老街 (已搬遷) 新店位置

星期六約左朋友係新寶戲院睇戲所以諗住係附近食lunch 咁岩見到對面有間台灣野好多人排隊就去左試啦！呢間叫老街既台式理料裝修好有特色，好靚好有懷舊feel,岩哂打卡啊！我地兩個女仔叫左一個雞扒便當，紅燒牛肉麵同埋炸豆腐拼鹽酥雞！飲品方面我就點左香濃朱古力，加3蚊就有得加埋珍珠！而朋友就點左水蜜桃茶！首推紅燒牛肉麵！牛肉煮得夠哂軟身好好食，湯底濃郁好入味！不過麵個質地唔似平時既台式粗麵，係比較幼身，有少少似拉麵。而雞扒便當份量好足，好抵食。大大塊照燒雞扒加滷肉飯，仲有半隻滷水蛋嫁！雞扒肉質嫩滑，個皮脆卜卜幾好食！而滷肉飯上面既豬肉略嫌太瘦，唔夠油香！另外仲有店員推介既炸豆腐拼鹽酥雞！兩舊大大舊既豆腐磚，炸到外脆肉軟，配埋酸甜醬加青瓜絲真係好正！鹽酥雞就夠哂香口，要趁熱食啊，雞辣辣食先正兩杯飲品不過不失，無咩特別！總括黎講，味道ok，最重要係野食大份抵食，兩個人食都係百幾蚊，食到超飽！值得一試！

點了紅燒牛筋牛腩麵和鹽酥雞乾拌麵，食物非常一般，湯底太清淡，牛筋有毛，牛腩又韌又蘇。鹽酥雞用了雞胸位置，所以比較鞋。兩個女侍應生黑口黑面，沒有一點笑容。不會再來。

The Food quality wasn’t good. I m so disappointed. It s was Decent in 5years ago. I prefer they can keep it up and improve the food they recommend on Menu. Especially 007 & 008 rice Combo. Me and my friend are sad about the decision we made today in 2018.Will consider another place of Restaurant even pass thru MK.

農曆年假過後晚上幫襯，二人分別點了豬軟骨便當和炸排骨滷肉便當。1. 環境極擠逼。自問不是高人，也要微微側身坐，才不會頂腳 。2. 豬軟骨不是熱，不是暖，是冷的。3. 滷肉份量極少，只有三條掛在飯上。店員說是這樣的了。4. 酸菜有豆豉。台灣口味是這樣的嗎？總之不太對胃口。5. 沒點餐飲。叫了兩杯熱水，都有厚厚的油浮面，不敢喝。埋單後到便利店買喝的。雖然不是貴，但這個價錢在旺角要吃港式台灣菜還是有很多選擇。這老街沒下次了。

因為比店內裝潢吸引左入去食，但幾失望，無下次1. 侍應態度麻麻，明明非繁忙時間，有好多位淨，問聲可唔可以兩人自己坐，都話無呀要搭枱。2. 味道好一般，唔值60幾蚊一碗

見新一年當然買對新鞋過年，琴晚就同朋友去旺角行下；不知不覺已經到晚飯時段 朋友突然講起上次間台灣菜好食又吾貴，我地就二話不說就去左"老街"了！老街果然有不少食客等緊位，相信食物質素一定有保證啊！紅燒牛肉麵：湯底十分濃郁，令到整碗麵好惹味；麵質爽口又彈牙，軟硬適中，份量同樣足夠；重點既紅燒牛肉好林身，而且吸入吾少湯汁，一咬落去 口中可以感受到湯和牛既味道，十分美味啊！推介～木魚炸豆腐：依款食品系朋友必推介比我食，豆腐好大舊；經過炸既過程，豆腐外脆內軟，外層口感十分香脆；上面有些少醬汁令豆腐味道不會單調！夜市小香腸：又是一樣推介食品！小香腸好實肉，味道甜甜的；相信大人同小朋友一定系最愛！滷味切豬耳：如果大家中意食啲有咬口既野，就要試下豬耳啊！豬耳好入味，而且有口感得黎，又吾會太硬；仲帶少少爽口！酥脆鹽酥雞：雞粒不油膩，顏色是金黃色的，帶有肉味；的確是台灣的味道。泡沫紅茶（另加：椰果）：大大杯，紅茶香口；仲可以加自己中意既配料入去飲；果然不錯！

最近愛上了喝台式飲料，今次到旺角食飯，決定來這間店試試！由於是星期六，客人比較多，我們等了5分鐘才入座。然而我們走進了店舖的最後位置，餐廳位置普遍比較狹窄，沒有地方擺放東西。餐牌設計吸引，有各式各樣的台式食物，如米飯、湯麵、小食、台式飲料等。台式滷肉飯（小碗）賣相普通，看似沒有足夠的滷肉及醬汁，但原來已滲透在下層的飯裡！味道不錯，略嫌豬肉較肥，醬汁味不夠濃郁，醬汁令到米飯偏油。紅燒牛腩牛筋麵賣相吸引，牛腩肉質嫩滑，一咬就鬆開，而且炆得入味，令我喜出望外的是麵質並不是軟身的，是有彈牙的口感！伴菜紅蘿蔔也十分好味，吸收了湯底味道，十分清甜！小香腸拼鹽酥雞鹽酥雞呈球狀，外皮不會很厚重，酥脆可口，不會太鹹，而且雞肉質感鮮嫩。香腸也不錯，也是外皮脆口的！珍珠奶茶這個是我最期待的，但是有點失望...我點了少甜少冰，但味道卻像走甜，這杯珍珠奶茶沒有什麼味道，而且珍珠比較細，也是沒有甜味的。香濃朱古力這是普通的朱古力味，沒有想像中的濃味，沒有太大的要求還可以吧！總括而言，這間餐廳的食物質素也不錯，而且價錢相對適中，唯一美中不足的是地方比較淺窄，我們每次吃掉一碟後都要店員來收碟。

今日同朋友嚟咗位於豉油街嘅老街，叫得老街，令人諗起往日嘅台灣淡水老街、內灣老街等。裏面嘅裝飾好有懷舊之情，好配合餐廳嘅名。我同朋友入咗去就睇餐牌，比起其他餐廳，台式飲品的選擇來得豐富。餐牌也做得很精美，圖片豐富。我們先來了一個涼伴拌小黃瓜，手帕青瓜的味道酸酸甜甜的，黑醋味十分深得我心，爽口的東西能開一開胃。主食方面選擇都多，並且唔貴，幾十蚊就有一碗麵。朋友點了滿漢大塊牛肉乾拌麵$68，佢話整體味道都幾特別，甜甜地，啲牛肉好軟林，好好食。+$6 酸菜而我就嗌咗鹽酥雞肉操湯麵$48，鹽酥雞炸得脆卜卜，同時亦唔會太鹹。湯麵熱辣辣上枱，冬天食真係一流！整體來講，個麵味道啱啱好，唔會話太濃郁，配上鹽酥雞就啱啱好。飲品方面我哋分別叫咗香芋奶茶$18同埋珍珠奶茶（加胚牙少甜）$15，兩杯飲品都係偏甜，珍珠都是甜甜的！

是日 心情mamaM小姐對我實在太好了即刻2話不說就出左黎陪我借耳仔聽我呻 我就搵左呢間台灣野試試入到去 d位其實好逼下 枱同枱之間都幾近我mama地喜歡啦睇完餐牌 同M小姐叫左2個main一個小食滿漢大塊牛肉麵 （貪佢乜都有d)蒜香豬軟骨便當（對 我鐘意蒜香）炸豆腐拼鹽酥雞冇叫野飲 因為唔太好台式飲品 太甜啦炸豆腐拼鹽酥雞份量2個人黎講就岩岩好鹽酥雞同豆腐都炸得好好 唔會過油仲保持到外脆內軟👍🏻👍🏻蒜香豬軟骨便當Er....便當同我想像中好大出入豬軟骨唔夠入味 又冇乜蒜香👎🏻👎🏻值得一提個菜甫幾好食（又搞錯重點）個蛋唔入味👎🏻👎🏻滿漢大塊牛肉麵係乜都有d ge貢丸 墨魚丸 牛根 牛肉 蘿蔔太重味精啦 食完好口渴個面係煮得唔錯ge 面質有咬口但個湯㡳係敗筆👎🏻👎🏻👎🏻唔洗100一個人 係ok ge不過位真係太逼 太細 又多味精

豉油街有間台灣菜晚市都只係五十零蚊碗麵每碗都多肉非常抵食肉無論係豬定雞都係酥炸同豪大大差唔多味而飲品特飲跟餐只係加8蚊嗌咗杯香芋珍珠奶好粉好甜芋頭味好濃好好飲蕃茄湯底成日都好驚啲餐廳會過酸或者蕃茄味太人工但佢個湯底好味亦好開胃

其實台灣野黎講，我覺得香港得阿元來了做得比較好，不過兩間都唔係好就腳......聽講旺角都開左間所以就黎試下啦！平日黎食都滿座 仲有人等！幾受歡迎～入面裝修都幾靚，有舊式台灣風味嗌左兩個前菜小食，一個係青瓜另一個係豬耳個青瓜做得幾好，爽口！味道又夠個豬耳係好好味！好入味！小食就嗌左鹽酥雞同台灣腸個鹽酥雞就不過不失，炸得幾好幾酥，不過有小小乾但係個台灣腸同台灣食果啲一樣！！正主食就叫左個細嘅滷肉飯同紅燒牛肉拌麵兩個都好好食滷肉飯多啲汁撈飯就更正喇拌麵麵質夠彈牙，又入味，但食到尾果啲就太多汁有啲咸重點係！呢間野一啲都唔貴價錢合理 抵！

筆者很喜愛到台灣，亦很喜愛台灣的文化風情，不過因為時間關係幾乎半年都沒有到台灣了。今次經過旺角時，看到有一間叫老街的餐廳，主打台灣美食，終於忍不住決定要進去試試。在香港很難找到台灣的味道，中伏都很多次了，但是總是很愛吃台灣美食，就算是深淵也要繼續跳下去吧。人流很多，不過等了一陣子就能就坐了，然後簡單的叫了一些東西。剛拿過來的是切大腸及切豬耳，這個價錢在香港份量算很多了，大腸很乾淨，吃下去的口感不俗；而豬耳就黏而脆，非常可口。滷水的味道不錯的，不會太鹹。另外一個是鹽酥雞，這個有點失色，因為雞肉不夠嫩，但炸得脆脆的，跟台灣的不相伯仲。再來的就是牛肉麵！剛拿上來的時候就嗅到湯頭濃濃的香味，先嚐一口湯，嗯果真是台灣的味道啊。牛肉肉質軟綿多汁，配搭著麵條吃完全是絕配，這是今餐最佳的美食了。最後上來的是雞扒滷肉飯。雞扒的水準不錯，肉汁保留了，而且雞皮吃起來不太膩；滷肉飯也不錯，但配搭就有點貼近香港人口味，不算太台灣味，不過味道上還是不錯的。如果再來吃的話，我會選擇牛肉麵，因為能讓我一解「思鄉情懷」呢！

睇左openrice 有咩台灣食肆推介有間係旺角噤近一於去試下店鋪環境舒適不過最緊要都係醫肚嗌左一麵一飯一個拼盤通通都唔失望，而且覺得係食過台灣野食最好食。首先係我碗牛腩牛筋麵湯都好好飲，硬係覺得個湯用左好多料淆制而成牛肉超嫩麵又彈牙連小唐菜都好新鮮至於飯香酥排骨真係好入味，食到津津有味瞬間ko左個飯牛肉拼盤食到lam lam 脷，明明自己碗麵都係呢啲都要嗌就知幾好食重有呀，又係唔收加一大家如果想飲野，熱飲+8，凍飲+10,特飲+12只不過我地無叫姐

見openrice評分不錯才前往，結果是失望。紅燒牛肉麵是不錯的，湯底不太鹹，如喜歡酸菜，略嫌較少，牛肉不老，軟硬適中，有牛肉香味。鹵水豬耳，見餐廳推介才叫，但完全沒有鹵味，可以講是無味，而且豬耳黏在一起，感覺廚房沒有好好處理，只是在豬耳上灑上芝麻，但芝麻味也缺乏。黃金脆薯，是炸黃蕃薯，但完全沒有黃蕃薯的甜味，加上炸得油膩感重，入口就只有油味。還有叫了一個台式香腸飯，香腸是正常，沒有特別，但飯汁未能欣賞，不像鹵肉，上面又灑上粟米等。整體不推薦。

🍜🍜豬軟骨肉燥乾拌麵$55🍜🍜好大碗仲好多豬軟骨軟骨同肉比例好好 軟骨細細但好多肉煮得夠淋入味 一淋一脆 我好like😍肉燥調味亦都好 好適合撈飯/麵👍麵條滑同時帶韌度 假如再粗啲會更好配有清爽嘅青瓜絲 同場推介辣油👏👏要問店員先有💁非常香但唔麻唔會刺痛🔥好想買走😂😂.🐣鹽酥雞(細)$30🐣炸得外脆 但可能因為炸皮太薄/肉太細 所以略嫌肉質有點乾🙊 (係我眼中 鐵牛嘅鹽酥雞係無敵).再加多個大大杯嘅凍梅子汁$12非常清涼🍁🍁🍁