老街 (已搬遷) 新店位置

午膳時間，今天跟工友一起外出吃飯，公司附近有間很不錯的吃台式料理的餐廳，就連不太喜歡吃台灣菜的我，都帶朋友去過幾次，因為真的很好吃。今次我點了鐵路雞排滷肉便當。雞排和滷肉飯是分開上的，很好呀！因為雞排有點類似燒汁的醬汁，那就不會混到滷肉飯汁裡。很喜歡這裡的滷肉飯，飯首先都夠熱，飯粒軟硬度又剛好，粒粒分明。再加上不會太油膩及太鹹的滷肉碎，跟米飯的比例份量適中，拌飯後都沾上滷肉汁，連同半肥瘦的滷肉一起吃，濃厚的味再加黏黏的口感，真的很搭。雞排也很嫩滑，也算幾大塊的。醬汁味濃，但不會鹹。還有，我很喜歡它的台式奶茶，夠熱，茶味重，也很夠滑。因為我不加糖的，所以就這樣喝它的原味就已經很好。我自己真的很少去台式餐廳，因為通常不是做到很港式，就是太油，太鹹，味道又沒什麼特別。但這間老街真的打破的對台灣菜的概念，每次再來光顧都不會令我失望。

星期六行街。路過又想食台式嘢，下午茶時間去食，唔多人。第一次食老街哩間店，朋友叫咗鹽酥雞滷肉飯，我叫咗大嘅滷肉飯（有分小同大Size）。飯嘅口感稱唔上煙韌，滷肉汁唔算好香，蛋嘅調味偏濃（藥材味？），成個飯覺得係中下水平。一向唔鍾意食鹽酥雞嘅我試咗一件，有驚喜，個炸粉比較薄，食落唔油身，調味，大小都正常，係朋友唔鍾意佢有一件有少少骨。兩個飯都有啲蘿蔔做配菜，如果有多兩條菜喺隔離個感覺會靚啲同健康啲。

出到旺角真係好多餐廳選擇，行下行發現左一間裝修比較特別，有台灣風味餐廳。睇完門口個餐牌便毫不猶豫選擇左呢間，入到去座冇虛席，心想應該冇揀錯。等了5分鐘左右就有位座，我自己點了最喜愛的台灣牛根腩面。雖然餐廳有很食客，但上菜都幾快。湯底濃，牛腩好淋，味道入味不油膩，值得一讚👍🏻我飲晒成個湯底，都唔太囗渴，應該唔多味精吧😋之後仲加左杯台式珍珠奶茶，當然味道不能跟其他飲品店鋪相比,味道偏甜，冇乜茶味

晚上同女友經過入咗一間叫老街餐館食晚飯，位於油麻地HSBC對面，入咗黎覺得餐廳不錯，點知食品不太可以，叫咗炸豆腐拼鹽酥雞，點知上嘅時候黎餐桌已經加咗汁，但是本人唔鐘意落汁食，叫佢地換又唔得，食牌又無寫會加汁，落單又唔提，對貴公司服務態度極失望。本人是消費者，如果一間餐館不能合乎客人的心意，再次黎消費的機會不大。

行行下旺角去左油麻地～朋友話食過呢間台灣菜好正～一於就去食下一入到黎，個裝修都吸引左我，係等緊其他朋友黎嘅時候，我地叫左d小食黎醫肚先　小黃瓜都幾入味　本身少食滷味嘅我，呢碟對我係0吸引力，但朋友叫左，無理由唔試下而我食得最多嘅係蛋。味道一般鹽配雞個炸粉整得剛剛好，咬落仲好juicy!食台灣野必點嘅肉燥飯亦都唔錯，大碗份量夠二個人食伴麵我會幾推介食，肉燥係同飯個款味係唔一樣，搞到我朋友想叫多碗呢到蕃茄麵係無咩特別，牛肉就ok

點了牛肉麵和炸豆腐拼鹽酥雞 - 不得了！全部都超好食！唯一要比較嘅可能係炸豆腐比鹽酥雞略勝一籌 - 外脆嘅皮加豆腐嘅香味，暫時係香港都食唔到呢隻味道。至於紅燒牛肉麵 - 牛肉夠腍，湯頭夠濃味之餘，飲完亦唔口乾。絕對會再嚟食多次！

呢間餐廳我已經幫襯過好多次㗎啦，價錢親民，味道亦都唔錯，而且裝修都幾靚㗎👍🏻👍🏻👍🏻而今次我就係夜晚嘅時段幫襯呢間餐廳啦。呢款係我每次都必食嘅牛肉麵，牛肉煮得軟林，好正🤤🤤🤤嗰日另外都買咗三款小食，叫咗豬耳同埋炸雞球。豬耳都幾入味，令人越食越想食🤤🤤🤤已雞球嘅份量亦都夠多，抵食阿👍🏻👍🏻👍🏻而呢一款係木魚豆腐，係我第一次食呢一種類嘅食物，佢係炸豆腐上面加咗一啲酸酸甜甜嘅汁，食落都幾開胃㗎👍🏻👍🏻

同中學同學去開旺角，見到呢間無人排隊就衝咗入去，點知咁就...因為成班同學總數9個人，佢特登開咗間房俾我地，但由入門口嗰刻侍應開始黑面。到落單嗰刻，正常會叫菜式名落單，侍應好大聲叫用號碼落單，原來佢地用開套餐編號，但無諗過咁無禮貌同我地講。到落飲品，倖存者同同學只係叫咗幾杯野飲，無叫齊9杯，侍應望住我地一副「唔係瓜」嘅樣，然後勁大聲嘆氣！幫我地斟水時，侍應仲大力杯撞杯，一副不份氣嘅樣...我地只係無叫齊9杯野飲姐...野食無想像中好食，所有菜式一係偏咸一係偏淡，未拿捏到味道平衡，不過還可接受。但因著奇特嘅服務態度，倖存者對佢不了紅燒牛肉麵 $60麵條偏硬鹽酥雞飯 $44雞塊幾好食，軟淋淋豬手飯 $味道略淡，份量較少

椒鹽雞扒便當大大塊雞扒，大都有成4~5大塊，外皮炸得脆，不過有幾粒大豬腩肉。椒鹽雞便當成7粒大大粒雞團，如果加d 7味粉，味道會提升好多。胚芽奶茶首先我都係飲吾慣台灣奶茶好大奶味，冇麥茶香味。

前晚同個朋友去試，因為附近都滿座，而呢間咁啱又有位，於是去試下啦叫左一碗牛筋牛腩面，味道一般主要湯底唔夠濃，有啲淡因為食過其他台灣牛肉面湯底好好味，但牛筋同牛腩都唔錯夠淋，之後叫左一個鹽酥雞，都係好淡無豪大大果啲咁入味，仲有一個魚酥皮蛋豆腐同杯冬瓜茶，呢兩個無乜驚喜不過不失，價錢方面都算合格每人大約$100到，方便在唔使排隊，而餐廳都好有台灣feel………………………………………………………………

以前成日食老街對面個間譚仔，每次食完行出黎都見到老街個招牌。每次都想去食（因為我好鐘意食台灣菜😂），但每次都無去食。呢日同男朋友係旺角行街，唔知食乜好，我就提議食老街。個陣係六點幾鐘，晚市開始無耐，但舖內已經唔少人。雖然仲有空檯，但侍應都係叫我地搭檯，應該係方便之後有四人或以上既客入座。不過卡位黎講真係算窄，坐得好迫，呢樣係成餐飯最唔開心既地方😩。我嗌左鹽酥雞肉燥乾拌新竹米粉（米粉要+$3），男朋友因為唔太餓，所以就嗌左細碗滷肉飯，再一人一支冬瓜茶。落單個陣，個侍應無落到落米粉，我地又掛住傾計無check單。到上菜既時候先發現，不過同侍應講聲，佢地都肯轉番比我👍🏻。身為米粉愛好者，無論粗定幼既米粉我都鐘意食🤣，不過撈米粉就一定係用幼身米粉。之前食過另一間台式餐廳，佢地既米粉係好細一碗，食完都好空虛，但老街既撈米粉就好夠份量。除左本身既鹽酥雞同肉燥之外，仲有大豆芽、蔥花、青瓜絲同半條青江菜。佢地既米粉有比足夠既汁，食落唔會太乾，肉燥就好入味。鹽酥雞炸得好香，雞肉好嫩😋。至於男朋友嗌個個滷肉飯，我淨係試左一啖仔（唔係太鐘意食滷肉），不過好香好夠味👍🏻。冬瓜茶甜度都岩岩好，但係送到黎既時候唔

突然想食台式料理，於是捉左個朋友陪我去食位於旺角嘅老街。今次係我第二次食呢間小店，依然冇令我失望。我地點左lunch set既香酥排骨肉燥湯麵🍜同埋鹽酥雞肉燥便當🍱，每款都係$50左右連埋飲品，都幾抵食。試咗朋友嘅鹽酥雞幾唔錯，外層炸粉唔會好多，咬落去雞肉肉質嫩滑都幾juicy。我點嘅排骨都炸得幾好，唔會好油膩，外層的粉亦都算好薄。麵條好彈牙有咬口，落少少辣椒油配搭一齊食就更加好味～香港有好多間台式料理小店，我覺得呢間的水準算中上👍🏻

<<失望的台灣餐廳>>放工同朋友喺旺角食飯，想試新野就隨便找這間台灣料理-老街但服務態度同食物質素都令我哋覺得好失望。首先，由於鋪頭比較小，所以晚餐繁忙時間都要搭枱，我哋都冇問題。但落單的時候，我們就直接講食物名稱，但店員望都唔望我們就講咗一句：講號碼！所以，我哋就搵俾佢。佢完全冇諗住幫手。之後，我哋想要個小碗，叫咗幾個店員先有🙈個碗好似啱啱洗好，好多水漬至於食物，我們就叫咗一碗牛肉麵同兩個小菜。1️⃣紅燒牛肉麵$60個牛肉麵份量都算好正常，但個麵真係唔得，因為個麵好似未煮熟，口感好硬，食到碗底發現有個直頭係麵餅嘅形狀，證明好求其咁着煮，個麵餅根本未煮開😤有2大個麵餅未煮開😔😔😤2️⃣滷味切豬耳$28比較有水準嘅一道小菜，豬耳好爽口好彈牙。不過滷水味比較淡，可以濃味少少3️⃣肉燥青菜$30正常普通生菜，不過肉燥好少，沒有什麼特別，價錢有點小貴總括來講，服務態度有點差😣，餐廳環境比較小，所以坐得比較擠迫，食物質素有待改善，性價比一般！餐牌⬇️

之前已經寫過一篇 咁見搬咗食多次一入門口已經黑口黑面好似我黎食野得罪佢咁叫左一碗牛肉麵 個湯淡到好似水咁 所以啲牛肉都係冇味咁再叫左一杯凍檸水要加$10成個淡牛肉麵餐就$70其實可以去第二間食 非常失望 希望早日結業

睇完戲唔知食o羊好醒起同事話呢間台灣菜都幾正宗,就過來食個late dinner.9點幾其實真係唔係好食得落,所以求其食個麵算,點知我碗麵超!大!碗!三寶肉燥湯麵$57佢D米線好多到我食左好多都好似無食過咁,3寶原來係各款腸/丸x1,其實每款都好惹味好似響台灣食o個D咁,不過咁大碗麵咁少料有少少美中不足.但個湯底又好清好好味wor~好彩有D肉燥浮浮下,令我未至於食淨麵跟餐我選擇左冬瓜茶,阿~呢杯又幾好飲,好解渴唔會死甜,加分加分~~我覺得呢度好適合男士黎食,因為份量大超飽肚,但如果可以平多少少或者出個輕盈餐份量少D嘅就好啦~~