場黎到，就叫多d野食，每人一碗米線，我叫左腩肉酸辣米線中辣，朋友就叫左粉腸酸辣米線小辣。中辣湯底都唔算太辣，但勝在夠酸，而且唔油，腩肉份量都多，夠淋同好入味！食完成碗唔會覺得太口渴。至於少辣就唔太夠味。如果有下次會想試下蒙古湯~ 係炸既小食方面，我地叫左炸雞、豆卜，腐皮卷同炸鯪魚球。４款小食之中，炸豆卜係最好味，放耐左少少都依然咁脆！之後就係腐皮卷。不過，因為要等既時間太耐，真係會好想再食先會黎。

黎得預左排 但冇諗過咁過份平日約五點到達門外有大約20人條隊郁得極慢 一個鐘先入到去但坐低原來仲要等佢根本煮唔切 仲不停咁接外賣單到有野食已經近8點未食個體驗已經好差講返食物酸麻辣湯中辣 $78 三餸辣度同譚仔小辣差不多 唔算辣麻就好夠麻 但辣椒唔夠香個湯都算係好食既叫左最出名既炸物 雞同豆卜係炸得出色個餡好難食既野菌腐皮卷總結：價錢唔算平 叫埋野飲每人都近$100但係坐街市摺檯摺凳 仲要同好多人搭檯米線唔特別，好多類似質素選擇炸物外其他配料都十分普通如果為左食炸野而等2-3小時唔知你覺得值唔值我就試一次就夠時間好寶貴

江湖傳聞荃灣老闆娘雲南米線好鬼出色，但要排一輪隊仲要係社交平台睇老闆娘心情有冇開鋪，係種種原因下，我決定黎試試佢😂😂😂😂做好晒準備，查好左佢今日吉日有開，網友強推食品，帶好風扇係到乾等45分鐘，終於入到去環境好簡單，冇咩裝飾，感覺有點高人咁排隊個陣已經簡定食咩填好，一入位就交比職員。又等多十五分鐘，今次真係有野落肚啦嗯。叫左個牛腩豬軟骨蒙古湯米線，炸豬排，春卷正常普通米線，湯底係少見，但唔係驚為天人配料都係不過不失反而，我覺得炸物係出色既，唔會好油，食落成口油既，係酥脆的但食完都係要喪飲水如果路過唔洗等係可以既，但要排隊就睇個人啦

老闆娘雲南米線 香車街街市名物麻酸辣湯底米線推薦麻酸辣湯，又麻又辣又酸一次過滿足晒湯頭既配料例如酸菜、肉碎份量好多招牌酥炸雞球每次都必點，好juicy。但今次乾身左啲，調味都仲係好好味滷汁豬手粒豬手粒以為係細細粒，但上檯先知好大舊。但豬手略嫌太淋，冇乜咬口。滷水味都香秘製豬腩肉肥瘦適中。略嫌太長太大塊，比較難入口，開半會更好雲醬豬軟骨份量好多，又大舊。軟骨好淋又入味野菌腐皮卷都係每次必點，野菌味好香，腐皮好脆，咬落口感層次豐富，唔會太油膩整體水準之上，食物製作好有心。排隊半個鐘內都可以，但排隊去到食都要等兩個鐘，就唔建議了。真係得閒 手機叉好電先好等😂

成日係社交平台睇到人哋推介..真係大家各有各口味。要排成個鐘，我寧願排壽司郎啦⋯⋯起碼可以拎籌，差唔多時間先返黎，老闆娘開係街市上面，無冷氣又焗又熱，會覺得唔值，以為入到去可以好快食到，但要等半個鐘先有等到好餓。炸雞球聽聞好出名，差不多台枱枱都有人叫，咁咪試下。外皮係炸到好脆，呢點好抵讚嘅，不過雞肉老過我，真係搞唔掂。仲有蝦膠豆卜，脆還脆，但硬挖挖無哂蝦肉嘅彈牙。湯底有特色，推蒜香辣湯，蒜味勁濃蒙古湯就似烤串味，好重香料。

想試好耐，今日第一次去食。排隊係預左。叫左麻酸辣細辣，食第一啖時已經比個麻度震撼到，如果10分麻，呢碗麵已經達9.5分，都係我食咁多麻辣以黎最麻度最高既一間。注意，我已經係叫細麻酸辣都已經咁麻，就係因為麻度太勁已經食唔到酸同辣味，因為咁既情況我係食唔晒碗麵。提醒食唔到麻既人揀其他湯底。要排隊至少一個鐘先食到碗麵….都真係要諗下

最近發現工作地方附近有呢間咁出名嘅米線，一直都好想lunch去試，但係因為通常下午五時才開始營業，一直都食唔到。follow左佢既社交平台既page,發現竟然農曆新年前有一日lunch會開，終於等到呢個機會。12:30去到舖頭門口，一如所料，都有唔少人喺度排隊。人龍都唔算好長，等咗大概半個鐘可以入去，但係原來入咗去要等仲耐。坐低計好似成個鐘先有嘢食。美食係值得等待嘅，先上咗野菌腐皮卷同招牌酥炸雞球，可能加上等得太耐好肚餓，真係覺得好好食，炸得好脆又香口，仲幾juicy。冇幾耐米線都上埋，我嗌嘅係麻酸辣湯小麻BB辣豬粉腸鮮豬潤米線，第一啖食落去真係覺得好正，麻酸辣層次都好分明，BB辣對於我唔食得太辣嚟講啱啱好。豬粉腸鮮豬潤就正常唔係特別出色。不過之後食到差唔多就覺得個米線太油，有啲頂唔順。總括嚟講佢啲炸嘢同米線湯底味道都真係幾出色，只係個湯底略嫌太油。仲有值得一讚佢嘅衛生環境，以街市熟食中心嚟講，真係算乾淨企理。