老街 (已搬遷) 新店位置

專登download 返隻app寫食評 因為真係幾唔愉快幾年前呢間野都正正常常 而家加左價好貴 扣走哂啲伴菜 叫埋杯嘢飲差唔多7x 不如食小王牛肉麵仲好...同埋間餐廳都幾唔方便 唔近地鐵站附近又冇巴士...1.餐牌冇英文所以免麻煩就唔好帶外國朋友去啦2.間餐廳好細 但又要整卡位 所以兩條友一定要搭枱架啦 冇得撐枱腳要打橫坐3.店員態度好差 黑口黑面 冇禮貌 用命令式嘅語氣叫你搭枱4.好多人一齊係一個好細嘅環境 其實好辛苦好嘈

位於旺角的老街是一間台灣菜的餐廳內裡位置雖然不多，但設計風格非常有台灣風調，令人感覺好像置身於台灣的餐廳。今天我和媽媽來到吃晚餐，我們點了很多款小食和一款麵食。來到台灣餐廳當然要嚐嚐他們的牛肉！我們點了一個老街牛肉拼盤 $55裏面有齊牛筋、金錢𦟌和牛腩，牛筋軟糯，而且鹵得入味，吃完嘴唇黏黏的，感覺膠原蛋白非常豐富！金錢𦟌就是半筋半肉，味道沒有牛筋的高鹹香，能吃到牛肉味的香濃又帶點軟糯的筋，比例剛剛好！牛腩雖然比較肥膩，但入口即溶的感覺令人難以忘記！牛脂香氣在口中散發，還有點筋頭，來一點嚼勁，實在不錯！當中必然會有一兩塊比較瘦，這個的口感就不太好。之後再追加一份香滑滷牛筋 $32！其他小食也不容小覷！涼拌小黃瓜 $26這是非常好吃！小黃瓜應該用上溫室黃瓜，口感非常爽脆，而且調味適中，新鮮多汁！魚酥皮蛋豆腐 $29這個一定是必食啊！豆腐的豆味香濃，口感嫩滑，配上肉鬆真的是無敵啊！還有照燒味的醬油膏和魚酥，就像章魚小丸子上的配料般，味道口感層次豐富，非常推薦！肉燥青菜 $28點這個的原因除了想補充一些纖維，最重要是想吃他們的肉燥！肉燥調味適中，豬根部位多，不會很肥膩！生菜也非常新鮮。蕃茄豬軟

兩個人食，一人一碗麵加個小食兩杯野飲，165賣單。味道普通，但都唔會再黎食，唔值。☹️朋友食紅燒牛肉麵，紅燒牛肉係三塊大大塊，我朋友話味道可以，但我既豬軟骨湯麵就普通，d豬軟骨唔夠入味，湯底甜甜地，個人喜歡，d麵都ok彈。最失望既就係鹽酥雞😟，細既30蚊有5-7件，大既38蚊就有雙倍，咁就當然係要大㗎啦，因為我原本食開既鹽酥雞都係細細件，林住就算14件都肯定食得曬啦，而且脆口嘢我最愛，點知黎到既鹽酥雞係大大舊，賣相其實都唔係好大分別，最大分別係我覺得我食緊雞塊，d既係淋身既...一d都唔脆，鹽酥粉又少，真係希望越大失望越大🤦🏼‍♀️仲有杯珍珠奶茶就當然無咩奶茶味，而且d珍珠都唔會係伊un㗎啦🙁失望

其實之前都食過 係幾好食既 而咁啱男友話想食台灣野 即刻諗起再黎呢間啦 佢既裝修好懷舊 牆身貼左好多掛畫 同埋播舊既台灣歌 真係有少少去左舊台灣既感覺麻辣牛筋牛腩麵 - 好快就已經聞到佢既辣味 個湯底比想像中冇咁辣 算係中辣啦 唔食得好辣既朋友都可以試下 大大舊既牛腩及牛筋燉得好淋呀 牛腩又唔會太肥又唔太瘦 好適中而且佢吸收晒湯底既精華 好正 牛筋亦一d都唔硬 好有咬口 鹽酥雞滷肉飯 滷肉雖係細細粒咁 但係每粒瘦和肥肉係好平均 少少咸咸地油油地既感覺 撈飯簡直一流呀 佢既鹽酥雞粒外層炸粉唔厚 入面既肉質都保持到嫰口 而表面加左胡椒粉減低油膩感黑松沙士 - 原來即係台灣版既沙士汽水 冇以前細個飲過既沙士咁甜 成間真係好懷舊 未飲過既後生仔可以試下

又係旺角喇🤭今次去左老街食台灣野一入到去裝潢十分懷舊 很復古的像舊台灣的嗎？還是說說食物好了🤤首先是男朋友點的#台灣滷肉飯 (大碗)($38)滷肉的份量也挺多的 味道也不錯之後就是我叫的#紅燒牛肉麵 ($58)牛肉大舊 入口不會太靭 肉和筋比例適中麵量也剛剛好 整碗牛肉麵我是滿意的另外還點了#滷味切大腸 ($28)我覺得大腸夠腍的 但不夠入味呢😢_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

聖誕同跨年買咗好多嘢俾A姐，所以銀包都乾晒塘喇，其實我家A姐雖然係一名港女，但好彩唔一定要去啲豪華餐廳，經濟實惠嘅小店，佢都好滿足架。加上近期好耐未食過台灣嘢，所以今日去到旺角嘅老街，店內座位唔多，而裝修設計配以舊台灣嘅風格同相片，仲播著台灣老歌，真係好有古早味呀。不過，如果閣下追求坐得舒適，呢度就未必啱你喇！紅燒牛肉麵啡色嘅湯底，上枱已經聞到好香濃嘅牛肉味，牛肉大大件又腍又入味。湯底同牛肉就相當吸引，不過，就唔見其他常見嘅配菜，如紅蘿蔔，蘿白喇。麻辣牛筋牛腩麵A姐話天氣凍，所以要食辣嘢暖身。呢個麻辣牛筋牛腩麵，麻辣味夠晒香又唔會搶晒牛肉嘅味道！除咗牛腩，牛筋都好有咬口，相當唔錯。滷肉飯（小）除咗牛肉麵，台灣菜嘅代表又點少得肉燥飯呢，叫碗小嘅諗住試吓，原來都好大碗。A姐就嫌啲肉燥太多肥豬肉，之但係計我話，肉燥就係多肥豬肉先好味。好彩食落又唔覺好油膩，用嚟撈飯一流！小香腸拼鹽酥雞鹽酥雞係店員另一推介，一啖一粒，外層香口酥脆，鹽味胡椒味啱啱好，炸皮唔算太厚，內裡嘅雞肉又夠嫩滑。而小香腸外層煎得香脆，內裡油香十足，唔錯。

珍珠奶茶冇茶味⋯⋯失敗！牛肉麵d牛肉係烚熟嘅，一望已知，牛肉是白色而非台灣般的啡色，兼冇牛味⋯⋯失敗！烚都算啦，仲要堅係咬唔到，勁硬⋯⋯失敗中嘅失敗！所以只去了一次，已經不會再去！

近來香港好似多開了台式餐廳，比起以前一街都係韓國菜日本菜，依家選擇會多少少。今次同朋友仔試下新餐廳，其實都經過幾次，見到入面都裝修得唔錯，終於有時間可以約到黎食。餐廳裝修行懷舊台風路線，入到去又覺得幾得意，牆身有唔同的海報、貼畫，全部都以老台灣為主，的確有少少似去到台灣的感覺，就連餐牌都係懷舊台灣風，小細節做得相當唔錯。個人覺得最好味係滿漢大塊牛肉麵，原本都覺得有少少貴，但上菜之後就明白，成碗材料好多，大大件牛腩牛根，煮到入味又軟身，唔會覺得好鹹或太硬，個湯底就有少少蘿蔔的甜味，仲有少許香料味，另外個麵底都可以一讚，同係台灣食個種感覺幾乎一樣，入口綿中帶嚼勁，就算食到最後都唔會糊成一Pat。好多時酸菜只係配角，但呢間的酸菜好味到我會另外再點一份，入口爽脆不油膩，鹹酸調味適中，推薦！小菜方面較好味就有豬耳、豬腸及茄子：豬耳爽口卜卜脆，豬腸入味不油膩，茄子軟綿夠多汁，不錯。

我好鍾意食蕃茄既野食。市面要食番茄既野食，一般只有茶餐廳先有。今次見到老街門口既二拉架顯示有一小系列既番茄麵，所以走入去食下。進入餐廳，裝修都幾有風味，座位密密麻麻。我叫左一碗番茄排骨麵同蘋果西打。蘋果西打：幾好飲，唔太甜。蕃茄排骨麵：麵既份量非常十足，比平常既麵底較多同大碗。蕃茄湯底濃郁，番茄味足夠。麵質方面，麵條較正常粗，我略嫌有點腍，我估係煮耐左。排骨非常大件，脆漿比例屬正常，排骨脆口，肉質唔太韌，屬抵食之選。

路經旺角此地，見到依間台灣店好多人食緊，咁我都唔客氣咁好八卦咁入去食試下食。我叫咗一碗台灣滷肉飯(大碗)試下。台灣滷肉飯(大碗)：完全冇諗過呢碗滷肉飯真係好大碗，其實兩個人食都會飽。剎那，我好後悔我叫咗呢碗飯，因為咁樣我就叫唔到其他野食。滷肉飯既飯面有滷肉、紅蘿蔔、粟米、同椰菜粒。蔬菜類係冇味道可言嘅。而佢既滷肉除左有肉燥外，應該仲有D肥豬肉，我估係五花腩之類既食物。我食左少少之後就覺得有點膩，但係滷肉汁送飯的確係一流。

香港不嬲好多地方有得食台灣野，但係正宗台灣風味就唔係咁易搵到。今次推薦大家去哩間好正嘅台灣野食！位置仲要係正旺角，夠曬方便易搵！哩間台灣餐廳好有特色，價錢亦都好平民，夠曬大眾化。我同友人兩個人叫咗好多野食，我要咗一個小香腸滷肉便當，好多肉燥係面，大大碗，勁香呀！台灣腸亦都好有咬口，有肉汁唔會乾，絕對要試！友人要咗一碗牛肉麵，勁有牛味，而且淋身得黎又爽口，入曬味呀！我地仲叫咗四款小食，有滷水拼盤，鹽酥雞，椒鹽牛肚絲同埋炸花枝丸。拼盤入面啲滷水汁好濃郁，好正！鹽酥雞同花枝丸炸得勁脆勁香口！仲有牛肚絲索曬味！重口味嘅朋友啱曬喇！另外我地要咗兩杯果茶，一杯係荔枝QQ紅茶，另一杯係巨峰QQ綠茶，真係好fresh，想外賣多杯添呀！仲有洛神花茶！哩杯就無咁甜，比較清香，清淡口味嘅朋友可以試試。真心推薦大家去試下，平食之選！

最近可能係食錯野所以搞到身體唔係幾好，不過一好返之後就即刻去食好多唔同味道嘅立雜野。老街喺旺角都開咗一段時間，之前都食過幾次不過冇心機寫食評，而家好返即刻想寫慶祝一下！番茄牛肉麵＄65裏面嘅牛肉非常之入味，口感亦都很林，麵條嘅質感係台灣風味，比較粗身。番茄味道未至於非常天然但係都幾濃郁嘅香味。夜市小香腸滷肉便當＄50朋友嘅便當本身我都唔係太睇好，因為我麻麻地食飯，估唔到個小香腸可以咁甜，好啱胃口，個味道同臘腸或者普通香腸完全唔同，果然係台灣風味！炸豆腐拼鹽酥雞$42本身都冇咩期望，因為我唔想食熱氣野，但係朋友話想食小食唯有「捨命陪君子」，點知個炸豆腐外皮勁香脆，但係裏面有好似都本身滑的質感，口味一流。同時鹽酥雞非常香脆，外皮不會太厚，雞肉好多而且唔肥膩。蔥油青菜＄22生菜嘅份量好多，差啲食唔晒，食到好飽，調味比較特別。胚芽奶茶加珍珠＄22加＄3熱胚芽奶茶＄18加＄3有珍珠啱啱病好我唔敢飲凍野唯有飲熱嘅珍珠奶茶去填補一下心靈嘅空虛，不過我好肯定嘅就係凍嘅好飲好多，因為啲珍珠一定會比較有彈性同埋啲杯牙會喺表面食到脆卜卜⋯⋯

次次行過都想試左好耐，終於有機會啦今次🤩舖頭會播好soft既台灣歌，即刻有晒feel~👉🏿✨鐵路雞排滷肉飯 Hkd 56 💸📌超大一份！滷肉煮到林晒，有肥豬肉先係王道👍🏿雞排又勁多，啲醬汁好好食,朋友大讚👉🏿✨三寶肉燥湯面 Hkd 55💸📌個湯好夠晒，天氣咁凍要食番啲湯面。台灣腸炸過黎脆卜卜好正！面都好彈牙，唔錯👉🏿✨酥脆鹽酥雞（細）Hkd 30 💸📌細細粒一口一粒😊完全係台灣食到既味道，啲調味粉剛剛好，推介🤩👉🏿✨黃金脆薯（細）梅子粉 Hkd 25 💸📌出面個炸皮好特別，一啲都唔油膩，入面真係完整既蕃薯，配埋梅子粉好夾😋👉🏿✨香芋奶茶（加珍珠） Hkd 15 💸📌好濃郁既芋頭味，唔會好假。👉🏿✨冬瓜茶（加珍珠）Hkd 13 💸📌最愛冬瓜茶，加左珍珠煙煙unun仲正！

旺角食飯的煩惱唔知大家有無試過 明明係旺角咁多野食 但偏偏唔知食咩好既經驗呢 就算上網search 一係就太貴 一係就太heavy 一係就。。。總知就唔岩食啦！推薦一間旺角既台灣野食比大家😋食過想再食依家係旺角諗唔到食咩都會諗起佢～鋪頭裝修好靚架 好有老台灣人既感覺 野食都好高質 價錢合理！係貴少少嘅紅磡「讚好」最近試左個 秘製豬軟骨拌麵 豬軟骨好軟腍 拌麵好夠味 有夠彈牙！香酥排骨滷肉便當 滷肉肥瘦相間 當然要叫最好食既鹽酥雞配夜市小香腸😘 誠心推薦比大家啊～～

LUNCH去得早冇咩人，即刻有位。叫左碗牛肉麵&鹽酥雞滷肉飯，飲品要加錢。牛肉麵：麵開始略嫌硬，不過浸一陣就淋左D都OK，湯都算唔錯，牛肉炆得唔夠淋..........呢點我接受唔到。(同區旺中地庫的牛肉麵比較好食)鹽酥雞滷肉飯：雞炸得乾左D，滷肉煮得夠淋，但味道當然比唔上台灣啦。整體來說，呢個價錢都算幾好。