老街 (已搬遷) 新店位置

想台北了！大家會唔會有時突然有一刻好想食某國家既菜，個日突然好想食台灣菜，於是我就去左食左數片已經數多次既老街到食午餐，因為佢性價比真係超高，加上餐廳既環境、氣氛同服務都不錯，所以我蠻喜歡黎呢間台式餐廳！黎到老街，第一樣野要叫既係「紅燒牛腩牛筋麵」，首先要講下個湯底，呢個湯底牛味好濃，估計應該花左d心思！再說，牛筋真係非常棒，個口感好正，食緊骨膠原咁☺️牛腩都幾嫩滑，加上因為本身湯底好濃，所以唔多唔少都浸入左d精華落牛腩裡面！而我朋友就叫左呢個「台灣滷肉飯」佢有分大碗同細碗，因為我朋友不太餓，所以只係叫左個細碗的！飯上面既菜圃撈埋飯一齊食，變得特別開胃，再加埋肉碎同埋豬油，真的 不 得 了 ！

琴日星期日去左食一間台灣野香港雖然都幾多主打台灣既餐廳，但真正好味同係出自台灣的並不多！琴日記去左一間向來都人來人往既「老街」先來一盤小食拼盤，就係鹽酥雞加台灣腸，呢個拼盤真心唔錯，兩樣都係台灣超熱門既小食，兩個既份量都幾多，鹽酥雞上台時，仍然是熱哄哄，還炸得成黃金，味道非常惹味！台灣腸切左片，一片片大家食食下就好快食光了。主食方面，我就點左個蕃茄牛肉麵，有睇開我既食評既話，都會知道我係蕃茄既愛好者，愈濃愈喜歡！呢到既蕃茄湯底都幾濃，重點係超級清甜！牛肉就有幾片，性價比都幾高！

基本上，每次在旺角要考慮吃什麼，也是10分困難。現在的旺角全是放題店，想找點有質素的輕食餐廳，也有點困難。老街是一間隨心路過的餐廳。內裏的一如以往不要期望位置寬躺，這也可能是一貫旺角格局吧。來到台式餐廳，來一杯台灣珍珠奶茶是指定動作。奶茶味很有台灣的感覺，偏甜，可惜珍珠比較軟淋，欠缺咬口。麻辣鹽酥雞麵比較失望，因為所謂的麻辣湯底只是在普通的清湯上加上額外的辣椒油，與台灣的實在相差太遠。可是麵質十分好，不會過淋，為整碗麵生色不少。鹽酥雞共有六粒，味道與豪大大的有九成相似，仔細看外層的炸粉亦和豪大大相似，是向他們入貨的嗎？半筋半肉牛肉麵比較失望，兩件牛筋是屬於比較硬的一種，味道亦淡。牛肉比較乾，但有4大件。總括而言，以價錢質量來說，老街算是旺角可取之一。

約左朋友食飯 黎到旺角見到有台式嘢食喎 咁岩又好想食 咁就坐底左 裝修都幾有台式既氛圍 牆上都掛滿左相片 都幾特別 坐落都幾舒服 食物方面 就叫左個細既魯肉飯 因為驚個飯太多試唔多其他菜式 魯肉都算多 份量足夠 之後我地叫左一d 小食 有花枝丸同豬大腸 花枝丸都幾彈牙 又有口感 有四粒 我同朋有一人兩粒岩岩好 豬大腸食落煙煙unun 都好食既 飲品方面 我就叫左台式奶茶 奶味唔係好重 但都飲得出 個人口味覺得唔錯 因為我鐘意茶味濃d既奶茶 整體黎講都幾好食 有台式風味 環境舒適 係同朋友傾計食個飯既好地方

今日係旺角同朋友睇完戲去行左陣街 之後個個都開始覺得有啲肚餓 但大家都冇乜idea想食乜野 咁我就提議大家不如打開個open rice拎下靈感啦 其中有個朋友就search到今日要同大家介紹既呢間老街喇 一入到門口就覺得佢地啲裝修幾特別 幾有特式 我地坐低之後大家都因肚餓既關係 好快就決定好食啲咩 好快仲已經落埋單 我個人幾中意食佢個麻辣牛筋牛腩麵 夠辣味之餘又唔會掩蓋左湯底原來既品味 至於個鹵水豬大腸就正正常常 反而杯咖啡俾到我驚喜 佢唔似一般茶餐廳好嚡口之餘又好澀 佢呢杯入口感覺幾好 值得大家一試

呢排又好掛住食台灣野，所以特登去搵台灣好嘢食，就嚟到旺角嘅老街！呢間嘅招牌菜係牛肉湯麵🍜就試吓啦，估唔到呢個招牌牛肉麵嘅湯底濃得來一啲都唔油膩，而且啲牛肉炆得好軟熟，一啲都唔韌，食到停唔到口呢。另外帶咗個木魚炸豆腐～一個字：正！啲木魚包係豆腐外面炸～連埋啲酸酸甜甜嘅好似醬，咬落去唔覺油。呢間鋪頭嘅嘢食價錢大眾化，又大碟～兩個人食完都係每人都約80蚊～唔使特登去台灣覓食！下次一定再返嚟！😘😘😘

今晚同friend來旺角行街街，行到差唔多兩個都肚餓，見間台式餐廳好多人排隊食，試下先。首先叫小菜咬下先，有鹵水豬耳絲，鹵水味滲入曬個豬耳耳入面，十分夠味，入口又軟又爽脆。好食…再來涼拌小黃瓜，唔似平時蒜拍黃瓜，拍碎切，而係一條條咁，咁食更脆。最後有木魚炸豆腐，呢個真心好食。木魚片包住粒豆腐囉去酥炸，淋上小小醬同黃瓜絲。一口咬落去，木魚片香，豆腐滑，完全係內軟外脆。勁好食~來到面食啦，我叫左個肉燥豬手新竹米，熱辣辣清湯底鮮美，配上軟霖既豬手，香噴噴肉燥。勁大碗哦。真係抵食好滋味。而friend就叫左個香酥排骨肉燥撈麵，用左拉麵做底口感好彈口，撈埋肉燥更好食。個排骨酥脆到不得了，咬薯片咁，香口唔肥，肉又唔鞋，好滿足~至於嘢飲，我地叫左杯珍珠奶茶share，好好飲啊，奶香茶味足，最緊要唔甜。珍珠又好柔韌，有咬口。食飽飽，個人暖立立，埋單都係200蚊，完全食到淡水老街既風味~正正正!

我和朋友6點半來吃飯，人不算多，但7點已經坐滿了，香港人睇一個地方好唔好食就係睇佢多唔多人食。睇黎今次無揀錯！整體而言，此處的食物都幾有台灣風味，量足，味偏濃，岩哂我呢啲重口味既人！我比較餓，所以點了一個蒜香豬軟骨便當，真的很有便當的感覺，因為在重口味隔離有一些「小清新」，加了不少粟米，酸菜和紅蘿蔔，有小朋友便當的感覺。豬軟骨少少偏肥，但味道很好，配埋「小清新」食就剛剛好。值得一提的是，我朋友食左肉燥豬手面轉新竹米粉，超好食，湯和米粉好入味，米粉又幼，雖然我的也不錯，但我都偷食左佢好多啖。豬手唔係炆得好林個種，但亦唔係好硬，煙煙韌韌幾有咬口！鹵水味都好香！配湯米食剛好！份量有4件，比我想像中多！我們還另點左兩個小食，一個鹵水拼盤，一個涼拌黃瓜。個人比較喜歡後者，很厚身爽口，味道調得剛好，酸味唔會太過，而且小食價錢都幾便宜。至於拼盤勝在款式多，味道最好是鹵蛋，真係好入味！其次是豬耳，很爽口。豬腸我好喜歡餐廳既貼心，切得好幼，好易入口，同平時食既大大啖質感唔同。牛筋我吃不了，朋友說都幾好食。這裡有一樣特別好，上菜速度非常快，五分鐘已經上齊所有食物。繁忙時間店員服務都唔錯，在旺角食飯，這裡是

老街就喺平時掃街附近，位置幾易揾，今次黎試係因為覺得裝潢幾靚幾特別。蕃茄牛肉麵（$65）賣相好靚，但唔係我想像中嗰種蕃茄味。個湯好濃蕃茄醬味，好甜，唔係鮮蕃茄嗰種味。入面得幾片蕃茄，而且好酸。啲牛肉好軟身，但口感較黏，唔太鐘意🙈滿漢大塊牛肉乾拌麵（$68）花枝丸同貢丸好好味😋好彈牙！而且好重墨魚味。牛筋一般，牛肉都係黏身。啲麵撈埋汁好咸🙈食到好口渴。總結黎講唔太鐘意啲食物，應該唔會再幫襯🙈

上個月去左台北，而加仲係好Holiday Mood，好掛住台灣既野食，咁岩約左兩個朋友係旺角食下午茶，點都要食台灣菜係出面見到Ｍenu已經好肚餓啦裝修都幾有台灣味道，可惜無得飲台灣啤酒啦我點左紅燒牛腩牛筋麵，可以+$3 轉新竹米粉，米粉份量足，牛腩好入味，牛筋好彈牙，無得輸!我朋友點左肉燥豬手湯麵同埋鹽酥雞麵，鹽酥雞炸得香脆，唔會太鹹，由於比我地偷食左大半，於是叫多個細份的鹽酥雞小食，好正，好似係台灣夜市食到的味道!我地太為食，之後又叫左花枝丸、炸豆腐同埋小黃瓜小食，花枝丸好香花枝味，不過得4粒，唔夠比我地分! 炸豆腐上面有木魚，配埋醬汁好醒胃，值得一讚係小黃瓜，爽脆、酸香入味! 我地簡直想叫多幾碟。餐飲我飲左香芋奶茶加珍珠，甜度適中，珍珠食落好有口感，又係以為係台灣飲咁下次真係唔駛去台灣了，原來去旺角已經有咁正既台灣野食，10個Like!

前兩日諗住去旺角睇戲前搵啲野食，成條街都係人好逼所以去咗豉油街後少少啲餐廳，作為貧窮在職人士既我食唔起西餐，台灣野就係best choice喇😋入到老街，覺得都幾光猛新淨，繁忙時間關係要撘枱，講真係有少少逼😐冇辦法啦，土地問題。食台灣野一定唔可以唔食炸雞啦～我叫咗一個炸雞拌麵，送香芋奶茶。炸雞大大塊，好香脆，味道冇出面咁咸我覺得啱啱好👅👅不過香芋奶茶甜咗啲，好似溶咗既雪米糍⋯⋯之後仲有肉燥飯，講真台灣食肉燥飯真係平好多，諗起都覺得少少肉赤...講返個飯，呢個肉燥飯好大份啊，肉汁既味道唔會一味得個咸字，仲有啲鮮甜，肉燥同飯比例啱啱好，適合撈飯食😋😚我加咗少少錢要洛神花茶，佢既酸甜中和咗肉既膩 goodddd啊！咁樣食到飽一飽圍埋都不過百零蚊，整體而言抵食！💕

成日都覺得旺角依家冇咩好食, 一係就做遊客生意又貴服務又差。不過最近發現原來好多新餐廳開咗係旺角東站附近啊。尋日又走咗去試多一間台式餐廳。七點半左右到, 鋪頭都幾近坐滿。一入到去就覺得自己好似離開咗嘈雜既旺角, 裝修以木材為主, 加上少少草皮裝飾, 地方小小, 但有一種溫暖同放鬆既感覺。我地兩個人叫咗都幾多野食, 先黎小食豬耳~ 細細份可以咬下當前菜, 都幾開胃架跟住呢個五味茄子係誠意推介, 茄子配上日式既木魚同特製醬汁,有少少茄汁既感覺酸酸甜甜咁。茄子本身味道冇被掩蓋又增加咗唔同層次既味道。就咁撈飯食都一流啊! 而確實, 同行既朋友係叫咗大份既肉燥飯既。肉燥既味道同白飯真係好夾。醬汁濃而不膩, 仲要唔係得煮到爛既肉碎, 每一啖肉燥都口感豐富而滑嫩, 香氣令人食指大動我心血來潮忽然想食辣, 於是叫咗麻辣豬軟骨麵。嘩佢未放到上台我已經聞到陣麻辣香味喇!!個湯唔係話真係好辣, 對我黎講啱啱好, 不過食開酸辣粉大辣既人就可能要加辣喇。豬軟骨份量十足, 食完個麵其實都飽哂。但食台灣野真係唔少得要叫鹽酥雞既。餐牌上面有淨鹽酥雞同拼盤, 朋友想食台灣腸所以我地就拼咗兩樣黎食。台灣腸真係好好食, 煎

放學同朋友經過旺角辦完事，友人提意食台灣嘢就試過呢間老街。午餐時間都要等一陣先入得，大概等咗十分鐘左右。我哋两個都點咗碗牛肉麵，可以免費加多一杯熱飲都幾抵。碗麵外觀唔錯牛根腩都有三至四舊，第一淡當然係試下個湯先啦！好鬼淡嘅牛肉味，然後再試下個牛根腩明顯就炆得唔夠時間導致非常硬，好辛苦先咬得開。。。成碗麵最精髓嘅湯同牛根腩我覺得都唔合格，真係有點兒失望。。。不過店員服務態度係幾好，上菜速度都算快，價錢合理都算係咁啦。

一段時間沒有吃過台灣菜，十分想念，上星期就心血來潮，約朋友去旺角『老街』晚飯。餐廳地方不大，亦不能久坐，但坐得尚算舒適。在裝潢方面也瞥見用心，石灰牆上貼滿懷舊海報，配合著一首首輕柔的台灣舊歌，彷彿把人帶到老寶島。一坐下，飢餓轆轆的我們立即點菜！台南滷水豬手便當($58)豬手有四大件，每件都滷得入味又軟腍，調味剛好。豬手外皮滑嫩充滿膠質，內裡肉質嫩滑，簡單配上粟米以及淋了滷水汁，已經十分送飯。滿漢大塊牛肉乾拌麵($68)材料十分豐富，包括金錢肚、牛𦟌、貢丸、花枝丸、牛腩、牛筯，適合樣樣都想試的我們。牛腩炆得軟腍入味，毫不嚡口，牛筯口感爽滑，牛魔王必愛。我最愛作為配料的蘿蔔，香甜入味！拌麵口感彈牙有勁，不是淋身那種，每條麵都掛上了香甜的醬汁，十分滋味。夜市小香腸($28)一向喜歡吃台式香腸，索性點一客大快朵頤！價錢不園但份量也足，吃得滿足！滷味切大腸($28)清洗豬大腸毫不容易，如此複雜的過程當然最好在餐廳享用啦。滷味豬大腸很腍，完全吸收滷水的精華，味道甜甜的，十分討好。面頭撒上芝麻碎，令味道更加提升。這兒的台式飲料水準也高，推介珍珠奶茶！

諗住去貴川食米線, 但太多人了, 還要排隊, 都唔知等幾耐, 惆悵之際,  發現斜對面, 有間台式食肆-"老街" , 唔洗等人很多, 坐位跟貴川一樣, 都是超擠迫, 坐得不太舒服, MENU比貴川靚好多台式食肆的招牌牛肉湯麵, 當然要試,  兩款也很吸引紅燒牛肉麵$58, 賣相跟相片有點距離麵質較硬，牛肉不太腍且欠缺牛肉味，湯底淡，酸菜也淡淡的紅燒牛腩牛筋麵$58 牛腩牛筋就相當腍, 很有咬口, 肥瘦適中, 不錯!!! 但始終湯底較淡, 味道頗失色豬手都相當腍 但無咩肉, 醬汁味道都係偏淡 台式珍珠奶茶味道只是一般, 無咩特別